СТАТЬЯ, КАЙ ТЭ СЫТЮВАС 22
Сытювас па Библия. Сар када май драго тэ терас?
«Вся и время драго тэ уӷанэн, со май фартэ трэбуй» (ФИЛИППИЙЦАМ 1:10).
ДИЛИ 35 Удостоверяйтесь в том, что более важно
ПАЛА СО УӶАНАСА АНДА СТАТЬЯ?a
1. Васо кай дэсавэ ԥрала и ԥэя на вижал тэ сытён па Библия?
АДЕС тэ затерас ловэ, кай тэ прожувас, найвушэро. Бут ԥрала и ԥэя долӷо терэн пэ бути, кай тэ проправарэн лэ ерес. Кай бут христианоря жал бут время, кай тэ доладэн пэ бути и палпалэ. Ай варикастэ фартэ ԥари бути. И каринг о вэчэро лэндэ совсем нинай зор, кай тэ сытён па Библия.
2. Кала ту витидэс время, кай тэ сытёс па Библия?
2 И всаек амэнди трэбуй тэ витидас время, кай драго тэ сытювас па Библия и па литература, сави стерди пар латэ. Када сыкавэла амари дружба лэ Иеговаса и сможэм амэ тэ жувас вечно чи най (1 Тимофею 4:15, 16). Важ када дэко ущел тэсара май рано и пока всаворэ совэн, сытёл па Библия. Ай варико витидэл найбут время вэчэром, кай спокойно тэ сытёл па Библия и тэ погиндой.
3, 4. Сар и васо линэ май набут тэ вимэкэн литература, сави печатают и сави вижал пэ амаро сайто?
3 Ту канешно полэс, кай тэ витидэс время, кай тэ сытёс па Библия, када важно. Но пар со трэбуй тэ сытёс? Можэт ту ԥэнэса: «Мандэ нинай время, кай тэ проадиносарав вся, со амэндэ исин». Да, тэ адиносарас вся, со вимэкэл лэ Иеговастири арӷанизацыя и тэ диқас вся, со вижал пэ амаро сайто и пэ амари телевидения вижал най всаворэндэ. О руководящё совето када полэл. Важ када сас ришэния, кай тэ вимэкэн май набут литература, сави печатают и сави вижал пэ амаро сайто.
4 Будэр нэ печатают о «Ежегоднико Свидетелей Иеговы», важ кода кай бут случаёря, савэ амэн подритярэн, акана можно тэ виарақас по сайто jw.org®. Кацавэ случаёря кадяжэ можно тэ диқас андэ проӷраммы, савэ вижан кажно шон пэ амари телевидения. И «Сторожэво башня», кай тэ роздас» и о журнало «Пробудитесь!» акана вижан кати тривар андо бэрш. Вся када парудэ най важ кода, кай амэндэ тэ авэл май бут время пэ авэр дила, ай важ кода, кай амэ тэ шас май бут сама пэ кода, со май фартэ трэбуй (Филиппийцам 1:10). Подам дума, сар тэ витидас кода, со май важно и сар тэ сытювас па Библия, кай када тэ анэн амэнди май бут лашимос.
ВИТИДЭН КОДА, СО МАЙ ВАЖНО
5, 6. Пар со амэнди трэбуй драго тэ сытювас?
5 Пар со трэбуй тэ сытювас со май пэрво? Амэнди трэбуй кажно дес тэ сытювас па Библия. Акана и ӷлавы анда Библия, савэ розлас пэ собрания машкар курко, ашэлэ май набут. Важ када амэндэ ашэля май бут время, кай тэ погиндосарас пала кода, со адиносардям и май бут тэ виарақас инфармацыя пала када. Амари цэль най просто тэ проадиносарас кадэла ӷлавы. Трэбуй, кай о чачимос анда Библия тэ зажал андо ди. Кадя амэ аваса май пашэ каринг о Иегова (Псалом 19:14).
6 Кадяжэ амэнди трэбуй тэ витидас время, кай тэ ӷотовимся каринг и «Сторожэво башня» и каринг и собрания, сави прожал андо машкар курко. Инке амэ можэм тэ продиқас и нэви литература и видео.
7. Васо на трэбуй пэрэжывать, если тутэ на вижал тэ адинос и тэ ԥродиқэс вся, со вижал пэ амаро сайто и телевидения?
7 Ту можэт ԥэнэса: «Ладно. Ай со тэ терав кодэлэса, со вижал пэ амаро сайто и телевидения? Котэ вся кадя бут!» Давайте роздиқаса ек примеро. Ту авелян андо ресторано, андэ саво тердёл баро столо, пэ саво исин бут разно хамос. Англа тутэ кадя бут лашо хамос, кай на ӷанэс, со тэ витидэс. Но ту полэс, кай тэ зумавэс вся на вижала и витидэс кати дэсаво хамос. Кадяжэ, если тутэ на вижал тэ адинос и тэ продиқэс вся, со вижал пэ амаро сайто и телевидения, нэ пэрэжывай. Тер кода, со па тиро зор. Акана подам дума пала кода, сар тэ сытювас па Библия и со поможыя, кай када тэ анэн май бут лашимос.
КАЙ ТЭ СЫТЁС ПА БИБЛИЯ ТРЭБУЙ ТЭ СТОС ЗОР!
8. Сар можно тэ подӷотовишся каринг и «Сторожэво башня»? Саво када тути анэна лашимос?
8 Кала адинос, трэбуй тэ гиндос пала кода, со адинос, кай тэ уӷанэс варисо важно. Амэ най просто йто проадиносарас и статья и подчёркиваем и атветоря. Например, кала ӷотовишся каринг и «Сторожэво башня», поӷиндосар май англал пала со и статья, ай тоди пала названия, пала подзаӷоловкоря и пала трин вопросоря в концэ статьи. Посли када на грабисав и драго проадиносар вся и статья. Кала адинос, виарак и ӷлавни гиндоря, савэ обычно пистромэ андэ пэрво предлажэния андо абзацо. Часто вонэ поможын тэ полэс пала со жала и дума андо абзацо. Кала адинос и статья погиндосар, сар кажно абзацо сжалпэ лэ подзаӷоловкоса и ла темаса. Запистросар и алава, савэ ту камэс май драго тэ уӷанэс и запистросар гиндоря, савэ камлоп май драго тэ полэс.
9. а) Васо, кала ӷотовишься каринг и «Сторожэво башня», трэбуй май бут тэ шос сама пэ библейски стихоря и сар када тэ терэс? б) Со инке, сар пистромэ андо Псалом 119:27 трэбуй тэ терэс кроме кода, кай адинос и библейски стихоря?
9 Кала сытювас па «Сторожэво башня», када сытювас па Библия. Важ када май бут шу сама пэ библейски стихоря, особенно пэ кодэла, савэ лэна тэ адинон пэ собрания. Погиндосар, сар и ӷлавни алава андэ кадэла стихоря сыкавэн о гиндо, саво андо абзацо. Кадяжэ витидэ время, кай тэ погиндос пала стихоря, савэ адиносардян и сар тэ терэс кадя, сар котэ пистромэ. (Адиносар Псалом 119:27b.)
Родителя, сыкавэн пэстирэ бэятонэнди, сар тэ сытён па Библия (Диқэн о абзацо 10.)h
10. Васо, сар пистромэ андэ Евреям 5:14, кала сытён лэ ереса па Библия, и родителя трэбуй тэ сыкавэн лэ бэятонэнди, сар тэ сытён па Библия, тэ ӷотовяца каринг и собрании и тэ виарақэн май бут инфармацыя?
10 Канешно, и родителя камэн, кай кала вонэ сытён лэ ереса па Библия, када тэ чалёл лэ бэятонэнди. Хоть лэ родителёнэнди вся и время трэбуй тэ гиндон, пала со вонэ лэна тэ дэн дума лэ бэятонэнца, лэнди на трэбуй кажно курко тэ вигиндон варисо нэво. Канешно, можно, кала сытён лэ ереса па Библия, тэ диқэн о Бродкастинго, саво вижал кажно шон и дэкала можно тэ терэн интересни задании, например, тэ стерэн цынёнё лэ Ноёско ковчеӷо. Но кадяжэ трэбуй тэ сыкавэн лэ бэятонэнди, сар тэ сытён па Библия. Трэбуй тэ сыкавэс лэнди, сар ӷотовица каринг и собрании и сар тэ виарақэн инфармацыя пэ вопросоря, савэ лэндэ моӷут тэ авэн андэ школа. (Адиносар Евреям 5:14c.) Кала и бэятцэ проандярэн дэсави время, кай май драго тэ уӷанэн и библейски темы, лэнди авэла май вушэро тэ полэн кода, со ашунэн пэ собрании и пэ канӷрэсоря, важ кода кай котэ най вся и время сыкавэн видео. Ай скати время трэбуй тэ сытён лэ ереса па Библия? Када зависит кодэлэстар, скати бэрш лэ бэятонэнди и савэ вонэ.
11. Васо трэбуй тэ сыкавас кодэлэнди, кас сытярас па Библия, сар май драго тэ сытён па Библия?
11 Касти инке трэбуй тэ сыкавас, сар тэ сытён па Библия? Кодэлэнди, кас амэ сытярас па Библия. Канешно, амэ радосавас, кай сначала, кала вонэ ӷотовяца каринг и изучения или каринг и собрании, вонэ просто подчёркивают и атветоря. Но всаек амэнди трэбуй тэ сытярас лэн, кай вонэ екжэнэ тэ виарақэн май бут инфармацыя, кай май драго тэ полэн и тэ сытён па Библия. Тоди, кала лэндэ авэла ԥаримос, вонэ на лэна тэ пушэн аврэндар андэ собрания, со тэ терэн, ай май англал екжэнэ старыинапэ андэ амари литература тэ виарақэн и инфармацыя, сави лэнди трэбуй.
СТОН ЦЭЛЬ, КАЛА СЫТЁН ПА БИБЛИЯ
12. Савэ цэли амэндэ моӷут тэ авэн, кала сытювас па Библия?
12 Но со, если тути най фартэ чалёл тэ сытёс па Библия? Можно варисо тэ парувэс? Да. Залэ тэ сытёс па Библия по найбут, ай потом сытю чуть май бут. На бистэр, сави тутэ цэль, кай сытёс па Библия. Канешно, амари ӷлавно цэль, када тэ ашас май пашэ каринг о Иегова, но исин и авэр цэли. Дэкала амэнди трэбуй тэ виарақас атвето по вопросо, саво амэнди задинэ. Ай дэкала амэнди трэбуй май бут тэ уӷанас, кай тэ полас, со тэ терас андэ ԥари ситуацыя.
13. а) Сар кодэва, ко сытёл андэ школа можэт тэ подӷотовица, кай тэ росԥэнэн пэстирэ однокласниконэнди, андэр со во патял? б) Сар ту можэш тэ терэс кадя, сар пистромэ андэ Колоссянам 4:6?
13 Ԥэнаса, ту сытёс андэ школа и всаворэ тирэ однокласникоря патян, кай най о Дэл создал лэ манушэн, ай кай вонэ появисайлэ корко пэстар. Тути камэлпэ тэ доԥэнэс, со пала када пистромэ андэ Библия, но ту гиндос кай найбут ӷанэс. Када лашо маменто, кай май драго пала када тэ уӷанэс. Можно тэ стос дуй цэли. Пэрво, май фартэ тэ патяс андэ кода, кай вся создал о Дэл и дуйто, тэ сытёс тэ зашоспэ пала чачимос (Римлянам 1:20; 1 Петра 3:15). Спэрва погиндосар, соса доԥэнэн и однокласникоря, кай и мануша появисайлэ корко пэстар. Тоди май драго уӷан, со пала када пистромэ андэ амари литература. Тэ росԥэнэс аврэнди, андэр со ту патяс, можэт тэ авэл май вушэро чем здэлпэ. Бут мануша патян, кай и мануша появисайлэ корко пэстар, важ кода кай када ԥэндя варисаво ашунгло мануш. Если ту виарақэса дэсо, со доԥэнэн, кай андэ Библия пистромэ чачимос, када можэт тэ хутилэл лэ манушэсти, саво камэл тэ розлэлпэ андэ кадэва вопросо. (Адиносар Колоссянам 4:6d.)
СО ТЭ ТЕРЭС, КАЙ ТЭ АВЭЛ МАЙ ИНТЕРЕСНО ТЭ СЫТЁС ПА БИБЛИЯ?
14—16. а) Со поможыя амэнди май бут тэ уӷанас пала библейски книӷи, савэ амэ най фартэ драго ӷанас? б) Сар и стихоря, савэ пистромэ в концэ андо 16 абзацо, поможын май драго тэ полас и книӷа Амос? (Диқэн и рамка «Май драго уӷан кодэлэн, пала кастэ пистромэ андэ Библия!»
14 Например, пэ авэр собрания амэ ласа тэ адиносарас и библейско книӷа, сави пистросардя о пророко, савэс ту най фартэ драго ӷанэс. Стер кадя, кай тути тэ авэл май интересно тэ уӷанэс, пала со пистросардя кадэва пророко. Сар када тэ стэрэс?
15 Май англал пуш пэстар: «Со мэ ӷанав пала пророко, саво пистросардя кадэя книӷа? Ко во сас, кай жувэлас и соса залэласпэ?» Кала уӷанэса май бут пала кадэва пророко, ту полэса, васо во пистрояс кацавэ алава или призындярэлас кацавэ примероря. Кала адинос лэстири книӷа, шу сама пэ алава, савэ сыкавэн, со за лэстэ характеро.
16 Ай инке драго авелоп тэ уӷанэс, кала сас пистромэ кадэя книӷа. Када найԥарэс. Просто ԥэрнав в концэ андэ Библия «Нэвэ мироско переводо» и «Таблица библейских книг». Кадяжэ можно тэ диқэс и схема «Пророки и цари Иуды и Израиля» андэ брашура «Слово Бога в картах и схемах». Важ кода кай андэ библейско книӷа, сави адиносараса пэ собрания запистромэ и пророчества, авелоп драго тэ уӷанэс, сави тоди сас жызня. Саво найлашимос о пророко ԥэнэнас тэ ашавэн? Савэ мануша жувэнас андэ лэстири время? Кай тэ полэс май драго, пала со жал и дума, можэт прижалапэ тэ адинос авэр книӷи анда Библия. Например, кай май драго тэ полэс, сави сас жызня андэ время, кала жувэлас о пророко Амосо, авелоп драго тэ диқэс и ссылки пэ Дуйто книӷа царей и Дуйто летопись, пала савэ пистромэ андэ Амос 1:1. Кадяжэ можно тэ проадинос о пророчество Осии, саво, файма, жувэлас андэ ек время лэ Амососа. Када поможыя тути май драго тэ полэс, со терэласпэ андэ кодэя время, кала жувэлас о Амосо (2 Царей 14:25—28; 2 Летопись 26:1—15; Осия 1:1—11; Амос 1:1).
ШОН САМА ПЭ КОДА, СО НАЙ ФАРТЭ ВАЖНО
17, 18. Сар кодэлэстар, кай шос сама, сар тути здэлпэ пэ най фартэ важни маменторя, можэт тэ авэл май интересно тэ сытёс па Библия? Росԥэн пала примероря, савэ андо абзацо или пэско примеро.
17 Авелоп драго, если амэ, кала адиносарас и Библия, камас тэ уӷанас май бут. Ԥэнаса, ту адинос и 12 ӷлава анда книӷа Захария, андэ сави пистромэ, кай лэ Христос умарэна (Захария 12:10). Андо 12 стихо пистромэ, кай пала лэстэ лэла тэ ровэл «о ери анда лэ Нафаноско потомство». Канешно, можно пэ када тэ на шос бут сама, но фэдэр тэ погиндос пала када. «Сави связь машкар лэ Нафаноско потомство и о Христос? Катар можно пала када тэ уӷанэс май бут?» Давай розласапэ. Каринг о алав «Нафано» андэ кадэва стихо исин дуй ссылки. Ек андар лэндэ бишалэл амэн каринг и 2 Самуила 5:14. Котэ ԥэнэнпэ, кай о Нафано ек анда лэ царёсти лэ Давидостирэ шавэ. Ай авэр ссылка бишалэл каринг и Луки 3:31, катар амэ уӷанас, кай о Иисусо лэ Нафаноско потомко па ла Мариятиe риг. Када ужэ интересно! Амэ ӷанас, кай па пророчество о Христос трэбуй тэ авэл лэ Давидоско потомко (Матфея 22:42). Но кай о Давидо сас май бут чем 20 шавэ. Хэба, найудивительно, кай о Захария ԥэндя пала лэ Нафаноско потомство, кай именно вонэ авэна машкар кодэла, ко ровэна пала Иисусо?
18 Ай акэ инке ек примеро. Андэ 1 ӷлава Луки амэ адиносарас, кай о анӷело Гавриило ԥэндя ла Марияти, кай латэ авэла шаво. Во ԥэндя: «Во авэла ашунгло и пэр лэстэ ԥэнэна, кай во лэ Всевышнёнэско Шаво. О Иегова дэла лэсти царство, лэстирэ дадэско лэ Давидоско. Во авэла тэ правий по Иаковоско родо вечно» (Луки 1:32, 33). Можэт ту сразу шоса сама пэ пэрво часть анда кода, со ԥэндя о Гавриило, ай именно, кай по Иисусо ԥэнэна «лэ Всевышнёнэско Шаво». Но о Гавриило кадяжэ ԥэндя, кай о Иисусо авэла тэ правий. Можно тэ погиндосарас, савэ гиндоря моӷли тэ авэн кай и Мария посли кадэла алава. Ришыла вой, кай о Иисусо лэла тэ правий вместо Иродо или вместо лэстирэ наследникоря? Вой моӷла тэ погиндой: «Если о Иисусо па чачимастэ авэла царё, мэ авава царица, лэ царёсти дэй и всаворэ мэрно ери жувэла андо дворцо». Но андэ Библия нинай нисо пистромэ пала кода, кай и Мария тэ ԥэнэн варисо кацаво лэ Гавриилости. Кадяжэ и Мария, никала на мангэлас пэсти лашо ҭан андо Царство, сар мангэнас о Иаково и о Иоанно (Матфея 20:20—23). Кадэва маменто инке еқварэс сыкавэл, кай и Мария сас фартэ сэжо манушни.
19, 20. Савэ амэндэ трэбуй тэ авэн цэли, кала амэ сытювас па Библия, сар пистромэ андэ Иакова 1:22—25 и 4:8?
19 Трэбуй тэ сэрас, кай ӷлавно цэль, васо амэ сытювас па Библия и па библейско литература, када кай тэ ашас май пашэ каринг о Иегова. Амэ кадяжэ камас тэ полас, савэ амэ па чачимастэ и андэр со амэнди трэбуй тэ парудювас, кай тэ радосарас лэ Дэвлэс. (Адиносар Иакова 1:22—25f; 4:8g.) Кажно разо, кала лэс тэ сытёс па Библия, тути трэбуй тэ мангэс лэ Иеговастар свынто духо. Трэбуй тэ мангэс лэ Дэвлэс тэ поможый тути тэ полэс май бут лашимос анда литература, сави адинос и тэ диқэс пэр пэстэ кадя, сар пэр тутэ диқэл во.
20 О псалмопевцо пистросардя пала лэ Иеговаско служытелё, саво на парашэл тэ кандэл: «Лэ Иеговаско законо дэл лэсти радость. И [во] адиной лэско законо дес и рят. [...] Вся, со во терэл, лэстэ вижал» (Псалом 1:2, 3). Кадя камэлпэ, кай кацавэ алава тэ авэл можно тэ ԥэнас пала кажно андар мэндэ!
ДИЛИ 88 Открой мне твои пути
a Амэ блаӷодарни лэ Иеговасти, кай амэндэ исин бут со тэ адиносарас, тэ диқас и тэ сытювас. Кадэя статья поможыя амэнди тэ витидас пар со тэ сытювас. Инке амэ виарақаса лашэ советоря, сар тэ сытювас па Библия и тэ терас кадя, сар сытелям.
b Псалом 119:27: «Дэ манди тэ полав кода, со ту манди приԥэнэс. Кай мэ тэ гиндосарав пала тирэ удивительни дилы».
c Евреям 5:14: «Ай о састо хамос трэбуй важ и взросли мануша, савэ через кода, кай терэнас кадя, сытелэ тэ полэн, со лашо, ай со най».
d Колоссянам 4:6: «Сар о хамос вкусно лонэса, мэк и дума тумари вся и время авэла приятно, кай тумэ тэ ӷанэн, сар тэ дэн дума кажнонэса».
e Диқэн и статья «Илий», № 2, андэ энциклопедия «Понимание Писания».
f Иакова 1:22—25: «Авэн кацавэ, ко терэл кадя, сар ашунэл, ай най кацавэ, савэ кати ашунэн, савэ дилярэн корко пэс хохавнэ гиндонэнца. Если варико ашунэл алав и на терэл кадя, тоди во шолпэ пэ кодэва, ко роздиқэл пэс андэ юнглинда. Во диқэл пэр пэстэ, отжал и йто бистрэл, саво во. Ко придиқэлпэ каринг о совершэно законо, саво одмэкэл анда рабство, и ашэлпэ андэ кадэва законо, и на забистрэл, со ашундя, ай терэл, со андэр лэстэ ԥэнэнпэ, авэла бахтало, сар терэл кадя».
g Иакова 4:8: «Авэн май пашэ каринг о Дэл, и во пашола каринг тумэндэ. Вихалавэн пэстирэ вас, тумэ бэзэхэстирэ, и пэстирэ одя, тумэ, кас шол андэ рига».
h Пэ картинка. И родителя сыкавэн лэ бэятонэнди, сар тэ ӷотовяца каринг и «Сторожэво башня».
i Пэ картинка. О ԥрал май драго уӷанэн, со андэ амари литература пистромэ пала Амосо. Кала адиной и Библия пала пророко и гиндой пала кода, со адиносардя, во представляет када.