Шавэ и щея, мэк тумари жызня авэла бахтали

1, 2. Сар кода, со сас кай о Тони андэ жызня сыкавэл, кай лэ манушэстэ вижала тэ парудёл?

О ТОНИ вибареля би дадэско. Во сытёлас андэ школа и доԥирэлас и послидни класоря. Но лэсти най фартэ чалёлас тэ сытёл андэ школа. Всаворэ выходни деса во ԥирэлас андо кино чи проандярэлас и время пэстирэ друӷонэнца. О Тони на сас бидово и на прилэлас наркотикоря, но лэстэ на сас нисавэ цэли андэ жызня. Еқвар о Тони додиқля дуен лэ Иеговастирэ свидетелёнэн и ԥэндя лэнди, кай во на допатял, кай исин Дэл. И свидетеля динэ лэсти дуй брашуры. Када «У истоков жизни. Пять вопросов, которые требуют ответа» и «Была ли жизнь создана?».

² Кала кадэла свидетеля авелэ кай о Тони пэ авэр разо, вонэ додиқлэ, кай лэстирэ гиндоря линэ тэ парудён. Во адинояс и брашуры кадя бут, кай вонэ слинэ побандярдэ и помяти. И кала о Тони ля тэ дэл дума лэ свидетелёнэнца, во ԥэндя лэнди: «По нэбо трэбуй тэ авэл Дэл». Во закамля, кай лэс тэ сытярэн па Библия. И тоди по набут во ля тэ диқэл пэ жызня па аврятэ. Кадяжэ анда двоешнико во ашэля ек анда лашэ ученикоря. Дажэ о директоро анда школа фартэ удивисайля. Во пушля: «Ту лян май драго тэ андярэс пэс и драго тэ сытёс, важ кода кай ту дэс дума лэ Иеговастирэ свидетелёнэнца?» О Тони ԥэндя: «Да, важ када». Тоди лэндэ сас лащи дума важ и Библия. О Тони драго висытеля андэ школа и акана служый андэ собрания пионероса и служэбнонэ помошникоса. Во фартэ бахтало, кай акана лэстэ исин о Иегова, дад, саво лэс любий! (Псалом 68:5).

КАНДЭ ЛЭ ИЕГОВАС И ТУТЭ ВСЯ ВИЖАЛА

3. Со о Иегова подԥэнэн лэ тэрнэ манушэнди?

³ О Иегова камэл тэ поможый лэ тэрнэ манушэнди. И када драго дицол па лэ Тонястири жызня. О Иегова камэл, кай ту тэ полэс, васо ту жувэс и камэл, кай тири жызня тэ авэл бахтали. Во ԥэнэн тути: «На бистэр пэстирэ создателёс андэ тирэ тэрнэ бэрша» (Экклезиаст 12:1). Адес, андэ кадэя люма тэ терэс кадя най фартэ вушэро, но всаек тутэ када вижала. Ту авэса бахтало най кати андэ тэрнэ бэрша, важ кода кай тути поможыя о Дэл. Кай май драго тэ полас када подам дума, сар израильтяноря захутилдэ и лащи ԥув и сар о Давидо умардя лэ Голиафос.

4, 5. Сости сытювас анда кода, сар израильтяноря захутилдэ и ԥув Ханаано и сар о Давидо умардя лэ Голиафос? (Диқэн и картинки англа статья.)

⁴ Представьте, и израильтяноря пашон каринг и лащи ԥув. И хананеёря, савэ жувэнас пэ кодэя ԥув, трэбуй тэ вижан и тэ марэнпэ лэнца. Но со Иегова ԥэндя, кай тэ терэн израильтяноря? Тэ сытён тэ марэнпэ и тэ авэн ӷотови каринг и война? Най! (Второзаконие 28:1, 2). О Иегова приԥэндя, кай вонэ андэ вся тэ патян лэсти и тэ кандэн лэс (Иисус Навин 1:7 жы кай 9). Па манушыкани годи кадэва совето сас найгодявэрно. Но кадэва совето и поможысардя лэ израильтянонэнди тэ захутилэн и ԥув (Иисус Навин 24:11 жы кай 13). Кай тэ кандас лэ Дэвлэс, трэбуй лэсти тэ патяс. Би кадэлэско амэндэ нисо на вижала. Кадя сас андэ дэлмутни время и кадяжэ када андэ амарэ деса.

⁵ О Голиафо сас зорало воино. Лэско росто сас чуть най три метра и лэса сас оружыи, савэ слинэ андэ кодэя время (1 Самуила 17:4 жы кай 7). Ай кай о Давидо сас кати и пращя (када пряшка, сар оружыя, анда сави шувидэн и барора). Но о Давидо фартэ патялас лэ Иеговасти. Ай кодэла, ко най фартэ патянас, гиндонас, кай о Давидо найгодявэрно. Но па чачимастэ найгодявэрно сас о Голиафо, ай най о Давидо (1 Самуила 17:48 жы кай 51).

6. Пала со амэ подаса дума андэ кадэя статья?

⁶ Андэ статья, сави сас май англал, амэ подям дума, со поможыя, кай амари жызня тэ авэл май бахтали. Када знании важ о Дэл, лашэ друӷоря, цэли, кай варисо тэ терас важ о Дэл и чачуни свобода, сави исин кай лэ Иеговаско народо. Подам дума пала када май драго, и шам сама пэ принцыпоря, савэ запистромэ андо 16 Псалом.

ТЕР ВСЯ, КАЙ ТУТЭ ТЭ АВЭН МАЙ БУТ ЗНАНИИ ВАЖ О ДЭЛ

7. а) Сар тумэ ԥэндоп, ко када лэ Дэвлэско мануш? б) Со сыкавэн лэ Давидостирэ алава «Вся, со мандэ исин, лэ Иеговастар» и со лэстэ сас кадэлэстар андо ди?

⁷ Лэ Дэвлэско мануш патял лэ Дэвлэсти. Кадяжэ во стол зор, кай пэ вся тэ диқэл, сар о Дэл. Во камэл, кай о Дэл тэ подԥэнэн лэсти, со и сар тэ терэл и камэл вся и время лэс тэ кандэл (1 Коринфянам 2:12, 13). Лашо примеро андэ када сыкадя лэ Дэвлэско мануш о Давидо. Во пистросардя: «Вся, со мандэ исин, лэ Иеговастар» (Псалом 16:5). Во сас блаӷодарно важ кода, со сас лэстэ. Када, кай во дружыяс лэ Дэвлэса и кай о Иегова фэрияс лэс (Псалом 16:1). Со сас кай о Давидо кадэлэстар андо ди? Во пистросардя: «Лошавэл мэрно ди». Нисостар во на сас кадя дэ лошало, чем кодэлэстар, кай лэстэ сас лащи дружба лэ Иеговаса. (Адиносар Псалом 16:9a, 11b.)

8. Состар о мануш авэла май бахтало?

⁸ Кодэлэндэ, ко кати гиндон пала ловэ и развличении, никала на авэла кацави радость, сар кай о Давидо (1 Тимофею 6:9, 10). Акэ, со ԥэнэн ек ԥрал анда Канада: «И чачуни бах най кодэлэстар, со амэ лас ла жызнятар, ай кодэлэстар, со амэ дас лэ создателёсти, саво терэл важ амэндэ бут лашимос» (Иакова 1:17). Чаче, кала амэ патяс лэ Иеговасти и служысарас лэсти, кадэлэстар амари жызня авэла май бахтали и амэ ӷанаса, васо жувас. Со поможыя, кай и вера тири тэ авэл май састи? Трэбуй тэ витидэс и время, кай тэ адинос и Библия, шос тэ сама пэ кода, со о Иегова создал и тэ гиндос пала кода, саво во сыно, и сар во тут любий (Римлянам 1:20; 5:8).

9. Сар и Библия можэт тэ парувэл амэн, кай амэ тэ авас инке май лашэ?

⁹ Дэкала о Иегова сыкавэл амэнди пэстири любовь, кала сытярэл амэн, кай тэ парудювас. О Иегова када терэл, сар любящё дад, саво сытярэл пэстирэ бэятонэн. О Давидо сас лошало, кала о Иегова сытярэлас лэс. Во пистросардя: «Мэ лава тэ хвалисарав лэ Иеговас, саво дэл манди совето. Дажэ и рятэ мэрнэ гиндоря, савэ андэ мэрно ди, парувэн ман» (Псалом 16:7). О Давидо гиндояс, пала со гиндояс о Дэл. Во терэлас вся, кай тэ пэрэлэл лэ Дэвлэстирэ гиндоря и домэкэлас, кай и Писании тэ парувэн лэс и кай во тэ авэл инке май лашо мануш. Кала ту терэс кадяжэ, ту лэса май фартэ тэ любис лэ Дэвлэс и закамэса лэс андэ вся тэ кандэс. Ай кадяжэ тутэ авэла састи вера и тиро ди ӷанэна, со важ о Иегова лашо, ай со най и ту витидэса кода, со чалёл лэ Иеговасти. Ек ԥэй, савя ақарэн Кри́стин, ԥэнэн: «Кала мэ адиносарав, кай май драго тэ розлав варисаво вопросо и гиндосарав пала кода, со адиносардэм, мандэ андо ди, кай кабута о Иегова запистросардя када важ мандэ!»

10. Сар амэ ласа тэ гиндосарас и со авэла амэндэ андо ди, кала амэ поласа, со пистромэ андэ Исаия 26:3?

¹⁰ Лэ Дэвлэско мануш диқэл по миро и пэ кода, со лэнца авэла, лэ Дэвлэстирэ яқэнца. О Иегова дэл тути фартэ лашэ знании и бут со тэ полэс. Состэ? Во камэл, кай ту тэ полэс, со важно андэ жызня, тэ видэс кода, со правильно и тэ патяс, кай англэ авэла лашимос. (Адиносар Исаия 26:3c.) О Джошуа, саво жувэл андэ США, ԥэнэн: «Кала ту авэса пашэ каринг о Иегова, ту полэса, со андэ жызня важно, ай со най». Савэ дэ чачунэ во ԥэндя алава!

ВИАРАК ЛАШЭ ДРУӶОНЭН

11. Савэн друӷонэн витидэлас пэсти о Давидо?

¹¹ Адиносар Псалом 16:3d. О Давидо ӷанэнас, ко моӷ тэ авэл лэсти лашо друӷо. О Давидо проандярэлас и время кодэлэнца, ко любияс лэ Иеговас, и кадэлэстар во сас лошало. Во ԥэндя пэр лэндэ «свынти», важ кода кай вонэ жувэнас па лэ Дэвлэстирэ законоря. Авэр псалмопевцо пистросардя, сар тэ вирақэс, лашэ друӷонэн: «Мэ друӷо всаворэнди, ко дарал тутар и кодэлэнди, ко ритярэл тирэ законоря» (Псалом 119:63). Сар сас пистромэ андэ статья, сави сас май англал, ту можэш тэ виарақэс бутэ лашэ друӷонэн машкар кодэла, ко дарал лэ Иеговастар и андэ вся лэс кандэл. На трэбуй тэ гиндос, кай тирэ друӷоря трэбуй тэ авэн кати тирэ ровэсникоря.

12. Васо о Давидо и о Ионафано слинэ лашэ друӷоря?

¹² О Давидо на проандярэлас и время ек кати лэ ровэсниконэца. Ту сэрэс, ко сас ек анда лэстирэ со май лашэ друӷоря? Када о Ионафано. Кода, сар вонэ дружынас, када лашо примеро важ амэндэ. Но ӷанэсас ту, кай о Ионафано сас барэдэр лэ Давидостар варикай пэ 30 бэрш? Васо тоди вонэ слинэ кацавэ лашэ друӷоря? Важ кода кай вонэ лэдуй фартэ патянас лэ Иеговасти, стонас патив ек по ек и смило жанас тэ марэнпэ лэ Дэвлэстирэ вороӷонэнца (1 Самуила 13:3; 14:13; 17:48 жы кай 50; 18:1).

13. Со тэ терэс, кай тутэ тэ авэн май бут друӷоря? Росԥэнэн пала ԥэй.

¹³ Кадя жэ, сар кай о Давидо и кай о Ионафано, амэндэ исин бари радость, кала дружысарас кодэлэнца, ко любий лэ Иеговас и патял андэр лэстэ. И Кира, сави служый лэ Дэвлэсти бут бэрша, ԥэнэн: «Мандэ исин друӷоря па вся люма. Када ԥрала и ԥэя анда разни народоря и савэндэ разно культура». Кала ту терэса, сар вой, кай тутэ тэ авэн май бут друӷоря, ту екжэно диқэса, кай через и Библия и о свынто духо амэ ашас еқэ барэ ереса, саво пэ вся ԥув.

СТО ЦЭЛИ, КАЙ ВАРИСО ТЭ ТЕРЭС ВАЖ О ДЭЛ

14. а) Со поможыя тути тэ стос цэли важ о Дэл? б) Со ԥэнэн дэсавэ тэрнэ мануша пала цэли важ о Дэл?

¹⁴ Адиносар Псалом 16:8e. Важ о Давидо тэ служый лэ Дэвлэсти сас пэ пэрво ҭан андэ жызня. Если и важ тутэ тэ служыс лэ Иеговасти авэла пэ пэрво ҭан и ту лэса тэ стос цэли, кай варисо тэ терэс важ лэстэ, тири жызня авэла па чачимастэ бахтали. Акэ, со ԥэнэн ек ԥрал, савэс ақарэн Стивено: «Кала ту домардёс лэн и диқэс, со кадэлэстар вижал, тутэ авэла фартэ бари радость». Ай акэ, со ԥэнэн ек ԥрал анда Германия, саво акана служый андэ авэр страна: «Кала мэ авава ԥуро, манди на камлопэ тэ полав, кай вся и жызня мэ жувавас кати важ пэстэ». Гиндос ту кадя, сар кадэва ԥрал? Если гиндос кадяжэ, тоди тер кода, со тутэ драго вижал, кай кадэлэстар о Дэл тэ авэл инке май ашунгло и тэ поможыс лэ манушэнди (Галатам 6:10). Сто важ пэстэ цэли тэ терэс лэ Дэвлэстири дила и мангпэ, кай тэ домардёс када. Амэ можэм тэ патяс, кай о Иегова ашунэн кацавэ молитвы! (1 Иоанна 3:22; 5:14, 15).

15. Савэ важ пэстэ цэли можно тэ стос? (Диқэн и рамка «Савэ тэ став цэли?».)

¹⁵ Савэ цэли ту можэш тэ стос важ пэстэ? Ԥэнаса, тэ отвечаеш пэ собрания пэстирэ алавэнца, тэ служыс пионероса, тэ ашэс вефильцо чи тэ висытёс авэр шыб, кай тэ росԥэнэс пэр латэ важ о Дэл. О Барако, тэрно ԥрал, саво служый пионероса, ԥэнэн: «Хэба, можэт тэ авэл варисо май лашо кодэлэстар, кай тэ прошоспэ кажно тэсара и тэ полэс, кай отдэс вся пэско зор лэ Иеговасти?»

ЦЭНИСАР И СВОБОДА, САВИ ТУТИ ДЯ О ДЭЛ

16. Сар о Давидо сыкадя, кай блаӷодарно лэ Иеговасти пала законоря и принцыпоря и васо?

¹⁶ Амэ уӷанглям анда статья, сави сас май англал, кай кала амэ жувас па лэ Дэвлэстирэ законоря и принцыпоря, амэ ашас па чачимастэ свободни. Амэ сытювас тэ любисарас о лашимос и тэ нэнавидим о найлашимос (Амос 5:15). О Давидо ԥэндя, кай «вся о лашимос» жал лэ Иеговастар. Да, вся, со о Иегова терэл, када лашимос. Вся со май лашо амэндэ, лэстар. О Давидо анда вся зор камэлас тэ терэл кадя, сар о Иегова и тэ любий кода, со во любий. Кадяжэ о Давидо сытёлас тэ нэнавидит кода, со нэнавидит о Дэл. Ек, со о Иегова нэнавидит, када кала и мануша тэлён варисости чи варикасти, ай най лэсти. Кала и мануша кадя терэн, тоди вонэ чорэн лэ Иеговасти слава, сави прижал кати лэсти (Исаия 2:8, 9; Откровение 4:11).

17. Со диқля о Давидо, кала и мануша тэлёнас лэ хохавнэ дэвлэнди?

¹⁷ И мануша, савэ жувэнас андэ библейско время, часто терэнас о билажавардимос, кала тэлёнас пэстирэ хохавнэ дэвлэнди (Осия 4:13, 14). Бут мануша любинас тэ тэлён хохавнэ дэвлэнди, важ кода кай лэнди чалёлас тэ терэн билажавардимос. Но ашэнас вонэ кадэлэстар па чачимастэ бахталэ? Канешно най! О Давидо ԥэндя, кай «кодэлэндэ, ко тэлён аврэ дэвлэнди авэла бут ԥаримос». (Адиносар Псалом 16:4f.) Кадэла мануша дажэ анэнас пэстирэ бэятонэн андэ жэртва лэ хохавнэ дэвлэнди! (Исаия 57:5). Лэ Иеговасти сас фартэ гряца и во нэнавидил, кала и мануша кадя терэнас (Иеремия 7:31). Тэ жудоп тумэ андэ кодэя время, тумэ авелоп фартэ лошалэ, кай тумарэ родителя патян андо Иегова и кандэн лэс.

18. Васо адес кай и мануша ашэл май бут ԥаримос?

¹⁸ Адес бут хохавнэ веры часто ԥэнэн, кай андо билажавардимос нинай нисо́ и дажэ ԥэнэн, кай о мурш можэт тэ лэл пала пэстэ муршэс, ай жувли тэ лэл пала пэстэ жувля. Но сар андэ библейско время, кадяжэ и адес, важ кода кай и мануша моӷут тэ терэн о билажавардимос, вонэ гиндон, кай вонэ свободни. Но па чачимастэ лэндэ «авэла бут ԥаримос» (1 Коринфянам 6:18, 19). Ту драго када екжэно диқэс. Важ када кандэ пэстирэ дадэс, саво по нэбо. Патя, кай тути авэла фэдэр, кала ту кандэса лэ Дэвлэс. Погиндосар, со авэла кодэлэстар, кала и мануша терэн билажавардимос (Галатам 6:8). О Джошуа, кастирэ алава запистромэ май упрэ, ԥэнэн: «Амэ можэм тэ андярас пэс кадя, сар амэ камас, важ кода кай свободни. Но кала ту терэс вся, со камэс, када на анэна тути бах».

19, 20. Саво лашимос авэла лэ тэрнэ манушэндэ, савэ патян андо Иегова и кандэн лэс?

¹⁹ О Иисусо ԥэндя пэстирэ учениконэнди: «Если тумэ терэн кода, со мэ ԥэнав, тоди тумэ па чачимастэ мэрнэ ученикоря. Тумэ уӷанэна о чачимос и о чачимос дэла тумэнди свобода» (Иоанна 8:31, 32). Важ кода кай амэ патяс андо Иегова, амэ свободни лэ хохавнэ верэндар и лэ хохавнэ обычаёнэндар. Акана амэ ӷанас о чачимос. Ай англэ во подария амэнди райкани свобода, сави кай лэ Дэвлэстирэ бэятцэ» (Римлянам 8:21). Тумэ можэте андэ варисостэ тэ авэн свободни ужэ акана. Важ када трэбуй тэ терас кадя, сар сытярэлас о Христос. Кадя ту най кати ӷанэса о чачимос, ай лэса тэ терэс, сар ӷанэс андэ пэстири жызня.

²⁰ Амарэ тэрнэ мануша, цэнин и свобода, сави дя тумэнди о Дэл. Мудро поджан каринг и свобода. Када поможыя тумэнди тэ витидэн кода, состар тумэ авэна май бахталэ. Ек тэрно ԥрал ԥэндя: «Если ту андэ тэрнэ бэрша годявэрнэс поджас каринг пэстири свобода, тоди тути авэла вушэро тэ витидэс годявэрнэс кода, со важно андэ тири жызня. Ԥэнаса, сави бути тэ витидэс, тэ жэниспэ чи тэ ашэспэ дэсави время най жэнато».

21. Со поможыя амэнди тэ ашаспэ по дром, саво андярэл каринг и «чачуни жызня»?

²¹ Андэ кадэя люма ни ек мануш, дажэ если лэстэ фартэ лащи жызня, на ԥэнэна, кай лэсти вся хутилэл. Нико на ӷанэн, со авэла тэся (Иакова 4:13, 14). Мудро терэл кодэва, ко на сжал па дром, саво андярэл каринг и «чачуни жызня», када каринг и вечно жызня (1 Тимофею 6:19). О Иегова на тасавэл пар мэндэ, кай амэ тэ жас па кадэва дром. Амэ екжэнэ витидас. Тэ авэл тути куч вся, со дя тути о Иегова. Цэнисар вся о лашимос, саво во тути дя (Псалом 103:5). Патя, кай о Иегова можэт тэ дэл тути бут радость и бахталимос пэ вся вечность! (Псалом 16:11).