Сытювас май драго тэ служысарас. Шу сама, со трэбуй лэ манушэнди

ВАСО КАДА ТРЭБУЙ И памазаникоря и авэр бакрорэ ԥэнэн лэ манушэнди: «Лэн „о паи, саво дэл и жызня“!» (Откровение 22:17). «О паи, саво дэл и жызня», када вся кода, со дэл о Иегова, кай и мануша, савэ лэс кандэн, тэ освободинпэ лэ бэзэхэстар и ла смэртятар. Амэ камас тэ поможысарас лэ манушэнди анда разни народоря и веры. Важ када, кала амэ росԥэнас и «лащи весть», амэнди трэбуй тэ шас сама, со трэбуй кажнонэ манушэсти (Откровение 14:6).

САР КАДА ТЭ СТЕРЭС

• Витидэ и темы и библейски стихоря, пэ савэ шона сама и мануша котэ, кай ту жувэс. Ту можэш тэ дэс дума па плано каринг и думы или па кода, со тути ужэ драго поможысардя тэ задэс дума андэ служэния. Савэ темы и стихоря чалён лэ манушэнди? Пала савэ новости и мануша дэн дума? Пала со можно тэ подэс дума лэ муршэнца, ай пала со лэ жувлянца?

• На бистэр пала кода, сар котэ, кай ту жувэс доровкыинпэ и дэн дума (2 Коринфянам 6:3, 4).

• Уӷан май драго и литература и видео анда амарэ инструменторя важ и служэния, кай тэ дэс лэн варикасти, кала када трэбуй авэла.

• Скачай и литература и видео важ и мануша, савэ дэн дума пэ авэр шыба котэ, кай ту жувэс.

• Пэрэжа пэ авэр дума, кала диқэс, кай лэ манушэсти интересно авэр (1 Коринфянам 9:19—23). Например, сар ту дэса дума, кала уӷанэса, кай лэ манушэстэ найдэлмут варико муля анда чаче?

ДИК ВИДЕО И ДЭ АТВЕТОРЯ ПЭ КАДЭЛА ВОПРОСОРЯ.

• Пэ сави тема о ԥрал задя дума лэ манушэса?

• Со стердяпэ андэ жызня кай кодэва мануш?

• Саво анда библейски стихоря катэ поджыля май драго и васо?

• Сар ту парувэс пэстири преподнесения, кай када тэ авэл интересно кодэлэсти, каса ту дэс дума?