«Ашунэн кода, сости сытярав и ашэн годявэрнэ»

1. Со тэ терэс, кай тэ авэл мудрость? Саво лашимос вой анэн?

О ИЕГОВА кодэва, кастар жал и мудрость. Во анда вся оди дэл ла аврэнди. Андэ Иакова 1:5 пистромэ: «Кала варикасти андар тумэндэ на хутилэл и мудрость, мэк мангэл кай о Дэл, и во тумэнди дэла. О Дэл всаворэнди дэл анда вся оди и на шол када пэ яқа». Кай тэ авэл амэндэ мудрость, трэбуй тэ домэкас, кай во тэ сытярэл тэ парудювас. Вой фэрия амэн кодэлэстар, кай тэ на терас найлашимос и поможыя тэ на хасарас и дружба лэ Иеговаса (Прит. 2:10—12). И тумэ лэна тэ аштярэн о лашимос, саво авэла англэ. Саво када лашимос? Тэ жувэн вечно (Иуды 21).

2. Со поможыя тэ ценисарас, кала о Дэл сытярэл амэн тэ парудювас?

² Важ кода кай амэ ӷрешни и кода, сар амэ барелям, кадэлэстар ԥарэс тэ прилас, кала амэн сытярэн тэ парудювас, кадяжэ ԥарэс тэ диқас пэ када, сар по лашо. Амэ лас тэ ценисарас када, кала диқас, саво лашимос када анэн. И тоди амэ полас, сар дэ фартэ о Иегова амэн любий. Андэ Притчи 3:11, 12 ԥэнэнпэ: «Кала тут сытярэл о Иегова, мэрно шаво, на отшу када... важ кода кай, кас любий о Иегова, кодэлэс сытярэл, кай во тэ парудёл». Никала на бистрэн, кай о Иегова камэл амэнди кати лашимос. (Адиносар Евреям 12:5—11a). О Дэл ӷанэн амэн май драго всаворэндар. Важ када, кала во амэн сытярэл, во сытярэл кадя, сар када трэбуй важ амэндэ. Андэ кадэя статья амэ подаса дума акэ пала со. 1) Кала лэ манушэс сытярэн, кай тэ парудёл, васо андэ кадэя время, во трэбуй тэ ритярэл пэс андэ вас? 2) Сар о дад и дэй тэ сытярэн лэ бэятос, кай тэ парудёл? 3) Сар тэ диқас пэ кода, кала амэн сытярэн, кай тэ парудювас андэ собрания? 4) Состар ашэл май ԥарэс, чем кала сытярэн?

КАЛА О МАНУШ РИТЯРЭЛ ПЭС АНДЭ ВАС, КАДА СЫКАВЭЛ, КАЙ ВО ГОДЯВЭРНО

3. Сар о бэято сытёл тэ ритярэл пэс андэ вас? Росԥэнэн пала дад и бэято.

³ Через кода, кай о мануш ритярэл пэс андэ вас, во сытёл тэ парувэл пэстирэ гиндоря и кода, сар во пэс андярэл. О мануш на арақадёлпэ кодэлэса, кай во тэ ӷанэн тэ ритярэл пэс андэ вас. Кадэлэсти о мануш трэбуй тэ сытёл. Уӷанаса акэ со. Кала о бэято сытёл тэ ездий по лисапедо, о дад подритярэл о лисапедо, кай о бэято тэ на пэрэл. Но сар лэ бэятостэ вижал тэ ладэл, о дад по набут одмэкэл лэс. Кадяжэ, кала о дад и дэй на грабинпэ тэ холявэн, кала сытярэн пэстирэ бэятонэн, вонэ «барярэн лэн, сытярэн и дэн лэнди годи кадя, сар ԥэнэн о Иегова». Вонэ кадяжэ поможын лэнди тэ сытён тэ ритярэн пэс андэ вас и тэ авэн годявэрнэ (Эф. 6:4).

4, 5. а) Васо, кала о мануш ритярэл пэс андэ вас, када фартэ трэбуй, кала во камэл тэ ашэл, сар «нэво мануш»? б) Васо амэнди на трэбуй тэ парашас тэ патяс андэр пэстэ, кала амэ ԥэнэса, пэлям «семь разоря»?

⁴ Када кадяжэ ԥэнэса и пала мануш, саво кати ля тэ служий лэ Иеговасти. Файма, во андэ варисави время ля пэс тэ ритярэл андэ вас. Но пала лэстэ на ԥэнэса, кай лэстэ лащи дружба лэ Иеговаса. Кала во ашэл сар «нэво мануш» и стол зор, кай тэ терэл сар о Христос, лэстири дружба лэ Иеговаса по набут ашэл май бари (Эф. 4:23, 24). Через када амэ сытювас «тэ отшас о найлашимос и кода, со камэлпэ манушэнди андэ кадэва миро. Тэ ритярас лэ Дэвлэско законо и тэ на ашавас лэс, важ кода кай любисарас, и тэ жувас андэ кадэва миро годяса» (Титу 2:12).

⁵ Всаворэ амэ ӷрешни (Эккл. 7:20). Но сар амэ терас варисо най кадя, када на сыкавэл, кай амэндар нинай нисаво лашимос чи, кай амэ най андэ вся ӷанас тэ ритярас пэс андэ вас. Андэ Притчи 24:16 ԥэнэнпэ: «Важ кода кай, ко кандэл лэ Дэвлэс, даже сар семь разоря пэрэла, всаек ущела». Со поможыя амэнди тэ «ущяс»? Най амаро зор, ай лэ Дэвлэско свынто духо. (Адиносар Филиппийцам 4:13b). О духо терэл кадя, кай тэ ритярэн пэс андэ вас.

6. Сар амэ май фэдэр тэ сытювас па Библия? (Диқэн и картинка англа статья.)

⁶ Кай май драго тэ ритярэс пэс андэ вас, трэбуй пала када фартэ тэ мангэспэ лэ Дэвлэсти. Инке, тэ сытёс па Библия и тэ гиндос пала кода, со адиносардян. А со тэ терэс, кала тути ԥарэс тэ сытёс па Библия? Файма, тути най фартэ чалёл тэ сытёс. Сэр, кай о Иегова поможыя тути тэ камэс тэ сытёс па Библия кати тоди, кала ту екжэно закамэса (1 Пет. 2:2). Пэрво, када тэ мангэспэ лэ Иеговасти тэ ритярэс пэс андэ вас, кай и время тэ на ужал, ай кай тэ виарақэс ла тэ сытёс па Библия. Дуйто, тэ лэс хоть по набут тэ сытёс и тоди ту терэса кода, пала со мангэспэ. Сар прожала время, ту полэса, кай тэ сытёс па Библия ашэл май вушэро и анэн май бари радость. Тоди, ту лэса тэ аштярэс, кала упалэ, андэ тыхо ҭан, лэса тэ гиндос пала лэ Иеговастирэ гиндоря, савэ фартэ куч (1 Тим. 4:15).

7. Сар кода, кала ритярэс пэс андэ вас, поможый тэ стерэс, со загиндосардян пэ Дэвлэско дром?

⁷ Кала о мануш на ритярэл пэс андэ вас, лэсти авэла ԥарэс тэ терэл дила пэ Дэвлэско дром. Уӷанаса, со сас еқэ ԥралэса, савэстэ исин ери. Во поля, кай уже на служий лэ Иеговасти анда вся оди, сар спэрва. Во пала када фартэ загиндосайля и загиндосардя, кай тэ лэл тэ служий пионероса. Во ля тэ адиной и статьи пала пионерско служения и тэ мангэлпэ лэ Иеговасти, кай камэл тэ авэл пионеро. Через када лэстири вера ашэля май састи. Кадяжэ, кала лэстэ вижалас, во служияс подсобнонэ пионероса. Со када андя? Даже, кала лэсти сас ԥарэс, во на парашэлас тэ терэл кода, со загиндосардя и ашэля пионеро.

СЫТЯРЭН ЛЭ БЭЯТОНЭН КАДЯ, САР ԤЭНЭН О ИЕГОВА

8—10. Со дэла зор лэ дадэнди и лэ дэянди тэ сытярэн лэ бэятонэн кадя, кай вонэ тэ служин лэ Иеговасти? Росԥэнэн пала Ноё.

⁸ О Дэл дя лэ дадэнди и лэ дэянди дила, сави фартэ трэбуй тэ терэн. И дада и дэя трэбуй тэ барярэн лэ бэятонэн, «тэ сытярэн и тэ дэн лэнди годи кадя, сар ԥэнэн о Иегова» (Эф. 6:4). Но андэ амари время када найвушэро тэ терэс (2 Тим. 3:1—5). Чаче, и бэятцэ на арақадёнпэ кодэлэса, кай тэ ӷанэн, со лашо, ай со най. Лэ бэятонэндэ исин оди, саво лэнди подԥэнэн и кадэва оди трэбуй тэ сытярэс (Рим. 2:14, 15). Ек мануш анда кодэла, ко полэн и Библия ԥэнэн, кай о ӷреческо алав, саво пэрэандярэн сар «тэ сытярэн», кадяжэ сыкавэл «барёл, ашэл май годявэрно». Вижал, трэбуй тэ барярэс лэ бэятос кадя, кай во тэ вибарёл кацавэ манушэса, кай авэр тэ патян лэсти.

⁹ Кала и дада и дэя, важ кода кай любин, сытярэн и поможын лэ бэятости тэ парудёл, во лэла тэ полэл лэ одеса, кай лэс фэрин. Кала прожала время, во лэла тэ полэл, кай во най вся может тэ терэл па пэстирятэ. Кадяжэ во полэла, кай вся, со во терэл, кадэлэстар авэла варисо лашо чи найлашо. Кала и дада и дэя сытярэн, вонэ трэбуй тэ уӷанэн, со ԥэнэн о Иегова, сар вонэ тэ сытярэн. Кажно дад и дэй сытярэл пэстирэ бэятос кадя, сар терэлпэ андэ лэндири нация чи, сар терэлпэ котэ, кай вонэ жувэн. Но прожал время и кода, сар тэ барярэн лэ бэятонэн парудёл. Важ када лэ дадэнди и лэ дэянди трэбуй тэ патян, кай лэнди поможыя лэ Дэвлэстири мудрость. Тоди лэнди на трэбуй авэла тэ сытярэн, сар варико варикала сытярэлас пэстирэ бэятонэн. Инке лэнди на трэбуй авэла тэ гиндон: «Кода, сар мэ сытярав, дэла лэсти годи чи най?»

¹⁰ Погиндосарам пала Ноё. Кала о Иегова приԥэндя лэ Ноёсти тэ стерэл о ковчеӷо, о Ноё на диқэлас пэ кода, со во уже ӷанэнас. Васо? Важ кода кай во никала инке на тердя кацави дила. Лэсти трэбуй сас тэ патял, кай о Иегова фэдэр ӷанэн, сар када тэ стерэл. О Ноё стердя «вся кадя», сар ԥэндя о Иегова (Быт. 6:22). Через када лэско ери ашэляпэ жундо. Кадяжэ о Ноё сас лашо дад. Со лэсти дэлас зор тэ авэл лашо дад? Во патялас, кай лэсти поможыя лэ Дэвлэстири мудрость. Через када во драго сытярдя пэстирэ бэятонэн и сыкадя, сар вонэ трэбуй тэ андярэн пэс. Кай о Ноё када вижыля тэ стерэл, хоть андэ кодэя время жы кай о потопо, о миро сас фартэ найлашо и тэ сытярэл лэ бэятонэн сас ԥарэс (Быт. 6:5).

11. Васо и дада и дэя трэбуй тэ стон бут зор, кай тэ сытярэн пэстирэ бэятонэн?

¹¹ Дада и дэя, со тумэнди дэла зор тэ терэн «вся кадя», сар ԥэндя о Иегова? Кандэн лэ Иеговас. Домэкэн, кай во тэ сытярэл тумарэ бэятонэн. Терэн, со ԥэнэнпэ андэ Библия и, со ԥэнэн и организация, сар тэ сытярэн лэ бэятонэн. Сар прожала время и бэятцэ полэна, саво лашимос тумэ важ лэндэ стердэ. Акэ, со пистросардя ек ԥрал: «Мэ кадя блаӷодарно лэ дадэсти и ла дати пала кода, сар вонэ ман барярдэ. Вонэ вся время сытярэнас кадя, кай тэ дожал каринг мэрно ди. Кода, кай мэ терав дила важ о Дэл, май бут лэнго вас, чем мэрно». Но дэсавэ бэятцэ ашавэн лэ Иеговас, хоть и лэндирэ дада и дэя стодэ бут зор. Кала тумэ стердэ вся, кай тумарэ бэятцэ тэ любин о чачимос анда Библия, тумэнди на трэбуй тэ дошалярэн пэс. На парашэн тэ аштярэн, кай варикала тумаро бэято рисавэла «цэрэ» каринг о Иегова.

12, 13. а) Сар и о дад и дэй тэ сыкавэн, кай кандэн лэ Иеговас, кала лэнго шаво чи щей будэр най лэ Иеговаско свидетелё? б) Саво лашимос андя еқэ ерести, кала и о дад и дэй на парашэлэ тэ кандэн лэ Иеговас?

¹² Важ и дада и дэя само баро ԥаримос, саво сыкавэл, кандэн вонэ лэ Иеговас чи най, када кала лэнго бэято будэр най лэ Иеговаско свидетелё. Кай ек дэй, сави христианка, и щей ашэля най лэ Иеговаско свидетелё и жыля тэ жувэл андэ авэр цэр. И дэй, кадэла манушняти, ԥэнэн: «Мэ родавас андэ амари литература хоть варисо, кай тэ лав тэ дав дума пэстиря щяса и ла внучкаса. Мэрно хулай ковлэс подԥэндя манди и поможысардя тэ полав, кай амэ будэр на дас отчёто лэ Иеговасти пала амари щей. Инке во ԥэндя манди, кай амэ екжэнэ трэбуй тэ на парашас тэ кандас лэ Иеговас».

¹³ Прожылэ найбут бэрша и лэндири щей упалэ ашэля лэ Иеговаско свидетелё. Латири дэй росԥэнэн: «Акана мэрни щей звоний и пистрой манди, варикай кажно дес! Вой стол пар мэндэ бари патив, важ кода кай вой полэл, кай амэ кандасас лэ Дэвлэс. Амэ ласа ашэлям фартэ пашэ». Сар тумаро шаво чи и щей будэр най лэ Иеговаско свидетелё, терэна тумэ кадя, сар ԥэнэнпэ андэ Притчи 3:5, 6: «Патя лэ Иеговасти всаворэ тирэ одеса и на патя кодэлэсти, сар ту полэс». Сэрэн, кай кала о Иегова сытярэл, када сыкавэл лэстири бари мудрость и любовь. Никала на бистрэн, кай во отдя пэстирэ шавэс пала всаворэ, кадяжэ и важ тумаро бэято. О Дэл на камэл, кай варико тэ мэрэл. (Адиносар 2 Петра 3:9c). Важ када патян, кала о Иегова сытярэл и, кала во подԥэнэн, када анэн лашимос. Кандэн лэ Иеговас, даже кала кадэлэстар тумэнди ԥарэс. Кандэн лэ Иеговас и на жан против кода, со во ԥэнэн.

СЫТЯРЭН АНДЭ СОБРАНИЯ

14. Кала о Иегова сытярэл через кодэва, ко «диқэл пала хабэ и саво на парашэл тэ кандэл», саво лашимос када амэнди анэн?

¹⁴ О Иегова дя алав, кай лэла тэ диқэл и тэ фэрий и христианско собрания, и тэ сытярэл пэско народо. Во када терэл акэ сар. Лэ Иисусости во дя тэ диқэл пала собрании. Ай о Иисусо стодя тэ «диқэл пала хабэ кодэлэс, ко на парашэл тэ кандэл» и кодэва, ко диқэл пала хабэ, дэл литература, андэ сави росԥэнэнпэ пала Дэл (Луки 12:42). Кала амэ прилас, со ԥэнэнпэ андэ кадэя литература, тоди амэ парудювас. Сас тумэндэ кацаво? Тумэ адинон варисави статья андэ брошюра чи ашунэн речь и полэн, кай тумэнди трэбуй тэ парувэн и гиндоря чи кода, сар тумэ пэс андярэн? Сар када кадя, радосавэн. Када сыкавэл, кай тумэ домэкэн лэ Иеговас тэ сытярэл чи тэ парувэл тумэн (Прит. 2:1—5).

15, 16. а) Кала лэ старейшинонэндири служения анэн амэнди лашимос? б) Со тэ терэс, кай лэ старейшинонэнди андэ собрания тэ на авэл ԥарэс?

¹⁵ Инке о Иисусо Христос андэ собрания дя «лэ манушэн, вонэ сар и подаркоря». Када и старейшиноря, савэ диқэн пала лэ Дэвлэстирэ мануша (Эф. 4:8, 11—13). Кала амэнди анэна лашимос лэндири служения? Кала амэ ласа тэ сытювас лэндар андэ кода, сави лэндэ вера и сар вонэ пэс драго андярэн. Ай инке, кала прилас, со вонэ подԥэнэн па Библия. (Адиносар Евреям 13:7, 17d). Сэрэн, кай и старейшиноря любин амэн и камэн, кай амэндэ тэ авэл и вера май састи. Кала и старейшиноря диқэн, кай о ԥрал чи и ԥэй ля тэ промэкэл и собрания чи парашэля тэ служий кадя, сар спэрва, вонэ на ашавэна кадэлэ манушэс. Вонэ виашунэна, ԥэнэна лашэ алава, савэндар ашэла май вушэро по ди. Кадяжэ и старейшиноря сыкавэна и алава анда Библия, савэ май фартэ поджан каринг лэ манушэстири дила и подэна дума лэса пала када. Полэн тумэ, кай кала и старейшиноря поможын, када сыкавэл, кай о Иегова любий?

¹⁶ На бистрэн, кай лэ старейшинонэнди дэкала найвушэро тэ поджан амэндэ, кай тэ сытярэн амэн. Погиндон, сар, файма, дэ ԥарэс сас лэ Нафаности, саво сас пророко. Васо? Лэсти прижыляпэ тэ подэл дума лэ Давидоса, саво камэлас, кай нико тэ на уӷанэн пала лэско баро бэзэх! (2 Сам. 12:1—14). Лэ Павлости сас ԥарэс тэ сытярэл лэ Петрос тэ парудёл. О Пётро, саво сас анда 12 апостолоря, обжалас лэ ԥралэн и лэ ԥэян анда авэр народоря (Гал. 2:11—14). Сар тэ терас кадя, кай кода, со терэн и старейшиноря андэ собрания тэ на авэл важ лэндэ ԥарэс? Авэн кацавэ мануша, савэндэ ковло ди, блаӷодарни и драго дэн дума. Драго диқэн пэ кода, кала и старейшиноря сытярэн и поможын. Сэрэн, кай андэ када дицол лэ Иеговастири любовь. Када анэна лашимос най кати тумэнди, но и поможыя лэ старейшинонэнди инке май фартэ тэ любин пэстири служения.

17. Сар и старейшиноря поможынас еқа ԥэяти?

¹⁷ Еқа ԥэяти сас ԥарэс тэ любий лэ Иеговас, через кода со сас ласа варикала. Вой росԥэнэн: «Кода, со сас манца, на вижалас мандар анда шэро. Кадяжэ и через авэр ԥаримос мандэ на сас зор и мэ умэклэм и вас. Мэ полэм, кай манди трэбуй тэ подав дума лэ старейшинонэнца. Вонэ на линэ тэ дошалярэн ман. Ай ԥэндэ лашэ алава, савэндар манди ашэля май вушэро по ди. После кажно собрания варико анда старейшиноря, сави лэндэ дила тэ на авелоп, поджанас каринг мандэ и пушэнас, сар мандэ и дила. Через мэрно ԥаримос, саво мандэ сас, манди сас ԥарэс тэ патяв, кай мэ ашав, кай о Дэл ман тэ любий. Но о Иегова через и старейшиноря и через вся собрания най еқвар доԥэнэнас, кай любий ман. Мэ мангавпэ, кай никала тэ на дурював лэстар».

СОСТАР АШЭЛ МАЙ ԤАРЭС, ЧЕМ КАЛА СЫТЯРЭН?

18, 19. Состар ашэл май ԥарэс, чем кала сытярэн? Росԥэнэн.

¹⁸ Лэ манушэсти на чалёл, кала лэс сытярэн тэ парудёл. Но амэнди авэла май ԥарэс, сар амэ на закамаса тэ парудювас (Евр. 12:11). Уӷанаса пала дуй мануша, пала Каино и царё Седекия. О Дэл диқля, кай лэ Каиностэ сас фартэ бари холи пэ пэско ԥрал. Тоди о Дэл ԥэндя лэсти: «Васо ту холяйлян и васо тиро муй калеля? Сар терэс лашимос, хэба на ваздэна тут? Ай сар на терэс лашимос, тоди кай и вудара аштярэл о бэзэх. И во камэл тэ захутилэл тут. Но авэса ту важ лэстэ хулай чи най?» (Быт. 4:6, 7). О Каино на кангля лэ Дэвлэс, во стердя бэзэх, ԥэнэса, о бэзэх захутилдя лэс. Скати же лэстэ сас ԥаримос! Ай када вся на авелоп тэ канглоп о Каино лэ Дэвлэс (Быт. 4:11, 12).

¹⁹ О Седекия сас найлашо царё и во на жувэлас пэстиря годяса. Во правияс андо Иерусалимо андэ само найлащи время. О пророко Иеремия най еқвар ԥэнасас лэ Седекиясти тэ парудёл. Но во на приля кода, со ԥэндя о Иеремия. Када андя каринг и бида (Иер. 52:8—11). О Иегова на камэл, кай амэндэ тэ авэл ԥаримос. (Адиносар Исаия 48:17, 18e).

20. Со англэ авэла кодэлэнди, ко прилэл, кала о Дэл сытярэл лэн тэ парудён и кодэлэнди, ко на прилэл?

²⁰ Адес андо миро бут мануша асанпэ кодэлэстар, кала варикас сытярэн и поможын тэ парудён. Кадяжэ асанпэ кодэлэстар, кай трэбуй тэ ритярэн пэс андэ вас. Но пашол и время, кала о Дэл спушэла лэ манушэндар, савэ на камэн тэ парудён (Прит. 1:24—31). Важ када терам кадя, сар пистромэ: «Ашунэн о законо и ашэн годявэрнэ». Инке андэ Притчи 4:13 ԥэнэнпэ: «Ритярдю лэ законости, на одмэк лэс, фэрисар лэс. Важ кода кай о законо, када тири жизня».