Исключин анда собрания, важ кода кай любин

О ԥрал, кастирэ шавэс исключисардэ анда собрания, вспоминатет: «Кала мэрнэ шавэс исключисардэ анда собрания, мэрни люма пэрэисайля. Во сас амэндэ барэдэр шаво, амэ фартэ любисарасас лэс и вмести проандярасас бут время. Во сас лашо шаво, но нэожыдано во ля пэс тэ андярэл найдраго. Мэрни хулаи вся и время ровэлас, мэ на ӷанавас, сар ла тэ подритярав. Амэ нисар нэ моӷли тэ полас, можэт амэ нэ правильно лэс сытярэнас? Хэба амэ самас найлашэ родителя?»

Хэба можно тэ ԥэнэс, кай кала исключин анда собрания, када жал через и любовь, если кадэлэстар кадя ԥарэс? Со пала када ԥэнэнпэ андэ Библия? Андэ сави ситуацыя исключин лэ манушэс анда собрания?

КАЛА ИСКЛЮЧИН АНДА СОБРАНИЯ?

Андэ сави ситуацыя исключин анда собрания лэ Иеговастирэ свидетелёс, саво болдо? Пэрво, если во стердя баро бэзэх, и дуйто, если во на каийпэ.

О Иегова на аштярэл, кай амэ андэ вся тэ авас совершэни, но во камэл, кай лэстирэ служытеля тэ жувэн па лэско свынто законо. Например, о Иегова сындоя важ барэ ӷрехоря, када важ о билажавардимос, кала тэлён хохавнэ дэвлэнди, кала чорэн, дилярэн пэ ловэ, умарэн аврэн и кала драбатярэн (1 Кор. 6:9, 10; Отк. 21:8).

Канешно, ту соӷласно, кай тэ жувэс па лэ Иеговаско законо годявэрнэс и када фэрий и жызня. Всаворэнди камэлпэ тэ жувэл паша лашэ мануша, пашэ мануша, савэ ладин и савэнди можно тэ патяс. Имено кадя андярэн пэс и мануша андэ собрания. Вонэ андярэн кацави жызня, важ кода кай динэ алав лэ Иеговасти тэ жувэн важ лэстэ и тэ терэн кадя, сар пистромэ андэ Библия.

Но со если болдо христианино подэлпэ пэ пэстири слабость и терэл баро бэзэх? Андэ дэлмутни время лэ Иеговастирэ служытеля, савэ лэс на парашэнас тэ кандэн, дэкала терэнас барэ бэзэха, но о Дэл на одбандёлас лэндар. И када драго дицол па лэ Давидоско примеро. Хоть во сас дошало андо билажавардимос и умардя лэ манушэс, о пророко Нафано ԥэндя лэсти: «О Иегова простий тиро бэзэх» (2 Сам. 12:13).

О Дэл простисардя лэ Давидоско бэзэх, важ кода кай во па чачимастэ каисайля (Пс. 32:1—5). Кадяжэ и адес лэ Иеговастирэ служытелёс исключин анда собрания, кати если во на каийпэ или на парашэл тэ терэл о бэзэх (Деян. 3:19; 26:20). Если и старейшыноря, савэ ужан андо правово камитето, диқэн, кай о мануш на каийпэ па чачимастэ, вонэ трэбуй лэс тэ исключин анда собрания.

Спэрва кацави ришэния можэт тэ здэлпэ фартэ строӷо или дажэ жэстоко, особенно, кала анда собрания исключин манушэс, саво амэнди куч. Но андэ Библия драго дицол, кай кацави ришэния прилэн, важ кода кай любин.

КАДА АНЭН ЛАШЫМОС

О Иисусо ԥэндя, кай «и мудрость дицол пэ дила» (Матф. 11:19). Кала исключин кодэлэс, ко на каийпэ, када анэн лашымос. Роздиқаса трин маменторя.

Кала исключин кодэлэн, ко терэл бэзэх, кадэлэстар лэ Иеговаско алав ашэлпэ вужо. Амэ ԥэнас пэр пэстэ, кай амэ лэ Иеговастирэ свидетеля и через кода, сар амэ андярас пэс зависит, сар лэна тэ дэн дума пала амаро Дэл (Ис. 43:10). Кала диқэн, сар андярэл пэс бэято, авэр мануша моӷут тэ полэн, савэ лэстэ родителя. Точно кадяжэ жэ и лэ Дэвлэса. Пала амаро Дэл лэна драго тэ дэн дума, кала лэстирэ служытеля анда вся оди жувэн па лэско свынто законо. И, наоборот, если лэстирэ служытеля найдраго андярэн пэс, када лажаварэла лэ Иеговаско алав. Када сас драго дицол андэ деса, кала жувэлас о пророко Иезекиилё. Андэ кодэя время, кала авэр народоря ашунэнас о алав Иегова, вонэ сразу полэнас, кай дума жал пала евреёря (Иез. 36:19—23).

Если мануш андярэл пэс билажавардэс, через када жала найлащи дума па лэ Дэвлэско алав. О апостоло Пётро ԥэнэнас лэ христианонэнди: «Сар кандинэ бэяцэ, будэр на терэн, со тумэ камэнас, кала на ӷанэнас о чачимос. Но екжэнэ авэн свынти андэ вся, со тумэ терэн, сар кодэва, ко свынто, саво ақардя тумэн. Важ кода кай пистромэ: „Авэн свынти, важ кода кай мэ свынто“» (1 Пет. 1:14—16). Лэ Дэвлэско алав авэла ашунгло, если кай о мануш вужи, свынто поведения.

Если лэ Иеговаско свидетелё терэл бэзэх, када всаек уӷанэна лэстирэ друӷоря и кодэла, ко лэс драго ӷанэл. Кала исключин анда собрания, када сыкавэл, кай андэ лэ Иеговаско народо моӷут тэ авэн кати кодэла, ко приашундёнпэ каринг и Библия и старыинпэ тэ жувэн па свынто лэ Дэвлэско законо. Еқварэс ек мурш андэ Швейцария авеля пэ христианско собрания андо Зало Царства и ԥэндя, кай камэл тэ ашэл лэ Иеговаско свидетелё. Васо? Лэстиря ԥья исключисардэ анда собрания через о билажавардимос. Кадэва мурш ԥэндя, кай камэл тэ авэл андэ арӷанизацыя, андэ сави на ԥандавэн и яқа пэ бэзэх.

Кала исключин, када поможый, кай христианско собрания тэ ашэлпэ вужи. О апостоло Павло ԥэнэнас лэ коринфянонэнди, со моӷло бы тэ авэл, если машкар лэндэ ашэласпэ кодэва, ко спецыально терэл бэзэх. О Павло ԥэндя, кай када опасно и сыстосардя кадэлэ манушэндири найлащи влияния кодэлэса, сар лэл тэ бродий и опара. Во пистросардя: «Набут дрожи зваздэн вся о хумэр». И потом во ԥэндя, со лэнди трэбуй тэ терэн: «Улэн анда собрания лэ манушэс, саво терэл о найлашимос» (1 Кор. 5:6, 11—13).

О апостоло Павло дэлас дума пала мануш, саво терэлас билажавардо бэзэх и дажэ на лажалас, ай авэр андэ собрания дажэ оправдывали лэс (1 Кор. 5:1, 2). Если бы о апостоло на шутоп сама пэ кадэя серьёзно ситуацыя, авэр моӷли бы тэ гиндон, кай билажаварди поведения, сави сас фартэ распространёно андэ лэнго форо, када нормально. Кала варико спецыально на парашэл тэ терэл бэзэх, ай авэр пэ када на шон сама, кадэлэстар авэр моӷут тэ гиндон, кай па лэ Дэвлэско законо можно тэ на стон патив (Эккл. 8:11). Через и мануша, савэ на каинпэ андо пэско бэзэх, авэр моӷут тэ змардёнпэ па лэ Дэвлэско дром (Иуды 4, 12).

Кала исключин, када поможый лэ манушэсти тэ обгиндойпэ. Еқвар о Иисусо росԥэндя и притча пала найкандино шаво, саво жылятар андэ лэ дадэско цэр и потратисардя всаворэ ловэ пэ билажаварди жызня. Во пар пэстэ поля, кай кала во жувэлас би лэ дадэско, лэстири жызня сас шущи и бибахтали. Во обгиндосайля, каисайля и ришыл тэ рийпэ цэрэ каринг о дад (Луки 15:11—24). О дад фартэ обрадосайля кодэлэсти, кай лэско шаво паруделя и анда оди приля лэ шавэс цэрэ. Када сыкавэл, со по ди кай о Иегова, кала мануш, саво терэлас бэзэх и на каияспэ, через и время парудёлпэ. О Иегова ԥэнэн: «Мэ на лошавав, кала мэрэл о ӷрешнико. Мэ камав, кай о ӷрешнико тэ парашэл тэ терэл о найлашимос и ашэлпэ тэ жувэл» (Иез. 33:11).

Кадяжэ и кодэла, кас исключисардэ анда собрания, сави сас важ лэндэ сар ери, через и время моӷут тэ полэн со хасардэ. Кала вонэ полэна, кай би лэ Иеговаско лэндэ андэ жызня кати и проблемы, и кала вонэ лэна тэ вспоминают, сар драго лэнди сас, кала лэндэ сас дружба лэ Иеговаса и лэ ԥралэнца и лэ ԥэянца андэ собрания, када можэт тэ поможый лэнди тэ каинпэ и тэ ринпэ андэ собрания.

Кай исключения анда собрания тэ анэн лэнди лашымос,трэбуй най кати и любовь, но инке и твёрдость. О Давидо ԥэнэнас: «Если дэладап ман о праведно, кадя во сыкавэла предано любовь, если сыкавэла, андэр со мэрни дош, када авэла сар вулей пэ мэрно шэро» (Пс. 141:5). Представь пэсти кацави ситуацыя. Дуй мурша жылэ ивэндэ андо вэш и хасардэ о дром. Ек андар лэндэ фартэ запоӷосайля и камэл тэ совэл. Если во засовэла пэ ӥв, во мэрэла. Пока вонэ аштярэн лэ спасателёнэн, авэр мурш время времятар марэл лэс палма, кай во тэ на засовэл. Хоть аврэсти кадэлэстар дуқанэс, када поможый лэсти тэ ашэлпэ жундо. О царё Давидо кадяжэ полэлас, кай кала лэс исправий о праведно мануш, спэрва када можэт тэ авэл фартэ нэприятно, но потом када анэн ек о лашымос.

Кала манушэс исключин анда собрания, када можэт тэ поможый лэсти тэ парудёлпэ. Шаво, пала саво сас пистросардо май опрэ андэ кадэя статья, через 10 бэрш лашардя пэстири жызня и рисайля андэ собрания. Акана во служый сар старейшына. Во росԥэнэн: «Кала ман исключисардэ андэ собрания, мэ чётко полэм каринг со андярэл кода, сар мэ андяравас пэс. Кацави наказания сас манди трэбуй» (Евр. 12:7—11).

АНДЭР СО ДИЦОЛА АМАРИ ЛЮБОВЬ

Када чаче, кала манушэс исключин анда собрания, када можно тэ ԥэнэс бари бида. Но кажно андар мэндэ можэт тэ поможый, кай исключения тэ анэн лашымос манушэсти.

Старейшыноря, савэ ԥэнэн лэ манушэсти, кай лэс исключин анда собрания, терэн када ковлэс, сар када ԥэндоп о Иегова. Вонэ по доброму росԥэнэн лэ манушэсти, со во трэбуй тэ стерэл, кай тэ рийпэ андэ собрания. Кай тэ напоминают лэ манушэсти, сар тэ рийпэ каринг о Иегова, вонэ най часто, но зажан каринг мануш, саво ужэ стердя варисо, кай тэ парудёлпэa.

Ери и родо, кодэлэ манушэстирэ, кас исключисардэ андэ собрания, кадяжэ сыкавэн и любовь каринг лэстэ. Сар? Вонэ подритярэн и ришэния пала лэстири исключения. О дад кадэлэ шавэсти, пала кас амэ ужэ дям дума, ԥэнэн: «Во всаек сас мэрно шаво, но через кода, сар во пэс андярэлас, во кабута вазгля и стина машкар амэндэ».

Авэр андэ собрания сыкавэн каринг исключоно мануш любовь, кала нисар лэса нэ общяюца. Када любовь, сави основана па библейски принцыпоря (1 Кор. 5:11; 2 Иоан. 10, 11). Кадя вонэ сыкавэн, кай подритярэн лэ Иеговастири ришэния, сави во виандярдя через и старейшыноря. Но кадяжэ лэнди трэбуй тэ шон сама и тэ заботинпэ пала ери кодэлэ манушэстири, кас исключисардэ. Лэстирэ ерести фартэ ԥарэс. И амэ на камас тэ андярас пэс кадя, кабута лэн тожэ исключисардэ анда собрания (Рим. 12:13, 15).

Кодэва дад, каско шаво сас исключоно, ԥэнэн, со во поля: «Кала исключин анда собрания лэ манушэс, саво на каийпэ, када трэбуй тэ стерэн. Када поможый тэ андярэн вужи жызня, сар камэл о Иегова. Хоть спэрва кадэлэстар фартэ ԥарэс и дуқал оди, но потом када анэн лашымос. Если бы мэ ԥандававас яқа пэ кода, сар андярэлас пэс мэрно шаво, во никала на парудоп пэстири жызня».