Сытён тэ ритярэн пэс андэ вас

1, 2. а) Каринг со анэн, кала о мануш на ритярэл пэс андэ вас? б) Васо кадэя проблема исин май бут андэ амарэ деса?

О ДЭЛ поможый лэ манушэсти, кала о мануш камэл май драго тэ ритярэл пэс андэ вас (Гал. 5:22, 23). Май драго всаворэндар ритярэл пэс андэ вас кати о Иегова. И мануша най кацавэ, сар о Иегова, важ када лэнди ԥарэс кадя тэ терэн. И чаче, адес бут проблемы лэндэ, важ кода кай на ритярэн пэс андэ вас. Кала вонэ када на терэн, дэко андар лэндэ отстол и дила, варико найдраго сытёл или найдраго терэл пэсти бути. Инке када дондярэл каринг кода, кай о мануш тэ акушэлпэ, тэ матёл, тэ цыпий и тэ марэлпэ, тэ ужалтар анда ери, тэ завужылийпэ, кала када на трэбуй, тэ цырдэлпэ каринг о найлашимос, тэ попэрэл андо бар, и лэсти может тэ ашэл ԥарэс кодэлэстар, со стердяпэ. Кадяжэ када анэн насвалимос, саво пэрэжал через о ром или ромни и тэ авэл бэято, кала на камэл (Пс. 34:11—14).

² Кодэла, ко на ӷанэн тэ ритярэн пэс андэ вас, терэн проблемы пэсти и аврэнди. Кала пушлэ манушэндар, пэ скати андэ амари время мануша ӷанэн тэ ритярэн пэс андэ вас, ко пушэлас полинэ, кай кадя май мало терэн, чем андэ 1940 бэрш. Када най удивительно важ кодэла, ко сытёл па Библия. Андар латэ вонэ ӷанэн, кала и мануша на ритярэн пэс андэ вас, када ек, со сыкавэл, кай «послидни деса» (2 Тим. 3:1—3).

3. Васо христианонэнди трэбуй тэ ритярэн пэс андэ вас?

³ Васо трэбуй тэ ритярэн пэс андэ вас? Роздиқаса, васо када трэбуй. Пэрво, кай лэ манушэндэ, савэ ритярэн пэс андэ вас, май набут проблемы. Кацавэ мануша на шонпэ пэ кодэла, ко на ӷанэн тэ ритярэн пэс андэ вас. Вонэ ладин аврэнца, йто на холявэн, най кадя фартэ пэрэживают пала вся и лэндэ най часто бывает депрессия. Дуйто, кай тэ ашэнпэ лэ Дэвлэстирэ другоря, трэбуй тэ на подэнпэ тэ стерэн варисо нэправильно и тэ ритярэн пэс андэ вас, кала камэлпэ, кода со нащи. О Адамо и Ева кадя на стердэ (Быт. 3:6). Инке трэбуй тэ погиндосарас, сави бида может тэ авэл кай и мануша, савэ на ритярэн пэс андэ вас.

4. Со может тэ дэл помощь кодэлэнди, касти ԥарэс тэ ритярэн пэс андэ вас?

⁴ О Иегова полэл, кай лэстирэ служителя несовершенни, и важ када лэнди ԥарэс тэ ритярэн пэс андэ вас. Но во камэл лэнди тэ поможый, кай вонэ тэ на стерэн кода, со камэлпэ, но нащи (1 Цар. 8:46—50). Сар любящё Друго, во анда оди поможый кодэлэнди, ко камэл лэсти тэ служий, но касти ԥарэс тэ ритярэн пэс андэ вас. Спэрва диқаса, сар о Иегова ритярэл пэс андэ вас. Ай тоди подаса дума важ и мануша, пала савэ росԥэнэнпэ андэ Библия, кастар трэбуй тэ сытювас, ай кастар най. Кадяжэ подаса дума пала кода, со поможыя амэнди май драго тэ ритярас пэс андэ вас.

О ИЕГОВА СЫКАВЭЛ, САР ТРЭБУЙ ТЭ РИТЯРЭС ПЭС АНДЭ ВАС

5, 6. Сости сытювас кай о Иегова, сар во зритярдя пэс андэ вас?

⁵ О Иегова совершенно андэ вся, важ када во май драго всаворэндар ритярэл пэс андэ вас (Втор. 32:4). Но амэ най кацавэ, сар во. Но кала амэ гиндосарас, сар о Иегова када терэл и сытювас лэстар, амэ можем май драго тэ зритярдюваспэ. Спэрва вспомним, кала о Иегова драго сыкадя, сар во зритярдя пэс андэ вас.

⁶ Погиндосарам, сар о Иегова андярдя пэс, кала о Сатана нагло жыля против лэстэ. О Дэл трэбуй сас варисо тэ стерэл, кала о Сатана жыля против лэстэ. О Сатана холярдя и тердя фартэ найдраго по ди лэ ангелонэнди, савэ кандэнас лэ Дэвлэс. Может и тумэндэ кацаво же андо ди, сар гиндон пала биды и ԥаримос, саво о Сатана терэл лэ манушэнди. Но о Иегова нисо на ля тэ терэл анда холи. Во спэрва драго погиндосардя и поля, со и сар май драго тэ стерэл. Во сыкадя, кай во на грабийпэ тэ холявэл и кай во справедливо (Исх. 34:6; Иов 2:2—6). Васо можно кадя тэ ԥэнас? О Иегова домэкля, кай тэ прожал варисави время, важ кода кай на камэл, кай варико анда мануша тэ мэрэл, ай камэл, «кай всаворэ тэ каинпэ пала кода, со най кадя стердэ» (2 Пет. 3:9).

7. Сости амэн сытярэл, сар андярэл пэс о Иегова?

⁷ Кода, сар о Иегова андярэл пэс, сытярэл амэн, кай трэбуй тэ погиндосарас, со тэ ԥэнас и сар май драго тэ стерас. Если тумэнди варисо трэбуй важно тэ стерэн, витидэн время, кай драго тэ погиндон. Мангэнпэ пала мудрость, кай тэ ԥэнэн или тэ стерэн кода, со правильно (Пс. 141:3). Анда даратэ и анда холи, о мануш может вушэро тэ стерэл, со нэправильно. Нащи тэ грабисавас. Бутэ христианонэнди ашэля ԥарэс после кода, сар вонэ грабисайлэ варисо тэ ԥэнэн или тэ стерэн (Прит. 14:29; 15:28; 19:2).

КАСТАР КАЙ ЛЭ ИЕГОВАСТИРЭ СЛУЖИТЕЛЯ ТРЭБУЙ ТЭ СЫТЮВАС, АЙ КАСТАР НАЙ?

8. а) Кай можно тэ виарақас, кастар тэ сытювас? б) Со поможысардя лэ Иосифости тэ на подэлпэ? (Диқэн картинка англа статья.)

⁸ Андэ Библия запистромэ пала мануша, савэ ритярэнас пэс андэ вас, кала слинэ проблемы. Ек, када о Иосифо, лэ Иаковоско шаво. Во терэлас бути андо цэр, кай о Потифаро. О Потифаро сас барэдэр машкар кодэла, ко фэрияс лэ фараонос. Лэ Потифарости ромни стодя як по Иосифо, саво сас «шукарно и драго пэса». Вой най еқвар терэлас, кай во тэ пэрэл ласа. Со поможисардя лэ Иосифости тэ на подэлпэ кадэлэсти? Во гиндояс, со может тоди тэ авэл. Кала лэ Потифарости ромни ля тэ цырдэл лэ Иосифос каринг пэстэ, во унашлятар. Во погиндосардя: «Сар мэ стерава кадэва найлашимос и стерава бэзэх англа Дэл?» (Быт. 39:6, 9; адиносар Притчи 1:10a).

9. Со поможыя тумэндэ тэ на подэнпэ тэ стерэн кода, со нащи?

⁹ Сости амэ сытювас лэ Иосифостар? Дэкала, можно тэ ԥэнас, амэнди трэбуй тэ унашастар кодэлэстар, через со можем тэ стерас бэзэх англа Дэл. Дэсавэ мануша, сар инке на ашэлэ свидетеля, вонэ, матёнас, пэрэханас, цырдэнас, прилэнас драб и андярэнас пэс билажавардэс. Даже после кода, сар вонэ болделэ, дэкала лэнди камэлпэ упалэ тэ терэн када. Со тэ терас, кала амэ камас тэ стерас бэзэх? Гиндон, кай тумэ можете тэ хасарэн и дружба лэ Иеговаса, сар подэнапэ кодэлэсти, со камэн, но со нащи. Када дэла тумэнди зор тэ на подэнпэ. Погиндон, кай и кала тумэ можете тэ закамэн тэ стерэн кода, со нащи и сар када тэ обжан (Пс. 26:4, 5; Прит. 22:3). Кала камэн тэ стерэн кода, со нащи, вся время мангэнпэ лэ Иеговасти пала мудрость и кай тэ ритярэн пэс андэ вас.

10, 11. а) Савэ бывают проблемы кай и тэрнэ христианоря андэ школа? б) Со лэнди поможыя тэ на терэн кода, со нащи, кала пэр лэндэ тасавэн?

¹⁰ Кода, со сас лэ Иосифоса бывает и кай бут тэрнэ христианоря. Акэ, со сас ла щеёраса Ким. Каса вой сытёлас андэ школа, май бут уже жувэнас кацавя жизняса, сави может тэ авэл кати машкар ром и ромни. После выходни вонэ путёнас кодэлэса, со лэндэ сас. Ай ла Кимати сас най со тэ росԥэнэн. Вой ԥэнэн, кай дэкала гиндояс, кай вой никасти на трэбуй, важ кода кай сас най кацави, сар всаворэ. Ла Киматирэ ровэсникоря ԥэнэнас, кай вой дилёры, важ кода кай никаса нэ встречалась. Но вой полэлас, васо када годявэрнэс. Вой ӷанэнас, кай андэ тэрнэ бэрша, может фартэ тэ камэлпэ кода, со кати может тэ авэл машкар ром и ромни (2 Тим. 2:22). Латирэ ровэсникоря пушэнас латар, вой чаче инке щеёры. Тоди вой могла пала када тэ росԥэнэн. Амэ абуросарас лэ тэрнэ христианонэнца, савэ на подэнпэ кодэлэсти, со ԥэнэн и ровэсникоря, кай тэ терэн билажавардэс. И сар же лэнца абурой о Иегова!

¹¹ Андэ Библия росԥэнэнпэ пала кодэла, ко на зритярдя пэс андэ вас и стердя билажавардэс. Када андя лэнди барэ проблемы. Если тумэндэ кадяжэ, сар кай и Ким, погиндон пала тэрно мануш, саво бут со на ӷанэнас, пала саво росԥэнэнпэ андэ 7 мо глава Притч. Кадяжэ вспомните, со стердя о Амноно и сави бида када андя (2 Сам. 13:1, 2, 10—15, 28—32). Кала о ери сытёл па Библия и родителя могут тэ роздиқэн лэ бэятонэнца кадэла библейски стихоря. Када поможыя лэнди тэ ритярэн пэс андэ вас и тэ полэн, сар вонэ трэбуй тэ андярэн пэс лэ шаворэнца или лэ щеёранца.

12. а) Сар о Иосифо зритярдя пэс англа ԥрала? б) Кала амэнди трэбуй тэ ритярас пэс андэ вас?

¹² Акэ инке еқвар, кала о Иосифо зритярдя пэс андэ вас. Кала лэстирэ ԥрала авелэ андо Египто тэ тинэн тэ хан, о Иосифо диқляпэ лэнца, но на ԥэндя, ко во, кай тэ полэл, со лэндэ андо ди. Кала во нэ мог тэ зритярдёлпэ, во зажыля андэ авэр цэр, кай нико тэ на диқэл, кай во ровэл (Быт. 43:30, 31). Если варико анда христианоря или ко тумэнди чачо, терэл найдраго, но тумэ зритярэн пэс, тоди тумэ на стерэн кода, пала со прижалапэ тэ пэрэживаете (Прит. 16:32; 17:27). Ай сар тумаро варико чачо парашэля тэ авэл свидетелё, тумэнди трэбуй тэ ритярэн пэс андэ вас, кай тэ на дэн дума лэса, кала када на трэбуй. Тэ терэн када най вушэро. Но андэ када тумэнди поможыя, если тумэ лэна тэ сэрэн, кай тумэ терэн кадя, сар сытярэл о Дэл.

13. Сости амэ сытювас кай о Давидо?

¹³ Давайте инке уӷанаса пала царё Давидо. Кала о Сауло, ай тоди о Шимеё холярэнас лэ Давидос, во зритярэлас пэсти холи, хоть лэстэ и сас бари власть (1 Сам. 26:9—11; 2 Сам. 16:5—10). Но кай о Давидо най вся время вижалас тэ зритярдёлпэ. Када дицол, кала во стердя бэзэх ла Вирсавияса, ай кадяжэ фартэ холяйля пэ кода, со стердя о Навало (1 Сам. 25:10—13; 2 Сам. 11:2—4). Но всаек амэндэ исин, сости тэ сытювас лэстар. Пэрво, трэбуй тэ ритярэн пэс андэ вас кодэла, кастэ исин власть андэ лэ Дэвлэско народо, кай вонэ тэ на терэн кода, со лэнди на динэ. Дуйто, никасти андар мэндэ нащи тэ гиндосарас, кай амэ никала на стераса кода, со камэлпэ, но со нащи (1 Кор. 10:12).

СОВЕТОРЯ, САВЭ АНЭН ЛАШИМОС

14. Со сас кай ек ԥрал и васо трэбуй тэ зритярэс пэс андэ кацаво моменто?

¹⁴ Сар тэ сытювас, кай тэ зритярас пэс андэ вас? Давайте уӷанаса, со сас лэ ԥралэса лэ Луиджаса. Андэ лэсти машина палал дяпэдап авэр машина. Хоть и дошало сас о мануш анда кодэя машина, во ля тэ ԥэнэн абисо по Луидж и камля тэ марэлпэ лэса. Кай тэ на холявэл, о Луидж мангляпэ лэ Иеговасти. Во кадяжэ камля тэ улэл кадэлэ манушэс, но вся евья. О Луидж пэрэпистросардя о номеро ла машинако и лаглятар, ай кодэва на парашэлас тэ цыпий. Через курко о Луидж авеля каринг ек жувли, сави камля тэ подэл дума пала Библия. И акэ, кодэва мануш и сас лако хулай, саво дядап лэсти машина! Лэсти сас фартэ лажаво и во мангля прощения, важ кода кай кадя андярдя пэс. О хулай кодэла жувляко мангля, кай о Луидж тэ позвоний андэ страхово компания, кай май йто тэ роздиқэн лэнди дила. Кадяжэ вонэ драго подинэ дума пала Библия. О Луидж сас фартэ радо, кай зритярделяпэ кода разо. Тэ андярдоп во пэс па аврятэ, ко ӷанэн, со авелоп. (Адиносар 2 Коринфянам 6:3, 4b).

15, 16. Сар кода, кай ту и тиро ери сытён па Библия, поможыя тумэнди май драго тэ ритярэн пэс андэ вас?

¹⁵ Сар о христианино драго сытёл па Библия, када дэл лэсти помощь, инке май драго тэ ритярэл пэс андэ вас. Вспомним алава, савэ о Дэл ԥэндя лэ Навиности: «Мэк кадэя книга закона, на отжал тиря шыбатар. Адиносар ла дес и рят и на грабисав, кай точно тэ терэс вся, со андэр латэ пистромэ. Тоди ту авэса бахтало пэ тиро дром и лэса тэ терэс годявэрнэс» (Иис. Н. 1:8). Но сар дэл помощь кода, кала сытювас па Библия?

¹⁶ Сар амэ подям дума, андэ Библия можно тэ арақэс кода, со драго сыкавэл каринг со анэн, кала о мануш зритярэл пэс андэ вас и кала най. Када запистромэ андэ Библия, кай тэ поможый амэнди (Рим. 15:4). Пэ скати важно тэ адинон, драго тэ полэн и тэ гиндон пала када. Тер, кай тэ полэс, сости кадэлэстар можешь тэ сытёс ту и тиро ери. Манг лэ Иеговас тэ поможый. Если ту полян, кай андэ варисо тутэ на вижал тэ ритярэс пэс андэ вас, на ашав када кадя. Мангпэ пала кадэя проблема и тер вся, кай тэ полэс, сар можно тэ парудёс (Иак. 1:5). Кала май драго полэса, со ԥэнэнпэ андэ амари литература, ту виарақэса, со поможыя.

17. Со и родителя могут тэ терэн, кай и бэятцэ тэ ӷанэн тэ ритярэн пэс андэ вас?

¹⁷ Кала бэятцэ арақадён, вонэ на ӷанэн тэ ритярэн пэс андэ вас. Со могут тэ терэн и родителя, кай вонэ када тэ ӷанэн? И родителя трэбуй тэ сыкавэн, сар вонэ када терэн (Эф. 6:4). Если тумэ диқэн, кай тумарэ бэятонэнди ԥарэс тэ ритярэн пэс андэ вас, погиндон: «Ай мэ екжэно терав кадя?» На бистрэн, кай и бэятцэ диқэн и сытён тумэндар, кала тумэ на промэкэн тэ сытён лэ ереса па Библия, тэ авэн пэ собрания и тэ росԥэнэн пала Дэл. На даран тэ ԥэнэн лэ бэятонэнди «най». О Иегова ԥэндя лэ Адамости и ла Евати, со можно и со нащи, кай вонэ тэ ценин лэско законо. Кала и родителя терэн кадяжэ и сытярэн лэ бэятонэн, када поможыя лэнди тэ ритярэн пэс андэ вас. Кала тумэ сытярэн лэн, тумэ терэн само лашо подарко лэ бэятонэнди, кай вонэ тэ любин лэ Дэвлэс и тэ полэн, кай лэ Дэвлэско законо трэбуй тэ авэл лэндэ пэ пэрво ҭан. (Адиносар Притчи 1:5, 7, 8c).

18. Васо трэбуй правильно тэ витидэн другонэн?

¹⁸ Амэнди всаворэнди трэбуй правильно тэ витидас лашэ другонэн. Виарак пэсти другонэн, савэ поможына тэ стерэс кода, со па чачимастэ драго и сар тэ обжас и проблемы (Прит. 13:20). Если тумарэ другоря любин лэ Дэвлэс, лэндэ састи вера, вонэ ӷанэн тэ ритярэн пэс андэ вас, тоди тумэ кадяжэ лэна тэ терэн. Ай кода, сар тумэ пэс драго андярэн, тумарэ другоря кадяжэ сытёна тумэндар. Если тумэ терэн, кай май драго тэ ритярэн пэс андэ вас, тумари жизня авэла май радостно, май бахтали, тумэ авэна куч важ о Дэл и кодэлэнца, кас тумэ любин, тумэ авэна лашэ другоря.