Саво авэла лашимос, кай правия лэ Дэвлэско Царство?

СО УЖЭ СТЕРДЯ ЛЭ ДЭВЛЭСКО ЦАРСТВО?

Андэ статья, сави сас май англал, амэ дям дума пала кода, со о Иисусо ԥэндя, кай трэбуй тэ авэл. Кода, кай лэстирэ алава исполняюца, драго доԥэнэн, кай о Царство, андэ саво ӷлавно о Христос, ужэ тердёл по нэбо.

Андэ Библия ԥэнэнпэ, кай, кала лэ Иисусости динэ власть, во сшутя па нэбо лэ Сатанас и лэстирэ найлашэ анӷелонэн. Андэ амари время вонэ моӷут варисо тэ терэн кати пэ ԥув, и када ек анда причины, васо анда 1914 бэрш и жызня пэ ԥув ашэл кати май вэрыто (Откровение 12:7, 9).

Хоть пэ ԥув ашэл май бут найлашимос, о Иисусо, сар Царё андэ лэ Дэвлэско Царство, всаек поможый лэ манушэнди. Через и лащи новость анда Библия, пала сави во дэлас дума, бут мануша сытён тэ жувэн па библейски принцыпоря (Исаия 2:2—4). Милионоря мануша линэ май драго тэ полэн ек еқэс андо ери и сытелэ тэ отдэн и время пэ бути и по отдыхо най май бут, чем када трэбуй. Кода, со вонэ уӷанэн анда Библия, поможый лэнди ужэ акана, ай кадяжэ поможый тэ авэн ӷотови, кай тэ жувэн, кала правия лэ Дэвлэско Царство.

СО ИНКЕ КАМЭЛ ТЭ СТЕРЭЛ ЛЭ ДЭВЛЭСКО ЦАРСТВО?

Хоть о Иисусо ужэ царё по нэбо, пэ ԥув всаек инке исин манушыканэ правительства. Када сжалпэ кодэлэса, со о Дэл ԥэндя лэ Иисусости: «Прависар машкар тирэ враӷоря» (Псалом 110:2). Йто о Иисусо умарэла всаворэн, ко жал против лэстэ, и улэла о ԥаримос и биды кодэлэндар, ко камэл тэ кандэл лэ Дэвлэс.

Акэ со йто стерэла лэ Дэвлэско Царство.

• Улэла и хохавни религия. Андэ Библия пэ хохавни религия ԥэнэнпэ роспутно манушни. Будэр на авэна и религии, савэ сытярэн лэ хохаимасти пала Дэл и терэн лэ манушэндири жызня май ԥари. Кала ла уничтожат, бут мануша удивинапэ (Откровение 17:15, 16).

• Улэла лэ манушэндири правления. Через лэ Дэвлэско Царство кай и мануша будэр на авэла власть пэ авэр мануша (Откровение 19:15, 17, 18).

• Улэла лэ найлашэ манушэн. Со авэла кодэлэнца, ко на парашэл тэ терэл о найлашимос и отԥэндёл тэ кандэл лэ Дэвлэс? Кацавэ мануша «будэр на авэна пэ ԥув» (Притчи 2:22).

• Умарэла лэ Сатанас и лэ найлашэ анӷелонэн. Кай о Сатана и лэстирэ анӷелоря будэр на вижала тэ дилярэн лэ мирос (Откровение 20:3, 10).

Ай саво лашимос анэна лэ Дэвлэско Царство кодэлэнди, ко лэла тэ жувэл, кала во правия пэр лэндэ?

СО АВЭЛА КОДЭЛЭСТАР, КАЙ ПРАВИЯ ЛЭ ДЭВЛЭСКО ЦАРСТВО?

Сар царё андэ лэ Дэвлэско Царство о Иисусо стерэла кода, со нэ можэт тэ стерэл ни ек правителё пэ ԥув. О Иисусо, ай кадяжэ 144 000 кодэлэн, кас о Дэл витидя анда мануша тэ правин вмести лэса, стерэна кода, со камэл о Дэл важ и ԥув (Откровение 5:9, 10; 14:1, 3). Со о Царство стерэла важ кодэла, ко лэла тэ жувэл пэ ԥув?

• Улэла о насвалимос и смэрть. «Нико анда мануша на ԥэнэна: „Мэ насвало“» и «и смэрть будэр на авэла» (Исаия 33:24; Откровение 21:4).

• Стерэла кадя, кай па чачимастэ тэ авэл мирно и безопасно жызня. «Тирэ шавэндэ авэла бут лашимос и мирно жызня», и «кажно андар лэндэ, бэшэла тала пэстири винаӷрадно витка и тала пэско инжыро и нико на даравэла лэн» (Исаия 54:13; Михей 4:4).

• Дэла всаворэнди интересно и лащи дила. «Кодэла, кас мэ [о Дэл] витидэм, авэна лошалэ кодэлэстар, со терэна пэстирэ вастэнца» и «на лэна тэ терэн бути евья» (Исаия 65:22, 23).

• Стерэла и природа вужи. «И пустыня и шуки ԥув авэна тэ радуинпэ, и ԥув би паестири авэла тэ асал и тэ цветий, сар о шафрано» (Исаия 35:1).

• Сытярэла лэ манушэн, со трэбуй тэ терэн, кай тэ жувэн вечно. «Кай тэ авэл вечно жызня, трэбуй тэ уӷанэн тут, еқэ чачунэ Дэвлэс, и лэ Иисусос Христос, савэс ту бишалдян» (Иоанна 17:3).

О Дэл камэл, кай ту тэ радуиспэ кацавя жызняти (Исаия 48:18). Уӷан, со важ када трэбуй тэ терэс ужэ акана.