Полэн и шон сама манушэн, сар о Иегова

1. Сар лэ Иеговастирэ мануша сыкавэн, кай любин ек аврэс?

И МАНУША, савэ тэлён лэ Дэвлэсти па вся и люма, сар ек ери, андэ саво всаворэ любин ек аврэс (1 Иоанна 4:16, 21). Дэкала и ԥэя и ԥрала бут пэр со жан важ пэстирэ ԥрала. Но май бут пэстири любовь вонэ сыкавэн алавэнца и пэ дила. Кала амэ полас и шас сама аврэн, амэ терас кадя, сар о Дэл, важ кода кай амэ лэстирэ любими бэятцэ (Эфесянам 5:1).

2. Сар о Иисусо сыкавэлас, кай любий кадя жэ, сар о Иегова?

² О Иисусо андэ вся терэлас кадя, сар лэско дад. Во ԥэндя: «Авэн каринг мандэ всаворэ, ко терэн дила и касти ԥарэс, и мэ стерава тумэнди май вушэро по ди» (Матфея 11:28, 29). Кала амэ терас кадя, сар о Иисусо, полас и шас сама манушэн, савэндэ ԥаримос, о Иегова ашэл лошало и када кадяжэ анэн лош амэнди (Псалом 41:1). Андэ кадэя статья подаса дума, сар тэ полас и тэ шас сама манушэн андо ери, андэ собрания и кала росԥэнас пала Дэл.

ПОЛЭН И ШОН САМА АНДО ЕРИ

3. Сар о хулай сыкавэла пэ дила, кай полэл и шол сама пэстиря хулая? (Диқэн и картинка англа статья.)

³ О хулай андо ери трэбуй тэ сыкавэл пэ дила, кай полэл и шол сама лэ ерес (Эфесянам 5:25; 6:4). Андэ Библия пистромэ, кай о хулай трэбуй тэ полэл и тэ шол сама пэстиря хулая (1 Петра 3:7). О хулай, саво шол сама пэстиря хулая полэл, кай хоть и хулаи най андэ вся кацави, сар во, када на сыкавэл, кай во май лашо латар (Бытие 2:18). Важ када во драго полэл, со андо ди кай лэстири хулаи и стол пэр латэ патив. Во драго полэл, кай вой ашэл, кай во драго ласа тэ обжалпэ. Ек христианка анда Канада акэ со ԥэнэн пала пэско хулай: «Во стол патив пэр мандэ. Лэстар на ашунэса кацавэ алава: „На прилэ вся кадя дэ пашэ каринг оди!“ И во драго ӷанэн тэ виашунэл. Кала во андэ варисо подԥэнэн манди, во терэл када ковлэс».

4. Сар о хулай сыкавэл пэстиря хулаяти, кай полэл и шол сама ла андэ кода, сар андярэл пэс аврэ жувлянца?

⁴ Лэ хуластэ, саво стол патив пэ пэстири хулаи, никала на цэлэна и яқа андо чикат, кала во диқэл аврэ жувлян и на авэла тэ шол пэр лэндэ бари сама. Кадяжэ во на лэла тэ терэл када андо интэрнэто, андэ контакты, одноклассники, ай инке андо скайпо, вайберо, вацапо, телеӷраммо (Иов 31:1). Во на ашавэл пэстиря хулая най кати, важ када кай любий ла, но и важ када кай любий лэ Дэвлэс и на любий о найлашимос. (Адиносар Псалом 19:14a; 97:10b).

5. Со тэ терэл и хулаи, кай тэ полэл пэстирэ хулас?

⁵ Кала о хулай терэл кадя, сар о Иисус Христос, саво хулай пэр лэстэ, лэстиря хулаяти авэла вушэро тэ стол пэ пэско хулай фартэ бари патив (Эфесянам 5:22 жы кай 25, 33). Кала вой стол пэр лэстэ патив, када поможый лати тэ полэл пэстирэ хулас, кала во бут время стол, кай тэ терэл варисави дила андэ собрания чи тэ поможый варикасти. Акэ, со ԥэнэн ек ԥрал анда Великобритания: «Дэкала мэрни хулаи па кода, сар мэ пэс андярав полэл, кай мэ пала варисо фартэ загиндосавав. Тоди вой терэл кадя, сар пистромэ андэ Притчи 20:5. Дэкала вой аштярэл кацави время, кай тэ уӷанэн, со мандэ андо ди, кати сар мэ моӷу када лати тэ росԥэнав и на грабийпэ тэ холявэл».

6. Сар всаворэндэ амэндэ вижала тэ поможысарас лэ бэятонэнди, кай вонэ тэ шон сама аврэн? Саво лашимос када лэнди анэна?

⁶ Кала о хулай и хулаи шон сама и полэн ек аврэс, вонэ кадэлэсти сытярэн и пэстирэ бэятонэн. Кадяжэ вонэ трэбуй тэ сытярэн пэстирэ бэятонэн тэ гиндон пала авэр и тэ терэн лашимос. Ԥэнаса, о дад и дэй трэбуй тэ росԥэнэн бэятонэнди, кай нащи тэ прастэн па зало, кай тидэнпэ лэ Иеговастирэ свидетеля. Кадяжэ тэ сытярэн лэ бэятонэн, кала жан варикастэ тэ побэшэн, кай вонэ тэ гиндон пала авэр, сар бэшэн пала скамин. Тэ поможын лэ дадэсти и ла дати тэ сытярэн пэстирэ бэятонэн, вижала и кай и ԥрала и ԥэя анда собрания. Хвалин лэ бэятос, кала во ԥэрнавэл важ тумэндэ и двэри. Кала хвалис, кадэлэстар ашэл май драго по ди и када поможый лэ бэятости тэ полэл, кай «май бари бах, кала дас, чем кала лас» (Деяния 20:35).

ПОЛЭН И ШОН САМА ЕК АВРЭС АНДЭ СОБРАНИЯ

7. Сар о Иисусо поля и шутя сама лэ кашукэ манушэс и сости амэн када сытярэл?

⁷ Еқвар, кала о Иисусо прожалас па ԥув Десятиградия «каринг лэстэ андэ́ лэ кашукэ манушэс, савэстэ инке и на вижалас драго тэ дэл дума» (Марка 7:31 жы кай 35). О Иисусо на ля тэ улэл о насвалимос англа бут мануша, ай «отжыля лэса андэ риг». Васо? Важ пэско насвалимос кадэлэ манушэсти авелоп лажаво тэ авэл англа бут мануша. Файма, о Иисусо поля када и закамля тэ поможый лэсти май дур аврэ яқэндар. Хоть амэндэ и на вижала тэ улас аврэнго насвалимос, амэнди всаек трэбуй тэ полас и тэ шас сама, со трэбуй лэ ԥралэнди и лэ ԥэянди и со лэндэ андо ди. О апостоло Павло пистросардя: «Ай инке ласа тэ полас и тэ шас сама ек аврэс, кай через када авэр тэ закамэн тэ любин и тэ терэн лашимос» (Евреям 10:24). О Иисусо ӷанэнас, со сас андо ди кай о кашуко мануш и во шутя сама лэс. Сар драго тердя о Иисусо! Терам и амэ кадя!

8, 9. Сар тэ шас сама лэ ԥурэн и насвалэ манушэн? Росԥэнэн.

⁸ Шон сама лэ ԥурэ манушэн и кастэ варисаво насвалимос. Май фартэ, со трэбуй тэ авэл андэ собрания, най тэ терэн со май бут, ай тэ любин (Иоанна 13:34, 35). И любовь терэл, кай амэ тэ жас бут пэр со, кай тэ поможысарас лэ ԥурэ и насвалэ манушэнди, кай вонэ тэ доладэн андо зало, кай тидэнпэ лэ Иеговастирэ свидетеля. Кадяжэ тэ росԥэнас лэнца важ о Дэл и тоди, кала амэнди када найфартэ поджал чи, кала лэндэ на вижал бут время тэ росԥэнэн пала Дэл (Матфея 13:23). О Майкло насвало и бэшэл андэ инвалидно коляска. Во фартэ блаӷодарно пэстирэ чаченди, ай кадяжэ лэ ԥралэнди и лэ ԥэянди, савэнца еқэҭанэ сытёл, сар май драго тэ росԥэнэн пала Дэл, важ кода кай вонэ лэсти поможын. Во росԥэнэн: «Блаӷодаря кодэлэсти, кай вонэ поможын манди, мэ кати дэсавэ собрании промэкав и на промэкав тэ росԥэнав пала Дэл. Со май фартэ манди чалёл, тэ росԥэнав пала Дэл котэ, кай стидэнпэ бут мануша».

⁹ Андэ бут вефилёря исин ԥурэ и насвалэ ԥрала и ԥэя. И надзирателёря полэн и шон сама кадэлэ манушэн, савэ на парашэн тэ кандэн лэ Иеговас. Вонэ поможын лэнди тэ росԥэнэн пала Дэл па телефоно и тэ пистрон письморя. О Билл, савэсти 86 бэрш и саво пистрой письморя лэ манушэнди, савэ жувэн андэ дурутнэ ҭана, ԥэнэн: «Тэ пистросарав письморя важ мандэ бари бах». Кадяжэ и Нэнси, савяти 90 бэрш ԥэнэн: «Важ мандэ тэ пистросарав и письморя, када най варисави бути, ай кода, со куч важ мандэ. Лэ манушэнди трэбуй тэ ӷанэн о чачимос». Ай и Этел, сави арақаделяпэ андэ 1921 бэрш, ԥэнэн: «И дук ашэля мандэ пэ вся мэрни жызня. Дэкала манди ԥарэс дажэ тэ утидавпэ». Хоть и латэ андэ жызня кацаво ԥаримос, вой анда вся оди росԥэнэн пала Дэл па телефоно, ай дэсавэнди звоний вся время. И Барбара, савяти 85 бэрш, росԥэнэн: «Через кода, кай мандэ нинай о зор, мандэ на вижал вся и время тэ росԥэнав пала Дэл па цэра. И служэния па телефоно поможый манди тэ дав дума лэ манушэнца пала Дэл. Наис Иегова!» Май набут чем важ бэршэстэ, кадэла и авэр ԥурэ вефильцоря, савэ служын андо филиало, росԥэнэнас пала Дэл 1 228 часоря, пистросардэ 6 265 письморя, звонисардэ май бут чем 2 000 разоря и роздинэ 6 315 литература. О Иегова ашэля фартэ лошало кодэлэстар, со вонэ стердэ! (Притчи 27:11).

10. Сар амэ тэ поможысарас, кай и ԥрала и ԥэя, савэ авэн пэ собрания, май бут тэ уӷанэн и тэ полэн?

¹⁰ Гиндон пала авэр, кала авэн пэ собрании. Амэ камас, кай и ԥрала и ԥэя, савэ авэн пэ собрания, май бут тэ уӷанэн и тэ полэн. Амэндэ вижала андэ када лэнди тэ поможысарас. Сар? Кала авас пэ собрания андэ кодэя время, андэ сави трэбуй, кай тэ на вижал кадя, кай тэ шон сама пар мэндэ, ай най пэ кода, со жал пэ собрания. Полас, кай андэ жызня можэт тэ авэл бут, через со амэндэ на вижал тэ авас андэ сави трэбуй время. Но сар амэ присытювас тэ авас най андэ сави трэбуй время, амэнди трэбуй тэ погиндосарас, сар май фартэ тэ шас сама аврэн. Сэрэн, кай амэн анда вся оди пэ собрании ақарэн о Иегова и о Иисусо (Матфея 18:20). Вонэ ашэн, кай амэ тэ стас пэр лэндэ фартэ бари патив.

11. Васо лэ ԥралэнди трэбуй тэ терэн кадя, сар пистромэ андэ 1 Коринфянам 14:40?

¹¹ Амэ кадяжэ поласа и шаса сама аврэн, кала ласа тэ терас кадя: «Кати мэк вся прожал сэжо и тэ жал па порядко» (1 Коринфянам 14:40). Ԥрала па сцэна кадя и терэн, кала додэн дума андэ время, сави лэнди динэ. Вонэ гиндон най кати пала кодэла, ко трэбуй тэ вижал посли лэндэ, но и пала всаворэ андэ собрания. Дэсавэ ԥрала и ԥэя, жувэн дур лэ залостар, кай тидэнпэ лэ Иеговастирэ свидетеля. Авэр трэбуй тэ авэн андэ время, кала автобусо инке на улаглятар. Ай дэкас цэрэ аштярэл о хулай чи и хулаи, савэ най свидетеля.

12. Васо и старейшыноря, савэ стон бут зор, кай андэ собрания тэ авэл вся драго, мишто, ашэн, кай амэ тэ стас пэр лэндэ фартэ бари патив? (Диқэн и рамка «Стон патив пэ ԥрала, савэ диқэн пала лэ Иеговастирэ мануша».)

¹² И старейшыноря, савэ стон бут зор, кай андэ собрания тэ авэл вся драго, мишто и савэ анда вся оди росԥэнэн пала Дэл ашэн, кай амэ тэ стас пэр лэндэ патив и тэ любисарас лэн. (Адиносар 1 Фессалоникийцам 5:12, 13c). Чаче, тумэ анда вся оди блаӷодарни пала вся, со вонэ важ тумэндэ терэн. Сар тэ сыкавэн лэнди пэстири блаӷодарность? Анда оди лэнца терэн дила и андэ вся лэн подритярэн. Важ кода кай вонэ «на совэн, диқэн и фэрин тумэн, сар кодэла, кастар спушэна» (Евреям 13:7, 17).

ГИНДОН ПАЛА МАНУША, САВЭНДИ РОСԤЭНЭН ПАЛА ДЭЛ

13. Сости амэн сытярэл, сар о Иисусо андярэлас пэс лэ манушэнца?

¹³ О Исаия ԥэнэнас пала Иисусо: «Во на ԥагэла о комышо, саво набут ԥаго и на мударэла о фитилё, саво клыийпэ» (Исаия 42:3). О Иисусо любияс лэ манушэн, и важ када полэлас кодэлэн, ко сас сар о комышо, саво набут ԥаго и о фитилё, саво клыийпэ. О Иисусо полэлас, шолас сама, на грябияс тэ холявэл и терэлас лашимос. Каринг лэстэ цырдэнаспэ дажэ и бэятцэ (Марка 10:14). Чаче, никастэ андар мэндэ на вижала тэ полас и тэ сытярас аврэн кадя, сар о Иисусо. Но амэндэ вижала тэ гиндосарас пала мануша, савэнди росԥэнас пала Дэл. Акана подам дума, сар лэнца тэ дас дума, кала и скати время.

14. Васо амэнди трэбуй тэ гиндосарас, сар амэ дас дума лэ манушэнца?

¹⁴ Сар тэ дас дума лэ манушэнца? Адес через чорымастирэ и би одестирэ мануша, савэ тинэн и битинэн, ай кадяжэ через барэ мануша андэ страна и андэ веры, миллионоря мануша «вицыенэ и росшутэ, сар и бакрэ би лэ пастухоско» (Матфея 9:36). Важ када бут мануша никасти на патян. Вонэ ужэ на аштярэн англэ варисаво лашимос. Акэ, васо фартэ трэбуй тэ терас лэнди лашимос и тэ жалуисарас анда вся оди, кай када тэ дицол па амарэ алава и сар амэ дас дума. Бут мануша камэн тэ ашунэн амэн най кати, важ кода кай амэ ӷанас и Библия, ай важ кода кай амэ па чачимастэ камас тэ полас лэн и стас пэр лэндэ патив.

15. Сар тэ сыкавас лэ манушэнди, савэнди росԥэнас пала Дэл, кай амэ гиндосарас пала лэндэ?

¹⁵ Тэ полас и тэ шас сама манушэн, савэнди росԥэнас пала Дэл амэндэ вижала бут сар. Подаса дума, сар тэ пушас манушэндар. Амэнди трэбуй тэ пушас кадя, кай тэ дицол амари патив. Ек пионеро, саво росԥэнэн пала Дэл андэ кодэла ҭана, кай бут мануша найфартэ камэн тэ дэн дума и лажан. Во поля, кай фэдэр тэ на пушэс кода, пала со о мануш на ӷанэн, со тэ ԥэнэн и состар лэсти авэла лажаво. Во на пушэл: «Ту ӷанэс, сар лэ Дэвлэско алав?» чи «Со када лэ Дэвлэско царство?» Во ԥэнэн: «Мэ уӷанглэм анда Библия, кай лэ Дэвлэстэ исин пэско алав. Сыкавава тути лэс?» Полас, кай кадя терэн най всаворэ. Важ кода кай и мануша разни и лэндэ терэлпэ па лэндирятэ. Но амэнди вся и время трэбуй тэ гиндосарас пала мануша и тэ стас пэр лэндэ патив. Ай важ када амэнди трэбуй тэ уӷанас лэн май драго.

16, 17. Сар амэ полас и шас сама манушэн, кала витидас а) кала лэндэ тэ авас? б) скати время лэнца тэ дас дума?

¹⁶ Кала тэ авас каринг и мануша? Сар росԥэнас пала Дэл па цэра, трэбуй тэ сэрас, кай и мануша амэн на аштярэн. Важ када фэдэр тэ авас каринг лэндэ тоди, кала вонэ закамэна амэнца тэ дэн дума (Матфея 7:12). Со, сар и мануша, котэ кай тумэ жувэн, в курте ущен най кадя дэ рано, сар вся и время? Тоди фэдэр авелоп андэ кадэя время тэ росԥэнас пала Дэл пэ вулица, котэ кай бут мануша чи тэ жас тэ дас дума авэр разо кодэлэса, ко ущел рано.

¹⁷ Скати время тэ дас дума? Бутэ манушэнди фартэ найкала, важ када, кала тумэ линэ кати тэ авэн каринг лэндэ, дэн дума лэнца набут время. Фэдэр тэ додэс дума май йто, чем тэ ашэспэ паша двэри май бут время (1 Коринфянам 9:20 жы кай 23). Кала и мануша диқэн, кай амэ полас, кай лэнди найкала, вонэ варикала закамэна тэ подэн дума амэнца. Кала амэ дас дума лэ манушэнца, сар росԥэнас пала Дэл, амэнди трэбуй тэ терас кадя, сар сытярэл лэ Дэвлэско духо. Тоди амэ па чачимастэ аваса тэ терас лэ Дэвлэса ек дила и можэт через амэндэ о Иегова стерэла кадя, кай варико тэ прилэл о чачимос (1 Коринфянам 3:6, 7, 9).

18. Саво лашимос о Иегова дэла амэнди, кала амэ полас и шас сама аврэн?

¹⁸ Акана анда вся зор терэн вся, кай тэ полэн и тэ шон сама андо ери, андэ собрания и кала росԥэнэн пала Дэл. Тоди о Иегова дэла амэнди бут лашимос най кати акана, но и англэ. Андэ Библия пистромэ: «Бахтало мануш, саво полэл и шол сама лэ чорорэс. О Иегова лэла тэ фэрий лэс. [...] Пэ кацаво мануш пэ ԥув ԥэнэна, кай во бахтало» (Псалом 41:1, 2).