Сар о Иегова сыкадя пэсти любовь и справедливость каринг о Израилё андэ дэлмутни время? (пэрво анда штар части)

1, 2. а) Со трэбуй кажнонэ манушэсти? б) Андэр со амэ можэм тэ патяс?

КАЖНО камэл, кай лэс тэ любин и тэ обжанпэ справедливо. Ай сар най кадя, тоди амэндэ можэт тэ авэл андо ди, кай амэ никасти на трэбуй и нисаво лашимос амэндэ англэ нинай.

² О Иегова ӷанэн, кай амэнди фартэ трэбуй, кай амэн тэ любин и тэ обжанпэ амэнца справедливо (Псалом 33:5). Амэ трэбуй тэ патяс, кай о Иегова амэн фартэ любий и камэл, кай амэнца драго тэ обжанпэ. Амэ када уӷанаса тоди, кала погиндосараса пала законо, саво о Иегова дя лэ Израилёсти через о Моисеё. Дэкала тумэнди ԥарэс кодэлэстар, кай тумэн на любин и на обжанпэ справедливо. Тоди погиндон, сар андэ лэ Моисеёско законоb дицол, кай о Иегова любий пэстирэ народос.

3. а) Со, сар запистромэ андэ Римлянам 13:8—10, уӷанаса, кала погиндосараса пала лэ Моисеёско законо? б) Пала савэ вопросоря амэ подаса дума андэ кадэя статья?

³ Кала гиндосарас пала лэ Моисеёско законо, можно тэ полас, саво лашимос андо ди кай амаро любящё Дэл Иегова каринг амэндэ. (Адиносар Римлянам 13:8—10c.) Андэ кадэя статья амэ подаса дума кати пала дэсавэ законоря, савэ дясас лэ Израилёсти о Иегова. Кадяжэ уӷанаса пала кода, васо ԥэнэса, кай лэ Дэвлэско законо ритярдёл пэ любовь и кай и мануша тэ обжанпэ аврэнца справедливо? Сар кодэла, кастэ сас власть, трэбуй сас тэ ритярэн о законо? Кас со май фартэ фэрияс о законо? И атветоря пэ кадэла вопросоря дэна амэнди тэ аштярас о лашимос англэ и тэ ашас май пашэ каринг амаро любящё Дад, каринг о Иегова (Деяния 17:27; Римлянам 15:4).

О ЗАКОНО, САВО РИТЯРДЁЛ ПЭ ЛЮБОВЬ

4. а) Васо можно тэ ԥэнэс, кай лэ Моисеёско законо ритярдёлас пэ любовь? б) Савэ законоря, пала савэ ԥэндя о Иисусо, андэ Матфея 22:36—40, само барэ?

⁴ Можно тэ ԥэнэс, кай лэ Моисеёско законо ритярдёлас пэ любовь, важ кода кай андэ вся, со терэлас о Иегова дицол и любовь (1 Иоанна 4:8). Всаворэ законоря, савэ дя о Иегова, ритярдён пэ дуй само барэ законоря. Када тэ любин лэ Дэвлэс и тэ любин лэ манушэн (Левит 19:18; Второзаконие 6:5; адиносар Матфея 22:36—40d). Драго дицол, кай андэ кажно, май бут чем 600 законоря, всаворэ ригэндар дицолас лэ Дэвлэстири любовь. Подаса дума пала дэсавэ анда законоря.

5, 6. Со о Иегова аштярэл кодэлэндар, ко андо брако и со на ужала лэстирэ яқэндар? Росԥэнэн.

⁵ Мэк о хулай и хулаи никала на терэн билажавардо бэзэх и заботинпэ пала пэстирэ бэятцэ. О Иегова камэл, кай о хулай и хулаи никала тэ на парашэн тэ любин ек еқэс (Бытие 2:24; Матфея 19:3—6). Билажавардо бэзэх, када ек анда само бари приступления. Анда дэш андо седьмо законо ԥэнэнпэ: «На тер билажавардо бэзэх» (Второзаконие 5:18). Кодэва, ко терэл билажавардо бэзэх, во када терэл бэзэх против о Дэл и кодэлэсти, ко лэса андо брако терэл баро ԥаримос (Бытие 39:7—9). Дэкала кадэва ԥаримос на прожал бэршэнца.

⁶ О Иегова диқэл, сар о хулай ла хулаяса полэн ек аврэс. Лэсти фартэ важно, кай и мурша драго тэ обжанпэ пэстирэ хулаянца. Кала о мурш полэлас о законо, во любияс пэстиря хулая и на розжаласпэ ласа пала варисави мелочь (Второзаконие 24:1—4; Матфея 19:3, 8). Кала андо брако зажалас бари проблема и о мурш камэлас тэ розвэдийпэ пэстиря хулаяса, во трэбуй сас тэ дэл лати лил важ о розводо. Кадэва лил фэрияс ла жувля, кай пэр латэ тэ на хохавэн, кай вой тердя билажавардо бэзэх. Инке, май англал, сар тэ дэл лати кадэва лил, о хулай трэбуй сас тэ жал кай и старейшыноря андо форо, важ кода кай и старейшыноря моӷли тэ поможын тэ фэрин о брако. Кала о израильтянино камэлас тэ розвэдийпэ пэстиря хулаяса просто важ кода, кай во кадя камэл, о Иегова най вся и время зашоласпэ. Но всаек во диқэлас латирэ ясва и полэлас латири дук (Малахия 2:13—16).

7, 8. а) Со о Иегова приԥэндя лэ родителёнэнди? (Диқэн и картинка пэ обложка.) б) Со можэм анда када тэ полас?

⁷ Анда законо кадяжэ дицол, кай важ о Иегова фартэ важно, кай тэ авэл драго лэ бэятонэнди. О Дэл приԥэндя лэ родителёнэнди тэ заботинпэ най кати, кай трэбуй тэ авэн ловэ, но и кай вонэ тэ ӷанэн лэ Дэвлэс. Лэ родителёнэнди трэбуй андэ любо возможность тэ сытярэн лэ бэятонэн тэ ӷанэн лэ Дэвлэско законо и тэ любин лэ Дэвлэс (Второзаконие 6:6—9; 7:13). О Иегова фартэ спушэлас лэ израильтянонэндар, кала вонэ найманушыканэс обжанаспэ лэ бэятонэнца (Иеремия 7:31, 33). И родителя трэбуй сас тэ полэн, кай и бэятцэ най кати лэндирэ и вонэ нэ моӷут лэн тэ на шон сама и тэ обжанпэ лэнца найдраго. Ай трэбуй тэ полэн, кай када, кучутно подарко, саво «лэнди дя о Иегова» (Псалом 127:3).

⁸ Амэ полям. О Иегова фартэ драго диқэл пэ кода, сар кодэла, ко андо брако, полэн ек аврэс. Во камэл, кай и родителя тэ любин пэстирэ бэятонэн. Ай сар вонэ найдраго лэнца обжанпэ, во фартэ спушэла лэндар.

9—11. Васо о Иегова дя законо «На кам кода, со най тиро»?

⁹ «На кам кода, со най тиро». Послиднё анда дэш законоря ԥэнэнас, кай тэ на авэс жадно, када, кала камэс кода, со най тиро (Второзаконие 5:21; Римлянам 7:7). Кала о Иегова дя кадэва законо, кадэлэса во камэлас тэ сытярэл пэстирэ народос каринг варисо, со фартэ важно. Када трэбуй тэ фэрис пэско ди, тэ диқэс пала пэстирэ гиндоря и кода, со тутэ андо ди. О Дэл ӷанэн, кай каринг и найлащи дила андярэн найлашэ гиндоря и кода, со ту камэс (Притчи 4:23). Кала о израильтянино домэкалас андэ пэско ди, кай тэ камэл варисо найлашо, тоди лэстэ на вижалас драго тэ обжалпэ лэ манушэнца. Кадя стердя о царё Давидо. Во сас лашо мануш, но еқвар во закамля ла хулая аврэ манушэсти. Кода, со во закамля, подындярдя лэс каринг о бэзэх (Иакова 1:14, 15). О Давидо пэрэсутя кодэла манушняса, потом тердя кадя, кай тэ дилярэл латирэ хулас, и тоди подтердя кадя, кай во тэ мэрэл (2 Самуила 11:2—4; 12:7—11).

¹⁰ О Иегова ӷанэнас, со андо ди кажнонэстэ и кала о мануш терэлас най по законо, во када ӷанэнас (1 Летопись 28:9). О законо, саво сас против кода, кай тэ на авэн жадни, ԥэнэнас лэ манушэнди, кай тэ вишон анда шэро люби гиндоря, савэ моӷли тэ подындярэн лэн каринг о найлашимос. Андэ када дицол любовь и мудрость амарэ Дадэсти лэ Иеговасти.

¹¹ Амэ полям. Важ о Иегова важно най кода, саво о мануш па муй, ай саво лэстэ оди (1 Самуила 16:7). О Дэл диқэл всаворэ амарэ гиндоря, со амэндэ андо ди и вся амари дила. Во старыийпэ тэ додиқэл андар мэндэ варисо лашо и ԥэнэн амэнди тэ ашас май лашэ. Но кадяжэ о Дэл камэл, кай амэ тэ полас, кай исин найлашэ гиндоря и тэ на домэкас лэн, кай тэ подындярэн амэн каринг варисо вэрыто (2 Летопись 16:9; Матфея 5:27—30).

О ЗАКОНО, САВО ПОМОЖЫЙ, КАЙ ТЭ АВЭЛ СПРАВЕДЛИВОСТЬ

12. Пала со амэ инке уӷанас анда лэ Моисеёско законо?

¹² Анда лэ Моисеёско законо амэ кадяжэ уӷанас, кай о Иегова любий справедливость (Псалом 37:28; Исаия 61:8). О Иегова само справедливо обжалпэ лэ манушэнца и амэ можэм лэстар андэ када тэ сытювас. Кала израильтяноря терэнас вся па лэ Иеговаско законо, во лэн блаӷословияс. Ай кала вонэ на ритярэнас лэстирэ чачунэ законоря, тоди лэндэ сас биды. Уӷанам пала инке дуй лэ Моисеёстирэ законоря анда дэш.

13, 14. Пала со сас пистромэ андэ пэрви дуй законоря анда дэш и сар кода, кай вонэ ритярэнас лэн, дэлас лэнди лашимос?

¹³ Служын кати лэ Иеговасти. Анда дэш законоря пэрви дуй сас пала кода, кай и израильтяноря тэ тэлён кати лэ Иеговасти. Кадэла законоря фэринас лэн, кай вонэ тэ на тэлён аврэ дэвлэнди (Исход 20:3—6). О Иегова приԥэнэнас лэ израильтянонэнди, кай вонэ тэ ритярэн о законо, най важ кода, кай лэсти када трэбуй сас, ай важ кода кай лэндэ тэ авэл вся драго. Кала и израильтяноря на парашэнас тэ кандэн лэ Иеговас, лэндэ вся сас роздраго. Ай кала вонэ тэлёнас лэ дэвлэнди, савэ сас кай авэр народоря, пэр лэндэ дэнас бут биды.

¹⁴ Погиндосарам, со терэнас и хананеёря. Вонэ на тэлёнас лэ чачунэ Дэвлэсти, ай тэлёнас лэ найжундэ дэвлэнди. И кадэлэстар вонэ ашэнас инке май хужэ (Псалом 115:4—8). Андэ лэндири поклонения ужалас тэ терэн билажавардимос и тэ анэн андэ жэртва пэстирэ бэятонэн. Кала и израильтяноря бистрэнас лэ Иеговас и сытёнас аврэндар тэ тэлён найжундэ дэвлэнди, вонэ кадэлэстар ашэнас инке май вэрыти и терэнас бут ԥаримос пэстирэ чаченди (2 Летопись 28:1—4). Инке кодэла, кастэ сас власть, на камэнас тэ терэн па лэ Дэвлэстирэ законоря, савэ сас справедливи. Ай терэнас кода, со на ужалас андэ лэндири власть и терэнас ԥарэс кодэлэнди, ко сас слабо и кас най ко сас тэ фэрий (Иезекииль 34:1—4). О Иегова ԥэнэнас пэстирэ народости, кай лэла тэ сындой кодэлэн, ко фартэ найдраго обжалпэ лэ бэятонэнца, савэндэ на сас дад и лэ жувлянца, савэ сас чорорэ (Второзаконие 10:17, 18; 27:19). Кала и израильтяноря на парашэнас тэ кандэн лэ Дэвлэс и обжанаспэ ек еқэса справедливо, во лэн блаӷословияс (1 Царей 10:4—9).

15. Со анда када амэ полям?

¹⁵ Амэ полям. Кала кодэла, ко доԥэнэн, кай вонэ служын лэ Дэвлэсти, но на жувэн па лэско законо и терэн ԥарэс лэстирэ служытелёнэнди, на трэбуй андэ када тэ дошалярэн лэ Дэвлэс. О Иегова любий амэн и дикэл, кай амэнди ԥарэс, кала амэнца обжанпэ кадя, сар амэ на затердям. Во полэл, кала амэнди ԥарэс май фартэ чем и дэй полэл, кала латирэ бэятости ԥарэс (Исаия 49:15). Хоть во най вся и время сразу зашолпэ, но андэ пэсти время, во спушэла кодэлэндар, ко фартэ найдраго обжалпэ аврэнца, и ко на каийпэ андэ када.

САР ТРЭБУЙ САС ТЭ ТЕРЭН, КАЙ ТЭ АВЭЛ ПА ЗАКОНО?

16—18. Со сас андэ лэ Моисеёско законо, и со амэ полям анда када?

¹⁶ Андэ лэ Моисеёско законо сас пистромэ вся, со трэбуй важ лэ израильтянонэндири жызня. Важ када сас важно, кай и старейшыноря, савэн стодэ андо Израилё, тэ сындон лэ Иеговастирэ народос справедливо. Лэнди трэбуй сас тэ розлэнпэ, сар тэ тэлён лэ Дэвлэсти. Ай инке сас трэбуй тэ розлэнпэ андэ кода, кала варико спорияспэ машкар пэстэ и варико терэлас биды. Падаса дума пала када.

¹⁷ Кала о израильтянино варикас умардя, тоди лэс сразу на умарэнас важ када. И старейшыноря анда лэско форо, драго роздиқэнас, васо во када стердя, васо лэстэ кадя вижыля и ришынас, тэ умарэн лэс чи най (Второзаконие 19:2—7, 11—13). Инке и старейшыноря розлэнас и авэр дилы, пала хабэ чи кала андо ери на ладинас (Исход 21:35; Второзаконие 22:13—19). Кала и старейшыноря виандярэнас справедливи ришэния, ай израильтяноря терэнас вся па законо, всаворэнди чалёлас и жызня, и о народо прославияс лэ Иеговас (Левит 20:7, 8; Исаия 48:17, 18).

¹⁸ Амэ полям. Важ о Иегова куч кода, сар амэ пэс андярас везде андэ амари жызня. Во камэл, кай амэ тэ авас справедливи и тэ любисарас лэ манушэн. Лэстирэ яқэндар на ужал нисо. Дажэ кода, со и сар амэ дас дума или терас варисо, кала екжэнэ цэрэ (Евреям 4:13).

19—21. а) Сар и старейшыноря и сындомаря трэбуй сас тэ обжанпэ лэ Дэвлэстирэ народоса? б) Сар о Иегова позаботисайля пала кода, сар тэ фэрий пэстирэ народос, кай лэнца тэ обжанпэ справедливо, и со амэ анда када полям?

¹⁹ О Иегова камэлас тэ фэрий лэ израильтянонэн лэ найлашимастар, саво сас андэ авэр народоря. Важ када во приԥэндя лэ старейшынонэнди и лэ сындомаренди, кай вонэ тэ терэн справедливо и па законо. Вонэ сас трэбуй тэ обжанпэ лэ народоса найӷрубо и тэ сындон кадя сар исин, кай тэ авэл па чачимастэ, и тэ терэн када с любовью и справедливо (Второзаконие 1:13—17; 16:18—20).

²⁰ О Иегова жалуий пэстирэ служытелёнэн, важ када во позаботисайля пала кода, кай тэ фэрий лэн кодэлэстар, кай лэнца тэ обжанпэ найсправедливо. Ԥэнаса, о законо фэрияс, кай пэ манушэстэ тэ на хохавэн и тэ на дошалярэн, кай во тердя варисави бида. Кодэлэстэ, кас дошалярэн, сас право тэ ӷанэн, ко лэс дошалярэл (Второзаконие 19:16—19; 25:1). Трэбуй сас дуй свидетеля тэ ԥэнэн, кай во тердя бида и кати тоди пэр лэстэ моӷли тэ ԥэнэн, кай во дошало (Второзаконие 17:6; 19:15). Ай со авэла, кала кати ек свидетелё ԥэнэн, кай во дошало? Но кодэва, кас дошалярэн, нэ моӷ тэ аштярэл, кай о Иегова лэстар на спушэла, важ кода кай о Иегова вся диқля. Андэ еря кай и дада сас власть, но най пэ вся. Андэ дэсавэ случаёря и скандалоря андо ери сас трэбуй тэ розлэн и старейшыноря, кодэлэ форости. Ек вонэ кати подԥэнэнас, со трэбуй тэ терэн (Второзаконие 21:18—21).

²¹ Амэ полям. Вся со терэл о Иегова, када справедливо и амэ лэстар сытювас (Псалом 9:7). Во дэла лашимос кодэлэнди, ко жувэл па лэстирэ законоря и спушэла кодэлэндар, кастэ исин власть, ай вонэ терэн кода, со най андэ лэндири власть (2 Самуила 22:21—23; Иезекииль 9:9, 10). Дэкала здэлпэ, кай лэ приступниконэнди и найлашэ манушэнди о Иегова ашавэл вся кадя, но андэ пэстири время о Иегова спушэла лэндар вся (Притчи 28:13). Кала вонэ на каинпэ, тоди вонэ йто уӷанэна, сар дэ «страшно тэ попэрэс андэ вас кай о жундо Дэл» (Евреям 10:30, 31).

КАС СО МАЙ ФАРТЭ ФЭРИЯС О ЗАКОНО?

22—24. а) Кас со май фартэ фэрияс о законо и со анда када амэ полас? б) Состар трэбуй тэ фэринпэ, сар запистромэ андэ книӷа Исход 22:22—24?

²² О закон со май фартэ фэрияс кодэлэн, ко нэ моӷ тэ зашолпэ важ пэстэ, када и бэятцэ, савэндэ нинай дад и ԥивля манушня, и кодэла, ко авеля анда авэр ԥув. Лэ сындомаренди сас ԥэндо: «На пэрэбандяр о законо, кала розлэс и дила кодэлэсти, ко авеля анда авэр ԥув, чи лэ бэятости, кастэ нинай дад, и на залэ и йда важ о вужилимос кай и ԥивли» (Второзаконие 24:17). О Иегова анда оди фартэ драго заботияспэ пала кодэла, кас най ко сас тэ фэрий андэ лэско народо, и спушэлас кодэлэндар, ко найдраго лэнца обжаласпэ. (Адиносар Исход 22:22—24e.)

²³ О законо кадяжэ фэрияс, кай андэ еря тэ на авэл билажавардо бэзэх (Левит 18:6—30). Кай и народоря, савэ жувэнас паша лэндэ када терэласпэ и вонэ гиндонас, кай кадя и трэбуй. Андэ лэ Иеговастирэ яқа када сас фартэ гряца, и израильтяноря трэбуй сас тэ диқэн пэ када кадяжэ.

²⁴ Амэ полям. О Иегова камэл, кай кодэла, касти во дя и власть, драго и лэ одеса тэ обжанпэ аврэ манушэнца. Во вэрыцый, кала и мануша терэн билажавардимос и важ лэстэ важно, кай всаворэнца, кас най ко тэ фэрий, тэ обжанпэ справедливо и кай вонэ тэ на даран.

ЗАКОНО, КАДА «ТЕНЬ ЛЭ ЛАШИМАСТАР, САВО АВЭЛЭ АНГЛЭ»

25, 26. а) Васо можно тэ ԥэнас, кай и любовь и справедливость, када, сар тэ ԥурдэс и тэ жувэс? б) Пала со амэ подаса дума андэ авэр статья, сави анда штар части?

²⁵ И любовь и справедливость нэ моӷут тэ авэн ек би еқэско, сар о мануш нэ можэт тэ жувэл и тэ на ԥурдэл. Кала амэ драго ӷанас, кай о Иегова обжалпэ амэнца справедливо, амари любовь каринг лэстэ ашэл инке май састи. Кода, кай амэ любисарас лэ Дэвлэс и лэстирэ законоря, кадэлэстар амэ май фартэ камас тэ любисарас аврэн и тэ обжаспэ лэнца справедливо.

²⁶ Через лэ Моисеёско законо израильтяноря ашэлэ май пашэ лэ Иеговаса. Но посли кода, сар о Иисусо стердя вся, со трэбуй сас па законо, о законо ашэля авэр. О законо паруделяпэ пэ май лашо (Римлянам 10:4). Кода, сар ԥэндя о апостоло Павло, о законо сас «тень лэ лашимастар, саво авэла англэ» (Евреям 10:1). Андэ авэр статьи анда кадэла штар части амэ подаса дума, саво када авэла «лашимос». И подаса дума инке, пэ скати важно любовь и справедливость андэ христианско собрания.