2. Сар алава анда Библия могут тэ улэн, кай о мануш

ФАРТЭ ТЭ НА ЗАГИНДОЙПЭ ПАЛА ԤАРИМОС

Ек щей, савя ақарэн Рада, росԥэпэн: «Мэ вся время фартэ загиндосававас, саво найлашимос манца может тэ терэлпэ, аж насвававас. Савэ алава анда Библия динэ лати зор? Проадиносараса Матфея 6:34: «Никала фартэ на загиндонпэ пала ԥаримос, саво авэла тэся, важ кода кай тэся авэла пэско ԥаримос. Хутилэла пэ кажно дес пэско найлашимос». Кадэла лэ Иисусостирэ алава динэ зор ла Радати. Вой парашэля фартэ тэ загиндойпэ пала ԥаримос, саво может и тэ на авэл андэ авэр дес. Вой ԥэнэн: «И кадя ԥэрдо дила. Состэ инке фартэ тэ загиндоспэ пала ԥаримос, саво может и тэ на авэл».

И Патрина кадяжэ фартэ загиндояспэ, аж насвавэлас. «Мэ кажно курко могла тэ ровав десэнца. Рятенца мэ нэ могла тэ засовав. Мэ гиндосаравас пала пэстэ найдраго и када халас ман зорэстар». Савэ алава анда Библия динэ лати зор? Алава анда 1 Петра 5:7, катэ ԥэнэнпэ «И вся, пала со фартэ загиндонпэ, отдэн лэсти, важ кода кай во диқэл и фэрий амэн». И Патрина ԥэнэн: «Мэ на парашавас тэ мангавпэ лэ Иеговасти и во поможысардя манди. Манди ашэля фартэ вушэро, кабута бар спэля па оди. Дэкала мэ упалэ гиндосарав пала пэстэ найдраго. Но акана мэ ӷанав, сар тэ улав кадэла гиндоря, савэ ӷулен манди андо шэро».

ТЭ НА ПРИСЫТЁЛ ТЭ ОТСТОЛ И ДИЛА МАЙ ИНТЯ

Ек щей, савя ақарэн Еня, ԥэнэн: «Мэ гиндосарав, кай присытелэм мэрнэ дадэстар тэ отстав и дила май интя. Кай тэ терэс и дила, сави трэбуй, ту залэспэ аврэса, отцыёс и диқэс о телевизоро. Найдраго, кала присытёс кадя тэ терэс, важ кода кай тоди ту вииспэ па вся цэр и терэс вся грабимаса». И алава, савэ лати динэ зор, запистромэ андо 2 Тимофею 2:15: «Тер вся, со можешь, кай о Дэл тэ хвалий тут, и тер дила кадя, кай тэ на авэл, пала со тэ лажас». И Еня ԥэнэн: «Мэ на камлэм, кай лэ Иеговасти тэ авэл важ мандэ лажаво». Через када вой фартэ закамля тэ парудёл.

Акэ, со ԥэнэн и Папира: «Кала манди дэнас варисави дила, мэ цырдавас ла жы кай послиднё дес. Тоди мэ ровавас, рятенца на совавас и сымас фартэ загиндомэ. Манди екжэняти када фартэ на чалёлас». Лати динэ зор и алава анда Библия, савэ запистромэ андэ Притчи 13:16: «Кажно, ко годявэрно, терэл годявэрнэс, ай найгодявэрно сыкавэл пэско дилимос». (Нэво русско переводо). Акэ, со вой поля, кала гиндояс пала кадэла алава: «Трэбуй тэ гиндос, кала, со и сар тэ терэс. Акана мэ, со трэбуй тэ терав по дес, пистросарав андэ мэрни тетрадка, сави ритярав по столо. Када поможый манди тэ стидавпэ и тэ терав вся андэ пэстири время».

ТЭ ГИНДОЙ, КАЙ ЕКЖЭНИ И НИКАСТИ НА ТРЭБУЙ

И Чохай росԥэнэн: «Мэрно хулай жылятар и ашадя ман штарэ цынёне бэятонэнца». Савэ алава анда Библия динэ зор лати? Андэ Притчи 17:17 ԥэнэнпэ: «О чачуно друго пэстири любовь сыкавэл пэ дила андэ любо время, во ԥрал, саво авеля пэ люма, кай тэ поможый андэ бида». И Чохай мангля, кай лати тэ поможын и другоря, савэ, сар и вой, полэн лэ Иеговас. Со вонэ стердэ важ латэ? Вой росԥэнэн: «Вонэ на ашавэнас ман и поможынас! Дэсавэ паша мэрнэ двэри ашавэнас о хамос и цвиторя. Трин разоря бут мэрнэ другоря поможынас амэнди лэ бэятонэнца тэ пэрэжас андэ авэр цэр. Кадяжэ манди поможысардэ тэ виарақав бути. Мэрнэ другоря вся время слинэ манца».

И Рая, пала сави сас пистромэ май англал, кадяжэ гиндояс, кай вой екжэни и никасти на трэбуй. Во ля тэ гиндой кадя, кала хасардя, со сас важ латэ фартэ куч. Вой росԥэнэн, со сас латэ андо ди: «И жизня кадя и жалас, ай мэ кабута диқавас ригатар пэ вся када. Мэ гиндосаравас, кай мэ екжэни и никасти на трэбуй». Ла Раяти фартэ динэ зор и алава анда Псалма 68:6, котэ ԥэнэнпэ: «О Дэл кодэлэнди, ко гиндой, кай во екжэно и никасти на трэбуй, дэл тэ жувэл андо цэр». И Рая ԥэнэн: «Мэ полавас, кай катэ ԥэнэнпэ най важ о цэр, кай жувэн и мануша. Катэ ԥэнэнпэ пала цэр, саво дэл о Иегова. Котэ, машкар кодэла, ко сар и ту, полэн лэ Иеговас, тути авэла драго по ди, котэ виарақэса другонэн, савэ поможын и на ашавэн. Но мэ ӷанавас, кай мандэ на вижала тэ виарақав другонэн анда мануша, пока мэ на авава лэ Иеговаско друго. Манди фартэ динэ зор и алава анда Псалом 37:4, кай ԥэнэнпэ: „Виарак бари радость кай о Иегова, и во стерэла кода, со камэл тиро ди“».

Акэ, каринг со вой авеля: «Мэ полэм, кай трэбуй тэ авав инке май лашо лэ Иеговаско друго, важ кода кай во само лашо. Ай кай инке май пашэ тэ уӷанав кодэлэн, ко сар и мэ, полэн лэ Иеговас, мэ пистросардэм, сави дила амэ можем тэ терас вместе. Мэ сытелэм тэ диқав лашимос андэ авэр мануша и мэрно ди тэ на родэл андэр лэндэ найлашимос».

Чаче, лэ Иеговастирэ свидетеля кадя и ашэнпэ найсовершенни мануша и лэндэ кацаво же ԥаримос, сар и аврэндэ. Но через кода, кай вонэ сытён па Библия, вонэ камэн тэ поможын кодэлэнди, ко андэ бида. Драго, кала исин кацавэ другоря. Но могут и алава, савэ исин андэ Библия, тэ дэн зор, кала о мануш насвало и нэ может тэ вилечийпэ, или кала муля чачо мануш?