Сымас чоро, ашэлэм барвало

ВАЖ ВСЯ ВРЕМЯ, кала мэ сытювавас андэ школа, андэ амаро форо нисо фартэ на паруделя. И бэятцэ, савэнца мэ сытювавас андэ школа, вся время слинэ кодэла же. Амэ всаворэ ӷанасас ек аврэс андэ кадэва форо.

Круӷом о форо Либерти слинэ найбарэ фермы. Май бут и мануша, савэ котэ терэнас, барярэнас и кукуруза. Кала мэ арақаделэмпэ, мэрно дад терэлас бути кай ек катутно хулай ла фермако. Кала мэ сымас бэято, мэ висытелэм тэ ездисарав по тракторо и тэ терав инке авэр бути.

Кала мэ арақаделэмпэ, лэ дадэсти сас 56 бэрш, ай ла дати 35. Важ када мэ на диқлэм пэстирэ дадэс тэрнэ манушэса. Мэрно дад сас састо и зорало. Во любияс тэ терэл бути и сытярэлас кадэлэсти пэстирэ бэятонэн. Во на затерэлас барэ ловэ, но амэндэ сас, кай тэ жувас, амэндэ сас, андэр со тэ утидаспэ, и амэ самас чалэ. Амаро дад вся время сас амэнца. Мэрно дад муля, кала лэсти сас 93, ай и дэй муля, кала лати сас 86 бэрш. Вонэ на слинэ лэ Иеговастирэ свидетеля. Кати ек мэрно ԥрал ашэля лэ Иеговаско мануш. Во ашэля старейшина андэ 1972 бэрш, и на парашэлас тэ кандэл лэ Иеговас.

ТЭРНЭ БЭРША

Мэрни дэй фартэ патялас андо Дэл. Кажно курко вой ԥиравэлас амэн андэ баптистско қандири. Кала манди сас 12 бэрш, мэ пэрво разо ашундэм пала троица. Мэ камавас тэ уӷанав и пушлэм кай и дэй: «Сар о Иисусо может тэ авэл и о шаво и о дад?» Сэрав вой манди ԥэндя: «Када тайна, мэрно шаво. Амэнди на динэ када тэ полас». Чаче, када сас тайна! И всаек, кала манди сас 14 бэрш, мэ болделэм найдур лэ цэрэстар андэ лэноры. Ман тривар арадэ андо паи важ лэ троицако алав.

Андэ школа мандэ сас друӷо, саво драго марэласпэ по боксо. Во дя дума манца кадя, кай и мэ закамлэм тэ жав по боксо. Мэ лэм тэ сытював и жылэм андо боксёрско клубо, пэ саво ԥэнэнас «Сомнаконэ перчатки». Лашо боксёро андар мандэ на вижыля, и мэ мэклэм о боксо. Май англэ ман залинэ андэ халавдэ и отбишалдэ андэ Германия. Кала мэ котэ служисаравас, и барэ мануша андэ халавдэ бишалдэ ман тэ сытював май дур, кай тэ ашав баро мануш андэ халавдэ. Вонэ камэнас, кай мэ тэ терав бути андэ халавдэ. Но мэ када на камавас. Важ када па дуй бэрш андо 1956 мэ ашадэм и халавдэ. Йто мэ жылэм андэ авэр халавдэ.

НЭВИ ЖИЗНЯ

Мэ гиндосаравас най кадя, сар трэбуй. Мэ теравас вся, кай тэ шавпэ, по мануш, саво манди здэласпэ, кай во муршари. Васо мэ лэм кадя тэ гиндосарав? Мэ пэрэлавас када анда киноря и лэ манушэндар, савэ слинэ паша мандэ. Мэ гиндосаравас, кай кодэла, ко росԥэнэнас важ и Библия, на шонпэ пэ муршаря. Но мэ уӷанглэм кода, со парудя мэрни жизня. Еқвар мэ ладавас па форо пэ пэстири лоли вурали кабриолето и додиқлэм дуе рақлёран, савэ сыкадэ лэ вастэса, кай мэ тэ притердював. Када слинэ дуй цэкнэдэр золовки мэрня ԥэяти. Вонэ слинэ лэ Иеговастирэ свидетеля и дэнас манди тэ адиносарав «Сторожево башня» и «Пробудитесь!». Па мэрнятэ кадэла брошюры сас ԥарэс тэ полав. Но пэ кадэва разо вонэ ақардэ ман пэ книгоизучения, када, кала по цэр тидэнпэ найбут мануша и сытён па Библия. Мэ ԥэндэм лэнди, кай погиндосарава. Вонэ пушлэ: «Ту дэс алав, кай авэса?» И мэ дэм алав.

Мэ гиндосаравас, кай евья мэ дэм кадэва алав, но тэ залав лэс палпалэ на вижал. Важ када вэчэром мэ жылэм по цэр, кай тидэнпэ. Манди фартэ чалеля, сар андярэнас пэс и бэятцэ. Манди на патяласпэ, кай вонэ кадя драго ӷанэн и Библия. Скати бэрша мэ ԥиравас ла даса андэ қандири кажно курко, ай Библия кадя и на уӷанглэм! Мэ закамлэм май драго ла тэ уӷанав и ман линэ тэ сытярэн па Библия. Пэрво, со ман сытярдэ анда Библия, када кай лэ всемоӷущёнэс Дэвлэс ақарэн Иегова. Сэрав, еқвар мэ пушлэм кай и дэй, ко када лэ Иеговастирэ свидетеля? И вой ԥэндя: «Вонэ патян андэ варисаво ԥором Иегова». Но акана, ԥэнэса, мэрнэ яқа ԥэрнаделэ!

Мэ полэм, кай виарақлэм о чачимос, и важ када йто мэрни вера ашэля май састи. Прожыля 9 шона, кала мэ пэрво разо зажылэм кай лэ Иеговастирэ свидетеля и акэ, андо марто андэ 1957 бэрш мэ болделэм. Мандэ паруделэ и гиндоря. Варикала мэ теравас вся, кай тэ шавпэ по муршари, ай акана мэ лошало, кай уӷанглэм анда Библия, ко када па чачимастэ муршари. О Иисусо сас совершенно мурш, во сас састо и зорало, кацаво сар во, нико на сас. Во никаса на марэласпэ, сар сас ԥэндо, но отдя пэс, кай лэс тэ умарэн (Ис. 53:2, 7). Мэ уӷанглэм, кай кодэла, ко па чачимастэ жан пала Христос, трэбуй тэ обжанпэ всаворэнца ковлэс (2 Тим. 2:24).

Андэ 1958 бэрш мэ лэм тэ служисарав пионероса. Но йто мэ ашадэм кадэя служения най пэ долӷонэстэ. Васо? Мэ женисайлэм пэ Глория. Када ек анда кодэла рақлёра, савэ ақардэ ман пэ книӷоизучения. Мандэ ни еқвар на сас андо ди, кай кода, кас мэ витидэм сас евья. И Глория важ мандэ идоси само кучутни, май куч чем само кучутно бриллианто. Мэ кацаво бахтало, кай женисайлэм пэр латэ!

Акэ найбут анда кода, со росԥэнэн пала пэстэ и Глория: «Андо ери амэн сас 17 бэятонэн. И дэй на парашэлас тэ служий лэ Иеговасти. Вой муля, кала манди сас 14 бэрш. Тоди о дад ля тэ сытёл па Библия. После кода, сар муля и дэй, во доԥэнделя лэ директороса андэ школа пала амэндэ ла ԥэяса. Мэрни барэдэр ԥэй сас андо май баро классо. И о дад мангля лэ директорос, кай амэ тэ ԥирас андэ школа ек дес вой, ай пэ авэр дес мэ. Кадя амэ ла ԥэяса диқасас пала цыкнэдэр ԥрала и ԥэя и терасас тэ хан по ери. О дад па бути авэлас каринг о вэчэро. О директоро мэкля кадя тэ терас, дэкин мэрни ԥэй на висытеля андэ школа. Па Библия амэн сытярэнас дуй еря, и анда 17 бэятцэ, 11 ашэлэ лэ Иеговастирэ мануша. Манди чалёлас тэ росԥэнав важ о Дэл, но пэ скати мэ пэс сэрав, мэ вся время лажавас. Кай мэ тэ на лажав, манди вся время дэлас зор мэрно хулай о Сэмо».

О ябьяв амэндэ сас андо февралё андо 1959 бэрш. Амэнди чалёлас тэ служисарас пионеронэнца. Но амэ фартэ камасас тэ служисарас андэ всемирно ӷлавно управления. Важ када андо июлё, андэ кодэва же бэрш, амэ пистросардям заявления пэ вефильско служения. Амэнца дя дума о ԥрал Саймоно Крейкеро. Во ԥэндя амэнди, кай андэ кадэя время андо вефилё на ақарэн кодэлэн, ко женати. Но амэ на парашэлям тэ гиндосарас, кай тэ служисарас андо вефилё. Кати через бут бэрша амэн ақардэ андо вефилё.

Амэ пистросардям андэ всемирно ӷлавно управления, кай амэн тэ бишалэн интя, кай трэбуй возвещателя. Амэнди на сас андар со тэ витидас, важ кода кай андо письмо амэнди ԥэндэ тэ ладас андо форо Пайн-Блаффо (штат Арканзасо). Тоди андэ кадэва форо сас дуй собрании, ек важ и парнэ ԥрала и ԥэя, ай авэр важ и калэ. Амэн бишалдэ андэ собрания, кай слинэ калэ ԥрала и ԥэя. Лэн сас 14 мануша.

ԤАРИМОС ЧЕРЕЗ О ЗАКОНО, САВО ЗАԤЭНЭНАС ЛЭ МАНУШЭНДИ АНДА РАЗНИ НАЦИИ ТЭ ТИДЭНПЭ ЕҚЭҬАНЭ И ГИНДОНАС, КАЙ ЛЭНДИРИ НАЦИЯ МАЙ ЛАЩИ АВРЭНДАР

Файма, тумэ пушэна, васо лэ Иеговастирэ свидетеля жувэнас па законо, саво заԥэнэнас тэ тидэнпэ еқэҭанэ и калэ и парнэ мануша? Пэ кодэя время амэнди най андар со сас тэ витидас. Тоди сас кацаво законо. Кодэлэн, ко на терэлас па кадэва законо, лэн моӷли тэ марэн. Андэ бут фороря и ԥрала и ԥэя даранас. Васо? Кай о зало, кай тидэнпэ лэ Иеговастирэ свидетеля розмарэна, сар котэ тидэнапэ тэ тэлён лэ Дэвлэсти и калэ и парнэ ԥрала и ԥэя. И кацаво сас. Кала и калэ ԥрала росԥэнэнас важ о Дэл па цэра, кай жувэн и парнэ, лэ ԥралэн моӷли тэ залэн и рая чи тэ марэн. Важ кода кай и дила тэ на тердёл, кай тэ росԥэнас важ о Дэл, амэ терасас кадя, сар сас пистромэ андо законо и аштярасас о лашимос, кай англэ варисо парудёла.

Андэ амари служения на обжаласпэ, кай тэ на авэл ԥаримос. Кала амэ росԥэнасас важ о Дэл па цэра, кай жувэн и калэ мануша, дэкала амэ попэрасас по цэр кай и парнэ мануша. Амэнди трэбуй сас йто тэ витидас, со тэ терас, тэ задас дума важ о Дэл чи тэ ԥэнас, кай най кордэ попэлям. Кадя сас андэ кодэя время.

Кай тэ служисарас пионеронэнца, амэнди трэбуй сас тэ затерас пэр пэстэ. Амэнди прижаласпэ тэ терас ԥари бути. Пэ када ужалас цыло дес. Бут пэ савэ бутя амэнди потинэнас трин доллароря андо дес. И Глория терэлас бути. Вой прилэлас най андо ек цэр. Андо ек цэр ман мэклэ тэ терав бути ласа, кай вой май йто тэ стерэл кадэя бути. Котэ амэн праварэнас еқвар андо дес. Када сас запаӷомэ хамос, саво амэ ростатярасас и по епаш хасас ла Глорияса. Кажно курко и Глория ӷладияс и кирпэ важ ек ери. Мэ теравас бути андэ града, халававас и фэлястры и инке бут со теравас. Инке амэ халавасас и фэлястры андо цэр, кай о ек парно ери. И Глория халавэлас андо цэр, ай мэ аврял. Пэ када амэндэ ужалас вся о дес и амэн кадяжэ котэ праварэнас еқвар андо дес. И Глория халас андо цэр, но най лэ хуланца, ай мэ хавас андо ӷаражо. Мэ на холявавас. О хамос сас вкусно, ай о ери сас лашо. Кадэлэ ерести сас ԥарэс, важ кода кай вонэ фартэ шонас сама пэ кода, сар гиндонас авэр мануша. Сэрав, еқвар амэ терделям пэ заправка. Кала мэ зашутэм о бензино андэ вурали кай о мануш, саво котэ терэлас бути, мэ пушлэм важ и Глория: «Кай тумэндэ, кай о мануш тэ прожалпэ важ пэстэ». Во холяса диқля пэр мандэ и ԥэндя: «Котэ ԥандадо».

АНДО МИРО ИСИН ЛАШЭ МАНУША

Паша амарэ ԥрала и ԥэя амэнди сас драго. Амэ любисарасас амари служения. Кала амэ кати пэрэлаглям андо Пайн-Блаффо амэ жувасас кай о ԥрал, саво диқэл пала собрания. Лэстири хулаи на сас лэ Иеговаско мануш, и Глория ля тэ сытярэл ла па Библия. Ай мэ сытяравас па Библия лэндиря щя и латирэ хулас. Прожыля время и дэй ла щяса витидэ тэ служин лэ Иеговасти и болделэ.

Амэндэ слинэ лашэ друӷоря анда собрании, кай тидэнпэ и парнэ ԥрала и ԥэя. Вонэ ақарэнас амэн пэстэ вэчэром тэ побэшас, тэ хас лэнца, но кай амэн нико тэ на диқэн, амэ авасас и рят. Андэ кодэла деса фартэ бут слинэ ку-клукс-клана. Када мануша анда орӷанизация, савэ гиндон, кай лэндири нация май лащи аврэндар и вонэ марэн и умарэн. Идоси сэрав, сар ек мурш по хеллоуино, када лэ бэнгэско празднико, утидяпэ андо парно балахоно башлыкоса. Кадя утидэнпэ и куклуксклановцоря. Во бэшэлас по пороӷо паша пэско цэр и абурояс кадэлэса. Но всаворэстар кадэлэстар амарэ ԥрала на парашэнас тэ терэн лашимос. Еқвар миласа амэнди трэбуй сас ловэ, кай тэ ладас по конгрессо. Ек ԥрал тиндя амэндар и вурали, амаро «Фордо» 1950 бэршэско. Прожыля шон, сар амэ авелям па конгрессо. Еқвар амэ цыло дес па жара служисардям цэр цэрэстар, сытярасас аврэн па Библия и цыенэ авелям цэрэ. Савэ амэ самас дэ лошалэ, кала додиқлям англа цэр пэстири вурали. Англал пэ вурали сас найбаро письмо: «Мангав тумэн, лэн пэстири вурали. Када мэрно подарко тумэнди. Тумаро ԥрал».

Ман фартэ ля лэ одестар кода, со стердя ек ԥэй. Андэ 1962 бэрш ман ақардэ андэ школа священного служения, сави прожалас андо Саут-Лансингто (штато Нью-Йорко). Андэ кадэя школа важ о шон сытярэнас кодэлэн, ко диқэл пала собрании и надзирателёнэн, савэ ездин па собрании. Кала ман ақардэ, мандэ на сас бути и ловэ. Но ек мануш дя дума манца пала бути важ и телефоноря андо Пайн-Блаффо, кай тэ диқэл тэ лэл ман пэ бути чи най. Сар вонэ ман линоп пэ кадэя бути, мэ авелоп пэрво кало мануш, саво тердоп котэ бути. И ман па чачимастэ камэнас тэ лэн. Со мэ трэбуй сас тэ терав? Ловэ, кай тэ ладав андо Нью-Йорко, мандэ на сас. Мэ лэм тэ гиндосарав, кай тэ отԥэндював тэ сытював андэ школа и тэ жав пэ кадэя бути. Мэ уже камавас тэ пистросарав лэ ԥралэнди, сар стердяпэ кода, пала со мэ никала на бистрава.

Тэсара ек ԥэй анда амари собрания постучисардя андэ вудара. Лако хулай на сас лэ Иеговаско мануш. Вой дя манди конверто пэрдо ловэнца. Вой пэстирэ цыкнорэ бэятонэнца ущелас тэсара и вонэ жанас пэ мал тэ улэн и бурьяноря, кай барёлас о хлопко. Кадэлэса вонэ затерэнас ловэ, кай мэ тэ ладав андо Нью-Йорко. Кадэя ԥэй ԥэндя: «Ладэ, сытю, сар трэбуй, кай тоди тэ сытярэс амэн». Май англэ пэ бути лэ телефононэнца, мэ пушлэм, дэна манди тэ вижав пэ панч курте чи най. Но вонэ отԥэндэ манди. Акана манди сас всаек, важ кода кай мэ витидэм, со авава тэ терав. Саво мэ дэ лошало, кай мэ отԥэнделэм кодэла бутятар!

Акэ, со росԥэнэн пала амари служения андо Пайн-Блаффо и Глория: «Манди фартэ чалеля кадэя территория! Мэ сытяравас па Библия 15 жы кай 20 манушэн. Тэсара амэ росԥэнасас важ о Дэл па цэра, ай тоди амэ цыло дес сытярасас лэ манушэн па Библия. Дэкала амэ сытярасас жы кай 11 часов вэчэра. И служения сас райкани! Мэ анда оди и май дур кадя служисардоп. Чаче тэ ԥэнав, мэ на камавас тэ ашавав кадэя служения и тэ служисарав андэ разъездно. Но кай о Иегова сас пэско гиндо». И во кадя и стердя.

АНДЭ РАЗЪЕЗДНО СЛУЖЕНИЯ

Кала амэ служисарасас пионеронэнца андо Пайн-Блаффо, амэ пистросардям заявления пэ специально пионерско служения. Амэ аштярасас, кай амэн бишалэна андэ кадэя служения. Важ кода кай амаро областно надзирателё камэлас, кай амэ тэ поможысарас андэ собрания андо Техасо сар специальни пионероря. Амэнди чалёлас кадэва гиндо. Амэ фартэ аштярасас письмо амаря орӷанизациятар. Амэ вся время задиқасас андо ящико, кай шон и письморя. Но о письмо вся на авэлас. И акэ о письмо авеля. Ман стодэ надзирателёса, саво ездий па собрании! Када сас андо январё андо 1965 бэрш. Андэ кадэя же время сас стодо районно надзирателё о ԥрал Лионо Уиверо, саво акана служий координатороса андо комитето филиала андэ США.

Мэ фартэ загиндосававас пала кода, кай мандэ акана нэви служения. Варикай бэрш палпалэ мэрни заявления диқля о областно надзирателё Джеймсо Томпсоно. Во ковлэс манди ԥэндя, андэр со манди трэбуй тэ парудював и проԥэндя, сар трэбуй тэ андярэл пэс лашо районно надзирателё. Сар мэ лэм тэ служисарав районнонэ надзирателёса, мэ йто диқлэм, саво лашимос андя кода, со во подԥэндя. О ԥрал Томпсоно сас пэрво областно надзирателё, савэса мэ служисардэм андэ районно служения. Мэ бутэсти сытелэм кай кадэва ԥрал, саво на парашэлас тэ кандэл лэ Иеговас.

Тоди найбут время сытярэнас лэ районнонэн надзирателёнэн. Ек курко мэ диқавас, сар о районно служий андэ собрания, ай пэ авэр курко во диқэлас, сар мэ служисарав андэ авэр собрания. После када во инке еқвар подԥэндя манди и ԥэндя, со тэ терав. Пэ када во парашэля ман тэ сытярэл. Сэрав мэ ԥэндэм ла Глорияти: «Кадя на камэлпэ, кай во тэ уладэл акана». Прожыля время и мэ полэм акэ со, пашэ вся время авэна лашэ ԥрала, савэ поможына, сар ту лэн домэкэса. Ман фартэ подритярдэ ԥрала, савэндэ састи вера. Кадэла ԥрала слинэ о Джеймсо Брауно, саво сас андэ разъездно служения и о ԥрал Фредо Раско, саво служий андо Вефилё.

Андэ кодэя время лэ манушэн, савэ гиндонас, кай лэндири нация май лащи аврэндар, ашэлас май бут. Еқвар амэ самас андэ собрания андо ек форо андо штато Теннесси. Котэ куклуксклановцоря тидэпэ андэ ек ҭан, кай тэ прожан па форо. Инке мэ сэрав, кала амэ служисарасас лэ ԥралэнца и лэ ԥэянца, амэ закамлям тэ хас и зажылям андэ кафе. Мэ вижылэм тэ прожавпэ важ пэстэ и шутэм сама, кай ек парно мануш жыля пала мандэ. Пар лэстэ дицолас, кай во сас холинако и па лэстирэ татуировки дицолас, кай во гиндояс, кай лэстири нация май лащи аврэндар. Тоди ек парно ԥрал, саво сас пэ бутэстэ май баро и май вучо мандар и кодэлэ манушэстар, зажыля пала амэндэ и пушля: «Тутэ вся драго, ԥрал Хёрд?» Кодэва мануш йто вижыля котар. Важ кадэла бэрша мэ диқлэм, васо па чачимастэ и мануша гиндон, кай лэндири нация май лащи аврэндар. Када най важ кода кай варико парно, чи варико кало. Ай важ кода кай андо кажно мануш лэ Адамоско бэзэх. И мэ полэм, кай о ԥрал ашэлпэ ԥралэса и на диқэл пэ кода, саво о мануш, парно чи кало. Но сар прижалапэ, во отдэла пэстири жизня важ тутэ.

БАРВАЛИМОС ЛЭ ДЭВЛЭСТАР

Мэ служисардэм 12 бэрш андэ районно служения и 21 андэ областно служения. Андэ кадэла бэрша сас бут лашимос. И бут со терэласпэ, со дэлас манди зор! Но англэ, амэндэ сас инке ек блаӷословения. Андо авӷусто андэ 1997 бэрш стердяпэ кода, со амэ дэлмут камасас. Амэн ақардэ тэ служисарас андо вефилё андэ США. Прожыля 38 бэрш, сар амэ пистросардям и пэрво заявления. Амэ лям тэ служисарас андо вефилё андо сентябрё. Мэ гиндосардэм, кай амэн ақардэ най пэ долӷонэстэ, но вижыля па аврятэ.

Ман стодэ тэ поможысарав андо служебно отдело. Мэ уӷанглэм котэ бут со нэво важ пэстэ. И старейшиноря и районни надзирателёря па всаворэ страны пистрон андэ кадэва отдело, саво ԥаримос исин андэ лэндирэ собрании. Мэ фартэ блаӷодарно лэ ԥралэнди, важ кода кай вонэ на грабинаспэ тэ холявэн и на парашэнас ман тэ сытярэн. Тэ диноп манди упалэ тэ терав бути андэ кадэва отдело, манди инке бут авелоп, сости тэ сытював кай кадэла ԥрала.

Амэнди ла Глорияса чалёл вефильско жизня. Амэ вся время ущясас рано и катэ амэнди када прижыляпэ. Варикай па бэршэстэ мэ ашэлэм помощникоса андо служебно комитето руководящёнэ советоско лэ Иеговастирэ свидетелёнэнго. Ай андо 1999 бэрш ман стодэ тэ служисарав андо руководящё совето. Мэ бутэсти сытелэм катэ и полэм акэ со. Барэдэр андэ христианско собрания када о Иисус Христос, ай най варисаво мануш.

Кала мэ гиндосарав пала кода, со сас, мандэ дэкала по ди, сар кай о пророко Амосо. О Иегова шутя сама пэ кадэва пастухо, саво на заваздэлас о шэро. Во терэлас просто бути. Во пропусавэлас и плодоря пэ сикомороря, када ханас найбарвалэ мануша. Но о Дэл стодя лэс пророкоса. Кадэлэстар во ашэля барвало англа Иегова (Ам. 7:14, 15). О Иегова шутя сама и пэр мандэ, по найбарвало фермероско шаво анда Индиана и дя манди фартэ бут блаӷословении, пала всаворэ и на росԥэнэса! (Прит. 10:22). Па чачимастэ, хоть мэ арақаделэмпэ андо найбарвало ери, мэ виарақлэм барвалимос лэ Дэвлэстар, барвалимос, пала саво мэ и на гиндосардэм!