Сар тэ поможысарас, если тердяпэ природно бида

И природни биды терэнпэ май часто и май часто. Если терэлпэ бида, важно, кай драго тэ авэл арӷанизовано и помощь. Важ када о Руководящё совето ришыл, кай андэ кажно филиало трэбуй тэ авэл отдело, саво поможый андэ фартэ ԥарэ ситуацыи.

Кала и ԥрала анда кадэва отдело уӷанэн, кай тердяпэ природно бида, вонэ сразу жэ созвонинпэ лэ барэдэрэ ԥралэнца, кай тэ уӷанэн, со трэбуй лэ вазвещятелёнэнди. Если и катутнэ вазвещятеля нэ моӷут екжэнэ тэ улэн и последствии, савэ исин посли природно бида, о филиало стол ԥралэн, савэ лэна тэ диқэн пала кода, кай тэ дэн помощь. Кадэла ԥрала моӷут тэ ԥэнэн, кай трэбуй тэ поможын и добровольцоря или кай трэбуй хамос и варисо авэр. Кадяжэ вонэ моӷут котэ по ҭан тэ тинэн кода, со трэбуй, и тэ роздэн када кодэлэнди, касти трэбуй.

Важ када и ԥрала и ԥэя на трэбуй корко пэстар варисо тэ терэн. Кала дас помощь арӷанизовано, амэ на терас ек дила дувар, нинай путаница и на тратисарас евья и ловэ и авэр анда кода, со трэбуй.

И ԥрала, савэн стодя о филиало, моӷут тэ ришын, скати трэбуй добровольцоря и скати трэбуй ловэ, кай тэ ремонтируют кода, со римосайля через и природно бида. Вонэ моӷут тэ уӷанэн и тэ пообщяюца катутнэ манушэнца анда власти, кай вонэ тэ подэн дума каса трэбуй, кай амэндэ тэ вижал тэ поможысарас кодэлэнди, ко попэля андэ природно бида. Важ када на трэбуй тэ ԥэнас аврэнди, кай тэ стидэн ловэ, тэ бишалас ӷуманитарно помощь и тэ ладас кордэ, кай тердяпэ бида, если амэн пала када на манглэ.

И всаек, кала терэлпэ бида, амэ камас тэ поможысарас, важ кода кай амэ любисарас амарэ ԥралэн и ԥэян! (Евр 13:16). Со амэ можэм тэ стерас? Само ӷлавно — када тэ мангаспэ пала кодэла, ко попэля андэ бида, и пала кодэла, ко дэл помощь. Кадяжэ амэ можэм тэ терас пожэртвовании пэ всемирно дила. И филиалоря, пала савэ диқэл о Руководящё совето, ӷанэн, сар май фэдэр тэ тратин кадэла ловэ. Ай если амэ екжэнэ камас тэ дас помощь, можэм тэ пистросарас «Заявление на служение добровольцем в программе местного проектно-строительного отдела» (DC-50).

ДИК ВИДЕО «РАЗРУШЫТЕЛЬНИ НАВАДНЕНИИ АНДЭ БРАЗИЛИЯ» И ДЭ АТВЕТО ПЭ КАДЭВА ВОПРОСО:

Со тут май фартэ ля лэ одестар анда кода, сар лэ Иеговастирэ свидетеля дэнас помощь, кала тердяпэ и наваднения андо 2020 бэрш андэ Бразилия?