О Павло и о Тимофеё

Андэ собрания, сави сас андэ Листра, сас тэрно христианино, савэс ақарэнас Тимофеё. Лэско дад сас ӷреко, ай и дэй еврейка. Лэстиря да ақарэнас Евника, ай ла баба Лоида. Кала о Тимофеё сас инке цынёнё, лэстири дэй и баба росԥэнэнас лэсти пала Иегова.

Кала о Павло до дуйто жыля май дур, кай тэ росԥэнэн важ о Дэл, во жыля андэ Листра. О Павло додиқля, кай о Тимофеё фартэ любий лэ ԥралэн и вся время камэл тэ поможый. О Павло ақардя лэс, кай во тэ жал лэса. Во сытярэлас лэ Тимофеёс. Прожыля время о Тимофеё ля драго тэ росԥэнэн важ о Дэл и драго тэ сытярэл лэ манушэн.

Вонэ жанас интя, каринг лэн андярэлас о свынто духо. Еқвар и рят о Павло диқля видения. Андэ кадэя видения ек мануш мангэлас, кай о Павло тэ жал андэ Македония и тэ сытярэл лэ манушэн, савэ котэ жувэн. Важ када о Павло, о Тимофеё, о Сила и о Лука жылэ интя, кай тэ росԥэнэн важ о Дэл и тэ стидэн котэ собрания.

Андо македонско форо Фессалоника бут мурша и жувля ашэлэ христианоря. Но дэсавэ иудеёря, важ кода кай вороӷуинас, стидэ бутэ манушэн. Вонэ андярдэ лэ Павлос и кодэлэн, ко лэса сас, каринг и барэ мануша андо форо. Кодэла иудеёря цыпинас: «Кадэла мануша вороӷоря кодэлэнди, ко правин андо Римо!» Лэ Павлос и лэ Тимофеёс камэнас тэ умарэн, важ када андэ рят, вонэ унашлэтар андэ Верия.

Лэ манушэнди андэ Верия фартэ чалеля и лащи весть. И ӷрекоря и евреёря ашэнас христианоря. Но, кала дэсавэ иудеёря анда Фессалоники авелэ и тердэ кадя, кай котэ тэ на авэл порядко, о Павло жыля андэ Афины. О Тимофеё и о Сила ашэлэпэ андэ Верия, кай тэ стерэн кадя, кай лэ ԥралэнди вера тэ авэл май састи. Тоди о Павло бишалдя лэ Тимофеёс палпалэ андэ Фессалоника. Васо? Кай во тэ поможый лэ ԥралэнди, савэн котэ фартэ ӷонинас. Прожыля время и о Павло бишалэлас лэ Тимофеёс андэ разни собрании, кай во тэ подритярэл и тэ дэл зор лэ ԥралэнди.

О Павло ԥэндя лэ Тимофеёсти: «Всаворэ лэ Иеговастирэ манушэн лэна тэ ӷонин». Лэ Тимофеёс кадяжэ ӷонинас. Лэс даже стодэ андо баруно важ лэстири вера. Во сас радо тэ сыкавэл, кай на ашавэл лэ Иеговас, важ кода кай любий лэс.

О Павло ԥэндя лэ манушэнди анда Филиппы: «Мэ бишалав каринг тумэндэ лэ Тимофеёс. Во дэла зор тумэнди тэ полэн, со када тэ авэс лэ Иеговаско мануш, ай кадяжэ сытярэла тумэн тэ росԥэнэн важ о Дэл». О Павло патялас, кай лэ Тимофеёстэ вижала када тэ стерэл. Бут бэрша вонэ сас лашэ друӷоря и драго терэнас вместе ек дила.