Васо трэбуй тэ дарас лэ Иеговастар?

1, 2. Сар ԥэнэнпэ андо Псалом 25:14, со амэнди трэбуй тэ терас, кай тэ авас лэ Иеговасти пашутнэ друӷоря?

САВЭ качестворя трэбуй лэ манушэнди, кай вонэ тэ дружын? Возможно, тумэ ԥэнэна, кай и пашутнэ друӷоря трэбуй тэ любин и тэ подритярэн ек еқэс. Можэт тумэнди и на авэла по гиндо, кай и друӷоря трэбуй тэ даран ек еқэстар, но, сар ԥэнэнпэ андо ӷлавно стихо андэ кадэя статья, кодэла, ко камэн тэ авэн пашутнэ друӷоря лэ Иеговасти, трэбуй лэстар тэ даран. (Проадинон Псалом 25:14.)

² Скати бэрш амэ тэ на служысардоп лэ Иеговасти, амэндэ всаворэндэ трэбуй тэ авэл правильно дар англа лэстэ. Но со када тэ дарас лэ Дэвлэстар? Со амэнди трэбуй тэ терас, кай амэндэ тэ авэл кацави дар? Авелоп драго тэ роздиқас дэсавэ примероря. Подам дума пала Авдиё, саво диқэлас пала лэ царёско дворцо, пала ӷлавно рашай Иодаё и пала царё Иоасо.

САР КАДА ТЭ ДАРАС ЛЭ ДЭВЛЭСТАР?

3. Состар амэ можэм тэ дарас и васо кацави дар можэт тэ анэн лашымос?

³ Амэ дарас, кала полас, кай варисо можэт тэ терэлпэ. Кацави дар можэт тэ анэн лашымос. Через кацави дар амэ можэм тэ андярас пэс годявэрнэс. Например, если амэ дарас тэ пэрас па плай, тоди на ласа тэ поджас пашэ каринг о обрыво. Если амэ дарас кодэлэстар, со можэт тэ анэн вредо, тоди ласа тэ обнашас и опасни ситуацыи. Ай кала амэ дарас тэ хасарас и дружба лэ пашутнэ манушэса, тоди ласа пэс драго тэ андярас и тэ на ԥэнас ӷруби алава.

4. Сави дар англа Иегова о Сатана камэл, кай амэндэ тэ авэл?

⁴ О Сатана камэл, кай лэ манушэндэ тэ авэл дили дар англа Иегова. Во зашол лэнди андо шэро кодэва жэ гиндо, саво ԥэндя о Элифазо, кай о Иегова холинако Дэл, пала вся рий и лэсти нэвозможно тэ уӷодис (Иов 4:18, 19). О Сатана камэл, кай амэ кадя тэ дарас лэ Иеговастар, кай тэ парашас лэсти тэ служысарас. Кай тэ на попэрас андэ кадэя ловушка, амэнди трэбуй тэ пристас вся о зор, кай амэндэ тэ авэл правильно дар англа Дэл.

5. Сар када тэ дарас лэ Дэвлэстар?

⁵ О мануш, савэстэ исин правильно дар англа Дэл, любий лэс и на камэл тэ римой пэстири дружба лэса. Имено кацави дар сас кай о Иисусо. Андэ Библия ԥэнэнпэ, кай во «даралас лэ Дэвлэстар» (Евр. 5:7). Но када на сас дар, через сави во тинояспэ (Ис. 11:2, 3). О Иисусо фартэ любияс лэ Иеговас и камэлас андэ вся лэс тэ кандэл (Иоан. 14:21, 31). Сар о Иисусо, амэ стас бари патив по Иегова, важ кода кай во любящё, мудро, справедливо и зорало Дэл. Амэ ӷанас, кай о Иегова фартэ амэн любий, и лэсти най всаек, сар амэ пэс андярас, кала во амэн сытярэл. Через амэндэ лэ Иеговаско ди можэт тэ дуқал или тэ радуийпэ (Пс. 78:41; Прит. 27:11).

САР ТЭ СЫТЮВАС, КАЙ ТЭ АВЭЛ ДАР АНГЛА ДЭЛ?

6. Со поможыя амэнди, кай тэ авэл дар англа Дэл? (Псалом 34:11).

⁶ Амэ на арақадювас, кай амэндэ тэ авэл дар англа Иегова. Трэбуй тэ пристас зор, кай вой амэндэ тэ авэл. (Проадинон Псалом 34:11.) Сар? Например, кала амэ диқас лэ Дэвлэстирэ тварении. Андэр лэндэ амэ додиқас лэстири мудрость и о зор. Ай кадяжэ и любовь, сави во сыкавэл каринг амэндэ. Кала амэ шас сама пэ тварении, савэ создал о Дэл, амэ май фартэ лас тэ любисарас и стас патив пэр лэстэ (Рим. 1:20). И ԥэй, савя ақарэн Э́йдриен, ԥэнэн: «Мандэ пэрэхутилэл о фано, кала мэ диқав кода, со создал о Иегова. Во кацаво мудро, важ када мэ патяв, кай во ӷанэн, со важ мандэ фэдэр». Кала и Эйдриен гиндояс пала када, вой поля: «Мэ на камав тэ терав нисо, со римосардоп мэрни дружба лэ Иеговаса, саво дя манди и жызня?» Моӷли бы тумэ ужэ пэ кадэва курко тэ виарақэн время, кай тэ погиндон пала кода, со создал о Дэл? Када поможыя тумэнди май фартэ лэс тэ любин и тэ стон патив пэр лэстэ (Пс. 111:2, 3).

7. Сар и молитва можэт тэ поможый, кай амэндэ тэ авэл дар англа Иегова?

⁷ Кадяжэ, кай амэндэ тэ авэл дар англа Дэл, амэнди поможый и молитва. Кала амэ май часто мангаспэ лэ Иеговасти, амэ лас май фартэ андэр лэстэ тэ патяс. Кажно разо, кала амэ мангаспэ пала свынто духо, тэ виритярас о ԥаримос, амэ напоминаем пэсти, кай лэстэ исин баро зор. Кала амэ блаӷодарисарас лэ Иеговас важ о выкупо, кай во отдя пэстирэ Шавэс важ амэндэ, амэ сэрас, кай во амэн фартэ любий. Ай кала амэ мангас лэ Иеговас, кай во тэ поможый амэнди тэ ришысарас варисави проблема, амэ инке еқвар полас, саво во дэ мудро. Через и молитва амэ стас бари патив по Иегова. И молитва поможый амэнди тэ отшас вся, со можэт тэ римой амари дружба лэ Дэвлэса.

8. Со поможыя амэнди тэ на хасарас и дар англа Дэл?

⁸ Со поможыя амэнди тэ на хасарас и дар англа Дэл? Трэбуй тэ изучаем и Библия. Андэр латэ пистромэ пала мануша, савэндар амэ можэм тэ сытювас. Например, тэ шаспэ пэр лэндэ или, наоборот, тэ на терас кадя, сар вонэ. Амэ можэм тэ розмышляем пала лэндирэ примероря. Давайте спэрва подаса дума пала дуй лэ Иеговастирэ служытеля, савэ кандэнас лэс андэ вся. Пала Авдиё, саво диқэлас пала лэ Ахавоско дворцо, и пала ӷлавно рашай Иодаё. Ай посли роздиқаса, сости амэ сытювас кай о иудейско царё Иоасо, саво спэрва кандэлас лэ Иеговас, ай потом ашадя лэс.

АВЭН СМИЛИ, САР О АВДИЁ

9. Сар и дар англа Иегова поможыяс лэ Авдиёсти? (1 Царей 18:3, 12).

⁹ Андэ Библия ԥэнэнпэ пала Авдиёb, кай во «фартэ даралас лэ Иеговастар». (Проадинон 1 Царей 18:3, 12.) Сар кадэя дар поможысардя лэ Авдиёсти? Блаӷодаря лати во сас найхохавно, и пэр лэстэ сас можно тэ надеиспэ. Важ када о царё стодя лэс, кай во тэ диқэл пала лэско дворцо. (Диқэн Неемия 7:2.) Кадяжэ и дар англа Дэл поможысардя лэсти тэ сыкавэл пэстири бари смилость. Кадэва качество сас фартэ трэбуй лэсти, важ кода кай во жувэлас тоди, кала правияс о Ахаво. Кадэва царё «терэлас кода, со сас найдраго андэ лэ Иеговастирэ яқа, и андярэлас пэс май вэрыто, чем всаворэ авэр, савэ сас май данглал лэстар» (1 Цар. 16:30). Ай инке лэ Ахавостири хулаи, и Иезавель, тэлёлас лэ Ваалости. Вой кадя вэрыцыяс лэ Иеговас, кай камэлас тэ улэл и вужи поклонения андэ северно царство. Кадэя найлащи царица дажэ умардя бутэ лэ Иеговастирэ пророконэн (1 Цар. 18:4). Чаче, о Авдиё служыяс лэ Иеговасти андэ фартэ ԥари время.

10. Сар о Авдиё сыкадя бари смилость?

¹⁰ Сар о Авдиё сыкадя бари смилость? Кала и Иезавель умарэлас лэ Дэвлэстирэ пророконэн, во загарадя 100 андар лэндэ «андэ пещеры, по 50 человек андэ кажно», и дэлас лэнди марно и пай (1 Цар. 18:13, 14). Если пала када тэ уӷанглоп авэр, лэ Авдиёс точно казнисардоп. Канешно, во, сар любо авэр мануш, на камэлас тэ мэрэл. Но важ лэстэ о Иегова и лэстирэ служытеля сас май куч, чем лэстири жызня.

11. Сар лэ Иеговастирэ служытеля андэ амарэ деса терэн кадя жэ, сар о Авдиё? (Диқэн кадяжэ и картинка.)

¹¹ Адес бут лэ Иеговастирэ служытеля жувэн андэ страны, кай пэ лэндири дила стодэ запрето. Вонэ стон патив пэ власти. Но, кадя жэ сар о Авдиё, кадэла кучутнэ ԥрала и ԥэя никала на отԥэндён тэ тэлён лэ Иеговасти (Матф. 22:21). Вонэ сыкавэн, кай даран лэ Дэвлэстар и кандэн лэс, ай най лэ манушэн (Дила 5:29). Важ када вонэ на парашэн тэ росԥэнэн и лащи новость и тэ стидэнпэ еқэҭанэ, но терэн када осторожно (Матф. 10:16, 28). Вонэ заботинпэ, кай лэ ԥралэндэ и лэ ԥэяндэ тэ авэл вся, со трэбуй важ и лащи дружба лэ Иеговаса. Акэ ек примеро. О Анри́ жувэл андэ ек африканско страна. Раньшэ котэ пэ лэ Иеговастирэ свидетеля сас стодо запрето. Андэ кодэя время о Анри соӷласисайля тэ анэн лэ ԥралэнди и лэ ԥэянди амари литература. Акэ со во пистросардя: «Вобще, па жызни мэ лажавно мануш. Мэ уверено, кай ашэлэм смило кати через и бари патив каринг о Иегова». Ай вижала тутэ тэ авэс кацаво жэ смило, сар о Анри? Канешно, да! Если тутэ исин правильно дар англа Дэл.

АВЭН ВЕРНИ ЛЭ ИЕГОВАСТИ, САР О ӶЛАВНО РАШАЙ ИОДАЁ

12. Сар о ӷлавно рашай о Иодаё и лэстири хулаи сыкадэ, кай анда вся оди верни лэ Иеговасти?

¹² О ӷлавно рашай о Иодаё даралас лэ Иеговастар. Важ када во екжэно сас верно лэ Иеговасти и побудияс аврэн тэ тэлён лэ Дэвлэсти. Особено када драго дицэля тоди, кала и власть андэ Иудея заля андэ пэстирэ вас и Аталия, ла Иезавелятири щей. Кай и мануша сас, васо тэ даран ла Аталиятар. Вой сас жэстоко и дилявэлас пала власть. Вой умардя почти всаворэ́ лэ царёстирэ потомконэн, ай вонэ прижанас лати внукоря! (2 Лет. 22:10, 11). Лэ Иодаястири хулаи, и Иехошева, спасысардя еқэс анда кадэла бэяцэ, лэ Иоасос. Вонэ лэ хуласа гаравэнас пэстэ кадэлэ шаворэс и заботинаспэ пала лэстэ. Кадя о Иодаё и Иехошева фэрисардэ лэ Давидоско царско колено, кай во тэ ашэлпэ. О Иодаё сас верно лэ Иеговасти и на тинояспэ даратар англа Аталия (Прит. 29:25).

13. Сар о Иодаё упалэ доԥэндя, кай верно лэ Иеговасти, кала лэ Иоасости сас 7 бэрш?

¹³ Кала лэ Иоасости сас 7 бэрш, о Иодаё упалэ доԥэндя, кай верно лэ Иеговасти. Во закамля тэ стерэл, кай о Иоасо тэ авэл царё. Если лэстэ када вижылоп, тоди по престоло бэшлоп лэ Давидоско потомко. Ай если най, во, наверно, хасардоп пэстири жызня. Блаӷодаря лэ Иеговасти лэстэ вижыля кода, со во загиндосардя. Лэс подритярдэ и барэдэра анда лэ царёстири охрана, ай кадяжэ и левиторя. О Иодаё стодя лэ Иоасос царёса и приԥэндя тэ казнин ла Аталия (2 Лет. 23:1—5, 11, 12, 15; 24:1). «Тоди о Иода́ё стердя доӷоворо машкар о Иегова, о царё и о народо, кай вонэ и май дур тэ ашэнпэ лэ Иеговастирэ» (2 Цар. 11:17). Кадяжэ о Иодаё стодя паша лэ Иеговастирэ цэрэстирэ вороты лэ сторожонэн. «Вонэ трэбуй сас тэ диқэн, кай интя тэ на прожал ни ек мануш, саво через варисо сас найвужо» (2 Лет. 23:19).

14. Сар по Иодаё стодэ патив?

¹⁴ Май данглал о Иегова ԥэндя: «Мэ става патив пэ кодэла, ко стол патив пэр мандэ» (1 Сам. 2:30). И чаче, во блаӷословил лэ Иодаёс. Например, пала лашымос, саво стердя кадэва ӷлавно рашай, сас запистромэ андэ Библия важ амэндэ (Рим. 15:4). Ай кала о Иодаё муля, лэс па особеному притидэ, и кадэлэса стодэ патив пэр лэстэ. Амэ адиносарас: «Лэс гарадэ лэ царёнэнца андэ лэ Давидоско форо, важ кода кай андо Израилё во терэлас лашымос важ о чачуно Дэл и лэско цэр» (2 Лет. 24:15, 16).

15. Сости амэн сытярэл кода, со амэ ӷанас пала Иодаё? (Диқэн кадяжэ и картинка.)

¹⁵ Кода, со амэ ӷанас пала Иодаё, поможый, кай амэндэ тэ авэл дар англа Дэл. И барэдэр ԥрала андэ собрания моӷут тэ сытён лэ Иодаёстар. Вонэ моӷут драго тэ диқэн пала собрания и тэ на парашэн тэ фэрин лэ Иеговастирэ бакрорэн (Дила 20:28). Лэ Иодаёско примеро кадяжэ подритярэл и кодэлэн, ко андэ бэршэндэ. Если вонэ даран лэ Иеговастар и никала лэс на ашавэн, во на гиндой, кай лэндар нинай нисаво толко. Кода, со вонэ терэн важ лэстэ, фартэ куч. Лэ тэрнэ ԥралэнди и ԥэянди авелоп полезно тэ шон сама пэ кода, сар о Иегова диқэлас по Иодаё. Вонэ моӷут тэ сытён лэ Иеговастар и тэ сыкавэн бари патив лэ ԥралэнди и лэ ԥэянди, савэ андэ бэршэндэ. Важ амэндэ фартэ куч кодэла, ко служын лэ Иеговасти ужэ бут бэрша (Прит. 16:31). Кадяжэ амэ всаворэ можэм тэ сытювас лэ барэдэрэндар и лэ левитонэндар, савэ подритярэнас лэ Иодаёс. Давайте тэ кандас и тэ на парашас тэ подритярас кодэлэн, «ко руководий» машкар амэндэ (Евр. 13:17).

НА АВЭН КАЦАВЭ, САР О ЦАРЁ ИОАСО

16. Андар со дицэля, кай о царё Иоасо сас слабо?

¹⁶ О царё Иоасо терэлас правильно, пока лэс сытярэлас о Иодаё (2 Цар. 12:2). Блаӷодаря кодэлэсти, кай о ӷлавно рашай драго влиял по тэрно царё, во камэлас тэ радуий лэ Иеговас. Но посли кода, сар лэ Иодаёс на ашэля, о Иоасо ля тэ приашундёл каринг и князёря, савэ ашадэ лэ Иеговас. Каринг со када андя? Во и о народо «линэ тэ тэлён лэ свынтонэ столбонэнди и идолонэнди» (2 Лет. 24:4, 17, 18). Кадэлэстар лэ Дэвлэсти сас фартэ дуқанэс. «Кай тэ рий лэн каринг пэстэ, о Иегова бишалэлас лэ пророконэн... но вонэ на ашунэнас». Вонэ на ашунэнас дажэ лэ Захариясc, саво сас лэ Иодаёско шаво. О Захария сас най кати лэ Иеговаско пророко и рашай, но во и прижалас лэ Иоасости упэрвых ԥрал. Хоть лэ Иодаёско ери кадя бут стердя важ о Иоасо, во вместо кода, кай тэ сыкавэл и блаӷодарность кадэлэ ерести, приԥэндя тэ умарэн лэ Захарияс (2 Лет. 22:11; 24:19—22).

17. Со тердяпэ лэ Иоасоса через лэстири дила?

¹⁷ О Иоасо парашэля тэ дарал лэ Иеговастар и када андя каринг и бида. Важ кода кай о Иегова ԥэндя: «Кодэлэн, ко вэрыцый ман, мэ лава тэ вэрыцысарав» (1 Сам. 2:30). Прожыля время и по Иоасо динэ и сирийцоря. Хоть лэстэ сас бут халавдэ, ай кай и сирийцоря набут, вонэ всаек победисардэ и шындэ лэ царёс. Кала и сирийцоря ужылэтар, лэ Иоасостирэ слуӷоря доԥэнделэ машкар пэстэ и умардэ лэс, важ кода кай во сас дошало андэ лэ Захариястири смэрть. Кадэлэ найлашэ царёс дажэ на притидэ кадя, сар прижал тэ притидэн лэ царёнэн (2 Лет. 24:23—25).

18. Сар ԥэнэнпэ андэ Иеремия 17:7, 8, со поможыя амэнди тэ на ашас кацавэ, сар о Иоасо?

¹⁸ Сости амэ сытювас кай о Иоасо? Во сас сар витка найбарэ корнёнэнца, савя трэбуй тэ подритярэн авэр каштора. Если кай кадэя витка вилэна и каштора, тоди через и балвал вой можэт тэ пэрэл. О Иодаё, кадя жэ сар кодэла каштора, подритярэлас лэ царёс. Но кала о Иодаё муля, о Иоасо ля тэ патял андо хохаимос, саво ԥэнэн кодэла, ко отжылэ лэ Иеговастар, и тоди во пэля, сар кодэя витка. Када драго сыкавэл, кай амэ трэбуй тэ дарас лэ Дэвлэстар най через кода, кай када терэн ԥрала и ԥэя андэ собрания или амаро ери. Кай амэндэ тэ авэл лащи дружба лэ Иеговаса, трэбуй тэ пристас зор, кай тэ стас бари патив по Дэл и тэ дарас лэстар. Ай важ када трэбуй тэ проандярас и иследовании па Библия, тэ розмышляем пала кода, со проадиносардям, и тэ мангаспэ (проадинон Иеремия 17:7, 8; Кол. 2:6, 7).

19. Со аштярэл амэндар о Иегова?

¹⁹ О Иегова на мангэл амэндар фартэ бут. Кода, со во аштярэл амэндар, запистромэ андэ Экклезиаст 12:13: «Трэбуй тэ авэл дар англа чачуно Дэл, и трэбуй тэ андярэс лэстири время. Именно када аштярэл о Дэл лэ манушэстар». Если амэ дарас лэ Дэвлэстар, амэ сможэм тэ на ашавас лэс и тэ виритярас о ԥаримос, саво авэла англэ. Кадя амэ ласа тэ шаспэ по Авдиё и Иодаё и амари дружба лэ Иеговаса нисо и нико на розмарэла.