ХРИСТИАНСКО ДРОМ
Андэ служэния росԥэн пала кода, со адес терэлпэ
Андэ служэния о Иисусо шолас сама пэ кода, со терэласпэ круӷом, кай тэ сытярэл лэ манушэн кодэлэсти, со важно (Лк 13:1—5). Ту кадяжэ можэш тэ дэс дума пала кода, со терэлпэ, кай лэ манушэндэ тэ авэл интересо каринг и новость пала Царство. Можэш тэ подэс дума, например, пала барэ цэмина, природно бида, граждански беспорядкоря, наркомания или инке пала варисави проблема. Тоди задэ кацаво вопросо, через саво о мануш лэла тэ загиндойпэ. Можно тэ пушэс: «Сар ту гиндос, авэла варикала конец...» или «Сави ту диқэс ришэния...» Посли када заадиносар библейско стихо, саво сжалпэ ла темаса, сави ту витидян. Если лэ манушэсти интересно, сыкав видео или предложы лэсти публикацыя анда амарэ инструменторя важ и служэния. Амари цэль — кай и весть тэ лэл лэ одестар лэ манушэн, савэ жувэн андэ амари територия. Важ када терам вся, со па амаро зор, «важ и лащи весть»! (1Кр 9:22, 23).
Савэ темы авэна интересни лэ манушэнди котэ, кай ту жувэс?