Со терэлпэ лэ манушэнца, савэ мулинэ?

Фартэ ԥарэс, кала лэ манушэс будэр нинай. Андэ кацави ԥари время разни гиндоря: «Со терэлпэ лэ манушэнца, сар лэн на ашэл? Диқаса кодэлэ манушэн инке варикала?» Андэ кадэя и авэр ӷлава уӷанаса, со пала када пистромэ андэ Библия.

1. Со терэлпэ лэ манушэнца, сар лэн на ашэл?

О Иисусо сыстосардя и смэрть лэ сунэса. Кала о мануш совэл, во на ӷанэн, со терэлпэ круӷом лэстэ. Кала мануш муля, лэстэ ужэ нисо на дуқал, во ужэ нэ можэт тэ любий, тэ скучий пала пэско ери и друӷоря. Андэ Библия пистромэ: «Кодэла, ко муля, нисо на ӷанэн». (Адиносар Экклезиаст 9:5.)

2. Сости тэ ӷанас о чачимос пала кодэла, кас ужэ нинай?

Бут мануша даран ла смэртятар и кодэлэндар, ко муля. И алава анда Библия пала кодэла, ко мулинэ, дэна спокойство по ди. О Иисусо ԥэндя: «О чачимос дэла тумэнди свобода» (Иоанна 8:32). Дэсавэ веры ԥэнэн, кабута о мануш можэт тэ жувэл посли кода, сар лэс на ашэл. Но и Библия кадэлэсти на сытярэл. Важ када на трэбуй тэ пэрэжываем пала кодэла, кас ужэ нинай. Вонэ на мучинпэ и амэнди нисо нэ моӷут тэ терэн. Важ када на трэбуй тэ мангэнпэ пала лэндэ, тэ мангэн лэн, тэ тэлён лэнди или тэ помэнин лэн.

Дэсавэ мануша патян, кай моӷут тэ дэн дума кодэлэнца, ко муля. Амэ уӷанглям, кай када нэ можэт тэ авэл. Па чачимастэ вонэ дэн дума лэ найвужэнца, савэ притерэнпэ лэ манушэнца, савэ мулинэ. Вижал, если амэ ӷанас, со терэлпэ лэ манушэнца посли кода, сар лэн на ашэл, када фэрий амэн лэ найвужэндар. О Иегова камэл тэ фэрий амэн и важ када ԥэнэн амэнди тэ на дас дума кодэлэнца, кас будэр нинай. Во ӷанэн, кай кадэлэстар можэт тэ авэл бида. (Адиносар Второзаконие 18:10—12.)

3. Уӷанаса о чачимос пала кода, со терэлпэ лэ манушэнца, кала лэн на ашэл

Па вся и люма и мануша гиндон по разному пала кода, со терэлпэ лэ манушэнца, савэ мулинэ. Но най вся анда када чачимос.

• Ай андэр со патян и мануша котэ, кай ту жувэс?

ВИДЕО: «Со терэлпэ лэ манушэнца, савэ мулинэ?» Набут анда видео (1:19)

Адиносарам Экклезиаст 3:20 и подам дума пала вопросоря, савэ май тэлэ.

• Со терэлпэ лэ манушэса, савэс ужэ нинай?

• О мануш жувэл инке варикай посли кода, сар лэс на ашэл?

Андэ Библия пистромэ пала лэ Иисусоско друӷо пала Лазарё, саво муля. Адиносарам Иоанна 11:11—14 и шам сама, со о Иисусо ԥэнэнас пала лэ Лазарёсти смэрть. И тоди подам дума пала вопросоря, савэ май тэлэ.

• Соса о Иисусо сыстосардя и смэрть?

• Со амэ полям анда лэ Иисусостири дума пала кодэла, ко мулинэ?

• Со ту гиндос пала кода, со ԥэндя о Иисусо пала смэрть?

4. Васо амэнди трэбуй тэ ӷанас о чачимос пала мануша, савэ мулинэ?

Через кода, кай амэ ӷанас о чачимос, амэ парашас тэ дарас кодэлэндар, кас ужэ нинай. Адиносарам Экклезиаст 9:10 и подам дума пала вопросо, саво май тэлэ.

• Моӷут и мануша посли кода, сар вонэ мэрэн, тэ стерэн амэнди вэрыто?

О чачимос анда Библия кадяжэ фэрий амэн лэ хохаимастар, саво исин андэ хохавнэ веры. Андэ Библия пистромэ, кай о мануш, савэс будэр нинай, нэ можэт тэ холявэл, и важ када лэсти на трэбуй тэ тэлён и варисо тэ терэн важ лэстэ, кай во тэ на стерэл нисо вэрыто. Адиносарам Исаия 8:19 и Откровение 4:11 и подам дума пала вопросо, саво май тэлэ.

• Сар о Иегова диқэл пэ кодэла, ко тэлён лэ мулэнди или мангэн, кай вонэ тэ поможын?

5. Амэн подритярэл, кала уӷанас о чачимос пала кода, со терэлпэ манушэнца, савэн нинай

Лэ манушэн сытярэн, кай кала о мануш будэр нинайло, во мучийпэ андо адо, кай терэлас варисо най кадя. Ай амэ ӷанас, кай када най кадя, дажэ если о мануш андярэлас пэс фартэ найдраго. И кадэлэстар амэнди вушэро по ди! Адиносарам Римлянам 6:7 и подам дума пала вопросо, саво май тэлэ.

• Если андэ Библия пистромэ, кай кала о мануш мэрэл, лэсти простинпэ лэстирэ ӷрехоря, тоди во мучийпэ варикай или най?

Со май драго ту лэса тэ уӷанэс лэ Иеговас, со май драго ту полэса, кай во никала на домэклоп, кай о мануш, саво ужылятар, тэ мучийпэ андо адо. Адиносарам Второзаконие 32:4 и 1 Иоанна 4:8 и подам дума пала вопросоря, савэ май тэлэ.

• Можэт кацавэ Дэвлэсти, сар о Иегова, тэ чалёл, кай о мануш, савэс на ашэля, тэ мучийпэ андо адо?

• Ашэл май вушэро кодэлэстар, кай ӷанас о чачимос пала кода, со терэлпэ лэ манушэнца, савэн будэр нинай? Васо?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай кала о мануш мэрэл, во парашэл тэ жувэл, во на мучийпэ андо адо и во нэ можэт тэ терэл нисо вэрыто.

Сар ту гиндос?

• Со терэлпэ лэ манушэнца, савэн ужэ нинай?

• Васо трэбуй тэ ӷанас о чачимос пала кодэла, кас на ашэля?

• Васо амэнди ашэл май вушэро кодэлэстар, кай ӷанас о чачимос пала мануша, савэ ужылэтар?

ДИК ИНКЕ

Со пала «душа» пистромэ андэ Библия?

«Со када душа?» (статья по сайто)

Мучий о Дэл лэ манушэн андо адо, кай ԥабон? Уӷан пала када.

«Исин о адо, кай ԥабон?» (3:07)

Трэбуй тэ дарас кодэлэндар, кас ужэ нинай?

«Чаче кодэла, кас будэр нинай, инке варикай жувэн, и моӷут вонэ тэ поможын чи тэ стерэн вэрыто?» (брашура)

Уӷан пала ек мурш, саво уӷангля о чачимос пала кода, со терэлпэ лэ манушэнца, савэн на ашэля.

«Мэ патяем через кода, со пистромэ андэ Библия» («Сторожэво башня» лэ 1 февралёстар пала 2015 бэрш)