Пэрви алава каринг 7 часть

Андэ кадэя часть росԥэнэнпэ пала царё Сауло и царё Давидо. Кадэя время жалас варикай 80 бэрш. Спэрва о Сауло на гиндояс пала пэстэ бут и даралас лэ Дэвлэстар. Но во йто паруделяпэ и парашэля тэ кандэл лэ Иеговас. О Иегова на закамля, кай во будэр тэ авэл царё. Прожыля время и о Иегова ԥэндя лэ Самуилости тэ мақэл лэ вулееса лэ Давидос, кай во тэ авэл царё андо Израилё после Сауло. Важ кода кай лэ Саулостэ на сас кода, со сас кай о Давидо, во холявэлас и най еқвар камэлас лэс тэ умарэл. Но о Давидо никала на рияс лэсти. Лэ Саулоско шаво о Ионафано ӷанэнас, кай лэ Давидос витидя о Иегова, важ када во лэс никала на придэлас. О Давидо стердя най ек баро бэзэх. Но во никала на отԥэндёласпэ, кала о Иегова сытярэлас лэс. Сытярэн пэстирэ бэятос тэ полэл, пэ скати трэбуй вся время тэ кандэл лэ Иеговас, и тэ прилэл, сости во сытярэл.