Жа каринг кода, кай тэ болдёс!

О Иисусо сытярэлас, кай о христианино трэбуй тэ болдёл. (Адиносар Матфея 28:19, 20.) Ай со сыкавэл кода, кала болдён, и со трэбуй тэ терэс, кай тэ болдёс?

1. Сар болдён?

О Иисусо зажыля андэ лэн Иордано. О Иоанно болдя лэ Иисусос андо паи, и о Иисусо вазгляпэ анда паи (Марка 1:9, 10). Кадяжэ и чачунэ христианоря, кала болдён, вонэ найпросто шон по шэро паи, ай лэндэ вся и тила тала паи.

2. Со сыкавэл, кала о мануш болдёл?

Кала о мануш болдёл, кадэлэса во сыкавэл, кай ужэ дя алав лэ Иеговасти тэ жувэл важ лэстэ. Англа кода, сар тэ болдёл, о мануш екжэно мангэлпэ. Андэ кадэя молитва во ԥэнэн лэ Иеговасти, кай камэл тэ служый лэсти вся и вечность. Во дэл алав тэ тэлёл кати лэ Иеговасти, и само ӷлавно андэ жызня важ лэстэ авэла кода, со камэл о Иегова. Во витидэл тэ отԥэндёл пэстар, кай тэ жал па лэ Иисусоско дром и тэ терэл кадя, сар во сытярэл (Матфея 16:24). Посли кода, сар о мануш дэл алав лэ Иеговасти и болдёл, во ашэл важ лэстэ и важ лэстирэ служытеля друӷоса.

3. Со трэбуй тэ стерэс англа кода, сар тэ болдёс?

Англа кода, сар тэ болдёс, трэбуй тэ уӷанэс пала Иегова и фартэ тэ патяс лэсти. (Адиносар Евреям 11:6.) Сар май бут ту лэса тэ уӷанэс и май фартэ лэса тэ патяс, тоди ту фартэ лэса тэ любис лэ Иеговас. Ту закамэса тэ росԥэнэс пала лэстэ аврэнди и тэ жувэс кадя, сар во приԥэнэн (2 Тимофею 4:2; 1 Иоанна 5:3). Кала о мануш «жувэл кадя, кай андэ вся» тэ уӷодий лэ Иеговасти, тоди лэстэ авэла жылания тэ дэл алав лэ Иеговасти тэ жувэл важ лэстэ и тэ болдёлa (Колоссянам 1:9, 10).

УӶАНАМ МАЙ БУТ

4. Сости амэ сытювас анда кода, сар болделя о Иисусо?

Адиносарам Матфея 3:13—17 и уӷанам, сар болделя о Иисусо, и подам дума пала вопросоря, савэ май тэлэ.

• О Иисусо болделя, кала во сас взросло или кала сас цынёнё?

• Сар во болделя? Пэр лэстэ шутэ паи или лэс болдэ па аврятэ?

Посли кода, сар о Иисусо болделя, во ля тэ терэл и дила, сави дя лэсти о Иегова. Адиносарам Луки 3:21—23 и Иоанна 6:38 и подам дума пала вопросо, саво май тэлэ.

• Со сас по пэрво ҭан кай о Иисусо посли кода, сар во болделя?

5. Манушэстэ вижала тэ болдёл

Спэрва можэт тэ авэл дар тэ дэс алав лэ Иеговасти, кай тэ жувэс важ лэстэ и тэ болдёс. Сар прожала время, ту лэса май фартэ тэ патяс лэ Дэвлэсти и болдёса. Уӷанам пала дэсавэ мануша, сар лэндэ када вижыля. Диқам о ВИДЕО.

ВИДЕО: «Со тэ терэс, кай тэ авэс лэ Иеговаско друӷо» (1:11)

Адиносарам Иоанна 17:3 и Иакова 1:5 и подам дума пала вопросо, саво май тэлэ.

• Со поможыя тэ авэс ӷотово, кай тэ болдёс?

1. 1. Кала о мануш андэ молитва ԥэнэн лэ Иеговасти, кай жувэла важ лэстэ, во сыкавэл, кай камэл тэ служый лэсти вся и вечность

2. 2. Кала о мануш болдёл, кадэлэса во сыкавэл англа всаворэ, кай дя алав тэ служый вся и жызня лэ Дэвлэсти

6. Кала болдёс, ту ашэс ек анда лэ Иеговаско ери

Кала о мануш болдёл, во попэрэл андэ лэ Иеговаско ери, саво па вся и ԥув. И кай бы амэ тэ на жувас, сави бы амэндэ нацыя тэ на авэл, амэ еқэндар полас и Библия и еқэндар полас лэ Дэвлэстирэ законоря. Адиносарам Псалом 25:14 и 1 Петра 2:17 и подам дума пала вопросо, саво май тэлэ.

• Сар па кода, кай ту витидэса тэ болдёс, дицола тири дружба лэ Иеговаса и кодэлэнца, ко служый лэсти?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иисусо сытярэлас, кай о христианино трэбуй тэ болдёл. Важ када во трэбуй май фартэ тэ патял лэ Иеговасти и тэ жувэл кадя, сар во сытярэл.

Сар ту гиндос?

• Сар болдён и сости трэбуй тэ болдён?

• Кала о мануш болдёл, со во кадэлэса сыкавэл?

• Со тэ стерэс англа кода, сар тэ дэс алав лэ Иеговасти и тэ болдёс?

ДИК ИНКЕ

Уӷан, кала можно тэ ԥэнас, кай о мануш болделя.

«Со сыкавэл, кала о мануш болдёл?» (статья по сайто)

Уӷан, со трэбуй тэ стерэс англа кода, сар тэ болдёс?

«Важ кода кай любис лэ Иеговас, ту закамэса тэ болдёс» («Сторожэво башня» важ о марто пала 2020 бэрш)

Проадиносар, васо болделя ек мануш.

«Вонэ камэнас, кай мэ екжэно тэ полав, кай о чачимос» («Сторожэво башня» важ 1 февралё пала 2013 бэрш)

Васо трэбуй тэ жас каринг кода, кай тэ болдёс и со трэбуй тэ стерэс англа кода, сар тэ болдёс?

«Трэбуй мэ тэ болдював?» («Атветоря пэ тирэ вопросоря. Том 2», ӷлава 37)