Любовь и справедливость андэ христианско собрания (дуйто анда штар части)

1. Андэр со амэ можэм тэ патяс?

О ИЕГОВА любий пэстирэ служытелёнэн. Кадя авэла вся и время. Ай инке во любий справедливость (Псалом 33:5). Важ када можно тэ патяс, пэрво, кай лэ Иеговасти ԥарэс тэ диқэл, кала лэстирэ служытелёнэнца обжанпэ найсправедливо. Дуйто, во стерэла кадя, кай авэла справедливость. Андэ статья, сави сас май англал ԥэнэнаспэ, кай лэ Моисеёско законо, саво о Дэл дя лэ израильтянонэнди, ритярдёлас пэ любовьb. Во сытярэлас лэн тэ обжанпэ справедливо всаворэнца и особенно кодэлэнца, кас най ко сас тэ фэрий (Второзаконие 10:18). Кадэва законо сыкавэлас, сар дэ фартэ о Иегова любий пэстирэ служытелёнэн.

2. Пала со подаса дума андэ кадэя статья?

² Лэ Моисеёско законо, саво ритярдёлас пэ любовь и сытярэлас каринг и справедливость, сас парудо андо 33 бэрш лэ И. Х., кала ашэля христианско собрания. Сыкавэла када, кай лэ христианонэн парашэля тэ фэрий кадэва законо? Най! Лэндэ ашэля нэво законо, лэ Христоско. Андэ кадэя статья амэ подаса дума, саво када законо. Инке амэ роздиқаса кацавэ вопросоря. Васо можно тэ ԥэнэс, кай кадэва законо тожэ ритярдёл пэ любовь и сытярэл лэ христианонэн справедливо тэ обжанпэ аврэнца? Сар када лэла тэ дицол па кодэла, кастэ исин власть?

СО КАДА «ЛЭ ХРИСТОСКО ЗАКОНО»?

3. Со када лэ Христоско законо, пала саво ԥэнэнпэ андэ Галатам 6:2?

³ Адиносар Галатам 6:2c. И христианоря трэбуй тэ ритярэн лэ Христоско законо. О Иисусо на пистросардя пэстирэ учениконэнди законоря. Но пала кадэла законоря и принцыпоря во бут со росԥэнэнас. Андэ лэ Христоско законо ужал вся, сости о Иисусо сытярэлас. Подаса дума пала када май драго.

4, 5. Сар и кала о Иисусо сытярэлас лэ манушэн?

⁴ Сар о Иисусо сытярэлас лэ манушэн? Пэрво, во росԥэнэнас лэнди о чачимос, саво фартэ лэлас лэ одестар. Во росԥэнэнас лэнди важ о Дэл, росԥэнэнас, васо о мануш трэбуй тэ жувэл, и ԥэнэнас, кай кати лэ Дэвлэско Царство улэла вся лэнго ԥаримос (Луки 24:19). Дуйто, о Иисусо сытярэлас па пэско примеро. Во сыкавэлас лэ учениконэнди, сар лэнди трэбуй пэс тэ андярэн (Иоанна 13:15).

⁵ О Иисусо сытярэлас лэ манушэн, кала служыяс пэ ԥув (Матфея 4:23). Инке во лэн сытярэлас сразу, кала рисайля каринг и жызня. Например, лэс диқлэ лэстирэ ученикоря (файма, лэн сас май бут чем 500). Во ԥэндя лэнди тэ сытярэн лэ манушэн, кай вонэ тэ ашэн ученикоря (Матфея 28:19, 20; 1 Коринфянам 15:6). Кала о Иисусо рисайля по нэбо, во, сар ӷлава андэ собрания, кадяжэ на парашэлас тэ сытярэл пэстирэ учениконэн. Кадя, варикай андо 96 бэрш лэ И. Х., через о апостоло Иоанно, во подритярдя и ԥэндя, андэр со тэ парудён и памазани христианоря (Колоссянам 1:18; Откровение 1:1).

6. Кай можно тэ проадиносарас пала кода, сости сытярэлас о Иисусо?

⁶ Бут анда кода, со терэлас и дэлас дума о Иисусо, кала жувэлас пэ ԥув, запистромэ андэ штар книӷи андэ Евангелия. Остальни книӷи анда Христиански Гречески Писании тожэ поможын амэнди тэ полас, сар о Иисусо диқэлас и пэ авэр вопросоря. Важ кода кай вонэ сас пистромэ лэ манушэнца, пэ савэ сас о свынто духо и савэ гиндонас, сар о Христос (1 Коринфянам 2:16).

7. Сар амэ можэм тэ ритярас лэ Христоско законо?

⁷ Амэ полям. Кода, сости сытярэлас о Иисусо, амэнди трэбуй андэ вся амари жызня. Важ када лэ Христоско законо сытярэл амэн, сар тэ андярас пэс цэрэ, пэ бути, андэ школа и пэ собрания. Амэ сытювас кадэлэ законости, кала адиносарас и Христиански Гречески Писании и гиндосарас пала кода, со адиносарас. Амэ ритярас о законо, кала жувас па принцыпоря и прилас и советоря, савэ пистромэ андэ кадэя ла Библиятири часть. Кала ритярас лэ Христоско законо, кадя амэ кандас амарэ любящёнэ Дэвлэс, лэ Иеговас. О Иисусо сытярэлас кодэлэсти, со екжэно уӷангля пэстирэ Дадэстар (Иоанна 8:28).

О ЗАКОНО, САВО РИТЯРДЁЛ ПЭ ЛЮБОВЬ

8. Пэр со ритярдёл лэ Христоско законо?

⁸ О мануш, саво жувэл андо лашо цэр, саво построимэ по састо фундаменто, нисостар на дарал. Кадяжэ и о мануш нисостар на дарал и лэстэ по ди спокойно, кала во ритярэл о законо, саво тердёл пэ варисо састо. Лэ Христоско законо ритярдёл по само лашо «фундаменто», када пэ любовь. Васо кадя можно тэ ԥэнэс?

9. Со сыкавэл, кай о Иисусо любияс лэ манушэн?

⁹ Пэрво, андэ вся, со терэлас о Иисусо, дицолас лэстири любовь. Во жалуияс лэ манушэн и кадэлэса сыкавэлас, кай любий. Лэ Иисусости сас жалко лэ манушэн и важ када во сытярэлас всаворэн, ко авэлас лэстэ. Во исцэлияс лэ насвалэн, праварэлас лэ боқалэн и рияс каринг и жызня кодэлэн, ко муля (Матфея 14:14; 15:32—38; Марка 6:34; Луки 7:11—15). Канешно, вся када залэлас кай о Иисусо фартэ бут время и зор, но о Иисусо вся и время жалуияс лэ манушэн май фартэ, чем пэс. Ай инке, во отдя важ и мануша пэстири жызня. И кадэлэса во сыкадя, сар дэ фартэ во лэн любий (Иоанна 15:13).

10. Сости амэ можэм тэ сытювас лэ Иисусостар?

¹⁰ Амэ полям. Амэ терас сар о Иисусо, кала май бут жалуисарас и любисарас аврэн и кала гиндосарас май бут пала авэр мануша, чем пала пэстэ. Через када амэ камас тэ росԥэнас лэ манушэнди пала лащи весть и тэ сытярас лэ чачимасти анда Библия. Кадэлэса амэ ритярас лэ Христоско законо.

11. Катар амэ ӷанас, кай о Иегова амэн фартэ любий?

¹¹ Дуйто, о Иисусо сыкадя, сави дэ бари любовь кай лэско Дад. Во камля, кай и мануша тэ полэн, сар важ о Иегова куч лэстирэ служытеля. Например, о Иисусо сытярэлас, кай лэско небесно Дад цэний кажнонэс андар мэндэ (Матфея 10:31). О Иегова фартэ радуийпэ, кала о мануш каийпэ и рийпэ андэ собрания (Луки 15:7, 10). О Иегова сыкадя, кай фартэ амэн любий, кала отдя пэстирэ Шавэс, кай тэ витинэл амэн (Иоанна 3:16).

12. Сости амэ можэм тэ сытювас кай о Иегова?

¹² Амэ полям. Сости амэ можэм тэ сытювас кай о Иегова? (Эфесянам 5:1, 2). Амэнди фартэ куч кажно амаро ԥрал или ԥэй, и амэ фартэ лошавас, кай кодэла, савэ варикала ашадэсас лэ Иеговас, ринпэ каринг лэстэ (Псалом 119:176). Амэ сыкавас, кай любисарас лэ ԥралэн и лэ ԥэян тоди, кала отдас пэстири время и о зор, кай тэ поможысарас лэнди (1 Иоанна 3:17). Кала сыкавас пэстири любовь аврэнди, кадя амэ ритярас лэ Христоско законо.

13. Саво законо дя о Иисусо пэстирэ учениконэнди, сар пистромэ андэ Иоанна 13:34, 35 и васо во ԥэндя по законо нэво?

¹³ Трито, о Иисусо приԥэндя пэстирэ учениконэнди, кай машкар лэндэ тэ авэл чачуни любовь. (Адиносар Иоанна 13:34, 35d.) Васо кадэва законо нэво? Андэ кадэва законо сас кода, со на сас андэ лэ Моисеёско законо. Када, кай тэ авэл каринг и ԥрала, савэнца ту патяс андэ ек Дэл, кацави жэ любовь, сави сыкадя амэнди о Иисусоe. Амэнди трэбуй тэ любисарас лэ ԥралэн и лэ ԥэян май фартэ, чем корко пэс, и тэ авас ӷотови тэ отдас ради лэндэ пэстири жызня. Именно кадя тердя о Иисусо.

14. Сар амэ ритярас о нэво законо?

¹⁴ Амэ полям. Амэ ритярас о нэво законо, кала бут пэр со жас ради ԥрала и ԥэя. Амэ ӷотови тэ отдас пала лэндэ най кати и жызня, но и тэ терас важ лэндэ варисави найбари дила. Например, када кала подындярас лэ ԥурэн ԥралэн и ԥэян каринг о зало, кай тидэнпэ лэ Иеговастирэ свидетеля, дажэ кала када амэнди най фартэ удобно, но всаек терас кадя, кай аврэнди тэ авэл драго. Кадяжэ лас отпуско, кай тэ поможысарас кодэлэнди, ко попэлинэ андо ураӷано, землетрясения или инке андэ варисави бида. Кадя амэ ритярас лэ Христоско законо и терас пэстиря ригатар вся, кай кажно андэ собрания тэ на дарал и по ди тэ авэл спокойно.

ЗАКОНО, САВО СЫТЯРЭЛ КАРИНГ И СПРАВЕДЛИВОСТЬ

15, 16. Со сыкавэл, кай о Иисусо сас справедливо? Росԥэнэн.

¹⁵ Сар пистромэ андэ Библия, тэ терэс справедливо, када тэ терэс кадя, сар правильно англа лэ Дэвлэстирэ яқа и тэ на гиндос пала авэр вэрыто. Васо можно тэ ԥэнэс, кай лэ Христоско законо сытярэл тэ авас справедливи?

¹⁶ Пэрво, лэ Иисусостири справедливость дицолас андэ лэстири дила. Андэ лэстири время и барэ мануша анда иудейско вера вэрыцынас кодэлэн, ко сас найевреёря. Кадяжэ вонэ вэрыцынас простонэ манушэн и на стонас патив пэ жувля. Но о Иисусо ни пала кастэ на гиндояс вэрыто и никас на вэрыцыяс. Во сас радо, кала и найевреёря лэнас тэ патян андэр лэстэ (Матфея 8:5—10, 13). Во росԥэнэнас и лащи весть всаворэнди, и лэ барвалэнди и лэ чорорэнди (Матфея 11:5; Луки 19:2, 9). Лэ жувлянца во никала на дэлас дума ӷрубо. Во дажэ терэлас лашимос кацавэ жувлянди, пала савэ авэр гиндонас, кай вонэ нисо на ашэн (Луки 7:37—39, 44—50).

17. Кала амэ можэм тэ терас сар о Иисусо?

¹⁷ Амэ полям. Амэ, кадяжэ сар и о Иисусо, на гиндосарас пала авэр вэрыто и росԥэнас важ о Дэл всаворэнди, ко камэл амэн тэ ашунэл. Амэ на шас сама, сави лэндэ вера и ашунглэ вонэ чи най. Сар и о Христос, и ԥрала стон патив пэ жувля. Кала амэ кадя терас, амэ сыкавас, кай ритярас лэ Христоско законо.

18. Сости сытярэлас о Иисусо пала справедливость?

¹⁸ Дуйто, вспомним, сости о Иисусо сытярэлас пала справедливость. Во росԥэнэнас пэстирэ учениконэнди пала принцыпоря, савэ поможынас тэ обжанпэ аврэнца справедливо. Подаса дума пала кода, со пистромэ андэ Матфея 7:12. Амэ всаворэ камас, кай амэнца тэ обжанпэ справедливо. Ай важ када амэнди екжэнэнди трэбуй аврэнца тэ обжаспэ кадяжэ. Через када и мануша моӷут тэ закамэн кадяжэ тэ обжанпэ драго и амэнца. Но со тэ терас, кала амэнца обжылэпэ найсправедливо? О Иисусо ԥэндя пэстирэ учениконэнди, кай вонэ тэ патян лэ Иеговасти. Во ԥэндя: «Хэба, о Дэл на стерэла, кай тэ авэл справедливость, важ кодэла, кас во витидя, и савэ ровэнпэ лэсти дес и рят?» (Луки 18:6, 7). Кадэла алава дэн амэнди зор. Амэ ӷанас, кай амаро справедливо Дэл ӷанэн, со амэнди прижалпэ тэ пэрэжувас андэ кадэла послидни деса, кала правий о Сатана. Инке ӷанас, кай андэ пэстири время о Иегова стерэла кадя, кай амэнца лэна тэ обжанпэ справедливо (2 Фессалоникийцам 1:6).

19. Со амэ полям?

¹⁹ Амэ полям. Кала амэ жувас па принцыпоря, савэнди сытярэлас о Иисусо, амэ ласа тэ обжаспэ аврэнца справедливо. И если андо миро, савэса правий о Сатана, амэнца обжылэпэ найсправедливо, амэнди авэла по ди драго кодэлэстар, кай андэ пэстири время о Иегова обязательно стерэла, кай тэ авэл справедливость.

САР ТРЭБУЙ ТЭ ОБЖАНПЭ АВРЭНЦА КОДЭЛА, КАСТЭ ИСИН ВЛАСТЬ?

20. Сар трэбуй тэ обжанпэ аврэнца кодэла, кастэ исин власть?

²⁰ Сар кодэла, ко ритярэн лэ Христоско законо и кастэ исин власть, трэбуй тэ обжанпэ аврэнца? Важ кода кай кадэва законо ритярдёл пэ любовь, вонэ трэбуй тэ стон патив пэ кодэла мануша, пала савэ вонэ заботинпэ и тэ обжанпэ лэнца драго. Важно тэ сэрас, кай тэ авас лэ Христостирэ ученикоря, трэбуй, кай и любовь вся и время тэ дицол пэ дила.

21. Сар о хулай можэт тэ сыкавэл, кай любий кадя жэ, сар о Христос, и сар о дад трэбуй тэ обжалпэ пэстирэ бэятонэнца?

²¹ Андо ери. О хулай трэбуй тэ любий пэстиря хулая, сар «о Христос любий и собрания» (Эфесянам 5:25, 28, 29). О хулай трэбуй тэ терэл сар о Христос и тэ любий пэстиря хулая кадя, кай пэ пэрво ҭан тэ стол най кода, со лэсти трэбуй, ай кода, андэр со вой нуждаеца. Дэсавэ муршэнди ԥарэс кадя тэ любин. Васо? Можэт андо ери кай лэско дад на обжанаспэ ек аврэса драго и справедливо. Важ када и лэсти ԥарэс тэ гиндой пала пэско ери кадя, сар о Христос. Но если во камэл тэ ритярэл лэ Христоско законо, во трэбуй тэ парудёл. Кала о хулай любий пэстиря хулая, сар о Иисусо любий и собрания, тоди и вой лэла тэ стол пэр лэстэ патив. О дад, саво па чачимастэ любий пэстирэ бэятонэн, никала на лэла тэ обжалпэ лэнца жэстоко чи тэ ԥэнэн найлашэ алава пэр лэндэ (Эфесянам 4:31). Во ла диласа и алавэнца сыкавэла, кай любий лэн. Кадяжэ во лэла тэ хвалий лэн и тэ жалуий, кай вонэ нисостар тэ на даран и лэндэ по ди тэ авэл спокойно. Тоди и бэятцэ лэна тэ любин лэс и тэ стон патив пэр лэстэ.

22. Кастирэ «и бакрорэ» андэ собрания, сар пистромэ андэ 1 Петра 5:1—3?

²² Андэ собрания. И старейшыноря трэбуй тэ сэрэн, кай «и бакрорэ» андэ собрания най лэндирэ, ай лэ Иеговастирэ (Иоанна 10:16; адиносар 1 Петра 5:1—3f). Кацавэ алава, сар «лэ Дэвлэско стадо» и «хабэ, саво... лэ Дэвлэско», дэн тэ сэрэн лэ старейшынонэнди, кай «и бакрорэ» лэ Иеговастирэ. И о Иегова камэл, кай лэ бакрорэнца тэ обжанпэ драго и тэ любин лэн (1 Фессалоникийцам 2:7, 8). О Иегова хвалий лэ старейшынонэн, савэ любин и драго диқэн пала лэстирэ бакрорэ. Кадяжэ кацавэ старейшынонэн любин и пэр лэндэ стон патив и ԥрала и ԥэя андэ собрания.

23. Со трэбуй тэ терэн и старейшыноря, кала варико анда собрания тердя баро бэзэх?

²³ Кала варико андэ собрания терэл баро бэзэх, тоди и старейшыноря розлэн кадэя дила. Со вонэ трэбуй тэ терэн? Кода, со терэнас и старейшыноря и сындомаря андо Израилё, на шолпэ кодэлэса, со терэн и старейшыноря адес. Па законо, саво о Дэл дя лэ Моисеёсти, и старейшыноря андо Израилё трэбуй сас тэ розлэнпэ най кати андэ кода, сар и мануша трэбуй тэ служын лэ Иеговасти. Вонэ кадяжэ трэбуй сас тэ розлэнпэ андэ биды, савэ терэнас о народо. Када, кала марэнаспэ, умарэнас варикас, терэнас авэр варисавэ биды или споринаспэ машкар пэстэ. Андэ амари время и старейшыноря, савэ ритярэн лэ Христоско законо, розлэнпэ кати андэ кода, кала и мануша андэ собрания терэн кадя, сар на чалёл лэ Иеговасти. Вонэ полэн, кай андэ авэр дилы о Дэл дя тэ розлэнпэ и власти андо ӷосударство, савэ моӷут тэ стон штрафоря чи тэ бэшарэн кодэлэн, ко терэл най па законо (Римлянам 13:1—4).

24. Пала со трэбуй тэ погиндон и старейшыноря?

²⁴ Сар и старейшыноря розлэн и дила, кала варико тердя баро бэзэх? Вонэ па Библия драго розлэн кода, со стердя о мануш и тоди витидэн, со тэ терэн. Вонэ сэрэн, кай лэ Христоско законо ритярдёл пэ любовь. Важ када вонэ гиндон, сар тэ поможын лэ христианонэнди, савэнца авэр обжылэпэ найдраго. Кадяжэ и любящи старейшыноря роздиқэн кацавэ вопросоря. Каийпэ кодэва, ко стердя бэзэх чи най, и можно тэ поможысарас кадэлэ манушэсти, кай лэстири дружба лэ Иеговаса упалэ тэ авэл лащи?

25. Пала со амэ подаса дума андэ авэр статья?

²⁵ Сар жэ амэ блаӷодарни, кай амэндэ исин лэ Христоско законо! Кала кажно старыийпэ лэс тэ ритярэл, тоди всаворэнди андэ собрания авэла драго. Лэндэ андо ди авэла, кай лэн любин и цэнин и кай нико на камэл тэ стерэл лэнди вэрыто. Но амэ жувас машкар миро, савэ холинатирэ и терэн вся «май найдраго и найдраго» (2 Тимофею 3:13). Важ када амэнди трэбуй тэ фэрисавас. Сар и христианоря андэ собрания моӷут тэ сыкавэн, кай полэн, со када справедливость па лэ Дэвлэско законо, кала варико терэл нахально билажавардимос лэ бэятонэнца? Пала када амэ подаса дума андэ авэр статья.