О Иосия любияс лэ Дэвлэско законо

О Иосия ашэля царёса, кала лэсти сас восемь бэрш. Андэ кадэя время бут со терэнас лэ драбатяримаса и тэлёнас хохавнэ дэвлэнди. Кала лэ Иосиясти ашэля 16 бэрш, во закамля тэ уӷанэн, сар трэбуй тэ тэлён лэ Иеговасти. Кала лэсти сас 20, во приԥэндя тэ розмарэн лэ хохавнэ дэвлэн и лэндирэ жертвенникоря. Ай кала лэсти сас 26 бэрш, во закамля тэ лашарэл андэ лэ Иеговаско храмо кода, со сас ԥаго.

О само баро рашай Хелкия виарақля андо храмо свитко, кай сас пистромэ лэ Иеговаско законо. Файма, кадэва свитко пистросардя о Моисеё. О Шафано, саво сас баро мануш, сас лэ царёско секретарё, во андя лэ Иосиясти о свитко и ля тэ адиной, кай во лэс тэ ашунэн. Тоди о Иосия поля, кай о народо уже бут бэрша на кандэлас лэ Иеговас. Во ԥэндя лэ Хелкиясти: «О Иегова фартэ холявэл пар мэндэ. Жа и пуш лэстар, со амэнди тэ терас». О Иегова ԥэндя через и манушни Олдама, сави пэрэдэлас лэ Дэвлэстирэ алава: «И мануша, савэ жувэн андэ Иуда, ашадэ ман. Мэ на ашавава лэнди када кадя. Но мэ када стерава, кала мэрэла о царё Иосия. Васо? Важ кода кай во на завазгля о шэро и камэлас тэ терэл кадя, сар ԥэнэнпэ андо законо».

Сар ашундя пала када о царё Иосия, во жыля андо храмо и приԥэндя, кай тэ стидэн всаворэ народос анда Иуда. Кала и мануша стидэпэ, во заадиносардя лэнди лэ Иеговаско законо. О Иосия и вся о народо динэ лэ Иеговасти алав, кай лэна тэ кандэн лэс анда вся оди.

И мануша андэ царство Иуда уже бут бэрша на терэнас и патради. Но, кала адиносардэ андо законо, кай и патради трэбуй тэ терэн кажно бэрш, о Иосия ԥэндя лэ народости: «Амэ стаса и патради кадя, сар ԥэнэн амэнди о Иегова». После када о Иосия стердя вся, кай тэ анэн и жертвы и стодя андо храмо манушэн, савэ дилабэн. Тоди о народо стодя и патради. После када вонэ стодэ инке ек празднико, пэ саво ԥэнэн марно бидрожженго. Кадэва празднико жалас курко. Кацави патради на стонас жы кодэла времятар, кала жувэлас о Самуило. О Иосия фартэ любияс лэ Дэвлэско законо. Ай тути чалёл тэ уӷанэс пала Иегова?