Поможын аврэнди тэ виритярэн и ԥари время

1. Через кастэ о Иегова атвечает пэ молитвы?

ӶАНЭС, кай о Иегова через тутэ можэт тэ дэл атвето пэ варикастири молитва? Во можэт тэ стерэл када через любо ԥрал или ԥэй. Нэважно, сави амэндэ назначения: о барэдэр ԥрал, помошнико андэ собрания, пианеро или вазвещятелё. Кадяжэ нэважно, саво кай о мануш возрасто, мурш када чи жувли. Кала кодэва, ко любий лэ Иеговас, мангэл лэстар помощь, во можэт тэ поможый через и барэдэр ԥрала андэ собрания или ԥрала и ԥэя. Патя: во можэт тэ стерэл када и через тутэ (Кол. 4:11). Сави жэ када дэ бари радость тэ служысарас лэ Иеговасти и амарэ ԥралэнди и ԥэянди! Особено када поджал андэ амари время, кала жал и эпидемия, бида андэ природа или кала преследуют.

ПОМОЖЫН АВРЭНДИ, КАЛА ЭПИДЕМИЯ

2. Васо тэ поможысарас аврэнди найвушэро, кала жал и эпидемия?

² Через кода, кай жал и эпидемия, амэнди найвушэро тэ поможысарас ек еқэсти. Например, амэ нэ можэм тэ диқаспэ лэ друӷонэнца, када можэт тэ авэл опасно важ о зор. Или амэ камас тэ ақарэс лэ ԥралэс или ла ԥья, савэндэ проблемы лэ ловэнца, амэндэ по обедо, но и када нэвозможно через о насвалимос. Ай можэт, амэ камас тэ поможысарас варикасти, но нэ можэм, важ кода кай андо ери варико занасвайля. О Иегова фартэ радуийпэ, кала диқэл, кай амэ пэстиря ригатар терас вся, кай тэ поможысарас лэ ԥралэнди и лэ ԥэянди (Прит. 3:27; 19:17). Ай сар амэ можэм тэ поможысарас?

3. Сости амэ сытювас кай и барэдэр ԥрала анда собрания кай и Дейзи? (Иеремия 23:4).

³ Со моӷут тэ стерэн и барэдэр ԥрала? Барэдэр ԥрала, драго уӷанэн пэстирэ бакрорэн. (Проадинон Иеремия 23:4.) И ԥэй Дейзиb, пала сави амэ дям дума андэ кодэя статья, росԥэнэн: «И барэдэр ԥрала анда мэрни ӷрупа важ и служэния най еқвар проповедовали манца и аврэнца и проандярэнас амэнца и время». И через када лэ барэдэрэ ԥралэнди сас май вушэро тэ поможын кадэла ԥьяти, кала жалас и пандэмия COVID-19 и тэ подритярэн ла, кала вой хасардя варикас анда чаче.

4. Васо и барэдэр ԥрала смоӷли тэ поможын ла ԥьяти и сости анда када моӷут тэ сытён всаворэ барэдэр ԥрала?

⁴ И Дейзи росԥэнэн: «И барэдэр ԥрала ужэ сас мэрнэ друӷоря. Важ када манди сас вушэро тэ росԥэнав лэнди, со мандэ сас по ди и пала со пэрэжываю». Сости и барэдэр ԥрала моӷут тэ сытён анда када? Авэн лашэ пастухоря инке англа кода, сар тэ авэл и бида. Авэн лашэ друӷоря важ и ԥрала и ԥэя. Если через и эпидемия тумэ нэ можэте тэ диқэнпэ лэнца, родэн авэр возможность. И Дейзи ԥэнэн: «Сас кацаво, кай андо дес манди пистрояс или звонияс най ек барэдэр ԥрал. Вонэ бишалэнас манди библейски стихоря, савэ ман лэнас лэ одестар, хоть мэ лэн и драго ӷанавас».

5. Сар и барэдэр ԥрала моӷут тэ уӷанэн, сави трэбуй помощь лэ ԥралэнди и лэ ԥэянди, и сар вонэ моӷут тэ поможын?

⁵ Сар тэ уӷанас, сави трэбуй помощь лэ ԥралэнди и лэ ԥэянди? Амэ можэм лэндар ковлэс тэ пушас (Прит. 20:5). Со лэнди трэбуй? Хутилэл лэнди хамос, драба, ӥда? Исин лэндэ кацавэ проблемы, через савэ вонэ моӷут тэ хасарэн и бути и дажэ о цэр? Трэбуй лэнди помощь, кай тэ получин и пособии, савэ дэл о ӷосударство? И ԥрала и ԥэя подритярдэ ла Дейзя лэ ловэнца. Но особено лати чалеля, кай и барэдэр ԥрала поможысардэ, кай лати тэ авэл май вушэро по ди и кай и дружба лэ Иеговаса тэ авэл май састи. И Дейзи вспоминает: «И барэдэр ԥрала мангэнаспэ манца. Хоть мэ на сэрав, савэ алава вонэ ԥэнэнас, мэ драго сэрав, со мандэ сас по ди. Кабута о Иегова ԥэнэнас манди: „Ту най екжэни“» (Ис. 41:10, 13).

6. Со моӷут тэ терэн и ԥрала и ԥэя андэ собрания? (Диқэн и картинка.)

⁶ Со моӷут тэ стерэн авэр? Канешно, амэ ӷанас, кай и барэдэр ԥрала вся и время авэна тэ поможын лэ ԥралэнди и лэ ԥэянди. Но о Иегова аштярэл, кай кажно авэла тэ подритярэл аврэн (Гал. 6:10). Дажэ если амэ терас набут важ кодэва, ко занасвайля, када можэт лэс фартэ тэ подритярэл. О бэято можэт тэ подарий пэско рисунко или открытка. Ай кодэва, ко май взросло, можэт тэ поможый па цэр или тэ жал андо магазино. Кадяжэ можно тэ гитон тэ хан и тэ анэн кодэлэсти, ко занасвайля. Но трэбуй кати тэ авэн осторожни, кай екжэнэ тэ на занасвавэн. Канешно, кала и люма ԥабол лэ насвалимастар, кажно андэ собрания нуждаеца, кай лэс тэ подритярэн. Моӷли бы тумэ тэ ашэнпэ посли собрания, кай тэ подэн дума лэ ԥралэнца и лэ ԥэянца лично или па видеосвязь? Ай хэба и барэдэр ԥрала нэ нуждаюца, кай лэн тэ подритярэн? Канешно! Дэсавэ бишалэн открытки, андэ савэ ԥэнэн, кай вонэ лэнди блаӷодарни, важ кода кай через и эпидемия, лэ барэдэрэ ԥралэндэ ашэл май бут дила. Сар дэ драго, кай амэ пэстиря ригатар можэм варисо тэ стерас, кай тэ подритярас и тэ придас зор ек еқэсти! (1 Фес. 5:11).

ПОМОЖЫН КОДЭЛЭНДИ, КАСТЭ ТЕРДЯПЭ ПРИРОДНО БИДА

7. Сар через и природно бида кай о мануш можэт тэ парудёл и жызня?

⁷ И природно бида можэт фартэ нэожыдано тэ парувэл лэ манушэстири жызня. И мануша хасарэн пэско мищимос, цэра и дажэ пэстирэ чачен. Кацави бида на обжал амарэ ԥралэн и ԥэян. Сар лэнди тэ поможысарас?

8. Со трэбуй тэ терэн и барэдэр ԥрала и хула́я андэ еря инке англа кода, сар тэ авэл и природно бида?

⁸ Со моӷут тэ стерэн и барэдэр ԥрала? Барэдэр ԥрала, май данглал поможын лэ ԥралэнди и лэ ԥэянди тэ подӷотовяца каринг кода, со можэт тэ терэлпэ. Уӷанэн, всаворэ андэ собрания полэн, сар тэ фэрин пэс и сар созвониться лэ барэдэрэ ԥралэнца? И Маргрет, пала сави ԥэнэнаспэ андэ кодэя статья, ԥэнэн: «И барэдэр ԥрала росԥэндэ амэнди, кай о сезоно, кала жан и пожароря, инке нэ закончился. Если и власти ԥэнэна, кай трэбуй тэ ужастар, када сыкавэл, кай исин опасность важ и жызня. Амэ трэбуй ӥто тэ уладастар. Када сас вовремя, важ кода кай через полтора месяца тердяпэ баро пожаро». Пэ семейно изучения и хула́я андэ еря трэбуй тэ подэн дума, со можэт тэ терэл кажно анда ери, кала кацаво терэлпэ. Если тумэ и тумарэ бэяцэ авэна подӷотовлени, тоди тумэнди авэла май вушэро тэ андярэн пэс спокойно кала авэл и природно бида.

9. Сар и барэдэр ԥрала дэн помощь англа кода, сар тэ терэлпэ и природно бида и посли латэ?

⁹ Кучутно ԥрал, если ту отвецтвено андэ ӷрупа важ и служэния, май данглал уӷан кай и ԥрала и ԥэя лэнго номеро и о адресо, проверь правильно во чи най. Вся када трэбуй тэ стерэс жы каринг кода, сар тэ терэлпэ варисави природно бида. Стер о списко и дэкала продик, со андэр лэстэ трэбуй тэ парувэс. Када поможыя тэ созвониспэ лэ ԥралэса или ла ԥьяса и тэ уӷанэс, сави лэнди трэбуй помощь. Кала ту када уӷанглян, росԥэн лэ барэдэрэ ԥралэсти, саво координаторо андо совето старейшын, ай во росԥэнэна пала када лэ раёнонэ барэдэрэ ԥралэсти. Амэндэ вижала бут со тэ стерас, кала терас вмести. Посли пожаро о раёно барэдэр ԥрал, саво служыяс котэ, кай жувэл и Маргрет, на отжалас лэ телефоностар 36 часов. Во сас пэ связь лэ катутнэ барэдэрэ ԥралэнца. Вмести вонэ динэ помощь лэ ԥралэнди и лэ ԥэянди, савэнди прижыляпэ тэ мэкэн пэстирэ цэра. Лэн сас варикай 450 человек (2 Кор. 11:27). Блаӷодаря кадэлэсти вонэ роспределили, ко кай пожувэла.

10. Васо важ и барэдэр ԥрала тэ подритярэн — када фартэ важно дила? (Иоанна 21:15).

¹⁰ Кай и барэдэр ԥрала андэ собрания исин обязаность тэ заботинпэ, кай лэ ԥралэнди и лэ ԥэянди тэ авэл драго по ди и лэндири дружба лэ Иеговаса тэ авэл састи (1 Пет. 5:2). И барэдэр ԥрала трэбуй тэ уӷанэн, кай лэ ԥралэнца и лэ ԥэянца вся драго, мишто, и лэндэ исин хамос, ӥда и ка́й тэ притулин о шэро. Но дажэ если прожала бут время, кадэлэ ԥралэнди и ԥэянди трэбуй тэ поможын, кай лэндэ тэ авэл састи вера и драго по ди. (Проадинон Иоанна 21:15.) О ԥрал Харолдо, саво служый андо камитето филиала, общялся бутэ христианонэнца, савэ пэрэжудэ природно бида. Акэ пэр со во шутя сама: «Трэбуй время, кай о мануш тэ авэл каринг пэстэ. Дажэ если кай и ԥрала и ԥэя андэ жызня ужэ вся драго, через кода, кай вонэ вспоминают, со сас, лэнди ашэл ԥарэс по ди. Важ кода кай варико хасардя пэстирэ чаче манушэс, мищимос, саво сас куч лэстирэ одести, или екжэно ели вижудя. Кадэла ԥарэ воспоминании одлэн о зор. Но када на сыкавэл, кай лэстэ нинай вера андо Дэл. Када нормально реакцыя, важ кода кай лэ манушэстэ тердяпэ бида».

11. Сави помощь трэбуй лэ еренди бут время?

¹¹ И барэдэр ԥрала ровэн кодэлэнца, ко ровэл (Рим. 12:15). Кодэлэнди, ко пэрэжудя и природно бида, трэбуй тэ поможын тэ полэн, кай о Иегова и ԥрала и ԥэя лэн любин. И барэдэр ԥрала лэна тэ поможын лэ еренди, кай вонэ тэ на парашэн тэ мангэнпэ, тэ изучают и Библия, тэ ԥирэн пэ собрании и тэ проповедуют. Инке вонэ лэна тэ дэн зор лэ родителёнэнди, кай вонэ тэ поможын пэстирэ бэятонэнди, кай лэнго ди тэ авэл приԥангло каринг кода, со на хасардёлапэ андэ природно бида. Родителя, ԥэнэн пэстирэ бэятонэнди, кай о Иегова всегда авэла лэнго друӷо, со бы тэ на терэлпэ. И инке важно лэнди тэ объяснин, кай па вся и ԥув лэндэ исин ԥрала и ԥэя, савэ авэна ӷотови анда вся оди лэнди тэ поможын (1 Пет. 2:17).

12. Сар авэр моӷут тэ поможын, кала терэлпэ природно бида? (Диқэн и картинка.)

¹² Со моӷут тэ стерэн авэр? Если и природно бида тердяпэ варикай пашэ, пушэн кай и барэдэр ԥрала, андэр со тумэ можэте тэ поможын. Можэт, тумэндэ исин возможность тэ прилэн каринг пэстэ кодэлэн, ко пострадал андэ кадэя бида или лэ манушэн, савэ сар добровольцоря авелэ тэ ваздэн и цэра? Или тэ анэн лэнди о хамос и кода, со нэобходимо? Если бида тердяпэ варикай дур, тумэ всаек можэте варисоса тэ поможын. Со имено тумэ можэте тэ стерэн важ лэндэ? Мангэнпэ пала ԥрала и ԥэя (2 Кор. 1:8—11). Кадяжэ тумэ можэте тэ шон и ловэ пэ амари всемирно дила (2 Кор. 8:2—5). Если тумэ ӷотови тэ ладэн интя, кай тердяпэ и природно бида, ԥэнэн пала када лэ барэдэрэ ԥралэнди. Кала тумэн ақарэна, тумэ прожана дэсави обучения, кай тэ поможын котэ, кай када трэбуй.

ПОМОЖЫН ЛЭ ԤРАЛЭНДИ, КАЛА ЛЭН ПРЕСЛЕДУЮТ

13. Саво ԥаримос исин кай и ԥрала андэ страны, кай исин запрето?

¹³ Через и преследовании амари жызня можэт тэ авэл инке май ԥари. Андэ страны, кай тердёл запрето пэ амари дила, кай и ԥрала и ԥэя, сар и всаворэндэ, исин проблемы лэ ловэнца, вонэ насвавэн и хасарэн варикас анда чаче. Но через о запрето и барэдэр ԥрала нэ моӷут спокойно тэ авэн лэндэ. Кадяжэ сас и лэ Андреёса, пала саво амэ ужэ дям дума. Кай и ԥэй андэ лэстири ӷрупа важ и служэния сас барэ трудности лэ ловэнца. Тай инке вой попэля андэ авария. Лати прижыляпэ тэ терэн дуй операцыи, и через када вой ужэ нэ моӷла тэ терэл и бути. Хоть сас о запрето и пандэмия, и ԥрала терэнас вся, кай лати тэ поможын. И пэ вся када о Иегова шолас сама.

14. Саво примеро подэн и барэдэр ԥрала?

¹⁴ Со моӷут тэ стерэн и барэдэр ԥрала? О Андреё мангэласпэ и старыияспэ тэ терэл вся, со па лэско зор. Сар атветил о Иегова? Во побудисардя, кай авэр ԥрала тэ поможын кадэла ԥьяти. Варико андярдя ла андэ больница, ай авэр динэ лати ловэ. О Иегова побудисардя, кай вонэ тэ стерэн важ латэ вся, со па лэнго зор, ай остально стердя вся екжэно (Евр. 13:16). Барэдэр ԥрала, если тумэ служын андэ страна, кай исин запрето, на старыинпэ тэ терэн и дила екжэнэ. Дэн возможность ла тэ терэн и аврэнди (Иер. 36:5, 6). Ай само ӷлавно, доверяйте лэ Иеговасти. Во поможыя тумэнди тэ заботинпэ пала ԥрала и ԥэя.

15. Со тэ терас, кай тэ авас инке май пашэ ек еқэстэ, кала исин преследовании?

¹⁵ Со моӷут тэ стерэн авэр? Кала авэла запрето, амэнди возможно прижалапэ тэ стидаспэ найбарэ ӷрупэнца. Андэ кацави ситуацыя фартэ важно, тэ терэн вся, кай тэ авэл ладо аврэнца. На бистрэн, кай тумаро вороӷо — о Сатана, ай най и ԥрала и ԥэя. На шон сама пэ ошыбки, савэ терэн авэр. Ай если тумэ надополинэ ек еқэс, терэн вся, кай сразу тэ помиринпэ (Прит. 19:11; Эф. 4:26). На аштярэн, кала тумэндар мангэна помощь. Екжэнэ гиндон, касти, сар тэ поможын (Титу 3:14). Кода, со авэр стердэ важ и ԥэй, сави попэля андэ авария, поможысардя, кай всаворэ ԥрала и ԥэя андэ латири ӷрупа тэ авэн инке май пашэ ек еқэстэ. Вонэ ашэлэ сар чачуно ери (Пс. 133:1).

16. Сар амэ можэм тэ поможысарас лэ ԥралэнди и лэ ԥэянди, савэн преследуют? (Колоссянам 4:3, 18).

¹⁶ Фартэ бут ԥрала и ԥэя служын лэ Иеговасти, хоть и власти стодэ дэсавэ оӷраничении. Дэсавэ андар лэндэ дажэ бэшэн андо баруно важ и вера. Амэ можэм тэ мангаспэ пала лэндэ и пала лэнго ери. Кадяжэ важно тэ мангаспэ пала кодэла, ко смило подритярэл лэн, хоть лэн екжэнэн моӷут тэ бэшарэн пала када. Вонэ поможын кацавэ ԥралэнди и ԥэянди, кай лэндэ тэ авэл састи дружба лэ Иеговаса и вся, со трэбуй важ и жызня, ай кадяжэ зашонпэ пала лэндэ андо сындоc. (Проадинон Колоссянам 4:3, 18.) Никала на бистэр, саво дэ баро зор можэт тэ дэл тири молитва! (2 Фес. 3:1, 2; 1 Тим. 2:1, 2).

17. Сар тумэ можэте тэ подӷотовитесь каринг и преследовании ужэ акана?

¹⁷ Тумэ ужэ акана можэте пэстирэ ереса тэ ӷотовитесь каринг и преследовании (Деян. 14:22). На гиндон фартэ бут пала кода, со можэт тэ авэл май англэ, кай тумэн тэ на шол андэ дар через када. Терэн вся, кай тумари дружба лэ Иеговаса тэ авэл инке май лащи и кай о Дэл тэ ашэл друӷо важ тумарэ бэяцэ. Кала тумэ фартэ пэрэжываете, «росԥэнэн [лэ Иеговасти] вся, со тумэндэ по ди» (Пс. 62:7, 8). Подэн дума лэ ереса, васо тумэ можэте тэ доверяете лэ Иеговастиd. Кадя жэ сар тумэ поможын лэ бэятонэнди тэ авэн ӷотови каринг и природно бида, терэн вся, кай вонэ тэ авэн ӷотови каринг и преследовании. Вонэ ашэна смили и спокойни, если тумэ сытярэна лэн андэ вся тэ доверяют лэ Иеговасти.

18. Сави жызня амэндэ авэла май англэ?

¹⁸ Спокойство андо ди, саво дэл о Иегова, фэрий амэн (Флп. 4:6, 7). Блаӷодаря кадэлэсти амэндэ по ди мирно, кала исин эпидемия, тердяпэ бида андэ природа или амэн преследуют. О Иегова заботийпэ пала амэндэ через амарэ барэдэр ԥрала. Кадяжэ амэ екжэнэ можэм тэ подритярас ек еқэс. О миро андо ди, саво лэ Дэвлэстар, поможый амэнди тэ авас ӷотови каринг о ԥаримос, саво авэла май англэ, и дажэ каринг и «бари бида» (Матф. 24:21). Андэ кодэя ԥари время амэнди авэла трэбуй тэ авас спокойни, ай кадяжэ тэ поможысарас аврэнди тэ на пэрэжывают. Ай потом блаӷодаря лэ Иеговасти амэндэ ужэ никала на лэла тэ ԥабол оди через и пэрэжывании. Амэндэ авэла «мирно жызня, сави на прожала» — кода, со загиндосардя важ амэндэ о Иегова (Ис. 26:3, 4).