Ӷанэн тумэ лэ Иеговас кадя же сар о Ноё, о Даниило и о Иово?

1—3. а) Со дэла зор амэнди тэ на парашас тэ кандас лэ Дэвлэс андэ послидни деса кадэлэ мирости? б) Пала со амэ подаса дума андэ кадэя статья?

ПАШОЛ и время, кай кадэва миро йто на авэла. Кадяжэ на авэна найлашэ мануша, савэ «розбарён, сар и чар» (Пс. 92:7). Важ када амэ на дас наздив, кай вся май набут мануша ритярэн лэ Дэвлэско законо. Сар амэнди тэ на диқас пэ вся када и тэ терас кадя, сар катэ ԥэнэнпэ: «Кай тэ терэн о найлашимос, авэн сар и бэятцэ, но андэ кода, сар тэ гиндон, авэн сар и барэ» (1 Кор. 14:20).

² Пала када амэ уӷанас анда ӷлавно стихо андэ кадэя статья. Андэр лэстэ пистромэ: «кодэла, ко родэн лэ Иеговас, могут тэ полэн вся». Аврэ алавэнца, андэ када ужал вся, кай тэ радосарас лэ Дэвлэс амаря жизняса (Прит. 28:5). Кацавэ же гиндоря исин и андэ Притчи 2:7, 9. Катэ ԥэнэнпэ, кай о Иегова «дэла мудрость, сави трэбуй важ и жизня кодэлэнди, ко на хохавэл». Через када вонэ полэна, со када «о чачимос, тэ кандэс лэ Дэвлэс и тэ на хохавэс. Када вся ужал андо лашимос».

³ Кацави же мудрость сас кай о Ноё, о Даниило и о Иово (Иез. 14:14). Адес лэ Дэвлэстирэ мануша терэн вся, кай лэндэ тэ авэл кацави мудрость. Ай со ԥэнэса пала тутэ? Стос ту пэско зор «тэ полэс вся», кай тэ радосарэс лэ Иеговас? Важ када фартэ трэбуй драго тэ уӷанэс пала лэстэ. Сэрэн када, кала ласа тэ дас дума 1) сар о Ноё, о Даниило и о Иово уӷанглэ пала Дэл 2) камэнас вонэ варисо тэ терэн важ о Дэл, кала када уӷанэнас и 3) со тэ терас, кай тэ авэл кацави вера, сар лэндэ.

О НОЁ САС ЛЭ ДЭВЛЭСКО ДРУӶО АНДО НАЙЛАШО МИРО

4. Сар о Ноё уӷангля пала Иегова и со во закамля тэ терэл через кода, со во ӷанэнас?

⁴ Сар о Ноё уӷангля пала Иегова? Жы кодэлэстар, сар о Дэл создал лэ манушэн, и мурша и жувля, савэ на парашэнас лэс тэ кандэн, уӷанэнас пала Иегова. Сар? Вонэ диқэнас, со во создал. Кадяжэ, уӷанэнас пала Иегова, кала проандярэнас и время кодэлэнца, ко дарал лэ Дэвлэстар. Инке, кала диқэнас, кай о Иегова дэл лашимос кодэлэнди, ко жувэл па лэско лашо законо и пэ алава, пэ савэ ритярдёлпэ лэ Дэвлэско законо (Ис. 48:18). О Ноё диқэлас пэ кода, со стердя о Дэл. О Ноё най кати патяя, кай о Дэл исин. Но во кадяжэ додиқля, сар о Дэл андярэл пэс. Во додиқля лэско «вечно зор и кай во и исин Дэл» (Рим. 1:20). Через када, о Ноё ля фартэ тэ патял андо Дэл.

5. Катар о Ноё уӷангля, сави жизня о Иегова камэлас, кай тэ авэл пэ ԥув?

⁵ Андэ Библия ԥэнэнпэ: «И мануша лэн тэ патян, кала ашунэн чачимос» (Рим. 10:17). Сар о Ноё ашундя пала Иегова? Во бут со уӷангля пэстирэ чачендар, через пэско дад о Ламехо, саво фартэ патялас. О Ламехо авеля пэ люма, кала инке сас жундо о Адамо. (Диқэн и картинка англа статья.) Инке о Ноё моӷ тэ проандярэл и время пэстирэ папоса лэ Мафусалоса и лэ пропапоса лэ Иаредоса. О Иаредо муля, кала лэ Ноёсти сас триста шесдесят шесть бэрш (Луки 3:36, 37)a. Файма лэндар, ай кадяжэ файма пэстиря хулаятар, о Ноё уӷангля, кай о Дэл создал лэ манушэн и камэл, кай вонэ тэ авэн па вся ԥув. Кадяжэ во уӷангля, кай андо Эдемо сас кодэла, ко жылэ против о Дэл. И во екжэно диқля, со после када ашэля (Быт. 1:28; 3:16—19, 24). Кода, со уӷангля о Ноё, ля лэс лэ одестар и во закамля тэ служий лэ Дэвлэсти (Быт. 6:9).

6, 7. Сар о Ноё ля май фартэ тэ патял, кала уӷангля пала лашимос, саво авэла англэ?

⁶ О мануш май фартэ лэл тэ патял, кала англэ аштярэл о лашимос. Погиндон, со сас по ди кай о Ноё, кала во уӷангля, кай файма лэско алав, сыкавэл «тэ отцыён и через лэстэ ашэл май вушэро по ди». Кала и мануша пала када уӷанглэ, вонэ линэ тэ патян андо лашимос, саво авэла англэ (Быт. 5:29, сноска). О Ламехо ԥэндя лэ Дэвлэстирэ алава: «Через лэстэ амэнди авэла май вушэро по ди, амэ терас пэстирэ вастэнца ԥари бути пэ ԥув, сави о Иегова дя амрая». О Ноё аштярэлас о лашимос лэ Дэвлэстар. Кадя же, сар о Авелё и о Енохо, савэ жувэнас май англал лэстар, во патялас, кай кодэва, ко жала ла манушнятар умарэла лэ сапэс андо шэро (Быт. 3:15).

⁷ О Ноё на дополэлас лэ Дэвлэстирэ алава, савэ запистромэ андэ Бытие 3:15. Но во поля, кай и алава, савэ ԥэндя о Дэл, дэн зор лэсти тэ аштярэл англэ о лашимос. Инке кадэла лэ Дэвлэстирэ алава сжанаспэ кодэлэса, со ԥэнэнас о Енохо. О Енохо кадяжэ ԥэнэнас, кай англэ о Дэл сындоя лэ ӷрешнонэ манушэн, савэ би лэ Дэвлэско (Иуды 14, 15). Алава важ лэ Дэвлэско сындо, савэ стерэнапэ андо Армаӷеддоно, терэнас лэ Ноёсти вера май састи, и терэнас кадя, кай во тэ аштярэл англэ о лашимос.

8. Сар кода, кай о Ноё драго ӷанэнас лэ Дэвлэс, фэрисардя лэс?

⁸ Через кода, кай о Ноё драго ӷанэнас лэ Дэвлэс, во камэлас тэ терэл важ лэстэ дила. Важ кода кай о Ноё драго ӷанэнас лэ Дэвлэс, лэстэ сас вера и мудрость лэ Дэвлэстар. Када фэрияс лэс тэ на хасарэл и вера. О Ноё сас «лэ Дэвлэско друӷо» и во на проандярэлас и время кодэлэнца, ко на даралас лэ Иеговастар. О Ноё на домэкля, кай лэс тэ обдилярэн и бэнга. И бэнга стердэ кадя, кай тэ ашэн, сар мануша. Вонэ фартэ чалёнас лэ манушэнди и вонэ дэнас лэндар наздив. Васо? И бэнга ӷанэнас бут со тэ терэн и терэнас када най манушыканэ зорэса. Бут мануша даже линэ лэнди тэ тэлён (Быт. 6:1—4, 9). Кадяжэ о Ноё ӷанэнас, кай о Дэл кати лэ манушэнди приԥэндя, кай лэндэ тэ авэн бэятцэ и вонэ тэ розжанпэ па вся ԥув (Быт. 1:27, 28). Во полэлас, кай и бэнга, савэ ашэлэ, сар мануша, нащи сас тэ лэн лэ манушнян, и нащи сас, кай тэ авэн лэндэ бэятцэ. Во май драго поля када, кала лэндэ линэ тэ авэн бэятцэ. Лэндирэ бэятцэ сас пэ бутэстэ май барэ и май зоралэ аврэ бэятонэндар. Прожыля дэсави время и о Дэл ԥэндя лэ Ноёсти, кай камэл тэ стерэл пэ ԥув о потопо. О Ноё патяя лэ Дэвлэсти и стердя ковчеӷо. Кадя во фэрисардя пэстирэ ерес (Евр. 11:7).

9, 10. Со тэ терас, кай тэ патяс кадя же, сар о Ноё?

⁹ Со амэ тэ терас, кай амэндэ тэ авэл кацави вера сар кай о Ноё? Важ када амэнди трэбуй драго тэ ӷанас лэ Дэвлэско алав, амэнди трэбуй драго тэ погиндосарас, со трэбуй тэ парувас андэ пэстири жизня и тэ терас кода, со ԥэнэнпэ андэ Библия (1 Пет. 1:13—15). Тоди и вера и мудрость, сави лэ Дэвлэстар дэн зор амэнди, кай о Сатана тэ на обдилярэл амэн и кай тэ на терас кадя, сар терэлпэ андэ кадэва найлашо миро (2 Кор. 2:11). Через кода, со терэлпэ андэ кадэва найлашо миро, и мануша лэн тэ любин о билажавардимос и тэ авэн холинатирэ. Кадяжэ, кадэлэстар и мануша лэн тэ терэн кати кода, со лэнди камэлпэ (1 Иоан. 2:15, 16). Через вся када о мануш, савэстэ найсасти вера, парашэл тэ полэл, кай исин кода, со доԥэнэн, кай лэ Дэвлэско дес уже фартэ пашэ. Кала о Иисусо ԥэндя, кай амари время лэла тэ шолпэ пэ время лэ Ноёсти, во шутя сама най пэ кода, кай и мануша холинатирэ и андярэн пэс билажавардэс. Во шутя сама, кай лэнди всаек, со гиндой о Дэл. (Адиносар Матфея 24:36—39b).

¹⁰ Пуш пэстар: «Дицол па мэрни жизня, кай па чачимастэ ӷанав лэ Иеговас? Через кода, кай мэ патяв, камав мэ най кати тэ жував па лэ Дэвлэстирэ законоря, но и тэ росԥэнав аврэнди пала лэндэ?» Кода, со тумэ ԥэнэна, сыкавэла, тумэндэ кацави же дружба лэ Дэвлэса, сар кай о Ноё чи най?

О ДАНИИЛО АНДЯРЭЛАС ПЭС ГОДЯВЭРНЭС, КАЛА ЖУВЭЛАС АНДО ВАВИЛОНО

11. а) Сар барярдэ лэ Даниилос, кай во жы лэ тэрнэ бэршэндар любияс лэ Дэвлэс? б) Со тумэ камэн тэ терэн кадя, сар о Даниило?

¹¹ Сар о Даниило уӷангля пала Иегова? Дицол, кай лэско дад и дэй драго лэс барярдэ и сытярдэ лэс, кай тэ любий лэ Иеговас и лэстирэ Писании. О Даниило любияс лэ Дэвлэс и лэстирэ Писании вся жизня. Даже, кала во сас ԥуро, во фартэ драго уӷанэнас, со ԥэнэнаспэ андэ Писании (Дан. 9:1, 2). Андэ Даниил 9:3—19 запистромэ молитва, анда сави дицол, кай во на заваздэлас о шэро и кай ԥэндя ла анда вся оди. Анда кадэя молитва дицол, кай о Даниило фартэ драго ӷанэнас лэ Дэвлэс. Кадя же, сар о Дэл обжаласпэ лэ израильтянонэнца. Трэбуй тэ витидас набут время, кай тэ проадиносарас кадэя молитва, тэ погиндосарас пала латэ, и тэ погиндосарас, саво мануш сас о Даниило.

12—14. а) Андар со дицол, кай лэ Даниилостэ сас мудрость лэ Дэвлэстар? б) Саво лашимос о Иегова дя лэ Даниилости, кай во на дарайля и на парашэля лэс тэ кандэл?

¹² Со о Даниило камэлас тэ терэл через кода, кай во драго ӷанэнас лэ Дэвлэс? Важ и евреёря, савэ на парашэнас тэ кандэн лэ Дэвлэс, тэ жувэн андо Вавилоно сас фартэ ԥарэс. Но о Иегова приԥэндя лэнди: «Родэн о миро важ о форо, андэ саво тумэн залинэ андо плено» (Иер. 29:7). Ай авря ригатар, во приԥэнэнас, кай вонэ кати лэс тэ кандэн (Исх. 34:14). Со дя зор лэ Даниилости тэ стерэл, со ԥэндя лэсти о Иегова? Через лэ Дэвлэстири мудрость во поля, кай тэ кандэл лэ барэ манушэн, савэ исин пэ ԥув, трэбуй. Но пэрво, кас трэбуй тэ кандэн, када лэ Дэвлэс. Бут викоря май англэ пала када кадяжэ сытярэлас о Иисусо (Луки 20:25).

¹³ Уӷанаса, сар андярдя пэс о Даниило, кала вижыля о законо. Андэ кадэва законо ԥэнэнаспэ, кай нащи тэ мангэнпэ кай любо Дэл или тэ мангэн кай о мануш варисо, ай най кай о царё, кала жана 30 деса. (Адиносар Даниила 6:7—10c). О Даниило моӷ тэ гиндой: «Шон время, када най фартэ бут!» Но во на ля тэ терэл, со ԥэнэнаспэ андо законо, саво стодя о царё. Васо? Важ кода кай во на сжаласпэ кодэлэса, со ԥэнэнаспэ андэ свынто Писания. Чаче, о Даниило моӷ тэ мангэлпэ кадя, кай лэс нико тэ на диқэл. Но во ӷанэнас, кай и мануша присытелэ тэ диқэн, сар во мангэлпэ кажно дес. Важ када лэс даже моӷли тэ умарэн. Но во на камля, кай вонэ тэ гиндон, кабута во парашэля тэ мангэлпэ лэ Дэвлэсти.

¹⁴ О Иегова дя лашимос лэ Даниилости, кай во на дарайля и на парашэля лэс тэ кандэл. Саво лашимос во дя лэсти? Во стердя чуда, кала фэрисардя лэс лэ левонэндар. Через кадэя чуда пала Иегова ашундэ па вся Мидо-Персидско ԥув (Дан. 6:25—27).

15. Со амэнди тэ терас, кай тэ патяс кадя же, сар о Даниило?

¹⁵ Со тэ терас, кай тэ патяс кадя же, сар о Даниило? Важ када амэнди трэбуй най кати тэ адиносарас лэ Дэвлэско алав, ай трэбуй тэ полас, со котэ ԥэнэнпэ (Матф. 13:23). Амэнди трэбуй тэ ӷанас, со о Иегова гиндой пала разни дилы. Ай, кай тэ ӷанас, трэбуй драго тэ полас и алава, пэ савэ ритярдёлпэ лэ Дэвлэско законо. Важ када амэнди трэбуй драго тэ полас, со адиносардям. Кадяжэ трэбуй тэ на промэкас, кай анда вся оди тэ мангаспэ лэ Иеговасти. И када фартэ трэбуй тэ терас, кала амэнди ԥарэс. Амэ патяс, кай о Дэл дэла амэнди мудрость, зор, пала савэ амэ мангаспэ (Иак. 1:5).

О ИОВО ЖУВЭЛАС ПА ЛЭ ДЭВЛЭСКО ЗАКОНО АНДЭ ЛАЩИ И АНДЭ НАЙЛАЩИ ВРЕМЯ

16, 17. Сар о Иово драго уӷангля важ о Иегова?

¹⁶ Сар о Иово уӷангля важ о Иегова? О Иово на сас израильтянино. Но во сас родо лэ Авраамости, лэ Исаакости и лэ Иаковости, но най пашэ. О Иегова кадэлэ манушэнди росԥэндя пала пэстэ и, со авэла англэ всаворэ мироса. О Иово бут со ӷанэнас пала кадэва чачимос. Но амэ на ӷанас, катар во када уӷангля (Иов 23:12). Во ԥэндя: «Мэ ашундэм, сар дэн дума пала тутэ» (Иов 42:5). Инке о Иегова екжэно ԥэндя, кай кода, со ԥэндя пала лэстэ о Иово, када чачимос (Иов 42:7, 8).

¹⁷ О Иово кадяжэ диқэлас, саво о Иегова андэ кода, со во стердя (Иов 12:7—9, 13). Май интя о Елиуё и о Иегова через кода, со во стердя сыкадэ лэ Иовости, пэ скати дэ найбаро зор кай о мануш, чем кай о Иегова (Иов 37:14; 38:1—4). Лэ Иеговастирэ алава линэ лэ Иовос лэ одестар, и во на завазгля о шэро и поля: «Акана мэ ӷанав, кай ту вся можешь и кода, со ту загиндосардян ту вся стерэса. И важ када мэ... каисавав андо прахо и пепло» (Иов 42:2, 6).

18, 19. Андар со дицол, кай о Иово драго ӷанэнас лэ Иеговас?

¹⁸ Со о Иово закамля тэ терэл, важ кода кай драго ӷанэнас лэ Дэвлэс? О Иово драго полэлас и алава, пэ савэ ритярдёлпэ лэ Дэвлэско законо. Во па чачимастэ драго ӷанэнас лэ Иеговас и через када, во камэлас тэ андярэл пэс драго. О Иово полэлас, кай на вижал тэ ԥэнэн, кай любий лэ Дэвлэс и андэ кодэя же время найдраго тэ обжалпэ аврэ манушэнца (Иов 6:14). О Иово на гиндояс пала пэстэ бут. Во диқэлас пала всаворэ и пала чорэ и пала барвалэ мануша, кабута вонэ сас, сар лэско ери. Во ԥэндя: «Ко создал ман андэ жувли, создал и лэн» (Иов 31:13—22, Современно русско переводо). О Иово на гиндояс, кай через кода, кай во барвало и ашунгло, во может тэ гиндой, кай май лашо аврэндар. Сар када на шолпэ пэ мануша, савэ андэ амари время и пэ кода, сар вонэ гиндон и со лэндэ андо ди!

¹⁹ О Иово на камэлас, кай варисо, ай кадяжэ о барвалимос, тэ авэл май куч, чем и дружба лэ Иеговаса. Во полэлас, кай во «отԥэнделоп лэ чачунэ Дэвлэстар». (Адиносар Иов 31:24—28d). Андэ лэ Иовостирэ яқа о ери сас свынто. Во даже «стердя о доӷоворо пэстирэ яқэнца», кай лэстэ андо шэро тэ на авэл абисо, кала во диқэл пэ манушни (Иов 31:1). Андэ кодэя время о Дэл домэкэлас, кай тэ авэл най ек хулаи. Важ када, сар о Иово тэ камлоп, во линоп пэсти инке еқа хулаяe. Но во ӷанэнас, кай андо Эдемо о Дэл стидя о ери, андэ саво сас ек мурш и ек жувли. Дицол, кай о Иово камля, кай лэстэ кадяжэ тэ авэл (Быт. 2:18, 24). Варикай, сар прожылэ 16 викоря, о Иисус Христос ԥэндя тэ терэн кадяжэ кодэлэнди, ко лэс ашунэнас, кай тэ авэл ек хулай и ек хулаи. Кадяжэ о Иисус Христос ԥэндя, сар трэбуй пэс тэ андярэл о мурш ла жувляса, сави лэсти най хулаи, и жувли лэ муршэса, савяти во най хулай (Матф. 5:28; 19:4, 5).

20. Сар кода, кай амэ драго ӷанас лэ Иеговас и кода, кай полас лэстирэ законоря, дэл зор амэнди тэ витидас друӷонэн и развлечении?

²⁰ Со тэ терас, кай и амэ тэ патяс кадя же, сар о Иово? Трэбуй май драго тэ уӷанас важ о Иегова и тэ терас андэ пэстири жизня, со уӷанас. О Давидо, саво пистросардя о Псалом пистросардя, кай о Иегова вэрыцый «всаворэн, ко любий тэ терэл аврэнди фартэ найдраго». Ай кадяжэ во фэрисардя кодэлэстар, кай тэ на проандярас и время лэ «манушэнца, савэ хохавэн». (Адиносар Псалом 11:5f; 26:4g). Со сыкавэн кадэла алава важ о Иегова? Кала тумэ полэн и алава, пэ савэ ритярдёлпэ лэ Дэвлэско законо, со тумэ камэн тэ терэн андэ пэстири жизня, кала витидэн друӷонэн, развлечении и кала бэшэн андо интернето? Кода, со тумэ ԥэнэна сыкавэла, пэ скати тумэ драго ӷанэн лэ Иеговас. Кай тэ на замэлярдюваспэ андэ кадэва найлашо и ԥаро миро, амэнди трэбуй тэ сытювас «тэ полас», най кати, со лашо, ай со най, но со и мудро, ай со най мудро (Евр. 5:14; Эф. 5:15).

21. Через со амэ можем «вся тэ полас» и тэ радосарас амарэ небеснонэ Дадэс?

²¹ О Ноё, о Даниило и о Иово камэнас тэ уӷанэн май драго лэ Иеговас. О Иегова лэнди поможысардя «вся тэ полэн», кай тэ радосарэн лэс пэстиря жизняса. Кадэлэ муршэндар амэ сытювас, сар тэ ритярас лэ Дэвлэско законо. Ай инке лэндэ па чачимастэ сас бахтали жизня (Пс. 1:1—3). Погиндон, ӷанэн тумэ кадяжэ драго лэ Иеговас сар о Ноё, о Даниило и о Иово? Андэ амари время амэ можем май бут тэ уӷанас важ о Иегова, чем кадэла мурша. Васо? О Иегова адес дэл бут со, пар со тэ уӷанас важ лэстэ (Прит. 4:18). Важ када драго полэн, со ԥэнэнпэ андэ лэ Дэвлэско Алав. Гиндон пала када. Мангэнпэ пала свынто духо. Кадя тумэ май пашэ авэна каринг амаро небесно Дад. Инке тумэ лэна вся годявэрнэс тэ терэн андэ кадэва найлашо миро (Прит. 2:4—7).