Кала о Дэл сытярэл, када сыкавэл, кай во любий амэн

1. Со андэ Библия ԥэнэнпэ пала алав «сытярэл»?

СО ТУТЭ авэл андо шэро, кала ашунэс алав «сытярэл»? Бут мануша гиндон, кай кала варико сытярэл, во может и тэ марэл. Но андо алав «сытярэл» май бут со ужал. Андэ Библия драго ԥэнэнпэ пала кадэва алав. Кадэва алав ԥэнэнпэ, кала жал дума пала кода, со годявэрнэс, пала любовь, пала жизня и кала бут ӷанэн (Прит. 1:2—7, сноска; 4:11—13). Васо? Важ кода кай, кала о Дэл сытярэл, када доԥэнэн, кай во любий и камэл тэ дэл амэнди вечно жизня (Евр. 12:6). Хоть о Дэл и сытярэл лэ манушэс, во када терэл най би одеско. Алав «сытярэл» сыкавэл най кай тэ цыпин и тэ марэн. Када, сар и дада и дэя сытярэн пэстирэ бэятос, савэс фартэ любин.

2, 3. Со ужал андэ кода, кала сытярэн, кай тэ парудювас? (Диқэн и картинка англа статья.)

² Уӷанаса, со сас еқэ бэятоса. Ԥэнэса, лэс ақарэн Пэтя. Во цэлэласпэ ла пучаса андо цэр. Лэсти дэй ԥэндя: «Пэтя, ту ӷанэс, кай андо цэр ла пучаса нащи тэ цэлэс! Ту варисо розмарэса». Но о Пэтя на шол сама пэ латирэ алава и на парашэл тэ цэлэлпэ ла пучаса андо цэр. И акэ во розмарэл и ваза. Со стерэла лэсти дэй? Вой росԥэнэна лэсти, васо кода, со во стердя, найдраго. И дэй ԥэнэна лэсти, кай тэ кандэл лэ родителёнэн, када драго. Инке, кода, со ԥэнэн о дада и дэй, со тэ терэс, ай со най, када и трэбуй и годявэрнэс. И, кай во тэ полэл, кай стердя найдраго и дэй, файма, закамэла тэ одлэл лэстар пэ время и пуча, кай тэ сытярэл лэс. Кадя во полэла, со анэн кода, кала во на кандэл.

³ Амэ андэ христианско собрания, важ када амэ ужас андэ «лэ Дэвлэско ери» (1 Тим. 3:15, Современно переводо). Важ кода кай о Иегова исин право тэ стол о законо, амэ стас пэр лэстэ патив. Ай кадяжэ лэстэ исин право тэ сытярэл тэ парудювас, кала амэ на терас кадя, сар андэ кадэва законо. Кодэлэстар, кай амэ пэс найдраго андярдям, вижал варисо найлашо. Через кода, кай амэн сытярэн тэ парудювас, амэ на бистраса, пэ скати трэбуй тэ кандас лэ Иеговас (Гал. 6:7). О Дэл фартэ любий амэн, диқэл пала амэндэ и на камэл, кай амэндэ тэ дуқал оди (1 Пет. 5:6, 7).

4. а) Сар о Иегова камэл, кай амэ тэ сытярас лэ манушэн? б) Со амэ уӷанаса анда кадэя статья?

⁴ Кала амэ, через лэ Дэвлэско алав, сытярас лэ бэятос чи кодэлэс, ко сытёл па Библия тэ парудёл, амэ поможысарас лэсти тэ жал пала Христос. Кала амэ сытярас па лэ Дэвлэско алав, кадэлэстар нисо нинай май драго, со «парувэл и жизня и терэл ла фэдэр». Через лэ Дэвлэско алав, о бэято чи кодэва, ко сытёл па Библия, полэна вся, со приԥэндя Иисусо и терэна кадя (2 Тим. 3:16; Матф. 28:19, 20). О Иегова блаӷословий, кала амэ кадя сытярас. Васо? Важ кода кай кодэва, ко сытёл па Библия, кадяжэ лэла тэ сытярэл лэ манушэн, кай вонэ тэ авэн лэ Христостирэ ученикоря. (Адиносар Титу 2:11—14a). Уӷанаса акэ со. 1) Сар па кода, кай о Дэл сытярэл амэн, дицол, кай во любий амэн? 2) Сости амэн сытярэл, сар о Дэл варикала сытярэлас лэ манушэн тэ парудён? 3) Сар тэ терас кадя, сар о Иегова и лэско шаво, кала сытярас аврэн тэ парудён?

О ДЭЛ ЛЮБИЙ ЛЭ МАНУШЭН И СЫТЯРЭЛ, КАЙ ВОНЭ ТЭ ПАРУДЁН

5. Васо ԥэнаса, кай кала о Иегова сытярэл лэ манушэс тэ парудёл, во сыкавэл, кай любий лэс?

⁵ Важ кода кай о Иегова любий, во сытярэл, сыкавэл, сар тэ жувас и сытярэл, кай амэ тэ парудювас. Васо? Во камэл, кай амэндэ тэ авэл лэса састи дружба и амэ тэ на сжас па дром, саво андярэл каринг и жизня (1 Иоанн. 4:16). О Иегова никала на ԥэнэн найлашэ алава и на тэлярэл лэ манушэс. О Иегова на камэл, кай о мануш тэ гиндой, кай лэстар нинай нисаво лашимос (Прит. 12:18). Но во май бут шол сама пэ кода лашо, со андэр лэстэ исин и дэл лэсти екжэнэсти тэ витидэл, со тэ терэл. О Иегова сытярэл лэ манушэс тэ парудёл. Во када терэл через и Библия, через и литература, через и дада и дэя, савэ христианоря и через и старейшиноря. Дицол андэ када, кай о Иегова любий лэ манушэс? Ай тумэ пэ када кадяжэ диқэн? Кала амэ, важ кода кай на полас, терас варисо най кадя и старейшиноря сытярэн, кай амэ тэ парудювас. Вонэ када терэн ковлэс, важ кода кай любин амэн. Вонэ пэ дила сыкавэн, кай любин кадя же, сар о Иегова (Гал. 6:1).

6. Сар дицол лэ Дэвлэстири любовь, кала лэ манушэсти будэр нащи тэ терэл и дила андэ собрания, сави лэсти дя о Дэл через и старейшиноря? Кала о мануш будэр най лэ Иеговаско свидетелё, сар андэ када дицол лэ Иеговастири любовь?

⁶ Дэкала андо алав «сытярэл» ужал май бут, чем кала подԥэнэн. Сар о мануш терэл баро бэзэх, во парашэла тэ терэл андэ собрания и дила, сави лэсти дя о Дэл через и старейшиноря. И андэ када дицол лэ Дэвлэстири любовь. Важ кода кай тоди о мануш полэла, пэ скати трэбуй екжэно май бут тэ сытёл па Библия, тэ гиндой и тэ мангэлпэ. Када вся поможыя, кай лэстэ тэ авэл и вера май састи (Пс. 19:7). Сар прожала время, лэсти упалэ о Дэл через и старейшиноря дэла тэ терэл и дила андэ собрания. Кала лэ манушэсти ԥэнэн, кай во будэр най лэ Иеговаско свидетелё, када кадяжэ сыкавэл, кай о Дэл любий лэ манушэс. Инке, кала о Дэл кадя терэл, када фэрий и собрания лэ найлашимастар (1 Кор. 5:6, 7, 11). О Дэл сытярэл лэ манушэс кадя, сар када трэбуй важ кадэва мануш. И кода, кай во будэр най лэ Иеговаско свидетелё, поможый лэ манушэсти тэ полэл, пэ скати дэ баро бэзэх во стердя. Када дэла зор лэсти, кай во тэ каийпэ (Деян. 3:19).

О ИЕГОВА СЫТЯРДЯ ЛЭС И ВО ПАРУДЕЛЯ

7. Ко сас о Севна и со через и время андэр лэстэ ашэля найлашо?

⁷ Кай тэ диқас, пэ скати дэ куч, кала сытярэн, кай тэ парудён, амэ уӷанаса пала дуй мурша, савэнди поможысардя о Иегова. Ек андар лэндэ, када о Севна. Во жувэлас андэ время, кала жувэлас о Езекия. Ай кадяжэ уӷанаса пала Грэмо, саво сас христианино. О Севна сас баро мануш и лэстэ сас бари власть (файма, лэс стодэ тэ диқэл пала лэ Езекияско цэр) (Ис. 22:15). Но, сар прожыля время, во завазгля о шэро и закамля тэ авэл инке май ашунгло. Во даже стердя важ пэстэ шукарно и барвало ҭан, кай лэс тэ гаравэн, кала во мэрэла. Инке во стердя, кай лэстэ тэ авэн фартэ бут шукарнэ вурдона (Ис. 22:16—18).

8. Сар о Иегова сытярдя лэ Севнас, кай во тэ парудёл и сар, файма, о Севна пэс андярдя?

⁸ Важ кода кай о Севна завазгля о шэро и закамля тэ авэл инке май ашунгло, о Дэл отдя лэстири дила аврэ манушэсти лэ Елиакимости (Ис. 22:19—21). Када стердяпэ, кала о ассирийско царё о Сеннахиримо закамля тэ жал против о Иерусалимо. Во бишалдя пэстирэ манушэн бутэ воинонэнца андо иудейско форо. Состэ? Кай иудеёря тэ умэкэн и вас, ай о Езекия тэ лэл тэ дарал и тэ сдэлпэ (2 Цар. 18:17—25). О Езекия бишалдя лэ Елиакимос и инке дуе манушэн, кай тэ дэн дума лэ барэ манушэнца. Ек андар лэндэ сас о Севна, саво ашэля секретарё. Анда када дицол, кай о Севна на холяйля и на ритярдя и холи андо ди. Во на завазгля о шэро и ля тэ терэл най кацави бари дила, сави во терэлас май англал и сави лэсти дя о Иегова. Уӷанаса, сости амэн када сытярэл.

9—11. а) Сости амэн сытярэл кода, со сас лэ Севнаса? б) Сар о Иегова сытярдя лэ Севнас, кай во тэ парудёл и со тутэ андо ди кадэлэстар?

⁹ О Севна уже на терэлас кацави бари дила, сави во терэлас май англал. Во када хасардя. Када драго дицол анда Библия: «Спэрва о мануш заваздэл о шэро, ай тоди хасарэл и жизня. И спэрва гиндой пала пэстэ бут, ай тоди пэрэл» (Прит. 16:18). Ԥэнаса, о Иегова через и старейшиноря андэ собрания дя тути тэ терэс дила и авэр, файма, обжанпэ туса май драго, чем всаворэнца. Вижал тутэ тэ стос зор, кай тэ на заваздэс о шэро? Сэрэс ту, кай вся, со ту ӷанэс драго тэ терэс и кода, сости ту домарделянпэ, када лэ Иеговастар? (1 Кор. 4:7). О апостоло Павло пистросардя: «Ԥэнав кажности, на гиндон пала пэстэ май бут, чем трэбуй. Но гиндон кадя, пэ скати о Дэл дя и вера, и терэн када годяса» (Рим. 12:3).

¹⁰ О Иегова сытярдя лэ Севнас кодэлэса, кай о Севна будэр нащи сас тэ терэл и дила, сави во терэлас май англал. Но о Иегова на сыкадя, кай лэ Севнастар нисо лашо на вижала (Прит. 3:11, 12). Сар дэ драго када сытярэл и дэл зор кодэлэнди, ко будэр нащи тэ терэл и дила, сави во терэлас май англал и сави лэсти дя о Иегова! Сар туса кацаво стердяпэ, на холяв и на ритяр и холи андо ди. Ай фэдэр на параш тэ терэс важ о Иегова вся со май лашо и тэ диқэс андэ када, кай во любий тут. Сэр, кай амаро Дад дэла лашимос кодэлэнди, ко на заваздэл о шэро. (Адиносар 1 Петра 5:6, 7b). Кала о Дэл сытярэл амэн, во кадэлэса сыкавэл, кай любий амэн. Када сар о мануш, саво терэл варисо анда ӷлина май драго и терэл май шукарно кода, со во стердя. Важ када на парашам тэ авас кацави ӷлина андэ лэ Иеговастирэ вас, савяса во может варисо тэ терэл.

¹¹ Кодэлэса, со сас лэ Севнаса, о Иегова драго сытярдя кодэлэн, кастэ исин власть тэ сытярэн аврэн, кай вонэ тэ парудён. Касти када? Лэ дадэнди и лэ дэянди, и лэ старейшинонэнди андэ собрания. Сости сытён вонэ анда када? Лэ Иеговасти гряца о бэзэх. Но, кала во сытярэл лэ манушэс, во родэл кода, со лашо андэр лэстэ. Дэкала тути трэбуй тэ сытярэс пэстирэ бэятос чи варикас анда собрания, кай во тэ парудёл. Лэса ту тэ терэс када, сар о Иегова? (Иуды 22, 23).

12—14. а) Сар дэсавэ андярэн пэс, кала о Дэл лэн сытярэл? б) Сар через и Библия ек ԥрал парудя кода, со лэстэ сас андо ди и сар во гиндояс, и каринг со када андя?

¹² Дэсавэ христианоря, кала лэнди ԥэнэн, со вонэ най кадя терэн, нащи бистрэн и холи и ашэн май дур лэ Дэвлэстар и лэстирэ народостар (Евр. 3:12, 13). Сыкавэл када, кай лэнди будэр нащи тэ поможын? Акэ со сас лэ Грэмоса. Лэсти ԥэндэ, кай во будэр най лэ Иеговаско свидетелё. Прожыля время и во упалэ ашэля лэ Иеговаско свидетелё. Но май англэ, во парашэля тэ росԥэнэн важ о Дэл. Варикала ек старейшина столас бут зор, кай лэса тэ дружий. Через дэсави время, о Грэмо мангля кадэлэ старейшинос, кай во тэ сытярэл лэс па Библия.

¹³ Кодэва старейшина сэрэл: «О Грэмо заваздэлас о шэро. Во родэлас кати о найлашо андэ старейшиноря, савэ ԥэндэ, кай во будэр най лэ Иеговаско свидетелё. Важ када амэ лэ Грэмоса витидасас время тэ уӷанас, со када, кала о мануш заваздэл о шэро и каринг со када анэн. О Грэмо ля май драго тэ уӷанэн пэс через и Библия, и кода, со во уӷангля пала пэстэ, на чалеля лэсти! Во поля, кай завазгля о шэро, и када сас, сар „каш“ андэ лэстири як. Кадяжэ во поля, кай во родэлас андэ авэр кати о найлашо. Инке во поля, кай андэ када во екжэно дошало и йто ля тэ парудёл. Во на ля тэ промэкэл и собрания, ля драго тэ уӷанэн, со пистромэ андэ Библия и присытеля кажно дес тэ мангэлпэ. Кадяжэ, и хулаи и бэятцэ слинэ фартэ лошалэ кодэлэсти, кай о Грэмо, сар хулай андо ери, ля тэ сытярэл пэстирэ ерес па Библия» (Луки 6:41, 42; Иак. 1:23—25).

¹⁴ Кадяжэ кадэва старейшина ԥэнэн: «Еқвар о Грэмо ԥэндя манди кода, со ля ман лэ одестар. О Грэмо росԥэндя манди: „Мэ ӷанав о чачимос анда Библия бут бэрша и служисаравас пионероса. Но кати акана мэ ԥэнав анда оди, кай любисарав лэ Иеговас“». Май дур кадэва старейшина росԥэнэн: «Прожыля набут время и лэ Грэмости динэ тэ ԥиравэл о микрофоно пэ собрания. Важ лэстэ фартэ куч кадэя дила. Када ман сытярэл, кай сар о мануш на заваздэл о шэро англа Дэл и прилэл, кала лэс сытярэн, тоди лэстэ авэла бут лашимос».

СЫТЯРЭН ЛЭ МАНУШЭН КАДЯ ЖЕ, САР О ИЕГОВА И О ХРИСТОС

15. Со трэбуй тэ стерас, кала камас, кай тэ дожал каринг оди кодэлэсти, кас амэ сытярас, кай во тэ парудёл?

¹⁵ Кай тэ авэс лашо учителё, спэрва трэбуй тэ авэс лашо ученико (1 Тим. 4:15, 16). Кадяжэ и кодэла, касти о Иегова дя власть тэ сытярэн аврэн, трэбуй вся время тэ камэн тэ терэн, сости сытярэл о Иегова. Кала вонэ кадя гиндон и лэндэ кацаво андо ди, авэр май бут лэна тэ стон пэр лэндэ патив. Кадяжэ лэндэ авэла муй, кай тэ сытярэн и тэ поможын аврэнди тэ парудён. Шам сама, сар када терэлас о Иисусо.

16. Сости сытювас лэ Иисусостар, кала сытярас аврэн и поможысарас тэ парудён?

¹⁶ О Иисусо вся время кандэлас пэстирэ дадэс даже тоди, кала лэсти сас ԥарэс када тэ терэл (Матф. 26:39). Кадяжэ во най еқвар ԥэнэнас, кай кода, сости во сытярэлас, ай кадяжэ и мудрость, када лэ Дэвлэстар (Иоан. 5:19, 30). Через кода, кай о Иисусо на заваздэлас о шэро и кандэлас лэ Дэвлэс, када поможыяс лэсти тэ авэл учителё, саво полэл и жалуий аврэн анда вся оди. И мануша всаворэ́ одеса цырдэнаспэ каринг о Иисусо. (Адиносар Матфея 11:29c). Во подритярэлас лашэ алавэнца кодэлэн, касти сас фартэ ԥарэс и савэ слинэ, сар о фитилё, саво лэл тэ мудардёл (Матф. 12:20). О Иисусо кадяжэ сыкавэлас пэ дила, кай любий и терэл лашимос, даже кала авэр мануша камэнас тэ диқэн, лэла во тэ холявэл чи най. Кадя сас, кала во сытярдя лэ апостолонэн, кай вонэ тэ парудён. Андэр со? Вонэ доԥэнэнас ек аврэсти, ко андар лэндэ май баро (Мар. 9:33—37; Луки 22:24—27).

17. Со дэла зор лэ старейшинонэнди драго тэ диқэн пала собрания?

¹⁷ Старейшиноря сытярэн аврэн па Библия. Кала вонэ када терэн кадя же, сар о Иисусо, када сыкавэл, кай вонэ годявэрнэ. И кадя вонэ сыкавэн, кай домэкэн лэ Дэвлэсти и лэстирэ шавэсти тэ сытярэн лэн. О апостоло Пётро пистросардя: «Диқэн пала лэ Дэвлэско стадо, саво динэ тумэнди. Диқэн най важ кода, кай трэбуй, ай важ кода кай анда оди камэн. Най важ кода, кай тумэ камэн, кай пэ вас тумэнди варисо тэ пэрэл, ай важ кода кай камэн тэ стон зор. На андярэн пэс, сар хулая важ и хабэ, саво най тумаро, ай лэ Дэвлэско, ай андярэн пэс кадя, кай тумэндар тэ сытён» (1 Пет. 5:2—4). Чаче, кала и старейшиноря кандэн лэ Дэвлэс и лэ Христос, саво диқэл пала собрания и кадэлэстар лошалэ, када анэна лашимос лэнди и кодэлэнди, пала кастэ вонэ диқэн (Ис. 32:1, 2, 17, 18).

18. а) Со о Иегова аштярэл лэ дадэндар и лэ дэяндар? б) Сар о Дэл поможый лэ дадэнди и лэ дэянди?

¹⁸ Када кадяжэ поджал и каринг о ери. Андэ Библия ԥэнэнпэ, со трэбуй тэ терэл о хулай андо ери: «На холярэн пэстирэ бэятонэн. Но сар барярэн лэн, сытярэн и дэн лэнди годи кадя, сар ԥэнэн о Иегова» (Эф. 6:4). Пэ скати када трэбуй? Када драго дицол анда Притчи 19:18. Кала и родителя на сытярэн пэстирэ бэятос, вонэ моӷут тэ ашэн дошалэ андэ лэстири смэрть. И родителя трэбуй тэ сэрэн, кай вонэ дэна отчёто лэ Дэвлэсти пала кода, сар вонэ сытярэн лэ бэятос (1 Сам. 3:12—14). О Иегова дэл лэ дадэнди и лэ дэянди годи и зор, саво трэбуй, кала вонэ на заваздэн о шэро и мангэн лэс пала када. Кадяжэ, дэл годи и зор, кала вонэ мангэн, кай лэнди тэ подԥэнэн и диқэн, со пала када ԥэнэнпэ андэ Библия. Инке, вонэ терэн кадя, сар лэн сытярэл о свынто духо. (Адиносар Иакова 1:5d).

СЫТЮВАС ТЭ ЛАДИСАРАС ЕК АВРЭСА

19, 20. а) Саво авэла лашимос, кала амэ прилас кода, сости о Иегова сытярэл амэн, кай тэ парудювас? б) Пала со амэ подаса дума андэ авэр статья?

¹⁹ Амэндэ авэла бут лашимос акэ кала. Сар амэ домэкас, кай о Иегова тэ сытярэл амэн. Инке, сар амэ сытювас лэстар и лэ Иисусостар андэ кода, сар тэ сытярас аврэн. Тоди андэ еря, ай кадяжэ андэ собрании авэна май драго тэ ладин ек аврэса. Котэ и мануша лэна лэ одеса тэ полэн, кай лэн любин и ценин (Пс. 72:7). Чаче, о Иегова сытярэл амэн каринг кодэя время, кала амэ жуваса вечно и аваса ек пала еқэстэ, сар ек ери, пала саво диқэл о Иегова. (Адиносар Исаия 11:9e). Кала амэ сэрас пала када, амэ никала на парашаса тэ диқас лэ Иеговастири любовь, кала во амэн сытярэл, кай тэ парудювас.

²⁰ Андэ авэр статья амэ уӷанаса инке май бут, сар и дада и дэя тэ сытярэн пэстирэ бэятонэн. Кадяжэ уӷанаса, сар андэ собрания амэн сытярэн тэ парудювас. Инке амэ подаса дума, сар тэ ритярас пэс андэ вас. Кадяжэ подаса дума, состар ашэл май ԥарэс, чем кала сытярэн?