3. Сар алава анда Библия могут тэ терэн май вушэро по ди

КАЛА О МАНУШ НАСВАЛО И НЭ МОЖЕТ ТЭ ВИЛЕЧИЙПЭ

Ек щей, савя ақарэн Роза росԥэнэн: «Мандэ насвалимос, саво пэрэдяпэ лэ родителёнэндар. Через лэстэ мандэ вся время сас бари дук. Фартэ йто мэрно насвалимос ашэля инке май баро». Лако насвалимос на дэлас лати тэ гиндой, кала вой сытёлас па Библия или терэлас авэр дилы важ о Дэл. Вой фартэ пала када загиндояспэ. Но лати по ди тердэ май вушэро лэ Иисусостирэ алава, савэ запистромэ андэ Матфея 19:26: «О Дэл вся может». Через лако насвалимос лати сас ԥарэс тэ адиной. И Роза поля, кай кала вой сытёл па Библия вой может най кати тэ адиной, но и тэ ашунэл. Вой ля тэ ашунэл аудио па Библия и па библейско литература. Вой ԥэндя: «Мэ даже на ӷанав, сар мэ жудоп би лэнго».

Ла Розати ԥарэс по ди, важ кода кай вой нэ может тэ терэл, скати терэлас варикала. Лати по ди терэн вушэро алава анда 2 Коринфянам 8:12: «Кала о мануш камэл варисо тэ терэл, када куч важ о Дэл. О Дэл диқэл пэ кода, со кай о мануш исин, и на диқэл пэ кода, со лэстэ нинай». Кадэла алава дэн лати тэ сэрэл, кай важ о Дэл куч вся, со вой терэл. Васо? Важ кода кай вой терэл вся, со андэ лако зор.

КАЛА МУЛЯ ЧАЧО МАНУШ

И Рая, пала сави сас пистромэ май англал, росԥэпэн: «Кала муля мэрни щей, савяти сас 18 бэрш, мандэ кадя фартэ дуқалас оди, кай мэ на ӷанавас, сар мэ тэ жував. Мэ полавас, кода со сас, никала на авэла». Но лати по ди тердэ вушэро алава анда молитва еқэ манушэсти. Вонэ запистромэ андэ Псалом 94:19: «Кала мандэ слинэ гиндоря, савэндар ԥарэс, тирэ алава улэнас мэрно ди и манди ашэлас май вушэро». И Рая ԥэнэн: «Мэ мангавас, кай о Иегова тэ поможый манди тэ виарақав, состар по ди мандэ авелоп май вушэро».

Вой закамля тэ терэл май бут важ о Дэл. И Рая ԥэнэн, кай вой, сар о мело, савэнца рисуин. Даже, кала о мело ԥадёл, лэса всаек можно тэ рисуис. Хоть дэкала лати сас ԥарэс по ди, вой всаек поможыяс аврэнди. Вой росԥэнэн: «Мэ полэм, кай кала мэ подритярав алавэнца анда Библия кодэлэн, кас сытярав па Библия, манди екжэняти по ди ашэл май вушэро». И Рая пистросардя андэ пэстири тетрадка пала мануша анда Библия, савэ кадяжэ хасардэ пэстирэ чачен. И Рая фартэ драго уӷанэнас пала лэндири жизня. Вой ԥэнэн: «Вонэ всаворэ бут мангэнаспэ лэ Дэвлэсти. Но мэ кадяжэ полэм, кай кала тири Библия ԥандади, ту на уӷанэса, со о Дэл камэл тути тэ ԥэнэн».

Через кода, кай и Рая сытёлас па Библия, вой сытеля тэ диқэл англэ, ай най пэ кода, со сас. Лати драго ашэл по ди алавэндар, савэ запистромэ андэ Деяния 24:15: о Дэл «рия каринг и жизня кодэлэн, ко муля». Пэ скати вой патял, кай о Иегова рия каринг и жизня латиря щя? И Рая ԥэнэн: «Мэ уже диқав пэстиря щеёра. О Иегова уже ӷанэн о дес, кала амэ диқасапэ. Мэ уже диқав, сар амэ ԥирас па амаро садо. Мэ ӷанав и патяв, кай амэ кадяжэ диқасапэ, сар андэ пэрво дес, кала вой авеля пэ люма и мэ лэм ла пэ вас».