«Кай сас о Дэл?»
«ВСЯ И ВРЕМЯ ПУШЭН: „КАРИНГ ДИҚЭЛ О ДЭЛ?“» — О Папа Римско Бенедикто шестнадцато, када рашай. Во залагля андо лаӷерё важ и барунаря, саво варикала сас андо Освенцимо (Польша)
ТУ КАДЯЖЭ, ФАЙМА, ПУШЭСАС «КАРИНГ ДИҚЭЛ О ДЭЛ?», КАЛА АНДЭ ЖЫЗНЯ ТЕРЭНАСПЭ ВАРИСАВЭ БИДЫ, ЧИ КАЛА ТУТЭ ВАРИСО СТЕРДЯПЭ, ТУ ГИНДОСАС, КАЙ ТУ ЛЭ ДЭВЛЭСТИ НА ТРЭБУЙ.
Тутэ, файма, кацаво жэ андо ди, сар кай и Шейла анда США, сави вибареля андо ери, саво фартэ патялас андо Дэл. Вой росԥэнэн: «Жы бэятатар мэ мангаваспэ каринг о Дэл, важ кода кай во амаро создателё. Но мандэ никала на сас нисо андо ди каринг лэстэ. Мэ ӷанавас, кай во диқэл пэр мандэ, но кати дурал». Най, мэ на гиндосаравас, кай во шутя пэр мандэ вэрыцыя. Но и бари любовь, сар манди здэласпэ, каринг мандэ лэстэ кадяжэ на сас». Васо кай и Шейла сас кацаво андо ди? Вой ԥэнэн: «Андэ амаро ери сас биды ек пала ек и амэ поласас, кай о Дэл амэнди на поможый».
Кадяжэ сар и Шейла, ту, файма, патяс, кай о всемоӷущё Дэл исин. Но и кадяжэ тути здэлпэ, кай во тут на любий. Кацаво жэ сас по ди кай о мануш, саво на парашэлас тэ кандэл лэ Дэвлэс. Лэс ақарэнас Иово. Во патялас, кай лэ Дэвлэстэ, саво вся стердя, исин зор и мудрость (Иов 2:3; 9:4). По Иово динэ биды ек пала ек, во парашэля тэ аштярэл, кай лэско ԥаримос улэла о Дэл. Во пушля лэстар: «Васо ту гаравэс пэско муй и гиндос, кай мэ тиро вороӷо?» (Иов 13:24).
Со ԥэнэнпэ андэ Библия? Хэба можно тэ дошалярас лэ Дэвлэс андэ амарэ биды? Исин варисо, со доԥэнэн, кай о Дэл любий всаворэ манушэн и кажнонэс андар мэндэ? Сар амэ тэ уӷанас, шол сама о Дэл пар мэндэ? Полэл во амэн? Дуқал лэстэ оди, кала амэндэ терэнпэ биды и поможый во амэнди андэ амарэ биды?
Анда авэр статьи амэ уӷанаса, сар кода, со о Дэл стердя, доԥэнэн амэнди, кай во амэн любий (Римлянам 1:20). Кадяжэ амэ уӷанаса, со андэ Библия ԥэнэнпэ пала лэ Дэвлэстири любовь. Май бут уӷанэн пала Дэл и пала кода, со во стердя и сытён па Библия. Кадя тумэ май драго полэна, кай «во диқэл и фэрий тумэн» (1 Петра 5:7).