Тэрнэ ԥрала и ԥэя, сар тумэ камэн тэ жувэн?

1. Сави найвушэро задания сас кай о Иоасо, кай о Узия и кай о Иосия?

ПРЕЦТАВЬ, кай ту ашэлян царё андэ лэ Дэвлэско народо. Ай ту инке совсем бэято. Сар ту используешь пэстири власть? Дэсавэ царёря андэ Иудея, пала савэ ԥэнэнпэ андэ Библия, линэ тэ правин андэ фартэ тэрнэ бэрша. Например лэ Иоасости сас 7 бэрш, лэ Узиясти — 16, ай лэ Иосиясти — 8. Погиндон, сави када дэ бари отвецтвеность. Хоть кадэя задания сас найвушэро, паша лэндэ сас кодэла, ко поможынас лэнди тэ пэрэандярэн о ԥаримос и тэ андярэн бахтали жызня.

2. Васо трэбуй тэ уӷанас май бут пала Иоасо, Узия и Иосия?

² Хоть амэ най царёря и най царицы, амэ можэм бутэсти тэ сытювас кай о Иоасо, кай о Узия и кай о Иосия. Дэкала вонэ прилэнас лашэ ришэнии, ай дэкала — найлашэ. Кала амэ май бут уӷанаса пала кадэла царёря, амэ диқаса, васо трэбуй тэ витидас лашэ друӷонэн, тэ ашаспэ найӷорди и всегда тэ гиндосарас, со чалёл лэ Иеговасти.

ВИТИДЭ ЛАШЭ ДРУӶОНЭН

3. Сар о Иодаё поможыяс лэ Иоасости тэ прилэл годявэрнэ ришэнии?

³ Андэр со о Иоасо сыкадя лашо примеро? Кала о Иоасо сас тэрно, во андярэлас пэс правильно. Во ашэляпэ би дадэско, кала инке сас бэято. Андэ кодэя время во приашундёлас каринг о ӷлавно рашай о Иодаё. Кадэва мануш барярэлас и сытярэлас лэс, сар пэстирэ шавэс. Блаӷодаря лэсти о Иоасо приля мудро ришэния — тэ служый лэ Иеговасти и тэ поможый андэ када лэ народости. Во дажэ стидя лэ манушэн, кай вонэ тэ стерэн ремонто андэ лэ Иеговаско храмо (2 Лет. 24:1, 2, 4, 13, 14).

4. Саво лашымос анэн амэнди, кала амэ кандас лэ Иеговас? (Притчи 2:1, 10—12).

⁴ Бэяцэ, если и родителя сытярэн тумэн тэ любин лэ Иеговас и тэ андярэн лэстири время, тоди диқэн пэ када, сар по кучутно подарко. (Проадинон Притчи 2:1, 10—12.) И родителя моӷут тэ сытярэн по разному. Акэ сар ла Катяко дад поможыяс лати тэ прилэл правильни ришэнии. Кажно тэсара во андярэлас ла андэ школа и дэлас дума ласа пала гиндоря анда стихо по дес. Вой ԥэнэн: «Кала андэ школа манди сас ԥарэс, мэ гиндосаравас пала кода, со ԥэнэнас о дад. И када поможыяс манди тэ терав правильно». Но со если тути здэлпэ, кай кала тут сытярэн и родителя, хоть када и па Библия, када черезчур строӷо? Со поможыя тути тэ кандэс лэн? И ԥэй, савя ақарэн Настя, вспоминает, кай и родителя на жалуинас и время, кай тэ росԥэнэн лати, васо андэ лэнго ери трэбуй тэ авэл имено кадя. Вой росԥэнэн: «Када поможысардя манди тэ полав, васо о дад и дэй варисо запретин. Най важ кода, кай камэн пала мандэ тэ слидин, ай важ кода, кай камэн тэ фэрин ман».

5. Со тумэ можэте тэ терэн, кай тэ радуин пэстирэ родителёнэн и лэ Иеговас? (Притчи 22:6; 23:15, 24, 25).

⁵ И родителя сытярэн тумэн па Библия. Если тумэ приашундён каринг лэндирэ алава, кадэлэстар вонэ авэна май бахталэ. Ай само ӷлавно, када радуия лэ Дэвлэс и тумари дружба лэса ашэла инке май састи. (Проадинон Притчи 22:6; 23:15, 24, 25.) Хэба када на сыкавэл, кай трэбуй тэ терас кадя, сар терэлас о тэрно Иоасо?

6. Каринг кастэ ля тэ приашундёл о Иоасо и каринг со када андя? (2 Летопись 24:17, 18).

⁶ Андэр со о Иоасо сыкадя найлашо примеро? Посли кода, сар муля о Иодаё, о Иоасо витидя найлашэ друӷонэн. (Проадинон 2 Летопись 24:17, 18.) Када сас князёря анда Иудея, савэ на любинас лэ Иеговас и андярэнас пэс найдраго. Ту соӷласно, кай фэдэр во тэ ритярделоп лэндар май дур? (Прит. 1:10). Но во приашундёлас каринг лэндирэ алава. Кала о Захария, лэ Иоасоско упэрвых ԥрал, камэлас тэ дэл годи лэсти, во приԥэндя тэ умарэн лэс (2 Лет. 24:20, 21; Матф. 23:35). Сар дэ жэстоко и найдраго во стердя! О Иоасо терэлас правильно, но ӷэт май интя жыля против о Дэл, ай кадяжэ умардя манушэс. Прожыля время и лэс умардэ лэстирэ жэ слуӷоря (2 Лет. 24:22—25). Если о Иоасо и май дур тэ канглоп лэ Иеговас и кодэлэн, ко любий лэ Дэвлэс, тоди лэстэ авелоп совсем авэр жызня. Сости тумэ сытён анда када?

7. Ко тумэнди авэла лашо друӷо? (Диқэн кадяжэ и картинка.)

⁷ Со ту можэш тэ терэс, кай тэ на шылиспэ кадя, сар о Иоасо? Витидэ друӷонэн, савэ авэна важ тутэ лашо примеро. Кацавэ мануша любин лэ Иеговас и терэн кода, состар лошавэл лэско ди. И друӷоря нэ обязательно трэбуй тэ авэн андэ тирэ бэрша. Сэр, кай о Иоасо сас пэ бутэстэ май тэрно, чем лэско друӷо о Иодаё. Кай тэ полэс, савэ тутэ друӷоря, пуш пэстар: «Поможый манди кадэя дружба май фартэ тэ патяв андо Иегова? Старыинпэ мэрнэ друӷоря тэ кандэн лэ Иеговас и поможын вонэ манди тэ терав кадяжэ? Чалёл лэнди тэ дэн дума пала Иегова и пала чачимос? Дицол, кай вонэ стон патив пэ лэ Дэвлэско законо? Ԥэнэн вонэ манди кати кода, со мэ камав тэ ашунав? Ай если ман лэла тэ одындярэл андэ риг лэ Иеговастар, хутилэла лэндэ смилость тэ ԥэнэн манди пала када?» (Прит. 27:5, 6, 17). Ԥэнаса ворта: если тирэ друӷоря на любин лэ Иеговас, вонэ тути на трэбуй. Но если тирэ друӷоря любин лэ Иеговас, ритярдювпэ пала лэндэ. Лэнца ту састэс тердёса пэ лэ Иеговаско дром! (Прит. 13:20).

8. Если тумэ бэшэн андо интэрнэто, со трэбуй тэ пушэн пэстар?

⁸ Через о интэрнэто амэ можэм тэ общяемся лэ родоса и лэ друӷонэнца. Но бут мануша бэшэн андо интэрнэто, кай тэ путён англа авэр. Вонэ вишон и карточки, и видеоря, кода, со вонэ тинэн и соса залэнпэ. Если тумэ тожэ бэшэн андо интэрнэто, задэн пэсти кацавэ вопросоря: «Сости мэ вишав и карточки и видеоря? Мэ камав тэ поделисавав пэстирэ друӷонэнца лашымаса или камав тэ путював кодэлэса, со мандэ исин? Сар кода, со мэ диқав андо интэрнэто, влияет пэ мэрни годи, дума и дила? На лэм мэ через када бут со пэсти тэ домэкав?» О Нэйтано Норо, саво служыяс андо Руководящё совето, ԥэндя: «На́ старыинпэ тэ уӷодин лэ манушэнди. Если кадя терэна, тоди никасти на уӷодина. Уӷодин лэ Иеговасти и тоди тумэ уӷодина всаворэнди, ко лэс любий».

АШЭНПЭ НАЙӶОРДИ

9. Со о Узия домарделя лэ Иеговастирэ зорэса? (2 Летопись 26:1—5).

⁹ Андэр со о Узия сыкадя лашо примеро? Андэ тэрнэ бэрша о Узия сас найӷордо и лэстэ сас бари патив и дар англа Дэл. Во прожудя 68 бэрш и май бут анда кадэла бэрша о Иегова блаӷословияс кадэлэ царёс. (Проадинон 2 Летопись 26:1—5.) О Узия бут разоря победияс лэ вороӷонэн, савэ сас кай и Иудея, ай кадяжэ позаботисайля, кай о Иерусалимо тэ авэл драго фэрисардо (2 Лет. 26:6—15). Во бут сости домарделя блаӷодаря лэ Дэвлэсти. И наверно, кала о Узия гиндояс пала када, лэско ди фартэ лошавэлас (Эккл. 3:12, 13).

10. Со сас андэ жызня кай о Узия?

¹⁰ Андэр со о Узия сыкадя найлашо примеро? О царё Узия присытеля тэ приԥэнэн аврэнди, со тэ терэн. Можэт через када во ля тэ гиндой, кай акана можэт тэ терэл вся, со камэл. Еқвар о Узия тердя па пэстирятэ. Во зажыля андэ лэ Иеговаско храмо, кай тэ сԥабарэл о фимиамо. Ай лэ царёнэнди нащи сас када тэ терэн (2 Лет. 26:16—18). О ӷлавно рашай о Азария закамля тэ тердярэл лэс, но о Узия фартэ росхоляйля. Жы каринг кадэва маменто о Узия на парашэлас тэ кандэл лэ Дэвлэс. Но акана во вся римосардя и ашэля прокажоно (2 Лет. 26:19—21). Лэстири жызня авелоп совсем авэр, если бы во вся и время авелоп найӷордо.

11. Со поможыя амэнди тэ ашаспэ найӷорди? (Диқэн кадяжэ и картинка.)

¹¹ Кала о Узия ашэля зорало и лэстэ бут со драго вижалас, во бистэрдя, кай пала вся када во трэбуй тэ блаӷодарий лэ Иеговас. Сости амэ сытювас? Трэбуй тэ напоминаем пэсти, кай вся лашо, со амэндэ исин андэ жызня и андэ служэния, — лэ Иеговастар. Вместо кода, кай тэ путювас кодэлэса, со амэ домарделям, амэ трэбуй тэ отдас вся и слава лэ Иеговасти (1 Кор. 4:7)b. Амэ трэбуй тэ ашаспэ найӷорди и тэ прижанас, кай амэ найсовершэни и дэкала ласа тэ шылисавас. Ек ԥрал, савэсти май бут чем 60 бэрш, ԥэндя: «Мэ сытелэм май просто тэ диқав пэр пэстэ. Дэкала мэ набут шылисавав. И кала манди дэн совето, мэ старысавав тэ на отшав лэс. Вместо када мэ гиндосарав, сар тэ прилав кадэва совето. Важ мандэ када возможность тэ ашав май фэдэр». Если амэ кандас лэ Иеговас и на гиндосарас пала пэстэ фартэ бут, амэн чаче аштярэл бахтали жызня (Прит. 22:4).

ВСЯ И ВРЕМЯ ГИНДОН, СО ЧАЛЁЛ ЛЭ ИЕГОВАСТИ

12. Сар о тэрно Иосия сыкадя, кай камэл тэ служый лэ Иеговасти? (2 Летопись 34:1—3).

¹² Андэр со о Иосия сыкадя лашо примеро? Кала лэсти сас 16 бэрш, во камэлас май бут тэ уӷанэн лэ Иеговас и тэ андярэл лэстири время. Но и жызня лэ тэрнэ царёстири на сас вушэро. Бут мануша анда лэско народо тэлёнас лэ хохавнэ дэвлэнди. Лэсти трэбуй сас тэ пристол бут зор, кай када тэ улэл. О Иосия андярдя пэс фартэ смило. Кала лэсти инке на сас 20 лет, во ля тэ вужарэл и страна лэ идалонэндар. (Проадинон 2 Летопись 34:1—3.)

13. Сар парудёла тири жызня, кала ту дэса алав тэ жувэс важ о Иегова?

¹³ Амарэ тэрнорэ ԥралора и ԥэёра, тумэ можэте тэ терэн кадя жэ, сар о Иосия и май бут тэ уӷанэн пала Иегова. Тоди тумэ закамэна тэ дэн алав, кай лэна тэ жувэн важ о Дэл. Сар када парувэла тумари жызня? О ԥрал, савэс ақарэн Лу́ка, болделя, кала лэсти сас 14 бэрш. Во приля ришэния: «Акана по пэрво ҭан андэ мэрни жызня авэла и служэния лэ Иеговасти. Мэ камав вся и время лэс тэ радосарав» (Мар. 12:30). Если и ту закамэса тэ стерэс кадяжэ, тут аштярэл бут лашымос!

14. Андэр со амари молодёж можэт тэ шолпэ по царё Иосия?

¹⁴ Саво ԥаримос исин кай и молодёж? О Йо́хано, саво болделя в 12 лет, росԥэнэн, кай лэстирэ однокласникоря цырдэн электрони цыӷарки (вейпоря). Пэр лэстэ всегда тасавэн, кай и во тэ цырдэл. Со поможый лэ Йоханости тэ на подэлпэ лэнди? Во сэрэл, кай и электрони цыӷарки римон о зор и дружба лэ Иеговаса. Кай и Ре́йчел, сави болделя в 14 лет, авэр ԥаримос андэ школа. Вой росԥэнэн, со лати поможый: «Мэ вся и время родав, со поможый манди тэ гиндосарав пала Иегова и пала Библия. Например, и тема по уроко история напоминает манди пала кода, со сас запистромэ андэ Библия, или пала пророчества. Ай кала мэ варикаса дав дума, мэ часто гиндосарав, саво стихо тэ заадиносарав кадэлэ манушэсти». Кучутнэ тэрнэ ԥрала и ԥэя, можэт тумаро ԥаримос и на шолпэ пэ кода, со сас кай о царё Иосия. Но тумэ можэте тэ авэн кацавэ жэ годявэрнэ и верни лэ Дэвлэсти служытеля, сар сас во. Кода, кай тумэ акана боринпэ лэ ԥаримаса, подӷотовит тумэн каринг и взросло жызня англэ.

15. Со поможыяс лэ Иосиясти предано тэ служый лэ Иеговасти? (2 Летопись 34:14, 18—21).

¹⁵ Кала лэ царёсти, лэ Иосиясти сас 26 бэрш, во стидя манушэн, кай тэ терэн ремонто андо храмо. Кала жалас и бути, виарақлэ «книӷа, кай запистромэ лэ Иеговаско законо, сави о Моисеё пистросардя пэстирэ вастэса». Кала о царё ашундя и алава анда законо, во сразу ля тэ терэл кадя, сар котэ пистромэ. (Проадинон 2 Летопись 34:14, 18—21.) Камлоп ту тэ адинос и Библия кажно дес? Возможно, ту ужэ старыиспэ кадя тэ терэс. Чалёл када тути? Исин тутэ випистромэ стихоря, савэ поможын тути? О Лука, пала саво амэ ԥэнасас май данглал, запистрой интересни гиндоря, савэ во виарақэл. Васо бы тэ на стерэс кадя жэ, сар во? Када поможыя тэ на бистрэс гиндоря и стихоря, савэ тути чалелэ. Если ту май бут уӷанэса пала Библия и май фартэ любиса ла, тоди ту инке май фартэ закамэса тэ служыс лэ Иеговасти. И алава анда Свынти Лила поможысардэ лэ Иосиясти тэ терэл кода, со правильно, вонэ кадяжэ поможына и тути.

16. Васо о Иосия фартэ шылисайля и сости амэ анда када сытювас?

¹⁶ Андэр со о Иосия сыкадя найлашо примеро? Кала лэ Иосиясти сас варикай 39 бэрш, во фартэ шылисайля и через када хасардя и жызня. Во на пушля совето кай о Иегова и тердя па пэстирятэ (2 Лет. 35:20—25). Сости амэ анда када сытювас? Дажэ если амэнди ужэ бут бэрша или амэ драго ӷанас и Библия, амэ трэбуй тэ на парашас тэ родас лэ Иеговас. Важ када важно часто тэ мангас лэ Дэвлэс пала руковоцтво, май драго тэ уӷанас и Библия и тэ пушас совето кай и ԥрала и ԥэя. Када поможыя амэнди тэ на терас баро бэзэх и тэ авас бахталэ (Иак. 1:25).

ТЭРНЭ ԤРАЛА И ԤЭЯ, ВИТИДЭН БАХТАЛИ ЖЫЗНЯ!

17. Сости амэ сытювас кай и трин иудейски царёря?

¹⁷ И тэрнэ бэрша — када розлащи время, андэ сави ту можэш тэ терэс май бут. Кода, со сас андэ жызня кай о Иоасо, кай о Узия и кай о Иосия, сыкавэл, кай и тэрнэ мануша моӷут тэ прилэн годявэрнэ ришэнии андэ пэстири жызня и тэ радуин лэ Иеговас. Да, кадэла трин царёря дэкала терэнас нэправильно и када андя каринг и бида. Но если амэ на ласа тэ шылисавас кадя, сар вонэ, ай сытюваса лэндар тэ терас лашымос, амэндэ авэла бахтали жызня.

18. Савэ библейски примероря сыкавэн, кай тумари жызня можэт тэ авэл бахтали? (Диқэн кадяжэ и картинка.)

¹⁸ Андэ Библия амэ адиносарас и пала авэр мануша, савэ андэ тэрнэ бэрша служынас лэ Иеговасти. Лэндэ сас пашутни дружба лэса и лэндири жызня сас бахтали. Ек андар лэндэ сас о Давидо. Инке андэ тэрнэ бэрша во ашэля лэ Иеговаско друӷо, ай ӷэт май интя — лашо царё англа Дэл. Дэкала во шылияспэ, но май бут время уӷодияс дэ Дэвлэсти (1 Цар. 3:6; 9:4, 5; 14:8). Если ту май бут уӷанэса пала лэ Давидостири жызня и служэния, ту май фартэ закамэса тэ служыс лэ Иеговасти. Ай инке можно тэ уӷанэс пала Марко и Тимофеё. Ту диқэса, кай вонэ линэ тэ служын лэ Иеговасти андэ тэрнэ бэрша и на парашэнас лэс тэ кандэн. Вонэ витидэ само бахтало дром андэ жызня!

19. Сави жызня тумэндэ можэт тэ авэл?

¹⁹ Тэрнэ ԥрала и ԥэя, кода, со тумэ витидэн акана, повлияет пэ тумари жызня англэ. Если тумэ надеинпэ най пэр пэстэ, ай патян лэ Иеговасти, во поможыя тумэнди тэ прилэн лашэ ришэнии (Прит. 20:24). Тумэ авэна па чачимастэ бахталэ. Сэрэн: о Иегова цэнуий вся, со тумэ терэн важ лэстэ. Со май лашо андэ жызня — када и служэния лэ Иеговасти, амарэ небеснонэ Дадэсти!