Со тэ терэс, кай кала сытёс па Библия, бут со тэ полэс и тэ чалёл тути када?

О ИИСУСО НАВИНО трэбуй сас тэ заандярэл лэ израильтянонэн пэ ԥув, пала сави о Иегова ԥэндя, кай авэла лэндири. Када сас найвушэро тэ стерэл. Но о Иегова ԥэндя лэ Навиности, кай лэстэ вижала. Инке о Иегова ԥэндя лэсти, кай во тэ на дарал, тэ авэл састо, ай кадяжэ, кай тэ адиной во и книӷа закона дес и рят, кай андэ вся тэ терэл кадя, сар андэр латэ пистромэ. Тоди во авэла бахтало пэ пэско дром и терэла годявэрнэс (Иисус Навин 1:7, 8).

Амэ жувас андэ фартэ ԥари время и амэндэ кадяжэ исин ԥаримос (2 Тимофею 3:1). Но кай тэ пэрэандярас лэс, амэнди трэбуй тэ терас кадя, сар ԥэндя о Иегова и о Иисус Христос. Трэбуй тэ на промэкас тэ адиносарас и Библия и тэ терас кода, со проадиносардям. И тоди кода, со амэ витидас, чалёла лэ Дэвлэсти.

Дэсавэнди на чалёл тэ сытён па Библия чи лэнди ԥарэс тэ сытён. Но всаек, када трэбуй тэ терэс. Продик и рамка «Тер кадя, сар катэ пистромэ, и тути чалёла тэ сытёс па Библия». Васо? Кай тэ стерэс кадя, кай кала сытёс па Библия тэ чалёл тути када и ту бут со тэ полэс.

Кодэва, ко пистросардя о Псалом, ԥэндя: «Андяр ман па дром, кай тирэ законоря, важ кода кай мэ лошало лэндар» (Псалом 119:35). Кала сытёс па Библия и гиндос пала кода, со андэр латэ пистромэ, кадэлэстар авэса лошало. Саво лашимос када тути дэла? Ту виарақэса сомнак анда Библия.

Тути на трэбуй, сар лэ Навиности, тэ андярэс пала пэстэ лэ Дэвлэско миро, но тутэ исин пэско ԥаримос. Сытю кай о Иисусо Навино. Сытю па Библия, тер кода, со уӷанэс. Тоди ту авэса бахтало пэ пэско дром.

ТЕР КАДЯ, САР КАТЭ ПИСТРОМЭ, И ТУТИ ЧАЛЁЛА ТЭ СЫТЁС

Мангпэ англа кода, кай тэ сытёс па Библия. Андэ Библия запистромэ гиндоря всемоӷущёнэ Дэвлэстирэ, савэндар и тути авэла лашимос. Важ када, кала сытёс па Библия, манг лэ Иеговас, кай во тэ поможый тути тэ полэс, со адинос, тэ на бистрэс и тэ терэс када (Ездра 7:10).
Пуш пэстар. Кала адинос и Библия и литература, сави стерди па Библия, пуш пэстар: «Со мэ уӷанглэм пала Иегова анда кода, со проадиносардэм? Со када росԥэнэн пала ӷлавно тема андэ Библия? Сар када манди поможыя тэ поможысарав аврэнди?»
Гиндосар. Кала адинос, притердю, кай тэ погиндос пала кода, со проадиносардян. Погиндосар, со ту ԥэндоп пэ када: «Со мандэ ан до ди, сар проадиносардэм дэсавэ стихоря? Васо мандэ кацаво андо ди? Сар мэ тэ стидав кода, со проадиносардэм кодэлэса, со мандэ сас андэ жызня, со исин акана и со инке можэт тэ авэл? Сар тэ жував па алава, пэ савэ ритярдёлпэ лэ Дэвлэско законо и па кода, со подԥэнэнпэ?» (Иов 23:5; Псалом 49:3). Драго погиндосар, васо о Иегова ԥэнэн пэстирэ народости тэ на терэл дэсави дила, и саво лашимос чи найлашимос авелоп, сар вонэ на канглоп лэс (Второзаконие 32:28, 29).
Мэк кода, со адинос, авэл андэ тиро шэро, сар кино. Стер кадя, кала, ԥэнаса, адинос, сар лэ Иосифостирэ ԥрала битинэн лэс андо рабство лэ измаильтянонэнди (Бытие 37:18 жы кай 28). Додик пэс котэ. Со ту диқэс и ашунэс? Сто пэс пэр лэнго ҭан. Пала со вонэ гиндон? Со лэндэ андо ди? Сар кадя терэса, тути чалёла тэ сытёс па Библия и ту бут со полэса андэр латэ.
Кала сытёс па Библия, адиносар и литература. Кадэлэстар тути чалёла тэ сытёс па Библия. Уӷан, сави литература исин пэ тири шыб. Вой можэт тэ авэл напечатано чи андо интэрнэто. Полэ, сар тэ сытёс пар латэ. Сар тутэ на вижал, на лажа, кай варико тути тэ подԥэнэн. Исин «Индекс публикаций Сторожевой Башни» и «Путеводитель по публикациям Свидетелей Иеговы». Через лэндэ ту уӷанэса, со сас пистромэ андэ амари литература май англал пэ разни темы чи уӷанэса, сар май драго тэ полэс и стихоря. Кадяжэ исин брошура «Слово Бога в картах и схемах». Андэр латэ бут со исин. Исин карты, таблицы, андэ савэ пистромэ, со пала со жал андэ Библия. Инке пистромэ, савэ ловэ сас дэлмут и инке бут со.
Набут росԥэн пэсти пала кода, со уӷанглян. Стерэса кадя, на бистрэса, со проадиносардян. Ай фэдэр, росԥэн када варикасти. Дэсо анда кода, сости сытелян, поможыя тути, кала жаса тэ росԥэнэс важ о Дэл. Кадя ту на бистрэса, со адиносардян, и кадэлэстар авэла лашимос и аврэнди.