О чачимос пала Дэл и пала Иисус Христос

Ко када о Дэл?

Сар ақарэн лэ Дэвлэс? Во екжэно дэл атвето пэ кадэва вопросо: «Мэ Иегова. Када мэрно алав» (Исаия 42:8). Пэ шыб, пэ сави спэрва пистронас и Библия, лэ Дэвлэско алав сас запистромэ варикай 7 000 раз. Но андэ бут библейски переводоря кадэва алав парудэ пэ титулоря, например по титуло «Ӷосподо». О Дэл камэл, кай ту тэ дружыс лэса и тэ ақарэс лэс па алавэстэ (Псалом 105:1).

Лэ Дэвлэстирэ титулоря. Андэ Библия исин кацавэ лэ Дэвлэстирэ титулоря, сар «Дэл», «Всемоӷущё», «Создателё», «Ӷосподо», «Дад» и «Владыка». Андэ Библия запистромэ бут молитвы, андэ савэ и мануша, кала дэнас дума лэ Дэвлэса, ақарэнас лэс па алавэстэ и стонас патив пэ лэско титуло (Даниил 9:4).

Саво о Дэл. О Дэл, када духо, саво на дицол. Лэстэ тила най сар кай и мануша (Иоанна 4:24). Андэ Библия ԥэнэнпэ, кай ни ек мануш никала на диқля лэ Дэвлэс (Иоанна 1:18). Но анда Библия можно бут со тэ уӷанэс пала кода, со лэстэ по ди. Кодэлэстар, сар и мануша пэс андярэн, лэ Дэвлэстэ по ди можэт тэ авэл или ԥарэс, или радосно (Псалом 78:40, 41; Притчи 27:11).

Райканэ лэ Дэвлэстирэ качестворя. О Дэл на шол сама, сави кай о мануш нацыя или катар во (Деяния 10:34, 35). Во кадяжэ «Дэл, саво жалуий анда вся оди и никала на ашавэл, кала ԥарэс. Во на грабийпэ тэ холявэл, терэл бут лашимос и чачимос» (Исход 34:6, 7). Но со май фартэ амэнди чалён лэстирэ штар качестворя.

Зор. О Иегова можэт вся. Лэстэ фартэ баро зор и во можэт тэ стерэл вся, пала со дя алав (Бытие 17:1).

Мудрость. Никастэ нинай кацави мудрость, сар кай о Дэл. Важ када андэ Библия ԥэнэнпэ, кай кати во мудро (Римлянам 16:27).

Справедливость. О Дэл вся и время андярэл пэс справедливо. Лэстири дила совершэно, ай и нэсправедливость лэсти гряца (Второзаконие 32:4).

Любовь. Андэ 1 Иоанна 4:8 ԥэнэнпэ: «О Дэл исин любовь». Во най кати сыкавэл, кай любий, во екжэно и любовь. Вся, со о Иегова терэл, во терэл анда любовь и кай амэ тэ авас бахталэ.

Сар о Дэл обжалпэ лэ манушэнца. О Дэл, када амаро любящё Дад по нэбо (Матфея 6:9). Кай тэ ашэс лэстирэ друӷоса, трэбуй тэ сытёс тэ патяс лэсти (Псалом 25:14). О Иегова камэл, кай ту тэ мангэспэ лэсти и тэ отдэс лэсти вся, пала со пэрэжываеш, важ кода кай во «диқэл и фэрий» тут (1 Петра 5:7; Иакова 4:8).

Васо о Дэл и о Иисус Христос када най ек?

О Иисусо най Дэл. Андэ Библия ԥэнэнпэ, кай о Иисусо лэ Дэвлэско Шаво. Кати лэс о Дэл создал екжэно (Иоанна 1:14). Потом о Иегова вмести лэ Иисусоса, «лашэ мастероса», создал вся, со исин (Притчи 8:30, 31; Колоссянам 1:15, 16).

О Иисусо никала на ԥэнэнас, кай во Дэл. Наоборот, во ԥэндя: «Мэ авелэм... [лэ Дэвлэстар]. Во бишалдя ман» (Иоанна 7:29). Еқвар, кала о Иисусо дэлас дума важ о Иегова, во ԥэндя: «Мэ жав каринг мэрно Дад и тумаро Дад и каринг мэрно Дэл и тумаро Дэл» (Иоанна 20:17). Посли кода, сар о Иисусо муля, о Иегова рисардя лэс каринг и жызня по нэбо и дя лэсти бари власть. Кадя о Иисусо бэшля па право вас лэ Дэвлэстар (Матфея 28:18; Деяния 2:32, 33).

О Иисус Христос поможый лэ манушэнди тэ ашэн май пашэ каринг о Дэл

О Иисусо авеля пэ ԥув, кай тэ росԥэнэн лэ мирости важ пэско Дад. О Иегова екжэно када сыкадя, кала ԥэндя: «Када мэрно любимо Шаво. Ашунэн лэс» (Марка 9:7). О Иисусо ӷанэн лэ Дэвлэс май драго, чем варико авэр, важ када во ԥэндя: «Нико на ӷанэн лэ Дадэс, кати о Шаво и кодэла, касти о Шаво камэл тэ росԥэнэн важ лэстэ» (Луки 10:22).

О Иисусо точно сыкавэл лэ Дэвлэстирэ качестворя. О Иисусо андэ вся терэлас кадя жэ, сар и лэско Дад, важ када во моӷ тэ ԥэнэн: «Ко диқля ман, диқля и мэрнэ Дадэс» (Иоанна 14:9). Пэстирэ алавэнца и диласа о Иисусо сыкавэлас лэ Дадэстири любовь, и кадэлэстар и мануша камэнас тэ ашэн май пашэ каринг о Дэл. О Иисусо ԥэндя: «Мэ, дром, чачимос и жызня. Нико на авэл каринг о Дад па аврятэ, сар кати через мандэ» (Иоанна 14:6). Инке во ԥэнэнас: «И мануша, савэ па чачимастэ тэлён лэ Дэвлэсти, лэна тэ тэлён лэ Дадэсти андо духо и чачимос, важ кода кай о Дад родэл пэсти именно кацавэ манушэн» (Иоанна 4:23). Кати погиндосар, о Иегова родэл кацавэ манушэн, сар ту, кодэлэн, ко камэл тэ уӷанэн пала лэстэ чачимос!