Тумэндэ можэт тэ авэл спокойство по ди андэ ԥари время

1. Со када спокойство андо ди, саво дэл о Иегова, и васо во амэнди трэбуй? (Филиппийцам 4:6, 7).

АМЭНДЭ исин кода, пала со на ӷанэн и мануша андэ кадэя люма. Амаро Дэл терэл кадя, кай амэндэ по ди тэ авэл мирно. Кадэва спокойство андо ди, саво дэл о Иегова, исин амэндэ блаӷодаря кодэлэсти, кай амэндэ лащи дружба лэса. Кала амэндэ исин спокойство, амэ нисостар на дарас. (Проадинон Филиппийцам 4:6, 7.) Кадяжэ амэндэ исин лашэ друӷоря, савэ любин лэ Иеговас. Амэ бахталэ кодэлэстар, кай амэндэ лащи дружба лэ Дэвлэса, саво терэл кадя, кай тэ авэл мирно (1 Фес. 5:23). Если амэ ӷанас лэ Иеговас, доверяем лэсти и кандас лэс, тоди, сави бы ԥари ситуацыя тэ на авэл, амэндэ авэла спокойство андо ди, саво дэл о Иегова.

2. Васо амэ уверени, кай амэндэ можэт тэ авэл спокойство андо ди, саво дэл о Иегова?

² Андэ жызня можэт тэ авэл бут ԥаримос. Например, эпидемия, природно бида, беспорядкоря андэ страна, ай кадяжэ преследовании. Хэба возможно, кай андэ кацавэ ситуацыи по ди тэ авэл миро лэ Дэвлэстар? Через кадэла биды амэндэ можэт тэ авэл бари дар, но о Иисусо всаек ԥэндя пэстирэ учениконэнди: «Мэк тумарэ одя на даран и на стасадён ла даратар» (Иоан. 14:27). Драго, кай амарэ ԥрала и ԥэя прилэн кадэва лэ Иисусоско совето. О Иегова терэл кадя, кай лэндэ тэ авэл спокойство по ди, дажэ андо баро ԥаримос.

СПОКОЙСТВО ПО ДИ, КАЛА ЭПИДЕМИЯ

3. Сар через и эпидемия амэ можэм тэ хасарас о спокойство по ди?

³ И эпидемия фартэ парувэл лэ манушэстири жызня. Подам дума пала COVID-19. Анда ек иследования дицэля: май бут, чем епаш мануша хасардэ пэско суимос через кадэя пандэмия. Дэко андар лэндэ линэ фартэ тэ пэрэжывают, тэ матён, тэ прилэн драба. Варикастэ появисайля депресия. Ай дэсавэ дажэ закамлэ пэс тэ умарэн. Если котэ, кай тумэ жувэн, появисайля эпидемия, со тумэ можэте тэ стерэн, кай тэ на пэрэжываете и тумэндэ тэ авэл спокойство лэ Дэвлэстар?

4. Васо лэ Иисусоско пророчество пала послидни деса, дэл амэнди спокойство по ди?

⁴ О Иисусо ԥэндя, кай андэ послидни деса авэна эпидемии (Луки 21:11). Блаӷодаря кодэлэсти, кай амэ када ӷанас, амэндэ исин спокойство по ди. Васо? Важ кода кай амэ диқас, сар исполнинпэ лэстирэ алава. Амэ на удивисавас, кай вся и время появинпэ нэвэ эпидемии. Важ када амэ приашундювас каринг лэ Иисусоско совето, саво во ԥэндя лэ манушэнди андэ послидни деса: «На даран» (Матф. 24:6).

5. а) Пала со амэ трэбуй тэ мангаспэ, кала исин эпидемия, сар ԥэнэнпэ андэ Филиппийцам 4:8, 9? б) Сар еқа ԥьяти придя зор аудио, сар адинон и Библия, и сости амэ сытювас анда када?

⁵ Кала жал и пандэмия, амэндэ моӷут тэ авэн пэрэжывании и дажэ паника. Кацаво сас андэ жызня кай и ԥэй Дейзиb. Через о ковидо латэ муля о како, упэрвых ԥрал и о врачо, саво ла личияс. И важ када вой ля фартэ тэ пэрэжывает, кай тожэ можэт тэ занасвавэл и тэ заразий пэстиря да, сави андэ бэршэндэ. Вой даралас, кай хасарэла и бути и нэ сможэт тэ затерэл важ пэстэ и тэ потинэл пала цэр. Через кода кай вой постояно гиндояс пала када, латэ на сас суимос. Но латэ вижыля тэ стерэл кадя, кай по ди упалэ тэ авэл миро. Со лати поможысардя? Вой мангэласпэ, кай о Иегова тэ поможый лати тэ на пэрэжывает и тэ диқэл пэ вся лащя ригатар. (Проадинон Филиппийцам 4:8, 9.) Кала вой ашунэлас аудио, сар о ԥрал адиной и Библия, ласа, ԥэнэса, дэлас дума о Иегова. Вой росԥэнэн: «Кала мэ ашунавас спокойно лэ ԥралэско ӷолосо, манди ашэлас драго по ди, и мэ вспоминала, кай о Иегова ман фартэ любий» (Пс. 94:19).

6. Сар тути можэт тэ придэл зор лично изучения и собрании?

⁶ Если исин эпидемия, амари жызня можэт фартэ тэ парудёл. Но на домэк, кай через када ту тэ парашэс тэ проандярэс лично изучения и тэ ԥирэс пэ собрании. Пэ амаро сайто ту можэш тэ проадинос или тэ диқэс видео пала ԥрала и ԥэя, савэ ашэнпэ предани лэ Иеговасти, хоть лэндэ исин кацавэ жэ трудности (1 Пет. 5:9). Ай пэ собрании ту ашунэса гиндоря анда Библия, савэ придэна тути зор. Инке, кала ту авэс пэ собрании, ту можэш тэ подритярэс аврэ ԥралэн и ԥэян (Рим. 1:11, 12). Гиндосар, сар о Иегова подритярэлас пэстирэ служытелёнэн, кала вонэ насвавэнас, даранас или кала лэнди здэласпэ, кай вонэ екжэнэ. Блаӷодаря кадэлэсти тири вера ашэла май састи и ту лэса инке май фартэ тэ патяс, кай кадяжэ о Иегова позаботияпэ и пала тутэ.

7. Сости амэ можэм тэ сытювас кай о апостало Иоано?

⁷ Виарақэн возможности тэ общяетесь лэ ԥралэнца и лэ ԥэянца. Через и пандэмия амэнди, возможно, прижалапэ тэ на пашувас ек еқэстэ, дажэ кала амэ находисавас машкар ԥрала и ԥэя. Андэ кадэя время амэндэ по ди можэт тэ авэл кадя жэ, сар кай о апостало Иоано. Во фартэ камэлас лично тэ диқэлпэ пэстирэ друӷоса, савэс ақарэнас Гаё (3 Иоан. 13, 14). Но о Иоано полэлас, кай када нэвозможно, и важ када пистросардя лэсти письмо. Если ту полэс, кай нэ можэш лично тэ авэс лэ ԥралэндэ и лэ ԥэяндэ, позвонисар лэнди или бишал сообщения. Кала амэ общяемся лэнца, амэндэ по ди ашэл спокойно и амэ полас, кай амэ най екжэнэ. Если ту фартэ пэрэжываеш, подэ дума лэ барэдэрэ ԥралэнца андэ собрания и на отԥэндюв, кала вонэ камэн тути тэ поможын (Ис. 32:1, 2).

СПОКОЙСТВО ПО ДИ, КАЛА ТЕРЭЛПЭ ПРИРОДНО БИДА

8. Сар через и природно бида амэ можэм тэ хасарас о спокойство по ди?

⁸ Если амэ пэрэжудям наводнения, землетрясения или пожаро, амэндэ инке долӷо можэт тэ авэл и дар. Ай если андэ кадэя бида амэ хасардям варикас анда чаче или пэско мищимос, по ди можэт тэ авэл фартэ ԥарэс. Амэ можэм тэ умэкас и вас или дажэ тэ холявас. И када на сыкавэл, кай амэ гиндосарас кати пала мищимос или амэндэ слабо вера. Кала терэлпэ бида, дэсавэ мануша моӷут тэ ԥэнэн кода, со на камлэ. И амэ када полас (Иов 1:11). Но всаек, дажэ если андэ жызня сас ԥаримос, тумэндэ можэт тэ авэл спокойство по ди. Сар?

9. Сар лэ Иисусостирэ алава поможын амэнди подӷотовица каринг и биды?

⁹ И мануша андэ кадэя люма гиндон, кай всаворэ биды обжана лэн ригатар. Но амэ сэрас лэ Иисусоско пророчество и полас, кай варисави бида можэт тэ стерэлпэ котэ, кай амэ жувас (Луки 21:11). О Иисусо ԥэндя пэстирэ учениконэнди, кай англа кода, сар тэ пашол и время кадэла люмати, авэна фартэ барэ землетрясении и авэр биды. Инке во ԥэндя, кай андэ люма ашэла май бут найлашымос, и амэ диқас, кай кадэва пророчество тожэ адес исполнийпэ (Матф. 24:12). Но о Иисусо никала на ԥэнэнас, кай о ԥаримос авэла кати кодэлэ манушэндэ, кастар одбанделя о Иегова. Па чачимастэ, бут верни лэ Иеговастирэ служытеля тожэ попэрэн андэ бида (Ис. 57:1; 2 Кор. 11:25). Можэт, о Иегова и на стерэла чуда, кай тэ фэрий амэн ла бидатар, но во обязательно дэла амэнди зор, кай амэ вся тэ виритярас и стерэла кадя, кай по ди тэ авэл спокойство.

10. Васо можно тэ ԥэнас, кай если амэ ӷотовимся каринг и бида, кадя амэ сыкавас пэстири вера? (Притчи 22:3).

¹⁰ Если амэ заранее подӷотовимся каринг и природно бида, амэнди авэла май вушэро тэ ашаспэ спокойни. Но если амэ ласа каринг када тэ ӷотовимся, на сыкавэла када, кай амэ нэ доверяем лэ Иеговасти? Най. Када сыкавэл, кай амэндэ исин вера, кай о Дэл позаботияпэ пала амэндэ. Васо амэ можэм кадя тэ ԥэнас? Важ кода, кай андэ Библия дэлпэ совето, кай если амэ ӷанас, кай можэт тэ авэл бида, трэбуй тэ авас ӷотови каринг када. (Проадинон Притчи 22:3.) Лэ Иеговастири арӷанизацыя часто ԥэнэн амэнди через статьи, собрании и объявлении тэ авас ӷотови каринг и природно бидаc. Если амэ доверяем лэ Иеговасти, тоди амэ приласа кадэва совето ужэ акана, пока инке на тердяпэ нисави бида.

11. Сости амэ сытювас кай и Маргрет?

¹¹ Подам дума пала ԥэй Маргрет. Котэ, кай вой жувэл, заԥабелэ и вэша. Через када и власти ԥэндэ, кай всаворэ мануша тэ уладэнтар анда форо. Всаворэ линэ тэ уладэнтар андэ ек время, и важ када по дром сас бари пробка. Везде сас кало дымо. И Маргрет нэ моӷла тэ уладэл, важ кода кай англа латэ тердёнас фартэ бут машыны. Андэ сумка латэ сас карта, и важ када вой моӷла тэ виарақэл авэр дром, сар тэ уладэл. И ԥэй погиндосардя, кай кацаво можэт тэ авэл котэ, кай вой жувэл, и май англал розуӷангля, каринг андярэл кодэва дром. Кода, кай вой подӷотовилась, спасысардя лати и жызня.

12. Васо амэ кандас, кала и власти и барэдэр ԥрала дэн указании?

¹² Дэкала и власти моӷут тэ мангэн амэн тэ на вижас анда цэр андэ варисави время, тэ уладастар анда форо или инке варисо тэ стерас, кай тэ фэрисавас. Но дэсавэ мануша на грабин тэ кандэн, важ кода кай на камэн тэ ашавэн пэско мищимос. Ай сар андярэн пэс и христианоря? Андэ Библия ԥэнэнпэ: «Важ о Ӷосподо кандэн всаворэн, кастэ исин власть: лэ царёс, важ кода кай во баро мануш, ай кадяжэ кодэлэн, ко лэсти поможын, кас о царё стодя» (1 Пет. 2:13, 14). Лэ Иеговастири арӷанизацыя тожэ дэл амэнди указании, кай тэ фэрий амари жызня. Амэнди вся и время ԥэнэн, кай лэ барэдэрэ ԥралэндэ трэбуй тэ авэл амаро номеро. Если варисо терэлапэ котэ, кай амэ жувас, вонэ смоӷут тэ позвонин амэнди. Ай тиро номеро ӷанэн и барэдэр ԥрала? Кадяжэ амэнди моӷут тэ ԥэнэн тэ на вижас анда цэр или наоборот, тэ уладастар анда форо. Инке амэнди моӷут тэ дэн инфармацыя, кай тэ получисарас и помощь, ай кадяжэ, сар и кала тэ поможысарас аврэнди. Если амэ на ласа тэ кандас, амэ дажэ можэм тэ хасарас пэстири жызня. Или и барэдэр ԥрала через амэндэ моӷут тэ пострадают. На бистрэн: кадэла верни ԥрала заботинпэ пала амари жызня (Евр. 13:17). Акэ со ԥэнэн и Маргрет: «Кала и арӷанизацыя и барэдэр ԥрала динэ манди указании, мэ канглэм. Мэ уверено, кати блаӷодаря кадэлэсти мэ жунди».

13. Васо бутэ ԥралэндэ и ԥэяндэ, савэ ашадэ пэско цэр, исин радость и спокойство по ди?

¹³ Бутэ ԥралэнди и ԥэянди прижыляпэ тэ ашавэн пэско цэр через и природно бида, война или беспорядкоря андэ страна. Вонэ присытелэ тэ жувэн по нэво ҭан и линэ май бут тэ служын лэ Иеговасти. Кадэла ԥрала и ԥэя терэн кадя жэ, сар и христианоря андо пэрво вико. Кала лэн преследовали, лэнди прижыляпэ тэ нашэн андэ разни ҭана, но вонэ на парашэлэ тэ росԥэнэн и лащи новость (Деян. 8:4). Кала амэ служысарас лэ Иеговасти, амэ гиндосарас пала лэ Дэвлэско Царство, ай най пала пэстирэ проблемы. Важ када кацавэ ԥралэндэ и ԥэяндэ исин радость и спокойство по ди.

СПОКОЙСТВО ПО ДИ, КАЛА АМЭН ПРЕСЛЕДУЮТ

14. Сар через и преследовании амэндэ по ди можэт тэ ашэл нэспокойно?

¹⁴ Амэнди чалёл тэ диқаспэ амарэ ԥралэнца и ԥэянца, тэ росԥэнас пала Иегова, спокойно тэ жувас и тэ на дарас, кай амэн моӷут тэ залэн и рая. Но кала исин преследовании, амэндэ моӷут тэ на авэн кацавэ возможности, и важ када по ди ашэла нэспокойно. Амэ можэм фартэ тэ пэрэжываем или тэ дарас кодэлэстар, со можэт тэ авэл. И када нормально. Но всаек трэбуй тэ авас осторожни. О Иисусо ԥэндя, кай через и преследовании дэсавэ моӷут тэ парашэн тэ патян (Иоан. 16:1, 2). Но со тэ терас, кай по ди тэ авэл спокойство, дажэ кала амэн преследуют?

15. Васо амэнди на трэбуй тэ дарас, кай амэн лэна преследовать? (Иоанна 15:20; 16:33).

¹⁵ В Андэ Библия ԥэнэнпэ: «Всаворэн, ко камэл тэ кандэл лэ Дэвлэс через о Иисус Христос, лэна тэ ӷонин» (2 Тим. 3:12). Андэ страна, кай жувэлас амаро ԥрал Андреё, стодэ запрето пэ лэ Иеговастирэ свидетеля. Лэсти на патяласпэ андэ када, и во гиндояс: «Амэндэ андэ страна фартэ бут свидетеля. Всаворэн на пэрэбэшарэна». Но во вся и время гиндояс пала када, и лэстэ по ди сас нэспокойно. Ай авэр ԥрала вся отдинэ андэ лэ Дэвлэстирэ вас. Вонэ сас ӷотови, кай лэн моӷут тэ бэшарэн, и най кадя фартэ пэрэжывали, сар о Андреё. Важ када амаро ԥрал ришыл тэ терэл кадя, сар вонэ. Во тожэ вся отдя андэ лэ Дэвлэстирэ вас. Хоть и ситуацыя андэ страна на паруделя, во ля май набут тэ пэрэжывает, лэстэ андо ди ашэля спокойно и радосно. Када райкано примеро и важ амэндэ. Сэрэн: о Иисусо най кати ԥэндя, кай амэн лэна тэ преследуют, кадяжэ во сыкадя, кай амэндэ вижала тэ ашаспэ верни лэ Иеговасти. (Проадинон Иоанна 15:20; 16:33.)

16. Савэ указании трэбуй тэ прилас, кала амэн преследуют?

¹⁶ Кала пэ амари дила стон запрето или дэсавэ оӷраничении, и барэдэр ԥрала или о филиало моӷут тэ дэн амэнди указании. Вонэ терэн када, кай амэн тэ фэрин и кай амэндэ всегда тэ авэл вся важ и лащи дружба лэ Иеговаса. Ай инке, кай амэ тэ на парашас тэ проповедуем, пэ скати када возможно. Дажэ если ту на полэс, васо дэн кадэла указании, старысав кадэлэсти тэ приритярдёс (Иак. 3:17). Никала на росԥэн пала амарэ ԥрала и ԥэя или пала амари дила кодэлэнди, ко на трэбуй пала када тэ ӷанэн (Эккл. 3:7).

17. Со амэ камас тэ терас, кадя жэ, сар и апосталоря?

¹⁷ Амэ ӷанас, васо о Сатана тасавэл пэ лэ Дэвлэско народо, важ кода кай вонэ «росԥэнэн пала Иисусо» (Отк. 12:17). О Сатана всаворэ ригэндар старыийпэ тэ пэрэдаравэл амэн. На ласа тэ подаспэ кадэлэсти! Если амэ на парашас тэ проповедуем и тэ сытярас лэ манушэн, дажэ кала исин запрето, када анэн радость и спокойство по ди (Деян. 5:27—29, 41, 42). Кацаво жэ сас и андо пэрво вико. И власти ԥэндэ лэ апосталонэнди тэ на росԥэнэн пала пэстири вера. Но вонэ витидэ важ пэстэ тэ кандэн лэ Дэвлэс и на парашэлэ тэ проповедуют. Важ када и служэния анэнас лэнди бари радость. Канешно, если андэ страна, кай амэ жувас, исин запрето пэ амари дила, амэ трэбуй тэ авас осторожни андэ служэния (Матф. 10:16). Давайте тэ пристас вся пэско зор, кай тэ на парашас тэ росԥэнас пала Иегова. Тоди амэндэ по ди авэла спокойство, и амэ ласа тэ лошавас. Важ кода кай ӷанас: о Иегова амэнца абурой, и амэ росԥэнас и новость, сави спасый лэ манушэнди и жызня.

«О ДЭЛ, САВО ДЭЛ СПОКОЙСТВО АНДО ДИ, АВЭЛА ТУМЭНЦА»

18. Саво важно гиндо амэнди трэбуй тэ на бистрас?

¹⁸ Ԥрала и ԥэя, мангас тумэн, на бистрэн: дажэ андо баро ԥаримос, тумэндэ по ди всаек можэт тэ авэл спокойно. Андэ кацави время важно тэ сэрас, кай амэнди трэбуй спокойство лэ Дэвлэстар, ай лэс можэт тэ дэл кати о Иегова. Важ када надеинпэ по Дэл, кала жал и эпидемия, терэлпэ природно бида или кала тумэн преследуют. На дурён лэ Дэвлэстар и лэстиря арӷанизацыятар. Прецтавляйте пэсти, сави дэ райкани жызня аштярэл амэн англэ, и тоди «о Дэл, саво дэл спокойство андо ди, авэла тумэнца» (Флп. 4:9). Андэ авэр статья амэ подаса дума, сар амэ можэм тэ поможысарас лэ ԥралэнди и лэ ԥэянди, савэндэ тердяпэ варисави бида, кай лэндэ тэ авэл спокойство андо ди, саво дэл о Иегова.