Ко када о Иисус Христос?

1, 2. а) Васо, кала амэ варикас ӷанас па алавэстэ, на сыкавэл, кай амэ лэс драго ӷанас? Росԥэн. б) Со и мануша гиндон пала Иисус Христос?

ПЭ ЛЮМА бут ашунглэ мануша. Дэсавэн ту ӷанэс па алавэстэ. Но кода, кай ту ӷанэс лэнго алав, на сыкавэл, кай ту лэн драго ӷанэс. Васо? Важ кода кай па лэ манушэско алав на полэса, сави лэстэ и жызня и саво во исин.

² Файма, ту варисо ашундян и пала Иисус Христос, хоть во и жувэлас варикай 2 000 бэрш палпалэ. Бут мануша на ӷанэн, ко сас о Иисусо па чачимастэ. Дэсавэ мануша ԥэнэн, кай во лашо мануш, дэко гиндой, кай во пророко, ай дэсавэ гиндон, кай во Дэл. Ай со гиндос ту? (Дик и ссылка 12.)

3. Васо амэнди трэбуй тэ уӷанас пала Иегова и пала Иисус Христос?

³ Амэнди трэбуй тэ ӷанас о чачимос пала Иисус Христос. Васо? Андэ Библия пистромэ: «Кай тэ авэл вечно жызня, трэбуй тэ уӷанэн тут, еқэ чачунэ Дэвлэс, и лэ Иисусос Христос, савэс ту бишалдян» (Иоанна 17:3). Кала амэ уӷанас о чачимос пала Иегова и пала Иисусо, тоди амэ жуваса вечно андо раё пэ ԥув (Иоанна 14:6). Тэ уӷанас пала Иисусо инке фартэ трэбуй, важ кода кай во со май драго сыкадя, сар трэбуй тэ жувас и тэ обжаспэ аврэнца (Иоанна 13:34, 35). Анда пэрво ӷлава амэ уӷанглям о чачимос пала Дэл. Ай андэ кадэя ӷлава амэ уӷанаса, со пистромэ андэ Библия пала Иисусо.

«АМЭ АРАҚЛЯМ ЛЭ ХРИСТОС!»

4. Со сыкавэл о алав «Христос»?

⁴ О Дэл дя алав, кай пэ ԥув авэла о Христос. Пала када пистромэ андэ Библия. Пэ ӷреческо шыб о алав «Христос»a сыкавэл кодэлэс, кас о Дэл витидя, кай во тэ стерэл и дила, сави никастэ и никала на сас. О Христос стерэла вся, пала со о Дэл дя алав. Инке кода, кай о Иисусо витиндя амэн, поможый амэнди ужэ адес. Инке, сар о Иисусо на арақаделяпэ, бут мануша пушэнас: «Ко авэла о Христос?»

5. Патянас лэ Иисусостирэ ученикоря, кай во о Христос?

⁵ Лэ Иисусостирэ ученикоря патянас, кай во Христос (Иоанна 1:41). О Симоно Пётро ворта ԥэндя лэ Иисусости: «Ту о Христос» (Матфея 16:16). Ай васо амэ патяс, кай о Иисусо, када о Христос?

6. Со стердя о Иегова, кай и мануша, кастэ лашо ди, тэ ӷатярэн, ко авэла о Христос?

⁶ Лэ Дэвлэстирэ мануша запистросардэ бут кода, со сас трэбуй тэ авэл лэ Христоса. Када сас запистромэ, сар инке на арақаделяпэ о Иисусо. Ԥэнаса, тут манглэ па вокзало тэ залэс манушэс, савэс ту никала на диқлян. Сар варико драго тэ росԥэндоп тути, саво кодэва мануш пар пэстэ и сар во утидо, тоди ту йто ӷатярдоп лэс. Кадяжэ и о Иегова драго росԥэндя через пэстирэ мануша, со авэла тэ терэл о Христос и со лэса авэла. Кода, со ԥэнэнас о Иегова пала Христос, сас лэ Иисусоса. Када поможый лэ манушэнди, кастэ лашэ одя, тэ уӷанэн, кай о Иисусо, када о Христос.

7. Со доԥэнэн, кай о Иисусо, када о Христос?

⁷ Акэ дуй кода, со трэбуй сас тэ авэл лэ Христоса. Пэрво, лэ Дэвлэско мануш о Михеё пистросардя, кай о Христос арақадёлапэ андо найбаро форо Вифлеемо. Када сас запистромэ пала 700 бэрш, сар инке на арақаделяпэ о Иисусо (Михей 5:2). Ай, кай арақаделяпэ о Иисусо? Андо Вифлеемо! (Матфея 2:1, 3—9). Дуйто, лэ Дэвлэско мануш о Даниило ԥэндя, кай о Христос авэла андо 29 бэрш лэ И. Х.b (Даниил 9:25). Када кати дуй, со доԥэнэн, кай о Иисусо, када о Христос, пала саво о Дэл дя алав. (Дик и ссылка 13.)

8, 9. Кала о Иисусо болделя, со сас кацаво, со допэндя, кай во Христос?

⁸ О Иегова екжэно сыкадя, кай о Иисусо, када о Христос. О Дэл дя алав, кай сыкавэла знако лэ Иоанности Крестителёсти. Кадэва знако сыкадоп, ко исин о Христос. После кода, сар арақаделяпэ о Иисусо андо 29 бэрш, о Иисусо авеля каринг и лэн Иордано, кай тэ болдёл. Тоди о Иоанно додиқля кадэва знако. Акэ со пала када пистромэ андэ Библия: «Кала о Иисусо болделя, во вазгляпэ анда паи. Тоди ԥэрнаделяпэ о нэбо и о Иоанно додиқля, кай лэ Дэвлэско духо, саво сар ӷолубо, змэкэласпэ по Иисусо. И о ӷолосо па нэбо ԥэндя: „Када мэрно любимо шаво, саво терэл, со манди чалёл“» (Матфея 3:16, 17). Кадя о Иоанно поля, кай о Иисусо, када о Христос (Иоанна 1:32—34). Андэ кодэва дес, кала по Иисусо сжыля лэ Дэвлэско духо, во ашэля Христос. Во сас кодэва, кас о Дэл витидя, кай тэ авэл Барэдэр и Царё (Исаия 55:4).

⁹ Исин кода, со доԥэнэн, кай о Иисусо, када о Христос. Када и алава, савэ ԥэндя о Иегова, кала болделя о Иисусо, о знако и кода, со пистромэ андэ Библия пала Христос. Но катар авеля о Иисусо и саво мануш во сас? Уӷанам пала када май дур.

КАТАР АВЕЛЯ О ИИСУС ХРИСТОС?

10. Со андэ Библия пистромэ пала Иисусо, сар инке во на авеля пэ ԥув?

¹⁰ Андэ Библия пистромэ, кай о Иисусо бут время жувэлас по нэбо, сар инке на авеля пэ ԥув. Лэ Дэвлэско мануш о Михеё ԥэндя, кай о Христос сас «анда фартэ дэлмутни время» (Михей 5:2). О Иисусо екжэно най еқвар ԥэнэнас, кай сар во инке на арақаделяпэ пэ ԥув, во жувэлас по нэбо. (Адиносар Иоанна 3:13; 6:38, 62; 17:4, 5.) О Иегова и о Иисусо сас фартэ куч ек еқэсти, кала о Иисусо сас по нэбо.

11. Васо о Иисусо фартэ куч лэ Иеговасти?

¹¹ О Иисусо фартэ куч лэ Иеговасти. Васо? Важ кода кай о Иегова создал лэс пэрвонэс, ай тоди и вся авэр. Акэ васо андэ Библия пистромэ, кай во «пэрво анда вся кода, со стердя о Дэл» (Колоссянам 1:15)c. О Иегова любий лэ Иисусос инке и важ кода, кай о Иисусо ек, кас о Иегова создал екжэно. Акэ васо андэ Библия пистромэ пала Иисусо, кай во шаво, саво «лэстэ ек кацаво» (Иоанна 3:16). Кати о Иисусо сас кодэва, каса о Иегова терэлас вся авэр (Колоссянам 1:16). Кадяжэ пала Иисусо андэ Библия пистромэ, кай во сас кодэва, через кастэ о Иегова пэрэдэлас пэстирэ алава лэ анӷелонэнди и лэ манушэнди (Иоанна 1:14).

12. Катар амэ ӷанас, кай о Иисусо и о Дэл када най ек?

¹² Дэсавэ мануша гиндон, кай о Иисус Христос и о Дэл, када ек. Но со пала када пистромэ андэ Библия? Кадя, сар о Иисусо сас создано, вижал, во най вся и время сас. Но о Иегова сас вся и время, када во вся стердя (Псалом 90:2). Лэ Дэвлэско шаво, о Иисусо никала на гиндояс, кай тэ залэл лэ Дэвлэско ҭан. Андэ Библия ворта ԥэнэнпэ, кай «о Дад май баро лэ шавэстар». (Адиносар Иоанна 14:28; 1 Коринфянам 11:3.) Кати о Иегова «Всемоӷущё Дэл» (Бытие 17:1). Кацавэс, сар о Иегова, нинай. Во барэдэр по нэбо и пэ люма. (Дик и ссылка 14.)

13. Васо андэ Библия пистромэ, кай о Иисусо андэ вся шолпэ пэ пэско Дад?

¹³ Сар инке на сас ни о нэбо ни и ԥув, о Иегова и лэско шаво о Иисусо еқэҭанэ терэнас дила милиардоря бэрша. Важ кадэя время вонэ фартэ куч ашэлэ ек еқэсти! (Иоанна 3:35; 14:31). О Иисусо андэ вся шолпэ пэ пэско Дад. Важ када андэ Библия пистромэ, кай о Иисусо андэ вся андярэл пэс кадя, сар лэско Дад (Колоссянам 1:15).

14. Сар лэ Дэвлэско шаво авеля пэ ԥув, сар мануш?

¹⁴ Лэ Дэвлэско любимо шаво закамля тэ ашавэл о нэбо и тэ авэл пэ ԥув, сар мануш. Сар када сас? Кай о Иисусо на трэбуй сас тэ авэл дад анда мануша, важ кода кай о Иегова стердя чуда. Во стердя, кай и щей и Мария, сави сас цэрэ, заԥирдя. Вой андя бэятос, саво сас би бэзэхэско и дя лэсти алав Иисус (Луки 1:30—35).

САВО МАНУШ САС О ИИСУС ХРИСТОС?

15. Сар тутэ вижала май драго тэ уӷанэс лэ Иеговас?

¹⁵ Анда штар библейски книӷи Матфея, Марка, Луки и Иоанна, пэ савэ ԥэнэн Евангелии, ту май бут уӷанэса пала Иисусо, лэстири жызня и, сар во пэс андярэлас. Кадяжэ ту май бут уӷанэса пала Иегова, важ кода кай о Иисусо андэ вся андярэлас пэс кадя, сар во. Акэ васо о Иисусо ԥэндя: «Ко диқля ман, диқля и мэрнэ Дадэс» (Иоанна 14:9).

16. а) Сости сытярэлас о Иисусо? б) Кастар сытеля о Иисусо?

¹⁶ Бут мануша ԥэнэнас по Иисусо «учителё» (Иоанна 1:38; 13:13). Сости во сытярэлас? Пэ пэрво ҭан лэстэ сас тэ росԥэнэн и лащи весть пала царство. Со када за царство? Када лэ Дэвлэско правительство, саво лэла тэ хулаий па нэбо всаворя ԥувьяса и анэна лашимос всаворэнди, ко кандэн лэ Дэвлэс (Матфея 4:23). Вся, сости сытярэлас о Иисусо, сас лэ Иеговастар. О Иисусо екжэно ԥэндя: «Кода, сости мэ сытярав най мэрно, ай кодэлэско, ко бишалдя ман» (Иоанна 7:16). О Иисусо полэлас, кай о Иегова камэл, кай и мануша тэ ашунэн и лащи весть пала лэ Дэвлэско Царство.

17. а) Кай сытярэлас о Иисусо? б) Васо о Иисусо на жалуияс пэстири время и пэско зор, кай тэ сытярэл лэ манушэн?

¹⁷ Кай сытярэлас о Иисусо? Котэ, кай слинэ мануша. Када сас андэ фороря, андэ гава, андэ синагоги, андо храмо, пэ базароря и па цэра. Во на аштярэлас, кай и мануша тэ авэн лэстэ. Во екжэно жалас лэндэ (Марка 6:56; Луки 19:5, 6). О Иисусо на жалуияс пэстири время и пэско зор, кай тэ сытярэл лэ манушэн. Васо? О Иисусо ӷанэнас, кай када камэл о Дэл, ай лэс во кандэлас вся и время (Иоанна 8:28, 29). О Иисусо росԥэнэнас лэ манушэнди пала Дэл инке и важ кода, кай во жалуияс лэн. (Адиносар Матфея 9:35, 36.) О Иисусо диқэлас, кай и барэ мануша андэ веры на сытярэнас лэ чачимасти пала Дэл и пала лэско Царство. Важ када во камэлас тэ поможый лэ манушэнди, кай вонэ тэ уӷанэн и лащи весть пала Дэл.

18. Со анда кода, сар андярэлас пэс о Иисусо, тути чалёл со май фартэ?

¹⁸ О Иисусо любияс аврэн, гиндояс пала лэндэ и терэлас важ лэндэ бут со. Во сас кодэва, ко терэлас лашимос и лэса сас вушэро тэ дэс дума. Дажэ и бэятцэ любинас лэс и цырдэнаспэ лэстэ (Марка 10:13—16). О Иисусо на диқэлас, сави кай о мануш нацыя. Во вэрыцыяс, кала и мануша подтинэн аврэн и обжанпэ аврэнца кадя, сар вонэ на затердэ (Матфея 21:12, 13). Андэ кодэя время, кала жувэлас о Иисусо, пэ жувля на стонас патив и лэнди на дэнас алав. О Иисусо столас патив пэ жувля и цэнияс лэн (Иоанна 4:9, 27). Кадяжэ о Иисусо на гиндояс пала пэстэ фартэ бут. Еқвар во вихаладя пэстирэнди учениконэнди и пэрнэ. Во стердя кодэя дила, сави терэнас и слуӷоря (Иоанна 13:2—5, 12—17).

19. Со сыкавэл, кай о Иисусо полэлас, со трэбуй лэ манушэнди и камэлас тэ поможый лэнди?

¹⁹ О Иисусо полэлас, со па чачимастэ сас трэбуй лэ манушэнди и камэлас варисо тэ стерэл важ лэндэ. Када дицэля, кала во терэлас чудеса лэ Дэвлэстирэ зорэса (Матфея 14:14). Акэ ек анда кода, со во стердя. Еқвар каринг о Иисусо поджыля мануш, савэстэ тернёлас и тила и ԥэндя: «Сар кати ту закамэса, ту рисарэса манди о зор». Лэ Иисусости сас фартэ ԥарэс тэ диқэл, сар мучийпэ кадэва мануш и во закамля тэ поможый лэсти. О Иисусо процырдя каринг лэстэ о вас, ляпэ каринг лэстэ и ԥэндя: «Камав. Ав зорало». И о насвало ашэля зорало! (Марка 1:40—42). Кати погиндосар, сар кадэва мануш лошавэлас!

ВСЯ И ВРЕМЯ КАНДЭЛАС ЛЭ ДАДЭС

20, 21. Васо ԥэнэса, кай о Иисусо со май драго сыкадя, сар тэ кандас лэ Дэвлэс?

²⁰ О Иисусо со май драго сыкадя, сар тэ кандас лэ Дэвлэс. Со бы тэ на терэлпэ и сар бы лэса тэ на обжанпэ лэстирэ вороӷоря, во всаек кандэлас пэстирэ Дадэс. О Иисусо на тердя бэзэх, кала о Сатана подмарэлас лэс пэ када (Матфея 4:1—11). Дэко анда лэско ери на патялас, кай во о Христос и ԥэнэнас, кай «во сжыля па годятэ». Но о Иисусо на парашэлас тэ терэл лэ Дэвлэстири дила (Марка 3:21). Кала лэстирэ вороӷоря обжанаспэ лэса фартэ найдраго, во на рияс лэнди (1 Петра 2:21—23).

²¹ Дажэ кала лэ Иисусос умарэнас, во всаек кандэлас лэ Иеговас. (Адиносар Филиппийцам 2:8.) Кати погиндосар, скати во пэрэандярдя ԥаримос андэ кодэва дес, кала лэс умардэ. Лэс залинэ и воиноря и пэр лэстэ хохадэ, кай во ԥэнэнас найлашэ алава по Дэл. Инке и сындомаря, савэн подтинэнас, сындосардэ лэс пэ смэрть. Кадяжэ лэстар асанаспэ бут мануша, мучинас и римски воиноря и лэс примардэ по столбо. Кала о Иисусо мэрэлас, во ԥэндя: «Мэ када стердэм!» (Иоанна 19:30). По трито дес, после кода сар умардэ лэ Иисусос, о Иегова рисардя лэс каринг и жызня. Во дя лэсти тила, сар кай и анӷелоря (1 Петра 3:18). Прожылэ дэсавэ курте и о Иисусо рисайля по нэбо и «бэшля па право вас лэ Дэвлэстар». Во аштярэлас и время, кала о Дэл стола лэс Царёса (Евреям 10:12, 13).

22. Со тутэ исин акана, важ кода кай о Иисусо на парашэля тэ кандэл пэстирэ Дадэс?

²² Кодэлэстар, кай о Иисусо на парашэля тэ кандэл пэстирэ Дадэс, амэ можэм тэ жувас вечно андо раё пэ ԥув. О Иегова када и камэлас тэ стерэл важ и мануша. Анда авэр ӷлава ту уӷанэса, сар кода, кай муля о Иисусо, дэл тути тэ аштярэс тэ жувэс вечно.