«О праведно мануш виарақэла радость кай о Иегова»

ЛА ДАЯНАТИ ужэ пала 80 бэрш. Кай лако хулай сас насвалимос Альцгеймера (када насвалимос, савэстар о мануш хасарэл и память, лэсти ашэл ԥарэс тэ утидэлпэ, тэ халадёлпэ и тэ хал). Во жы кай пэстири смэрть сас андо стардомо и котэ во муля. Кадяжэ и Даяна хасардя пэстирэ дуе шавэн и латэ екжэнятэ сас рако андо колин. Но и ԥрала и ԥэя росԥэнэн, кай бы вонэ ла тэ на диқэн пэ собрания чи пэ служэния, латэ всаек ԥабон и яқа ла радостятар и пэр латэ асал о муй.

О Джоно 43 бэрш сас разъездно надзирателё. Лэсти фартэ чалёлас кадэя служэния. Кадэя служэния сас лэстири жызня. Но лэ Джоности прижыляпэ тэ ашавэл кадэя служэния, кай тэ диқэл пала пэско чачо мануш, саво сас насвало. Кала и мануша, савэ дэлмут лэс ӷанэнас, додиқэн лэс пэ канӷрэсо, вонэ диқэн, кай во ничуть на паруделя. Лэстэ кадяжэ всегда ла радостятар ԥабон и яқа.

Со поможысардя ла Даянати и лэ Джоности тэ ашэнпэ радосни? Сар о мануш андо ԥаримос можэт тэ ашэлпэ радосно? Сар тэ на хасарэс и радость, кала тутэ ужэ нинай почотно дила, сави важ тутэ сас фартэ куч? Андэ Библия исин атвето: «О праведно мануш виарақэла радость кай о Иегова» (Псалом 64:10). Амэ май драго поласа кадэла алава, кала уӷанаса, состар амэ аваса радосни, ай состар най.

РАДОСТЬ, САВИ ПРОЖАЛ

Тумэ екжэнэ можэте тэ ԥэнэн, со андэ жызня анэн радость. Погиндон, со по ди кай и мануша, кала вонэ жэнинпэ, кала андо ери арақадёлпэ бэято чи кала лэ христианиности дэн почотно дила андэ собрания. Када фартэ лошали время, важ кода кай о Иегова создал лэ ерес, создал лэ манушэн, кай лэндэ тэ арақадёнпэ бэятцэ и дя лэнди дила андэ христианско собрания (Бытие 2:18, 22; Псалом 127:3; 1 Тимофею 3:1).

Но кацави радость можэт тэ авэл най пэ вся и время. Андо ери о хулай чи и хулаи можэт тэ хасарэл пэстири жызня чи тэ стерэл билажавардо бэзэх (Иезекииль 24:18, Осия 3: 1). И бэятцэ моӷут дэкала тэ на кандэн лэ дадэс, ла да и лэ Дэвлэс. Лэн дажэ моӷут тэ исключин анда собрания. Када, сар лэ Самуилостирэ шавэ, савэ жанас против лэ Иеговастирэ законоря, и сар андэ лэ Давидоско ери тердэпэ биды, важ кода кай во тердя бэзэх (1 Самуила 8:1 жы кай 3; 2 Самуила 12:11). Кала варисо кацаво терэлпэ андэ амари жызня, амэ хасарас и радость.

Дэкала, амэ ужэ нэ можэм тэ терас дэсави дила андэ служэния лэ Иеговасти. Васо? Важ кода кай амэндэ найлашо зор чи кай трэбуй тэ диқас пала пэско ери, кадяжэ, кай андэ арӷанизацыя варисо парудёлпэ. Бут кацавэ христианоря ԥэнэн, кай скучин пала служэния, сави лэндэ сас.

Дицол, кай и радость дэкала прожал. Но можно тэ фэрис и радость, кала андэ жызня ԥари время? Да, када дицэля па лэ Самуилостири и лэ Давидостири жызня и па жызня кай авэр лэ Иеговастирэ служытеля. Вонэ дажэ андо ԥаримос на хасарэнас и радость.

РАДОСТЬ, САВИ НА ПРОЖАЛ

О Иисусо ӷанэнас, со када чачуни радость. Кала во сас лэ Иеговаса по нэбо, во всегда радуияспэ «англа лэстэ» (Притчи 8:30). Ай пэ ԥув лэсти прижаласпэ тэ пэрэжувэл баро ԥаримос. Но всаек о Иисусо анда вся оди терэлас кода, со камэлас лэско дад (Иоанна 4:34). Ай со можно тэ ԥэнэс пала кода, кала во виритярэлас о ԥаримос англа пэстири смэрть? Андэ Библия пистромэ: «Важ кода кай во аштярэлас и радость, во на шутя сама по позоро [и] по столбо виритярдя о ԥаримос» (Евреям 12:2). Амэ уӷанаса пала чачуни радость, кала погиндосараса, со важ и радость дэлас дума о Иисусо.

Еқвар о Иисусо бишалдя 70 учениконэн тэ росԥэнэн важ о Дэл. Кала вонэ стердэ кода, со о Иисусо ԥэндя лэнди, вонэ рисайлэ радосни. Вонэ росԥэндэ лэсти, сар терэнас чудеса и дажэ видаравэнас лэ бэнгэн анда мануша. О Иисусо ԥэндя лэнди: «Радуинпэ най кодэлэсти, кай и бэнга тумэн кандэн, ай кодэлэсти, кай кода, сар тумэн ақарэн, запистромэ по нэбо» (Луки 10:1 жы кай 9, 17, 20). Чаче, со май важно, кай ту тэ чалёс лэ Иеговасти, ай най, кай тэ авэл тутэ особо дила андэ собрания.

Ай кала о Иисусо росԥэнэнас важ о Дэл лэ народости, машкар лэндэ сас ек иудейка. Вой ԥэндя, кай лэ Иисусостири дэй фартэ бахтали, кай латэ кацаво шаво. Но о Иисусо ԥэндя: «Най! Бахталэ кодэла, ко ашунэн лэ Дэвлэстирэ алава и терэн кадя!» (Луки 11:27, 28). Кала амэ абуросарас андо шаво чи андэ щей, кадэлэстар амэ ашас фартэ лошалэ. Но, со май бари радость амэндэ андо ди, кала кандас лэ Иеговас и ашас каринг лэстэ май пашэ.

Амэ фартэ лошалэ, кала полас, кай лэ Иеговасти чалёл кода, со терас. Тэ пэрэандярас о ԥаримос амэнди на чалёл. Но амэ ӷанас, кай о Иегова радуипэ, кала диқэл пар мэндэ. Чаче, кала амэ на парашас тэ кандас лэ Дэвлэс и андо ԥаримос, амари радость ашэл инке май бари (Римлянам 5: 3 жы кай 5). О Иегова дэл пэско свынто духо кодэлэнди, ко лэсти патял. Ай и радость, када, со терэл лэ Дэвлэско свынто духо (Галатам 5:22). Када поможый май драго тэ полас и алава анда Псалом 64:10: «О праведно мануш виарақэла радость кай о Иегова».

Акана амэ полас, васо и Дайана и о Джоно ашэлэпэ радосни и дажэ, кала лэндэ сас ԥаримос. И Дайана ԥэнэн: «Лэ Иеговаса мэ нисостар на дарав, кадя жэ сар о бэято пэстирэ дадэса». Васо и Дайана патял, кай вой терэл кода, со чалёл лэ Иеговасти? Вой ԥэнэн: «Мэ диқав, сар о Дэл блаӷословий ман. О Иегова дэл манди зор тэ на парашав тэ росԥэнав пала лэстэ и тэ терав када кадя, кай ла радостятар мандэ тэ ԥабон и яқа и пэр мандэ тэ асал о муй». Ай со поможысардя лэ Джоности тэ ашэлпэ радосно и тэ терэл бут дила андэ служэния после кода, сар лэсти прижыляпэ тэ ашавэл и разъездно служэния? Во росԥэнэн: «Андэ 1998 бэрш ман стодэ, кай мэ тэ сытярав андэ школа усавершэнствования служэния. Кадэла времятар мэ отдав май бут время, кай екжэно май драго тэ сытював па Библия». Акэ, со во ԥэнэн пала пэстэ и пала пэстири хулаи: «Кода, со амэ парудям андэ пэстири жызня, дя амэнди зор тэ присытювас каринг и нэви дила, савэ амэнди дэнас. Васо? Важ кода кай амэ камасас тэ терас важ о Иегова вся, со андэ амаро зор. Амэндэ никала на дуқалас оди, кай амэндэ парудёлас и служэния».

Авэр ԥрала и ԥэя кадяжэ додиқлэ, кай и алава анда Псалом 64:10 чачунэ. Ек хулай и хулаи май бут чем 30 бэрш служынас андо вефилё андэ США. Потом лэн бишалдэ, кай вонэ тэ служын спецыальнонэ пионеронэнца. Кадэва ери росԥэнэн: «Кала хасарэс кода, со любис, кадэлэстар фартэ дуқал оди. И када нармально. Но оди нэ можэт тэ дуқал вечно». Кадэва ери сразу ля тэ служый лэ манушэнца анда пэстири собрания. Вонэ ԥэнэн: «Амэ ӷанасас, пала со мангасаспэ лэ Иеговасти. Амэ радосавасас, кала диқасас, кай о Дэл ашунэл амэн. Кадэлэстар амэндэ андо ди сас бари радость. Йто посли кода, сар амэ авелям, дэсавэ ԥрала и ԥэя ашэлэ пионероря. Ай инке амэ лям тэ сытярас дуе манушэн па Библия и вонэ драго сытёнас».

РАДОСТЬ ПЭ ВСЯ И ВРЕМЯ

Тэ авэс радосно вся и время найвушэро, важ кода кай андэ жызня най всегда вся драго, мишто. Дэкала амэнди ԥарэс по ди. Но лэ Иеговастирэ алава, савэ запистромэ андэ Псалом 64:10 терэн, кай по ди тэ авэл май драго. Амэ патяс, кай кодэла, ко ритярэн лэ Дэвлэско законо, виарақэна радость кай о Иегова и на ашавэна лэс, со бы тэ на авэл. Кадяжэ амэ можэм тэ гиндосарас пала время, кала о Иегова зритярэла пэско алав пала «нэво нэбо и нэви ԥув». Андэ кодэя время пар мэндэ на авэла тэ тасавэл о бэзэх. Всаворэ лэ Дэвлэстирэ служытеля лэна тэ радуинпэ вечно кодэлэстар, кай диқэна, сар о Дэл лэн блаӷословий (Исаия 65:17, 18).

Кати погиндон, амэндэ авэла совершэно зор! Кажно дес амэ ласа тэ прошаспэ и тэ полас, кай амэндэ бут зор. Амэнди на авэла ԥарэс по ди кодэлэстар, состар сас ԥарэс варикала. Амэ патяс, кай тоди «кода, со сас, будэр на авэла амэндэ по ди, и пала кода будэр на ласа тэ сэрас». Амэ диқасапэ амарэ чаченца, савэ мулинэ, важ кода кай вонэ ринапэ каринг и жызня. Амэндэ авэла кацаво жэ по ди, сар сас кай о дад и дэй, савэнди о Иисусо рисардя ла бэята, савяти сас 12 бэрш и савэ «фартэ обрадосайлэ» (Марка 5:42). Тоди всаворэ́ манушэндэ вижала андэ вся тэ ритярэн лэ Дэвлэстирэ законоря и вонэ вся и вечность авэна тэ «радуинпэ кай о Иегова».