Пэрво царё андо Израилё

Андо Израилё слинэ сындомаря. Лэн столас о Иегова. Вонэ трэбуй сас тэ диқэн пала израильтяноря. Но о народо закамля царёс. Вонэ ԥэндэ лэ Самуилости: «Всаворэндэ, ко жувэл паша амэндэ исин царё и амэ камас». Во полэлас, када найдраго андэ лэ Дэвлэстирэ яқа и важ када во ля тэ мангэлпэ лэ Иеговасти. О Иегова ԥэндя: «Вонэ отԥэндёнпэ най тутар, ай мандар. Ԥэн, кала лэндэ авэла царё, во бут со лэла лэндар тэ одлэл». Но о народо ԥэндя: «Амэнди всаек. Амэ камас царёс!»

О Иегова ԥэндя лэ Самуилости, кай пэрво царё андо Израилё авэла о Сауло. Кала о Сауло авеля кай о Самуило андо форо Рама, о Самуило мақля лэс лэ вулееса, кай во тэ авэл царё.

О Самуило стидя всаворэ израильтянонэн, кай тэ сыкавэл нэвэ царёс. Но вонэ шутэпэ, ай лэ Саулос никай нинай. Ӷанэс, кай во сас? Во гараделя. Лэс виарақлэ и андэ каринг о народо. О Сауло терделя машкар мануша, и вонэ додиқлэ, кай во пэ шэрэстэ май вучё лэндар и фартэ шукарно. О Самуило ԥэндя: «Акэ, кас витидя о Иегова!» О народо сас фартэ радо, кала додиқля лэ царёс.

Спэрва о Сауло кандэлас лэ Самуилос и на ашавэлас лэ Иеговас, важ кода кай любияс лэс. Но прожыля время и во паруделя. Акэ со во тердя. Лэ царёсти па законо екжэнэсти нащи тэ ԥабарэл жертвы. Еқвар, кала трэбуй сас тэ сԥабарэн и жертва, о Самуило ԥэндя лэ Саулости тэ поаштярэл лэс. О Самуило заритярделяпэ. Тоди о Сауло екжэно стердя када. Кала о Самуило авеля, во ԥэндя: «Со ту стердян?! Васо ту на канглян лэ Иеговас?» Сытеля о Сауло варисостэ?

Прожыля время и о Сауло жыля пэ война лэ амаликитянонэнца. О Самуило приԥэндя лэ Саулости никас тэ на ашавэл жундэн. Но во на умардя лэ царёс лэ Агагос. О Иегова ԥэндя лэ Самуилости: «О Сауло отԥэнделяпэ мандар. Во парашэля ман тэ кандэл». О Самуило фартэ загиндосайля и пэрэдя лэ Саулости: «Ту парашэлян тэ кандэс лэ Иеговас, важ када во витидэла авэр царёс». О Самуило банделя, кай тэ ужалтар. Но о Сауло хутилдя лэс ла йдатар и шындя ла. Но во на камля када. Тоди о Самуило ԥэндя: «Кадяжэ о Иегова отшындя тутар и власть». О Иегова закамля тэ отдэл о царство кодэлэсти, ко лэла тэ кандэл и тэ любий лэс.