Пэ саво мануш ԥэнэса, кай во лэ Дэвлэско?

1, 2. а) Со бут христианоря ԥэнэн, кала о мануш гиндой и кай лэстэ андо ди кацаво, сар кай о Иегова? б) Со амэ уӷанаса?

ЕК ԤЭЙ анда Канада ԥэнэн: «Мэ гиндосарав и мандэ андо ди кацаво же, сар кай о Иегова. Мэ став зор, кай тэ на хасарав када. Када анэн манди бах и поможый тэ пэрэандярав о ԥаримос, саво исин кажно дес». О ԥрал анда Бразилия росԥэнэн: «Амэ женати уже 23 бэрш и мэ фартэ бахтало, важ кода кай амэ ла хулаяса терас вся, кай тэ гиндосарас сар лэ Дэвлэстирэ мануша». Ай акэ, со росԥэнэн ԥрал анда Филиппины: «Мэ диқав пэ вся лэ Дэвлэстирэ яқэнца. Када поможый манди тэ авэл миро по ди и тэ ладисарав лэ ԥралэнца и лэ ԥэянца, савэндэ най кацави нация, сар мандэ».

² Анда кода, со вонэ ԥэндэ, дицол, кай нисо нинай май куч кодэлэстар, кала о мануш гиндой и лэстэ андо ди кацаво, сар кай о Иегова. Со амэнди трэбуй тэ терас, кай тэ авэл и вера май састи и кай амэндэ тэ авэл кацаво же по ди? Англа када амэ трэбуй тэ полас, со андэ Библия ԥэнэнпэ пала лэ Дэвлэстирэ мануша. Андэ кадэя статья амэ уӷанаса 1) Со када сыкавэл, кала по мануш ԥэнэн, кай во лэ Дэвлэско? 2) Сар кода, сар андярэнас пэс лэ Дэвлэстирэ мануша, поможый амэнди тэ авэл и вера май састи? 3) Сар амэ терас, кай амари вера тэ авэл май састи, кала гиндосарас кадя же, сар о Иисус Христос?

ПЭР КАСТЭ ԤЭНЭСА, КАЙ ВО ЛЭ ДЭВЛЭСКО МАНУШ?

3. Сар андэ Библия ԥэнэнпэ, соса на шолпэ лэ Дэвлэско мануш и най лэ Дэвлэско?

³ О апостоло Павло поможый тэ полас, пэр кастэ ԥэнэса, кай во лэ Дэвлэско мануш, ай пэр кастэ най. (Адиносар 1 Коринфянам 2:14—16a). Соса вонэ на шонпэ? Па лэ Павлостирэ алава дицол, о мануш, саво най лэ Дэвлэско на прилэл, сости сытярэл лэ Дэвлэско духо. Васо? Важ кода кай важ лэстэ када дилимос и во када на полэла. Ай о мануш, саво лэ Дэвлэско «полэл вся» и во гиндой кадя же, сар о Христос. О Павло ԥэнэн тэ авас лэ Дэвлэстирэ мануша. Соса инке на шолпэ лэ Дэвлэско мануш и най лэ Дэвлэско?

4, 5. Сар пэс андярэл о мануш, саво най лэ Дэвлэско?

⁴ Спэрва дикаса, сар андярэл пэс най лэ Дэвлэско мануш. Кацаво мануш пэрэлэл кода, сар гиндон и со кай и мануша андо ди андэ кадэва миро. Кадэва миро терэл кадя, кай о мануш тэ гиндой, кай тэ терэл кати, со во камэл. О Павло ԥэнэн, сар «акана гиндон и со андо ди кай и мануша, савэ на кандэн» (Эф. 2:2). Када вся терэл, кай и мануша тэ терэн, сар всаворэ. Важ када и мануша терэн, со па лэндирятэ драго. Вонэ даже на камэн тэ жувэн па лэ Дэвлэско законо. Най лэ Дэвлэско мануш фартэ загиндойпэ, сар пала лэстэ лэна тэ дэн дума авэр мануша, загиндойпэ пала ловэ и кода, кай о законо вся время тэ авэл кати пэ лэстири риг.

⁵ Сар инке андярэл пэс най лэ Дэвлэско мануш? Во терэл, со «камэл лэсти ӷрешно тила» (Гал. 5:19—21). Андэ пэрво письмо коринфянам о Павло ԥэнэн, пала инке авэр дилы, саво терэл най лэ Дэвлэско мануш. Кацаво мануш терэл вся, кай и мануша тэ споринпэ, тэ подэн пэ ек аврэстэ по сындо, тэ на стон патив пэ кода, со ԥэнэн и ԥрала, тэ на ладин и тэ розделинпэ андэ собрания и мануша пэ дуй рига. Кадяжэ во бут время отдэл кодэлэсти, кай тэ хал и тэ пэл. Но кала лэстэ ашэл варисаво ԥаримос, во йто здэлпэ (Прит. 7:21, 22). О Иуда ԥэнэнас, кай и мануша авэна инке май вэрыти и пэр лэндэ можно тэ ԥэнэс, кай вонэ най лэ «Дэвлэстирэ мануша» (Иуды 18, 19).

6. Со када, кала по мануш ԥэнэн, кай во лэ Дэвлэско?

⁶ Ай со када, кала по мануш ԥэнэн, кай во лэ Дэвлэско? Важ лэстэ куч лэстири дружба лэ создателёса. И када на шолпэ, сар гиндой о мануш, саво най лэ Дэвлэско. Лэ Дэвлэско мануш терэл кадя, сар о Дэл. Во камэл тэ полэл, сар о Дэл гиндой пала варисавэ дилы и тэ терэл кадяжэ (Эф. 5:1). О Дэл важ лэстэ исин па чачимастэ. Кадэва мануш терэл, сар ԥэнэнпэ андэ лэ Дэвлэско законо (Пс. 119:33; 143:10). Во на терэл, со «камэл лэсти ӷрешно тила». Ай терэл кадя, кай тэ андярэл пэс, сар сытярэл о «свынто духо» (Гал. 5:22, 23). Кай май фэдэр тэ полас, ко када лэ Дэвлэско мануш, диқаса акэ со. Пэ кодэва, кастэ исин бизнесо, ԥэнэн, кай во добисяри, ай пэ кодэва, ко па чачимастэ служий лэ Дэвлэсти, ԥэнэн, кай во лэ Дэвлэско мануш.

7. Со андэ Библия ԥэнэнпэ пала лэ Дэвлэстирэ мануша?

⁷ Через и Библия о Дэл хвалий пэстирэ манушэн. Андэ Матфея 5:3 ԥэнэнпэ: «Бахталэ кодэла, ко полэн, кай лэнди трэбуй о Дэл, важ кода кай о царство, саво по нэбо, лэнго». Ай андо Римлянам 8:6 шолпэ сама инке акэ пэр со: «Кала гиндон пала кода, со найлашо, анэна и смэрть. Ай кала гиндон пала Дэл, анэна жизня и миро». Кала амэ на парашас тэ гиндосарас и амэндэ андо ди кацаво же, сар кай о Дэл, со тоди авэла? Амэндэ авэла миро лэ Дэвлэса, миро по ди и аштяраса о лашимос, кай тэ жувас вечно.

8. Васо амэнди трэбуй тэ стас зор, кай амари вера тэ авэл май састи?

⁸ Андо миро, андэ саво амэ жувас, исин бут, состар трэбуй тэ фэрисавас. Амэ жувас андо миро машкар кацавэ мануша, савэ гиндон кати пала пэстэ. Амэнди трэбуй бут зор тэ стас, кай тэ гиндосарас кадя, сар о Иегова. Кала о мануш парашэла тэ гиндой, сар гиндой о Дэл, тоди о миро терэла кадя, кай амэ тэ гиндосарас, сар о миро. Сар тэ на домэкас, кай када тэ авэл? Со поможыя амэнди, кай тэ авэл и вера май састи?

КАСТАР АМЭНДИ ТЭ СЫТЮВАС?

9. а) Со тэ терас, кай амари вера тэ авэл састи? б) Пала кастэ амэ подаса дума, кай тэ сытювас?

⁹ Бэято барёл, годявэл. Кала лэско дад и дэй драго андярэн пэс, о бэято сытёл лэндар тэ терэл лашимос. Кадяжэ и амэндэ, и вера ашэл май састи, кала диқас и сытювас кодэлэндар, кастэ лащи дружба лэ Иеговаса. Но амэ на трэбуй тэ сытювас кодэлэндар, ко гиндой кати пала пэстэ (1 Кор. 3:1—4). Андэ Библия запистромэ, кастар трэбуй тэ фэрисавас, ай кастар тэ сытювас. Но амэ камас, кай амари вера тэ авэл састи, важ када амэ сытюваса лэ манушэндар, савэ ашэн, кай лэндар тэ сытювас. Амэ подаса дума пала Иаково, Мария и пала Иисусо.

10. Андар со дицол, кай о Иаково сас лэ Дэвлэско мануш?

¹⁰ Спэрва подаса дума пала Иаково. Сар и бутэндэ амэндэ, лэстэ сас ԥари жизня. Лэско чачо ԥрал о Исаво терэлас кати кода, со камэлас и даже камля лэс тэ умарэл. Лэ Иаковоско састро най еқвар терэлас кадя, кай тэ затерэл пар лэстэ варисо. И хоть паша Иаково на сас лэ Дэвлэстирэ мануша, во всаек ашэласпэ лэ Дэвлэстирэ манушэса. О Авраамо патялас лэ алавэсти, саво дя о Дэл. О Авраамо анда вся оди диқэлас и фэрияс пэстирэ ерес. Васо? Лэско ери сас трэбуй тэ стерэл бари дила андэ кода, со загиндосардя о Дэл. И о Иаково патялас кадэлэ лэ Дэвлэстирэ алавэсти (Быт. 28:10—15). Кода, со ԥэнэнас и терэлас о Иаково, сыкавэл, кай во никала на бистрэлас пала лэ Дэвлэстирэ законоря и пала кода, со камэл о Дэл. Кала о Иаково гиндояс, кай лэстэ авэла бида лэ Исавостиря ригатар, во мангляпэ лэ Иеговасти. Андэ молитва во ԥэндя кацавэ алава: «Фартэ мангав тут, фэрисар ман мэрнэ ԥралэстирэ вастэстар ...Важ кода кай ту екжэно ԥэндян: „Мэ дава тути лашимос и стерава кадя, кай тутар авэна бут. Лэн авэла, сар о писко по бэрэӷо кай и моря“» (Быт. 32:6—12). Анда кадэла алава дицол, кай о Иаково патялас лэ алавэсти, саво о Иегова дя лэсти и лэстирэ ԥурэнди. О Иаково камэлас тэ терэл кадя, сар камэл о Дэл.

11. Васо ԥэнэса, кай и Мария сас лэ Дэвлэско мануш?

¹¹ Подаса дума пала Мария. Васо ла о Иегова витидя, кай вой тэ авэл лэ Иисусостири дэй? Важ кода кай вой гиндояс и латэ сас андо ди, сар кай о Иегова. Катар амэ када ӷанас? Сэрэн, со ԥэндя и Мария, кала вой сас кай пэско родо, кай о Захария и Елизавета. (Адиносар Луки 1:46—55b). Латирэ алава сыкавэн, кай вой фартэ любияс лэ Дэвлэско Алав и драго ӷанэнас и Еврейски Писании (Быт. 30:13; 1 Сам. 2:1—10; Мал. 3:12). Кала о Иосифо и Мария жувэнас вместе, машкар лэндэ на сас кода, со исин машкар ром и ромни жы кай кодэя время, пока на арақаделяпэ о Иисусо. Вижал, важ лэндэ сас пэ пэрво ҭан тэ терэн, со камэл о Дэл, ай най кода, со лэнди камэлпэ (Матф. 1:25). Кадяжэ и Мария фартэ драго диқэлас, со сас андэ лэ Иисусостири жизня, и приашундёласпэ каринг лэстирэ годявэрнэ алава. Инке каринг када «вой фэрияс всаворэ кадэла алава андэ пэско ди» (Луки 2:51). Вой фартэ камэлас тэ ӷанэн, сар о Дэл стерэла, со ԥэндя пала Христос. Через кода, со терэлас и Мария, амэ камас тэ гиндосарас, сар тэ стас пэ пэрво ҭан, со камэл о Дэл.

12. а) Андэр со о Иисусо шоласпэ пэ пэско Дад? б) Андэр со амэ трэбуй тэ сытювас лэ Иисусостар? (Диқэн и картинка англа статья.)

¹² Само драго сыкадя, кай во гиндой и лэстэ андо ди кацаво, сар кай о Иегова, када о Иисус Христос. Во вся время сытёлас кай пэско Дад, кай о Иегова. Кода, со во гиндояс и со лэстэ сас андо ди, сас кацаво же, сар кай о Дэл. Во терэлас кода, со пэр лэско ҭан стердоп екжэно о Иегова. О Иисусо ценияс лэ Дэвлэстирэ законоря и жувэлас, сар камэл о Дэл (Иоан. 8:29; 14:9; 15:10). Диқэн, со о пророко Исаия пистросардя пала кода, кай о Иегова полэл и жалуий. И диқэн, со о Марко пистросардя андэ пэстири Евангелия, со сас кай о Иисусо андо ди. (Адиносар Исаия 63:9c; Марка 6:34d). Камэн тумэ тэ сытён кай о Иисусо и пэ дила тэ сыкавэн, кай полэн и жалуин кодэлэн, касти трэбуй тэ поможын? Тумэндэ андо ди кадя же, сар кай о Иисусо, кала росԥэнэн лэ манушэнди важ о Дэл и сытярэн лэн лэ чачимасти, саво исин андэ Библия? (Луки 4:43). Если тутэ андо ди кацаво же, тоди пэр тутэ ԥэнэса, кай ту лэ Дэвлэско мануш.

13, 14. а) Сости амэ сытювас кай и христианоря, савэ лэ Дэвлэстирэ мануша? б) Росԥэнэн пала кадэла христианоря.

¹³ Адес кадяжэ исин ԥрала и ԥэя андэ собрания, савэ гиндон и лэндэ андо ди кадя же, сар кай о Дэл. Вонэ стон бут зор, кай тэ терэн, сар о Иисусо. Тумэ диқэн, сар вонэ анда вся оди росԥэнэн важ о Дэл, и сар вонэ любин, кай лэндэ тэ зажан и мануша. Кадяжэ вонэ драго полэн и жалуин аврэн. Вонэ инке андэ бут со андярэн пэс драго. Дэкала лэндэ варисо на вижал и дэкала вонэ андярэн пэс най кадя, сар камэл о Дэл. Но вонэ стон зор, кай май бут тэ андярэн пэс, сар чалёл лэ Дэвлэсти. Ек ԥэй анда Бразилия, савя ақарэн Рейчел, ԥэнэн: «Манди фартэ чалёлас модно тэ утидавпэ. Мэ ԥирававас най фартэ сэжо йда. Кала мэ уӷанглэм о чачимос анда Библия, мэ закамлэм тэ парудював и тэ ашав лэ Дэвлэско мануш. Тэ парудював сас найвушэро. Но через када, мэ ашэлэм инке май бахтали, и андэ мэрни жизня ашэля васо тэ жував».

¹⁴ Кай и Рейлин, сави жувэл андэ Филиппины, сас авэр ԥаримос. Вой гиндояс, кай вой домардёлапэ каринг о лашимос, кала латэ авэла лащи образования и кала вой виарақэла лащи бути. И Рейлин росԥэнэн, со ласа сас: «По набут кода, со мэ камлэм тэ терав важ о Иегова, ашэля мандэ по дуйто ҭан. И мэ лэм тэ полав, кай умэкав, со май куч мэрня бутятар. И тоди и служения лэ Иеговасти мандэ упалэ ашэля пэ пэрво ҭан». Кодэла времятар, и Рейлин пэстиря жизняса сыкавэл, кай патял лэ Дэвлэстирэ алавэнди, савэ запистромэ андэ Матфея 6:33, 34. Вой ԥэнэн: «Мэ драго ӷанав, кай о Иегова диқэла и фэрия ман!» Андэ тумари собрания кадяжэ исин кацавэ ԥрала и ԥэя. Тумэ кадяжэ камэн тэ терэн, сар вонэ. Андэр со? Тэ терэн кадя же, сар о Иисусо (1 Кор. 11:1; 2 Фес. 3:7).

АМЭНДИ ТРЭБУЙ «ТЭ ГИНДОСАРАС, САР О ХРИСТОС»

15, 16. а) Со поможыя амэнди тэ сытювас кай о Христос? б) Сар май драго тэ полас, сар гиндой о Христос?

¹⁵ Андэр со кажно может тэ сытёл лэ Христостар? Андэ 1 Коринфянам 2:16 ԥэнэнпэ, кай амэ трэбуй «тэ гиндосарас, сар о Христос». Ай андэ Римлянам 15:5 запистромэ кацавэ алава: «Мэк... тумэ тэ гиндон кадя же, сар о Иисус Христос». Вижал, кай тэ сытювас лэ Иисусостар, амэнди трэбуй тэ ӷанас, сар во гиндояс и сар во пэс андярэлас. Кадяжэ амэнди трэбуй тэ терас кадя, сар во када стердоп. Важ о Иисусо май куч нисо на сас, чем и дружба лэ Иеговаса. Вижал, кала сытювас лэ Иисусостар, амэ ашас май пашэ лэ Иеговаса. Важ када амэнди фартэ трэбуй тэ гиндосарас кадя, сар о Христос.

¹⁶ Но, со важ када трэбуй? Лэ Иисусостирэ ученикоря диқэнас, сар во терэлас и чудеса и ашунэнас, сар во росԥэнэнас важ о Дэл. Кадяжэ диқэнас, сар во андярэлас пэс разнонэ манушэнца и сар терэлас, со сас пистромэ андэ Писании. Вонэ ԥэндэ: «Амэ диқлям вся, со во стердя» (Деян. 10:39). Но амэ андэ амари время на диқас лэ Иисусос. Важ када о Иегова дя амэнди Евангелии. Во дя лэн, важ кода кай любий амэн. Через и Евангелии, амэ полас, саво сас о Иисусо. И Евангелии, када Матфея, Марка, Луки и Иоанна. Кала амэ лэн адиносарас и гиндосарас, со адиносардям, амэ май драго уӷанас, сар гиндояс о Христос. Кадя амэ жас па лэско дром и гиндосарас кадя же, сар о Иисусо (1 Пет. 2:21; 4:1).

17. Со амэ камас тэ терас, кала лас тэ гиндосарас кадя, сар о Христос?

¹⁷ Со амэ камас тэ терас, кала лас тэ гиндосарас, сар о Христос? Када акэ пэр со шолпэ. О мануш хал о хамос, савэстар авэл лашо зор. Кадяжэ, кала о мануш гиндой, сар андярэлас пэс о Иисусо, кай о мануш авэла састи вера. По набут амэ полас, сар о Иисусо андярдоп пэс андэ варисави время. Ай када поможый амэнди тэ витидас кадя, кай амаро ди тэ на сындой амэн и тэ радосарас лэ Дэвлэс. Тумэ кадяжэ гиндон, сар пистромэ андо Римлянам 13:14: «Ашэн кацавэ, сар о Иисус Христос».

18. Со тумэ уӷанглэ анда кадэя статья?

¹⁸ Анда кадэя статья амэ уӷанглям, со када, кала по мануш ԥэнэн, кай во лэ Дэвлэско. Кадяжэ амэ диқлям, кай можно тэ сытювас лэ манушэндар, савэ гиндон и лэндэ андо ди кацаво же, сар кай о Дэл. Ай инке амэ уӷанглям, кай кала гиндосарас кадя, сар о Христос, амари дружба лэ Иеговаса ашэла май састи. Но амэндэ исин инке бут пала со тэ погиндосарас. Сар тэ полас, састи амэндэ вера чи най? Со инке тэ терас амэнди, кай и вера тэ авэл май састи? Сар кода, кай амэ гиндосарас и амэндэ андо ди кацаво же, сар кай о Дэл, дицол андэ амари жизня кажно дес? Пала када амэ уӷанаса андэ авэр статья.