Трэбуй тэ болдёс, кай тэ авэс христианино!
«Кода, кай тумэ болдён... акана фэрий и тумэн» (1 ПЕТ. 3:21, Нэво русско переводо).
1, 2. а) Со кай бут дада и дэя по ди, кала лэндирэ бэятцэ ԥэнэн лэнди, кай камэн тэ болдён? б) Васо кодэлэн, ко камэл тэ болдёл, пушэн, дя во алав тэ жувэл важ о Дэл чи най? (Диқэн и картинка англа статья.)
О ДАД и дэй диқэн пэ пэстири бэята, ԥэнаса ла ақарэн Рая. Вой тердёл машкар кодэла, ко по конгрессо лэна тэ болдён. Вой фартэ и драго ԥэнэн кода, пала со пушэл о ԥрал, саво ԥэнэн и речь. И после кода, сар о ԥрал додя дума, вой болдёл.
2 Ла Раяко дад и дэй абурон кодэлэса, кай лэндири бэята дя алав лэ Иеговасти тэ жувэл важ лэстэ и болделя. Но англа кода, сар вой тэ болдёл, ла Раятири дэй пушэлас пэстар: «И Рая най инке тэрни, кай тэ болдёл? Чаче, вой полэл, пэ скати када дэ бари дила тэ болдёл? Чи тэ поаштярэл и май интя тэ болдёл?» Бут родителя, савэ любин пэстирэ бэятонэн, пушэн пэстар када. Васо? Важ кода кай лэндирэ бэятцэ ԥэнэн, кай камэн тэ болдён (Эккл. 5:5). И амэ полас, васо кадя. Важ кода кай тэ дэс алав тэ жувэс важ о Дэл и тэ болдёс, када само бари дила андэ лэ христианиностири жизня. (Диқэн и рамка «Дян ту алав лэ Иеговасти тэ жувэс важ лэстэ?».)
3, 4. а) Сар о Пётро сыкадя, кай кала болдён, када фартэ бари дила? б) Васо, кала о мануш болдёл, када шолпэ, сар о Ноё терэлас о ковчеӷо?
3 О апостоло Пётро ԥэндя, кала о мануш болдёл, када шолпэ, сар о Ноё терэлас о ковчеӷо. Во пистросардя: «Инке исин, со шолпэ пэ кода, со фэрий тумэн акана. Када, кай тумэ болдён». (Адиносар 1 Петра 3:20, 21a). О ковчеӷо драго сыкавэлас, кай о Ноё отдя пэстири жизня и стодя бут зор, кай тэ терэл, со камэл о Дэл. Кала во терэлас кадэя дила, во на парашэлас тэ кандэл лэ Иеговас. О Ноё и лэско ери доԥэндэ пэстиря диласа, кай патян и важ када пэрэжудэ о потопо, саво сас па вся ԥув. Со о Пётро кадэлэса камля тэ сыкавэл?
4 Кала и мануша диқэнас о ковчеӷо, вонэ полэнас, кай о Ноё патял лэ Дэвлэсти. Ай со полэн и мануша, савэ диқэн, сар болдён авэр? Вонэ полэн, кай о мануш дя алав лэ Иеговасти тэ жувэл важ лэстэ. Васо? Важ кода кай патял, кай о Дэл рисардя лэ Иисусос Христос каринг и жизня. После кода, сар и христианоря болделэ, вонэ сар и о Ноё кандэн лэ Дэвлэс и терэн лэстири дила. О Иегова поможысардя лэ Ноёсти тэ пэрэжувэл о потопо, саво сас па вся ԥув. Кадяжэ и англэ во поможыя лэ христианонэнди, савэ болделэ и на парашэн тэ кандэн лэс. Андэр со поможыя? Тэ пэрэжувэн и время, кала о Дэл улэла кадэва найлашо миро (Мар. 13:10; Отк. 7:9, 10). Дицол, кай кажно, ко камэл тэ служий лэ Дэвлэсти, трэбуй тэ дэл алав лэсти, кай жувэла важ лэстэ и тэ болдёл. Важ када кодэва, ко цырдэл и время, кай тэ болдёл, и во на ӷанэн, васо во када терэл, лэсти о Дэл на дэла пэско лашимос тэ жувэл вечно.
5. Со амэ уӷанаса андэ кадэя статья?
5 Када фартэ бари дила, кала о мануш болдёл. Важ када уӷанаса акэ со. Со андэ Библия ԥэнэнпэ, кала о мануш болдёл? Со во трэбуй тэ терэл англа кода, сар тэ болдёл? Васо, кала сытярэс па Библия лэ бэятос или аврэ манушэс, трэбуй тэ сэрэс, пэ скати дэ куч, кай тэ болдён?
СО ПАЛА КОДА, КАЙ ТЭ БОЛДЁН, ԤЭНЭНПЭ АНДЭ БИБЛИЯ?
6, 7. а) Кода, кай о Иоанно болэлас, со када сыкавэлас? б) Сави честь сас лэ Иоанностэ?
6 Андэ Библия, пэрво пала кастэ ԥэнэнпэ, ко болэлас аврэ манушэн, сас о Иоанно Крестителё (Матф. 3:1—6). Кодэла, ко авэнас каринг лэстэ, болдёнас. Кадя вонэ сыкавэнас, кай каинпэ пала бэзэх, важ саво сас запистромэ андэ лэ Моисеёско законо. Но еқвар во болдя манушэс, савэсти на трэбуй сас тэ каийпэ. Кай о Иоанно сас бари честь тэ болэл лэ Дэвлэстирэ шавэс лэ Иисусос (Матф. 3:13—17). О Иисусо сас би ӷрехоско, важ када лэсти на трэбуй сас тэ каийпэ (1 Пет. 2:22). Васо тоди о Иисусо болделя? Кадя во сыкадя, кай отдэл пэстири жизня лэ Иеговасти. Ай инке, кай терэла кода, со камэл о Иегова (Евр. 10:7).
7 Кала о Иисусо жувэлас пэ ԥув, лэстирэ ученикоря кадяжэ болэнас лэ манушэн (Иоан. 3:22; 4:1, 2). Кода, сар вонэ болэнас и сар болэлас о Иоанно, сыкавэлас, кай и мануша каинпэ пала бэзэх, важ саво сас запистромэ андэ лэ Моисеёско законо. Но после кода, сар о Иисусо муля и о Дэл рисардя лэс каринг и жизня кода, васо и христианоря линэ тэ болдён, паруделя.
8. а) После кода, сар о Иисусо рисайля каринг и жизня, со во приԥэндя пэстирэ учениконэнди? б) Васо и христианоря болдён?
8 О Иисусо рисайля каринг и жизня. После када лэс диқлэ май бут, чем 500 мурша и жувля. Файма, котэ слинэ и бэятцэ. Када сас андо 33 бэрш лэ И. Х. Файма, када сас и время, кала о Иисусо и приԥэндя лэнди: «Жан кай всаворэ народоря, сытярэн лэ манушэн, кай вонэ тэ авэн ученикоря. Болэн лэн андо алав лэ Дэвлэско, лэ шавэско и свынтонэ духоско. И сытярэн лэн тэ терэн вся, со мэ тумэнди приԥэндэм» (Матф. 28:19, 20; 1 Кор. 15:6). О Иисусо ԥэндя тэ сытярэн лэ манушэн, кай вонэ тэ авэн ученикоря. Када ашундэ най ек шэл мануша, савэ жылэ пала лэстэ. Кадя во сыкадя, кай кодэла, ко камэн тэ лэн пэр пэстэ лэско ӷамо чи тэ ашэн лэстирэ ученикоря, вонэ трэбуй тэ болдён (Матф. 11:29, 30). Но вонэ када стердоп, кала полиноп акэ со. О Иисусо само ӷлавно, через кастэ о Иегова стерэла, со загиндосардя. Андэ кодэя время, о Иегова прилэлас кати, кала важ када о мануш болдёлас. Андэ Библия бут со доԥэнэн, кай андэ пэрво вико и нэвэ лэ Христостирэ ученикоря полэнас, пэ скати дэ куч, кай тэ болдён. И вонэ на цырдэнас и время, кай тэ болдён, сар лэндэ на сас, васо када тэ терэн (Деян. 2:41; 9:18; 16:14, 15, 32, 33).
НА ЦЫРДЭ И ВРЕМЯ, КАЙ ТЭ БОЛДЁС
9, 10. Со амэ уӷанглям анда кода, сар болделя о эфиопско мануш и о Савло?
9 Адиносар Деяния 8:35, 36b. Эфиопско мануш, саво ля тэ ритярэл лэ Иеговаско законо, ладэлас цэрэ анда Иерусалимо. Во сас андо Иерусалимо, кай тэ тэлёл лэ Иеговасти. Лэ Иеговаско анӷело ԥэндя лэ Филиппости, кай во тэ доӷоний о вурдон, пэ саво ладэлас о эфиопско мануш. Состэ? Кай тэ росԥэнэн и «лащи весть пала Иисусо». Сар андярдя пэс о эфиопско мануш? Во сас блаӷодарно, кай лэсти росԥэндэ о чачимос и через када во закамля тэ кандэл лэ Иеговас и катэ же болделя.
10 Акана погиндон, со стердяпэ еқэ иудейсконэ манушэса, савэс ақарэн Савло. Во арақаделяпэ андо народо, саво сас лэ Иеговаско. Но прожыля время и о народо парашэля тэ кандэл лэ Иеговас. Ай о Савло гиндояс, кай вонэ и доси тэлён кадя, сар лэ Иеговасти чалёл. Важ када во ӷонияс лэ христианонэн. Но еқвар во уӷангля кода, со парудя вся лэстири жизня. Лэса задя дума о Иисусо, саво рисайля каринг и жизня. Сар о Савло андярдя пэс? Во всаворэ одеса приля, со важ лэстэ стердя о Анания, саво жыля пала Христос. Ай тоди о Савло болделя (Деян. 9:17, 18; Гал. 1:14). Тумэ ӷатярдэ, пала саво Савло жал и дума? Када, саво май англэ ашэля апостоло Павло. Шон сама, кай о Павло йто болделя, сар поля, кай через о Иисусо о Иегова стерэла кода, со загиндосардя. (Адиносар Деяния 22:12—16c).
11. а) Васо кодэва, ко сытёл па Библия, камэл тэ болдёл? б) Со амэндэ андо оди, кала варико болдёл?
11 Адес и тэрнэ и ԥурэ мануша, савэ сытён па Библия, кадяжэ гиндон и лэндэ кацаво же андо ди. Вонэ патян и анда оди блаӷодарни важ о чачимос анда Библия. И важ када вонэ дэн алав лэ Иеговасти тэ жувэн важ лэстэ и болдёна. Кала по конгрессо ԥэнэн и речь важ кодэла, ко лэна тэ болдён, када важ и мануша само бахтали время. Лэ Иеговастирэ свидетеля радосавэн, кала кодэлэндэ, ко сытёл па Библия, ашэл и вера май састи, и вонэ ԥэнэн, кай камэн тэ болдён. Ай, савэ дэ бахталэ и дада и дэя, кала диқэн, кай лэндирэ бэятцэ машкар нэвэ лэ Христостирэ ученикоря, савэ лэна тэ болдён! Андо 2017 служебно бэрш май бут чем 284 000 кодэлэн, кас «цырдэлас каринг о чачимос, саво дэл вечно жизня», болделэ. Вонэ сыкадэ, кай динэ алав лэ Иеговасти тэ жувэн важ лэстэ (Деян. 13:48). И нэвэ ученикоря полэн, кай вонэ тэ авэн христианоря, лэнди трэбуй тэ болдён. Ай со трэбуй тэ терэс англа кода, сар тэ болдёс?
12. Со трэбуй о мануш тэ терэл англа кода, сар тэ болдёл?
12 Англа кода, сар тэ болдёл, о мануш трэбуй драго тэ уӷанэн пала Дэл. Кадяжэ трэбуй тэ уӷанэн, со о Дэл загиндосардя тэ стерэл важ и мануша. Ай инке тэ уӷанэн, со во стердя, кай тэ спасый лэ манушэн. Ай кадяжэ англа кода, сар тэ болдёл, о мануш трэбуй тэ терэл вся, кай лэстэ тэ авэл май бари вера андо Дэл (1 Тим. 2:3—6). Через кацави вера о мануш андярэл пэс кадя, сар чалёл лэ Дэвлэсти и жувэл па лэско лашо законо (Деян. 3:19). Но кала о мануш на парашэл тэ терэл и дила, сави лэ Иеговасти на чалёл и дэл лэсти алав тэ жувэл важ лэстэ, о Иегова на прилэл када (1 Кор. 6:9, 10). Сар о мануш ритярэл лэ Иеговаско законо, када инке най вся. Кодэва, ко камэл тэ дэл алав тэ жувэл важ о Дэл, трэбуй тэ ԥирэл пэ собрания. Инке трэбуй тэ на промэкэл тэ ԥирэл тэ росԥэнэн важ о Дэл. Кадяжэ тэ сытярэл аврэн кодэлэсти, саво чачимос ԥэнэнпэ андэ Библия. Када трэбуй тэ терэл кодэва, ко камэл тэ авэл лэ Христоско ученико (Деян. 1:8). Кати тоди, о нэво ученико андэ пэстири молитва, может тэ дэл алав лэ Иеговасти тэ жувэл важ лэстэ. Ай тоди англа всаворэ тэ болдёл.
СЫТЯР КАДЯ, КАЙ О МАНУШ ТЭ ЗАКАМЭЛ ТЭ БОЛДЁЛ
Сэрэс ту, пэ скати дэ куч, кала о мануш болдёл? Ԥэнэс ту пала када кодэлэсти, кас сытярэс па Библия? (Диқэн о абзацо 13.)
13. Васо кодэлэнди, ко сытярэн па Библия, трэбуй тэ сэрэн, кай о мануш тэ ашэл христианино, во трэбуй тэ болдёл?
13 Амэ поможысарас амарэ бэятонэнди и аврэ манушэнди, савэн сытярас па Библия, тэ стерэн кода, пала со амэ дям дума май упрэ. Амэ трэбуй тэ сэрас, кай о мануш на ашэла па чачимастэ лэ Христоско ученико, сар во на болдёла. Кала амэ пала када сэрас, амэ акэ со терас. Амэ родас время, кай тэ ԥэнас, пэ скати када куч, кай о мануш дэл алав лэ Иеговасти тэ жувэл важ лэстэ и тэ болдёл. Чаче, амэ камас, кай амарэ бэятцэ и кодэла, кас амэ сытярас па Библия, тэ терэн дила важ о Дэл и тэ болдён.
14. Васо амэнди трэбуй тэ на тасавас по мануш, кай во тэ болдёл?
14 Ни о дад, ни и дэй, ни кодэва, ко сытярэл па Библия, ни авэр мануша, на трэбуй тэ тасавэн пэ кодэва, ко сытёл па Библия, кай во тэ болдёл. О Иегова ни пэр кастэ на тасавэл, кай тэ кандэн лэс (1 Иоан. 4:8). Важ када, кала амэ сытярас па Библия, трэбуй тэ ԥэнас лэ манушэсти, пэ скати трэбуй, кай лэстэ тэ авэл дружба лэ Дэвлэса. Кала о мануш анда оди авэла блаӷодарно, важ кода кай полэл о чачимос, во закамэла тэ лэл пэр пэстэ лэ Христоско ӷамо (2 Кор. 5:14, 15).
15, 16. а) Васо на ԥэнэса, скати трэбуй тэ авэл лэ манушэсти бэрш, кай во тэ болдёл? Росԥэнэн. б) Васо, кай о мануш тэ ашэл лэ Иеговаско свидетелё, трэбуй упалэ тэ болдёл, хоть во и сас болдо андэ авэр вера?
15 Кай о мануш тэ болдёл, на ԥэнэса, скати трэбуй тэ авэл лэсти бэрш. Васо? Важ кода кай дэсавэндэ и вера ашэл май бари, ай варикастэ най кадя дэ йто. Бут мануша болдён андэ тэрнэ бэрша и вся пэстири жизня на парашэн тэ кандэн лэ Иеговас. Кадяжэ исин ԥурэ мануша, савэ уӷанглэ о чачимос анда Библия и полинэ, пэ скати дэ куч, кай тэ болдён. Дэсавэнди сас варикай май бут, чем сто бэрш!
16 Ек ԥури манушни пушля кодэлатар, ко сытярэлас ла па Библия, трэбуй лати упалэ тэ болдёл, сар вой болделя андэ авэр вера. И ԥэй, сави сытярэлас ла па Библия, подя дума ласа па стихоря анда Библия, савэ поджан каринг кода, со вой пушля. Через кадэла стихоря анда Библия, кодэя манушни поля, со ԥэнэнпэ пала кода, кай тэ болдён. Прожыля найбут время и кадэя манушни болделя, сар лэ Иеговаско свидетелё. Хоть лати сас варикай пала 70 бэрш, вой на гиндояс, кай лати на трэбуй тэ болдёл. О Иегова прилэл кода, кай о мануш болдёл кати тоди, кала во драго ӷанэн, со о Иегова камэл. Вижал, сар варико дэлмут болделя андэ авэр вера, во трэбуй упалэ тэ болдёл. (Адиносар Деяния 19:3—5d).
17. Пала со трэбуй тэ гиндос андо дес, кала болдёс?
17 Кала о мануш болдёл, када фартэ лошали время. Кадяжэ, када время, кала о мануш трэбуй драго тэ гиндой. Кай тэ жувэс кадя, сар дян алав лэ Иеговасти, трэбуй тэ стос бут зор. Важ када, сар ԥэндя о Иисусо, кодэла, ко камэн тэ ашэн лэстирэ ученикоря, лэн пэр пэстэ лэско ӷамо. Лэ Иисусостирэ ученикоря трэбуй тэ жувэн «уже най важ пэстэ, ай важ кодэва, ко муля пала лэндэ и рисайля каринг и жизня» (2 Кор. 5:15; Матф. 16:24).
18. Со амэ уӷанаса андэ авэр статья?
18 Май упрэ амэ уӷанглям, пэ скати када бари дила, кала о мануш болдёл. Ла Раятири дэй гиндояс пала када. Сар тумэндэ исин бэятцэ, файма, тумэ гиндон: «Чаче поджыля время, кай мэрно бэято тэ болдёл? Драго мэрно бэято ӷанэн лэ Иеговас, кай тэ дэл алав тэ жувэл важ лэстэ? Файма, лэсти трэбуй спэрва тэ погиндой, кай лэстэ тэ авэл лащи образования и лэстэ тэ авэл лащи бути? Ай сар во стерэла бэзэх после кода, сар болдёла?» Андэ авэр статья амэ пала када уӷанаса и подаса дума, сар лэ родителёнэнди трэбуй тэ диқэн пэ кода, кала болдён.
a 1 Петра 3:20, 21: «Савэ варикала на канглэ. Када сас, кала андэ лэ Ноёстирэ деса о Дэл аштярэлас и на холявэлас, дэкин терэнас о ковчеӷо. Андэр лэстэ сас найбут мануша. Лэн сас восемь, савэн фэрисардэ через о паи. Инке исин, со шолпэ пэ кода [по ковчеӷо], со фэрий тумэн акана. Када, кай тумэ болдён (най кай тэ вихалавэн и мэл па тила, ай тэ мангэн кай о Дэл вужо ди), через кода, кай о Иисус Христос рисайля каринг и жизня».
b Деяния 8:35, 36: «О Филиппо ля тэ дэл дума и, заля тэ росԥэнэн лэсти лащи весть важ о Иисусо, кадэлэ ҭанэстар андэ писания. Вонэ слинэ по дром, подлаглэ каринг о паи, и о евнухо ԥэндя: „Акэ о паи, со ритярэл ман тэ болдював?“».
c Деяния 22:12—16: «Тоди ек мануш, лэс ақарэнас Ана́ния, саво столас бари патив по Дэл кадя, сар и ԥэнэнаспэ андо законо. Пала кадэва мануш драго дэнас дума всаворэ иудеёря, савэ котэ жувэнас. Во авеля каринг мандэ, терделя паша мандэ и ԥэндя: „Савло, ԥрал, лэ упалэ тэ диқэс!“ И мэ, андэ кадэя же время, лэм упалэ тэ диқав и диқлэм пэр лэстэ. О Анания ԥэндя: „О Дэл амарэ дадэнго витидя тут, кай ту тэ уӷанэс, со во камэл, кай тэ диқэс кодэлэс, ко кандэл лэ Дэвлэс и тэ ашунэс лэско ӷолосо. Важ кода кай ту англа всаворэ мануша авэса кодэва, ко дэл дума важ лэстэ и пала кода, со диқлян и ашундян. И акэ, со ту цырдэс и время? Ущи, болдю и вихалав пэстирэ ӷрехоря кодэлэса, кай ақарэса лэс па алавэстэ“».
d Деяния 19:3—5: «Во пушля: „Ко тумэн сытярдя кадя тэ болдён?“ Вонэ ԥэндэ: „Амэн болдэ кадя, сар сытярэл о Иоанно“. О Павло ԥэндя: „О Иоанно болэл, кай тэ дицол, кай каинпэ. О Иоанно ԥэнэнас, кай тэ патян андэ кодэва, ко жал пала лэстэ, тэ патян андо Иисусо“. Кала вонэ када ашундэ, вонэ болделэ андо алав лэ Ӷосподоско лэ Иисусоско».