Акана авэн ӷотови каринг кода, кала лэна тэ ӷонин

1. Васо амэнди трэбуй тэ авас ӷотови, кала амэн лэна тэ ӷонин?

О ИИСУС Христос андэ рят англа пэстири смэрть ԥэндя акэ со андэ молитва лэ Иеговасти. Во ԥэндя, кай всаворэн, ко закамэна тэ ашэн лэстирэ ученикоря, лэна тэ вэрыцын (Иоанна 17:14). Жы кай амари время и мануша, савэ на тэлён лэ Иеговасти, лэна тэ ӷонин лэ чачунэ христианонэн (2 Тимофею 3:12). Со май набут ашэлпэ время ла люмати, савяса правий о Сатана, со май фартэ лэна тэ тасавэн пар мэндэ амарэ вороӷоря (Матфея 24:9).

2, 3. а) Со амэнди трэбуй тэ ӷанас пала дар? б) Пала со подаса дума андэ кадэя статья?

² Со тэ терас, кай тэ авас ӷотови, кала лэна тэ ӷонин? На трэбуй тэ гиндос пала вся кода, со можэт амэнца тэ авэл. Васо? Важ кода кай и дар и пэрэжывания можэт тэ одлэл о зор. Если амэ ласа тэ гиндосарас пала кода, со амэнца можэт терэлапэ, амэ можэм тэ парашас тэ служысарас лэ Иеговасти дажэ жы каринг кода, кала лэна тэ ӷонин (Притчи 12:25; 17:22). И дар, када лэ Сатанастири оружыя, савяса во жал пар мэндэ (1 Петра 5:8, 9). Сар тэ лас зор, кай тэ виритярас, кала амэн лэна тэ ӷонин?

³ Андэ кадэя статья подаса дума, со тэ терас, кай амари дружба лэ Иеговаса тэ авэл май састи и васо када трэбуй тэ терас акана. Амэ кадяжэ уӷанаса, со поможыя амэнди тэ авас инке май смили. Кадяжэ амэ подаса дума, сар тэ диқас пэ кода, кай амэн вэрыцын.

СО ТЭ ТЕРАС, КАЙ АМАРИ ДРУЖБА ЛЭ ИЕГОВАСА ТЭ АВЭЛ МАЙ САСТИ?

4. Андэр со трэбуй тэ патяс, сар пистромэ андэ Евреям 13: 5, 6 и васо?

⁴ Патян, о Иегова тумэн любий и никала на ашавэла. (Адиносар Евреям 13:5, 6b.) Бут бэрша палпалэ андэ «Сторожэво башня» сас пистромэ: «Кодэва, ко драго ӷанэн лэ Дэвлэс, андэ вся лэла лэсти тэ патял, дажэ кала авэла ԥаримос». Савэ жэ чачунэ кадэла алава! Со тэ терас, кай тэ виритярас, кала амэн лэна тэ ӷонин? Амэнди трэбуй тэ любисарас лэ Иеговас и андэ вся лэсти тэ патяс и тэ патяс, кай во амэн любий (Матфея 22:36—38; Иакова 5:11).

5. Со поможыя тэ полэс лэ Иеговастири любовь?

⁵ Кажно дес адинон и Библия, кай тэ авэн май пашэ каринг о Иегова (Иакова 4:8). Кала адинос и Библия шу сама, сар о Иегова любий и жалуий. Ай инке шу сама пэ кода, со о Дэл ԥэнэнас и терэлас, старысав тэ полэс, сар во любий и заботийпэ пала амэндэ (Исход 34:6). Дэкасти ԥарэс тэ патян, кай о Дэл лэн любий, важ кода кай лэн нико никала на любияс. Если тутэ сас кацаво, стер акэ со. Кажно дес запистросар, саво лашимос о Иегова стердя важ тут и сар во жалуий тут анда вся оди (Псалом 78:38, 39; Римлянам 8:32). Кала адинос анда Библия, саво лашимос о Иегова терэл, сыстосар каринг пэстэ, тоди ту диқэса, скати лашимос о Иегова терэл важ тутэ. И со май фартэ ту лэса тэ цэнис и дружба лэ Дэвлэса, со май састи вой тутэ авэла (Псалом 116:1, 2).

6. Васо, сар пистромэ андэ Псалом 94:17—19, важно анда вся оди тэ мангэнпэ?

⁶ Вся и время мангэнпэ. Погиндон, со кай о бэято андо ди, кала во пэ вас кай пэско дад. Лэсти кадя драго, кай во нисостар на дарал и пала вся, анда оди, росԥэнэн пэстирэ дадэсти. Камэн, кай тумэндэ тэ авэл кадяжэ лэ Иеговаса? Тоди кажно дес анда вся оди мангэнпэ лэсти. (Адиносар Псалом 94:17—19c.) Кала мангэнпэ «ясвэнца, росԥэнэн вся, со тумэндэ по ди» пала тумари дар и пала всаворэ пэрэжывании лэ небеснонэ Дадэсти, саво тумэн любий (Плач Иеремии 2:19). Тоди тумэндэ авэла, сар пистромэ андэ Библия «о Дэл дэла тумэнди миро андо ди, саво май баро чем всаворэ гиндоря» (Филиппийцам 4:6, 7). Со май часто тумэ лэна лэсти тэ росԥэнэн вся, со тумэндэ по ди, со май пашэ ашэна каринг о Иегова (Римлянам 8:38, 39).

7. Васо амэнди трэбуй фартэ тэ патяс андэ лэ Дэвлэстирэ обещянии, савэ авэна через о Царство?

⁷ Патян, кай о лашимос через лэ Дэвлэско Царство авэла (Числа 23:19). Если тумэ на допатян андо алав, саво о Дэл дя важ о лашимос, тоди лэ Сатанасти и лэстирэ помошниконэнди авэла май вушэро тэ пэрэдаравэн тумэн (Притчи 24:10; Евреям 2:15). Со тэ терэн, кай май фартэ тэ патян андэ лэ Дэвлэско Царство акана? Кала сытён па Библия, уӷанэн май бут пала лэ Дэвлэстирэ обещянии, и саво лашимос анэна лэско Царство. Инке трэбуй тэ полэн, васо тумэ патян, кай када авэла и сар кода, со тумэ уӷанэн поможыя тумэнди? Уӷанам пала ек ԥрал, савэс ақарэн Стэнли Джоунзо, саво бэшля семь бэрш андо баруно важ пэстири вераd. Со поможысардя лэсти тэ на ашавэл лэ Дэвлэс? Во росԥэнэнас: «Мэрни вера сас састи, важ кода кай мэ ӷанавас пала лэ Дэвлэско Царство и пала кода, со во стерэла. Мэ никала на парашавас тэ патяв андэ када. И важ када ман нико нэ моӷ тэ одмарэл лэ Иеговастар». Если тумэ фартэ патян андэ лэ Дэвлэстирэ обещянии, тумари дружба лэ Иеговаса авэла май састи, и тумэн никала на пэрэдаравэна (Притчи 3:25, 26).

8. Со можно тэ полас па кода, сар амэ ԥирас пэ собрании? Росԥэнэн.

⁸ На промэкэн и христиански собрании. И собрании поможын амэнди тэ авас май пашэ каринг о Иегова. Па кода, сар амэ ԥирас пэ собрании, дицол, вижала амэндэ тэ виритярас о ԥаримос, кала лэна тэ ӷонин чи най (Евреям 10:24, 25). Если амэ адес промэкас и собрании важ варисо со най фартэ важно, тоди, со авэла англэ? Ай со авэла, кала и власти на мэкэна амэн тэ стидаспэ амарэ ԥралэнца и ԥэянца, савэнца патяс андо ек Дэл? Если амэ полас, кай амэнди трэбуй тэ на промэкас и собрании ужэ акана, тоди, кай амарэ вороӷоря на вижала тэ тердярэн амэн, кай тэ на стидаспэ вмести. Адес кацави время, кай трэбуй май драго тэ сытювас тэ любисарас и христиански собрании. Если амэ лэн цэнисарас, тоди нисавэ вороӷоря и дажэ и власти, савэ запрещяют, на заставина амэн тэ кандас лэн, ай най лэ Дэвлэс: «Амэ трэбуй тэ кандас лэ Дэвлэс, сар правителёс, ай най лэ манушэн» (Деяния 5:29).

9. Васо, кала ӷанэс библейски стихоря, када драго поможыя, кала лэна тэ ӷонин?

⁹ Висытён анда Библия тумарэ любими стихоря (Матфея 13:52). Дажэ если тумэндэ и память найлащи, о Иегова пэстирэ свынтонэ духоса, поможыя лэн тэ вспомните (Иоанна 14:26). Ек ԥрал, саво бэшэлас андо баруно, андэ камера важ ек мануш, андэ Восточно Германия, во росԥэнэн: «Сар жэ драго, кай каринг кодэя время, мэ висытелэм май бут чем 200 стихоря анда Библия! И вся кодэя время мэ гиндосаравас пала разни библейски темы». Кода, кай о ԥрал гиндояс пала библейски стихоря, када поможысардя лэсти тэ фэрий и дружба лэ Иеговаса и тэ на ашавэл лэс.

10. Васо амэнди трэбуй тэ висытювас и диля?

¹⁰ Висытён и дилабэн и диля, савэ прославляют лэ Иеговас. Кала о Павло и о Сила попэлинэ андо баруно андо форо Филиппы, вонэ линэ тэ дилабэн лэ Дэвлэстирэ диля (Деяния 16:25). Ай со придя зор амарэ ԥралэнди и ԥэянди андо Советско Союзо, савэн отбишалдэсас по Сибирь? Ԥэй Мария Федунь, росԥэнэн, кай вонэ «дилабэнас всаворэ диля анда песеннико, савэ сэрэнас». Вой росԥэнэн, кай кодэла диля фартэ лэн подритярдэ и поможысардэ тэ фэрин и дружба лэ Иеговаса. Тумэндэ кадяжэ исин любими лэ Дэвлэстирэ диля, савэ придэн тумэнди зор. Васо бы лэн тэ на висытён, кай драго тэ ӷанэн? (Диқэн и рамка «Дэ манди зор тэ авав смило».)

СО ТЭ ТЕРАС, КАЙ ТЭ АВЭЛ МАЙ БУТ СМИЛОСТЬ?

11, 12. а) Васо о Давидо сас смило, сар пистромэ андэ 1 Самуила 17:37, 45—47? б) Сости амэ сытювас лэ Давидостар?

¹¹ Кала лэна тэ ӷонин, амэнди трэбуй смилость, би кадэлэско на обжасапэ. Но со тэ терас, если амэнди на хутилэл смилость? Сэрэн, кай и смилость най кодэлэстар, саво тумэндэ росто, со тумэ ӷанэн чи скати тумэндэ зор. Погиндон пала тэрно Давидо, саво вижыля тэ марэлпэ лэ Голиафоса. Паша кодэва филистимлянино о Давидо дицолас цынёнё, слабо и лэстэ на сас бари оружыя! Лэстэ дажэ на сас мечо. Но во всаек сас смило. О Давидо на дарайля и жыля тэ марэлпэ лэ Голиафоса, саво сас фартэ ӷордо.

¹² Васо о Давидо сас смило? Во фартэ патялас, кай лэса Иегова. (Адиносар 1 Самуила 17:37e, 45—47f.) О Давидо на гиндояс пала кода, саво дэ баро сас о Голиафо и пэ скати во май баро лэстар. Ай во гиндояс пала кода, саво цынёнё кадэва великано англа Иегова. Сости амэ сытювас анда када? Если амэ патяс, кай амэнца о Иегова, и во пэ бутэстэ май зорало лэ манушэндар, савэ жан против лэстэ, тоди амэ на дараса лэндар (2 Летопись 20:15; Псалом 16:8). Но сар тэ авас смили акана, кала инке на линэ тэ ӷонин?

13. Со поможыя амэнди тэ авас инке май смили? Росԥэнэн.

¹³ Кай тэ авэл май бут смилость, трэбуй тэ росԥэнас и лащи весть пала лэ Дэвлэско Царство. Васо? Кала амэ росԥэнас важ о Иегова, амэ сытювас тэ патяс лэсти и тэ на дарас лэ манушэндар (Притчи 29:25). Кала о мануш терэл зарядка, во ашэл май зорало. Точно кадяжэ, амэ аваса инке май смили, кала росԥэнас важ о Дэл па цэра чи котэ, кай и мануша терэн бути, чи аврэтэ, кай амэ сам, ай кадяжэ котэ, кай прожан бут мануша. Тоди амэ на парашаса тэ росԥэнас важ о Дэл, дажэ кала авэла запрето (1 Фессалоникийцам 2:1, 2).

14, 15. Сости амэ сытювас кай ԥэя Нэнси Юэн и Валентина Гарновско?

¹⁴ Амэн можэт тэ подритярэл кода, со сас амарэ дуе ԥэянца, савэндэ сас фартэ састи вера. Нэнси Юэн жувэлас андо Китаё. И хоть латэ сас о росто метр епашэса, вой всаек сас фартэ смилоg. Вой на парашэлас тэ росԥэнэн и лащи весть пала Царство. Важ када вой пробэшля андо баруно варикай 20 бэрш. Кодэла, ко ла допушэнас, ԥэнэнас, кай андэ вся страна на сас кацави, сар вой, сави састэс тердёлас пэ пэско.

¹⁵ И Валентина Гарновско триварэс бэшэлас андо баруно, кала сас Советско Союзо. Вой пробэшля андо баруно 21 бэршh. Андэр со ла дошалярэнас? Вой на камэлас тэ парашэл тэ росԥэнэн пала Дэл. Важ када о сындо присындосардя, кай вой «фартэ опасно приступнико». Со поможысардя кадэлэ ԥэянди, савэ на парашэнас тэ кандэн лэ Дэвлэс, тэ ашэнпэ смили? Вонэ фартэ патянас, кай лэнца о Иегова.

16. Со поможыя амэнди па чачимастэ тэ авас смили?

¹⁶ Амэ уӷанглям, кай амэнди на трэбуй тэ надеисавас пэ пэско зор и пэ кода, кай ӷанас бут со тэ терас. Трэбуй тэ патяс, кай о Иегова амэнца и марэлпэ важ амэндэ (Второзаконие 1:29, 30; Захария 4:6). Кала тераса кадя, тоди амэ аваса па чачимастэ смили.

ЕСЛИ АМЭН ВЭРЫЦЫН

17, 18. Состар амэн камэлас тэ фэрий о Иисусо, сар пистромэ андэ Иоанна 15:18—21? Росԥэнэн.

¹⁷ Кажно камэл, кай пэр лэстэ тэ стон патив. Но амэ на трэбуй тэ гиндосарас, кай амэ на ашас нисо, если о миро амэн на любий. О Иисусо ԥэндя: «Бахталэ тумэ, кала через о манушыкано Шаво и мануша тумэн вэрыцын, ӷонин, лажаварэн и найдраго дэн дума пала тумэндэ» (Луки 6:22). Со во камля тэ ԥэнэн?

¹⁸ О Иисусо на ԥэнэнас, кай лэ христианонэнди трэбуй тэ чалёл, кай лэн, тэ вэрыцын. Но андэ кодэя жэ время, во ԥэнэн сар исин. Амэ «най анда кадэва миро». Амэ жувас, кадя, сар во сытярэл и росԥэнас пала лэ Дэвлэско Царство. Амэ на удивисавас, кай о миро амэн вэрыцый. (Адиносар Иоанна 15:18—21i.) Само ӷлавно важ амэндэ, када тэ радосарас лэ Иеговас. Ай если манушэнди на чалёл, кай амэ любисарас амарэ небеснонэ Дадэс, на трэбуй када фартэ тэ прилас пашэ каринг оди.

19. Сости амэ можэм тэ сытювас кай и апостолоря?

¹⁹ Со бы тэ на дэн дума, и со бы тэ на терэн и мануша, никала на лажан, кай тумэ лэ Иеговастирэ свидетеля (Михея 4:5). Амэнди поможыя тэ на дарас лэндар, кала амэ ласа тэ гиндосарас, со терэнас и апостолоря андо Иерусалимо посли кода, сар и иудеёря умардэ лэ Иисусос. И апостолоря ӷанэнас, сар фартэ лэн вэрыцын и иудейски барэ мануша анда вера (Деяния 5:17, 18, 27, 28). Вонэ всаек кажно дес на парашэнас тэ ԥирэн андо храмо и росԥэнэнас и лащи весть пала Иисусо, и на даранас тэ ԥэнэн, кай вонэ лэстирэ ученикоря (Деяния 5:42). Вонэ на подэнаспэ ла дарати. Амэ кадяжэ можэм тэ биросарас и дар англа мануша, если смило ԥэнас кодэлэнди, каса терас бути, чи каса сытювас андэ ек класо чи лэ сосидонэнди, кай амэ лэ Иеговастирэ свидетеля (Деяния 4:29; Римлянам 1:16).

20. Со поможыяс лэ апостолонэнди тэ ашэнпэ лошалэ, дажэ кала лэн вэрыцынас?

²⁰ Хоть лэ апостолонэн вэрыцынас, вонэ всаек сас лошалэ. Вонэ ӷанэнас, васо лэнца кадя обжанаспэ, и абуронас кодэлэса, кай пэрэандярэн о ԥаримос важ кода, кай терэн лэ Иеговастири дила (Луки 6:23; Деяния 5:41). Прожыля время и о апостоло Пётро пистросардя: «Но сар тумэндэ и авэла ԥаримос, важ кода кай ритярэн лэ Дэвлэско законо, тумэ бахталэ» (1 Петра 2:19—21; 3:14). Амэн кадяжэ вэрыцын, важ кода кай амэ терас правильно. Кала амэ пала када сэрас, амэ никала на парашаса тэ служысарас лэ Иеговасти.

ТРЭБУЙ ТЭ АВАС ӶОТОВИ

21, 22. а) Со тумэ камэн тэ терэн, кай тэ авэн ӷотови, кала лэна тэ ӷонин? б) Пала со амэ подаса дума андэ авэр статья?

²¹ Амэ на ӷанас, кала и пар мэндэ дэна и лэна май фартэ тэ ӷонин важ и вера чи кала амэн совсем на мэкэна тэ тэлювас лэ Иеговасти. Но амэ ӷанас, кай трэбуй акана тэ ӷотовимся каринг када. Трэбуй тэ авэл лащи дружба лэ Иеговаса, тэ авас смили, и тэ ӷанас тэ ашаспэ лошалэ, дажэ кала амэн вэрыцын. Тоди амэ аваса ӷотови каринг кода, кала лэна тэ ӷонин.

²² Ай со если котэ, кай амэ жувас ужэ на мэкэн тэ служысарас лэ Иеговасти? Андэ авэр статья амэ подаса дума пала библейски принцыпоря, савэ поможына амэнди, сар тэ служысарас лэ Иеговасти, кала исин запрето.