«Вспоминайте жену Лота»

Васо лэ Лотостири хулаи диқля палпалэ, кала вой лэ хуласа и пэстирэ щеянца нашэлас анда Содомо? Андэ Библия пала када нисо на ԥэнэнпэ (Бытие 19:17, 26). Па лэ Иисусостирэ алава дицол, кай лати сас, файма, жалко тэ ашавэл вся о хабэ (Луки 17:31, 32). Сар амэнди тэ на попэрас андэ кацави бида и тэ на парашас тэ авас куч англа Дэл? На домэкэн, кай о барвалимос тэ авэл ӷлавно андэ тумари жызня (Матфея 6:33). О Иисусо ԥэндя: «Тумэ нэ можэте тэ авэн рабонэнца и лэ Дэвлэсти и лэ Барвалимасти» (Матфея 6:24). Но сар через кода, кай бут гиндосарас пала бар валимос, амэ май набут ласа тэ терас лэ Дэвлэстири дила? Трэбуй тэ мангас лэ Иеговас тэ поможый, кай тэ полас, андэр со тэ парудювас, тэ мангаспэ, кай тэ авас смили андэ кода, кай тэ терас кадя, пала со манглямпэ.

ДЭ ОТВЕТОРЯ ПЭ КАДЭЛА ВОПРОСОРЯ КАРИНГ О КИНО, АНДЭ САВО ТРИН СЕРИИ «ВСПОМИНАЙТЕ ЖЕНУ ЛОТА»

• 

  Сар кода, кай и Глория камэлас тэ затерэл май бут ловэ, парудя латирэ гиндоря, латири дума и латири дила?

• Васо трэбуй тэ гиндосарас пала кода, со тердяпэ лэ Лотостиря хулаяса?

• Андэр со о Джо и лэско ери паруделэ, кай линэ тэ жувэн кадя, сар ԥэнэнпэ андэ Библия?

• Сар и Анна парашэля тэ терэл лэ Дэвлэстири дила через кода, кай вой ля май бут время тэ проандярэл кодэлэнца, ко терэлас ласа бути?

• Васо трэбуй тэ на подаспэ, кала амэнди ԥэнэн, кай и ловэ само ӷлавно андэ жызня?

• Со стердя о Брайано и Глория, кай тэ диқэн, со лэндэ пэ пэрво ҭан андэ жызня и сар лэ Дэвлэстири дила упалэ ашэля лэндэ пэ пэрво ҭан?

• Савэ алава, пэ савэ ритярдёлпэ лэ Дэвлэско законо, савэ пистромэ андэ Библия, дя тути тэ сэрэс кадэва кино?