И Анна мангэл лэ Дэвлэс тэ дэл лати бэятос

Кай о израильтянино Елкано, сас дуй жувля, Анна и Феннана. Но о Елкано май фартэ любияс ла Анна. Кай и Феннана слинэ бут бэятцэ, ай кай и Анна ни ек. Важ када и Феннана вся время вихалас оди ла Аннати. Кажно бэрш о Елкано ԥирэлас всаворэ ереса андо форо Силомо каринг и бари свынто катуна. Вонэ и пэ кадэва разо важ када жылэ интя. Еқвар, о Елкано котэ додиқля, кай лэсти хулаи и Анна, савя во фартэ любий, помэкля о муй. Во ԥэндя: «Мэрни Анна, мангав тут, на ров. Тутэ исин мэ. Мэ тут фартэ любисарав».

Прожыля набут время и Анна жыля тэ мангэлпэ. Вой на парашэлас тэ ровэл и мангэлас лэ Иеговас, кай во тэ поможый лати. И Анна дя алав: «Иегова, сар ту дэса манди бэятос, тоди мэ отдава лэс тэ служий тути пэ вся жизня».

Кала само баро рашай Илий, додиқля ла Анна, лэсти здяпэ, кай вой мати. Но и Анна ԥэндя: «Най, ӷосподино, мэ най мати. Манди фартэ ԥарэс и мэ када росԥэнав лэ Иеговасти». О Илий поля, кай най кадя дя дума, и ԥэндя: «Мэк о Дэл дэла тути вся, со ту мангэс». Ла Аннати ашэля май фэдэр лэстирэ алавэндар, и вой жыля цэрэ. На прожыля и бэрш, сар кай и Анна арақаделяпэ шаво. Вой приақардя лэс Самуило. Скати радость сас кай и Анна!

И Анна на бистэрдя пала пэско алав, саво вой дя. Сар кати о Самуило подбареля, и Анна одля лэс лэ кулинэстар и андя лэ бэятос каринг и бари свынто катуна. Вой андя лэс кордэ, кай во тэ служий лэ Иеговасти. Вой ԥэндя лэ Илиясти: «Акэ о бэято, пала саво мэ мангаваспэ. Пэ вся лэстири жизня мэ отдав лэс лэ Иеговасти». Кажно бэрш о Елкано ла Аннаса авэнас тэ диқэн лэ Самуилос и анэнас лэсти нэви бибаянди платья. О Иегова дя ла Аннати най кати лэ Самуилос, но инке тринэ шавэн и дуе щеян.