СТАТЬЯ, КАЙ ТЭ СЫТЮВАС 26
«Ринпэ каринг мандэ»
«Ринпэ каринг мандэ, и мэ рисавава каринг тумэндэ» (МАЛАХИЯ 3:7).
ДИЛИ 102 «На ашавэн лэн»
ПАЛА СО УӶАНАСА АНДА СТАТЬЯ?a
1. Со по ди кай о Иегова, кала каринг лэстэ рийпэ лэско служытелё?
САР сас ԥэндо андэ статья, сави сас май англал, о Иегова сыстой пэс лэ пастухоса, саво драго анда оди заботийпэ пала кажно пэско бакроро. Если ек андар лэндэ хасардёла, во лэла лэс тэ родэл. О Иегова ԥэндя лэ израильтянонэнди, савэ дурелэ лэстар: «Ринпэ каринг мандэ, и мэ рисавава каринг тумэндэ». Амэ ӷанас, кай о Иегова идоси кадяжэ диқэл пала пэстирэ служытеля, важ кода кай во екжэно ԥэндя: «Мэ на парудював» (Малахия 3:6, 7). О Иисусо ԥэндя, кай о Иегова пэстирэ анӷелонэнца лошавэл, кала каринг лэстэ рийпэ хоть ек лэско служытелё (Луки 15:10, 32).
2. Пала со амэ подаса дума андэ кадэя статья?
2 Давай диқаса трин лэ Иисусостирэ притчи, савэ поможын тэ полас, сави помощь трэбуй тэ дас кодэлэнди, ко дуреля лэ Иеговастар. Амэ погиндосараса, савэ качестворя амэнди трэбуй, кай тэ дас помощь лэ Дэвлэстирэ бакрорэнди, савэ хасарделэ, тэ ринпэ каринг о Дэл. Ай кадяжэ амэ диқаса, васо трэбуй тэ стас зор, кай тэ подритярас лэ ԥралэн и лэ ԥэян, савэ отжылэ лэ Дэвлэстар.
РОДЭН И МОНЕТА, САВИ ХАСАРДЕЛЯ
3, 4. Васо и жувли, пала сави дэлпэ дума андэ Луки 15:8—10, кадя драго родэлас и монетка, сави хасардя?
3 Амэнди трэбуй тэ стас зор, кай тэ родас кодэлэн, ко камэл тэ рийпэ каринг о Иегова. Андэ Евангелия лэ Лукастар запистромэ лэ Иисусостири притча пала жувли, сави хасардя кучутни монета. Пэ кадэя монета ԥэнэн драхма. Кадэя притча шол сама пэ кода, сар трэбуй тэ родас. (Адиносар Луки 15:8—10b.)
4 О Иисусо росԥэнэн, со сас по ди кай и жувли, сави виарақля и драхма. Кадэя монетка сас лати фартэ куч. Андэ лэ Иисусостири время дэсавэ дэя, савэ жувэнас андо Израилё, дэнас при́дано пэстирэ щеянди по ябьяв дэш кацавэ монеты. И ек монета, сави вой хасардя, файма, сас анда кодэва подарко. И жувли гиндояс, кай вой пэля по поло. Вой дэл яг и лампа и роздиқэл вся круӷом, но нисо нащи виарақэл. Файма, о свето, саво ла лампатар, на хутилэл, кай тэ додиқэл и цынёни рупуни монетка. Важ када вой драго вишулавэл вся о цэр. И акэ, андо прахо вой диқэл, сар блестий и монетка. Сави вой дэ лошали! Вой ақарэл пэстирэ подружкэн и лэ сосидкэн, кай тэ росԥэнэн лэнди пэ скати вой дэ лошали.
5. Васо дэкала ԥарэс тэ виарақас лэ ԥралэн и лэ ԥэян, савэ ашэлэ неактивни?
5 Сар дицол андэ лэ Иисусостири притча, кай тэ виарақас кода, со хасарделяпэ, трэбуй тэ стас зор. Кадя жэ и амэнди, файма, прижалапэ тэ пристас бут зор, кай тэ виарақас лэ ԥралэн и лэ ԥэян, савэ ашэлэ неактивни. Можэт вонэ парашэлэ тэ дэн дума амэнца бут бэрша палпалэ. Можэт вонэ пэрэлаглэ кордэ, кай катутнэ ԥрала на ӷанэн лэн. Но амэ ӷанас, кай акана дэсавэ анда кадэла неактивни ԥрала чи ԥэя па чачимастэ камэн тэ ринпэ. Вонэ упалэ камэн тэ служын лэ Дэвлэсти вмести пэстирэ ԥралэнца и ԥэянца, но лэнди трэбуй, кай амэ тэ поможысарас лэнди.
6. Сар всаворэ андэ собрания моӷут тэ родэн ԥралэн и ԥэян, савэ ашэлэ неактивни?
6 Ко можэт тэ родэл кодэлэ ԥралэн и ԥэян, савэ дурелэ лэ Иеговастар? Амэ всаворэ. Када и старейшыноря, и пианероря, о родо, кодэлэн, ко неактивни, и авэр христианоря. Исин машкар тумарэ друӷоря чи родо кодэла, ко отжылэ ла собраниятар? Ай можэт тумэ додиқлэ лэ неактивнонэ вазвещятелёс, кала росԥэнэнас пала Дэл цэр цэрэстар чи котэ, кай стидэнпэ чи прожан бут мануша? Тоди росԥэнэн лэсти, кай если во камэл, тоди тумэ можэте тэ пэрэдэн адресо, кай во жувэл чи о номеро лэ старейшынонэнди, и вонэ авэна каринг лэстэ.
7. Сости амэ сытювас лэ старейшынастар, савэс ақарэн Томасо?
7 Со моӷут тэ стерэн и старейшыноря, кай тэ виарақэн кодэлэн, ко камэл тэ рийпэ каринг о Иегова? Диқаса. Шаса сама, со росԥэнэн ек старейшына анда Испания, савэс ақарэн о Томасоc. Во дя помощь май бут чем 40 свидетелёнэнди тэ ринпэ андэ собрания. Во ԥэнэн: «Мэ пушав разнонэ ԥралэндар и ԥэяндар, ӷанэн вонэ, кай жувэн кодэла, ко парашэля тэ ԥирэл пэ собрания. Чи можэт вонэ сэрэн кацавэн ԥралэн и ԥэян. Май бут андар лэндэ лошалэ тэ поможын тэ родэн. Ай кала мэ ужэ авав каринг неактивни ԥрала и ԥэя, мэ пушав, сар лэндирэ бэяцэ и лэнго родо. Дэсавэ неактивни ԥрала и ԥэя варикала ԥирэнас пэ собрании пэстирэ бэятонэнца. Можэт кодэла бэяцэ слинэ вазвещятеля. Вонэ кадяжэ моӷут тэ ринпэ каринг о Иегова, если даса лэнди помощь».
ПОМОЖЫН ЛЭ ИЕГОВАСТИРЭ ШАВЭНДИ И ЩЕЯНДИ ТЭ РИНПЭ КАРИНГ ЛЭСТЭ
8. Со пистромэ андэ Луки 15:17—24 пала кода, сар о дад андярдя пэс лэ шавэса, саво каисайля?
8 Сар амэ трэбуй пэс тэ андярас, кай тэ поможысарас кодэлэнди, ко камэл тэ рийпэ каринг о Иегова? Погиндосарам, сости амэ можэм тэ сытювас анда лэ Иисусостири притча, пала найкандино шаво, саво вся терэл па пэстирятэ, и саво жылятар анда пэстирэ дадэско цэр. (Адиносар Луки 15:17—24d.) О Иисусо ԥэндя, кай о шаво полэла, кай андярэлас пэс найдраго и рияпэ цэрэ. Кала о дад додиқэл лэ шавэс, во прастэл каринг лэстэ, и анда оди облэл лэс. Во камэл, кай о шаво тэ полэл, сар дэ фартэ во лэс любий. Но о шаво фартэ дошалярэл пэс. Во гиндой, кай на ашэл, кай пэр лэстэ тэ ԥэнэн шаво. И во мангэл лэ дадэс, кай лэс тэ мэкэн цэрэ, сар кодэлэс, ко терэл бути пэр лэстэ. О дад анда оди жалуий лэ шавэс, кала о шаво росԥэнэн лэсти, со лэстэ по ди. О дад пэ дила сыкавэл, кай лошавэл кодэлэсти, кай лэско шаво рисайля цэрэ. Во обжалпэ лэса най сар кодэлэса, ко терэл пэр лэстэ, ай сар любимонэ шавэса. Кай тэ сыкавэл лэ шавэсти, саво каисайля, кай во па чачимастэ лэсти куч, о дад стодя бари мисяйля и ԥэнэн, кай лэ шавэсти тэ анэн со май лащи йда.
9. Сар амэ трэбуй пэс тэ андярас, кай тэ поможысарас лэ ԥралэнди и лэ ԥэянди, савэ ашэлэ неактивни, тэ ринпэ каринг о Иегова? (Диқэн и рамка «Сар тэ поможысарас кодэлэнди, ко камэл тэ рийпэ каринг о Иегова?».)
9 О Иегова шолпэ по дад анда кадэя притча. Во любий амарэ ԥралэн и лэ ԥэян, савэ ашэлэ неактивни и камэл, кай вонэ тэ ринпэ каринг лэстэ. Амэ можэм тэ поможысарас лэнди андэ када, если андярас пэс кадя, сар о Иегова. Када тэ ӷанас тэ жалуисарас анда оди, тэ любисарас и тэ на грабисавас тэ холявас. Васо када важно и сар амэ можэм кадя тэ терас?
10. Васо амэ трэбуй тэ на грабисавас тэ холявас, кала амэ поможысарас варикасти тэ рийпэ каринг о Иегова?
10 Амэ трэбуй тэ на грабисавас тэ холявас, важ кода кай манушэсти трэбуй бут время, кай лэстэ упалэ тэ авэл кацави дружба лэ Иеговаса, сар сас. Бут вазвещятеля, савэ сас неактивни, ԥэнэн, кай и старейшыноря и авэр христианоря авэнас лэндэ бут разоря. Кати потом вонэ упалэ линэ тэ служын лэ Иеговасти. И ԥэй анда Азия, савя ақарэн Нанси, пистросардя: «Мандэ сас фартэ лащи подружка андэ собрания, сави фартэ подритярэлас ман. Вой любияс ман, сар барэдэря ԥья. Варикала амэ бут время проандярасас вмести. И вой дэлас дума манца пала кодэя лащи время. Ай кала манди камэласпэ тэ росԥэнав, со мандэ по ди, вой ман драго виашунэлас и дэлас совето. Кадэя ԥэй сас важ мандэ чачуно друӷо, саво андэ любо время ӷотово тэ поможый».
11. Васо амэ трэбуй тэ жалуисарас анда оди, кай тэ поможысарас кодэлэсти, кас холярдэ?
11 Кала жалуисарас анда оди, када сар о драб, саво злэл дажэ само бари дук. Када можэт тэ поможый, кай тэ прожал и холи. Дэсавэ ԥрала и ԥэя ашэлэ неактивни, важ кода кай варико андэ собрания бут бэрша палпалэ холярдя лэн и холи ашэлпэ идоси. Када мишыий лэнди тэ ринпэ каринг о Иегова. Вонэ моӷут тэ гиндон, кай лэнца обжылэпэ кадя, сар вонэ на затердэ. Лэнди трэбуй лашо друӷо, саво полэла лэн (Иакова 1:19). И Мария, сави дэсави время на ԥирэлас пэ собрании, ԥэнэн: «Манди трэбуй сас и подружка, сави моӷла тэ виашунэл и тэ жалуий ман, моӷла тэ дэл манди лашо совето и тэ поможый».
12. Васо лэ Иеговастири любовь шолпэ пэ дури?
12 Представь, кай ту тасос андэ моря. И волны барэ, ай о паи шудро. Но варико анда лодка шол тути варисо, кай ту тэ ритярдёспэ па паи. Ту блаӷодарно важ када. Но кай тэ вижувэс тути трэбуй инке варисави помощь. Тути трэбуй тэ виӷулес анда паи. Но важ када тути трэбуй, кай и мануша анда лодка, тэ шон и дури и тэ вицэрдэн тут. Лэ Иеговастири любовь каринг пэстирэ служытеля шолпэ пэ кацави дури. О Иегова ԥэндя пала израильтяноря, савэ отжылэ лэстар: «Сар [лэ бэятос] пэ дурюрандэ, мэ андяравас тумэн с любовью, кай тэ авэн каринг мандэ» (Осия 11:4). Адес о Дэл кадяжэ андярэл каринг пэстэ кодэлэн, ко парашэля тэ служый лэсти и тасол андо ԥаримос и пэрэжывания. Во камэл, кай вонэ тэ ӷанэн, кай во любий лэн, и во камэл тэ рий лэн каринг пэстэ. О Иегова можэт тэ сыкавэл лэнди пэстири любовь через тутэ.
13. Сар кода, со сас лэ Паблоса сыкавэл, кай амари любовь можэт тэ поможый аврэнди тэ ринпэ каринг о Иегова?
13 Амэнди трэбуй тэ стас зор, кай неактивни ԥрала и ԥэя тэ диқэн амари любовь, и тэ патян, кай о Иегова лэн любий. О Пабло, пала саво дэласпэ дума андэ авэр статья, сас неактивно май бут чем 30 бэрш. Во росԥэнэн: «Еқвар тэсараса, кала мэ вижавас анда цэр, каринг мандэ поджыля ек амари ԥурёры ԥэй. Вой кадя ковлэс манца дя дума, кай мэ розровдэмпэ, сар бэято. Мэ ԥэндэм лати, кай манди здэлпэ, кабута ла бишалдя екжэно о Иегова, кай тэ подэл дума манца. Именно кадэя время мэ закамлэм тэ рисавав каринг о Иегова».
АНДА ОДИ ПОДРИТЯРЭН КОДЭЛЭН, КАСТЭ НИНАЙ ЗОР
14. Со, сар запистромэ андэ Луки 15:4, 5, терэлас о пастухо, кала виарақэлас лэ бакрорэс?
14 Посли кода, сар амэ виарақлям кодэлэс, ко парашэля тэ служый лэ Дэвлэсти, амэнди трэбуй тэ на парашас лэс тэ подритярас. Кай о шаво анда лэ Иисусостири притча, саво рисайля цэрэ, долӷо дуқалас оди. Кацаво жэ можэт тэ авэл и лэндэ. И важ кода кай вонэ сас андэ лэ Сатанастири люма, лэндири дружба лэ Иеговаса ашэля най кацави, сар сас. Амэнди трэбуй тэ поможысарас лэнди, кай вонэ май фартэ тэ патян лэ Иеговасти. Андэ притча пала бакроро, саво хасарделя, о Иисусо росԥэнэн, сар о пастухо лэл лэс и пэ пэстирэ пиқэ андярэл палпалэ андо стадо. О пастухо ужэ стодя бут зор и время, кай тэ виарақэл лэс. Но во полэл, кай лэ бакрорэс трэбуй тэ доандярэл палпалэ андо заӷоно, важ кода кай лэстэ екжэнэстэ пэ када нинай зор. (Адиносар Луки 15:4, 5e.)
15. Сар можно тэ поможысарас лэ ԥралэнди и лэ ԥэянди, савэ ашэлэ неактивни и савэ камэн тэ ринпэ каринг о Иегова? (Диқэн и рамка «Цэмин нинай кодэлэсти, со поможый».)
15 Амэнди трэбуй бут время и зор, кай тэ поможысарас лэ ԥралэнди и лэ ԥэянди, савэ ашэлэ неактивни, тэ улэн кода, со на дэл лэнди тэ служын лэ Иеговасти. Но через и Библия, через о свынто духо и через и библейско литература амэндэ вижала тэ поможысарас кодэлэсти, ко отжыля ла собраниятар, кай лэндэ упалэ тэ авэл лащи дружба лэ Иеговаса (Римлянам 15:1). Ек ԥрал, саво долӷо служый старейшынаса, ԥэнэн: «Бутэ ԥралэнди и ԥэянди, савэ ашэлэ неактивни, и савэ закамлэ упалэ тэ служын лэ Иеговасти, трэбуй, кай лэн тэ сытярэн па Библияf. Лэ христианиности, савэсти ԥэндэ тэ сытярэл па Библия лэ неактивнонэ вазвещятелёс, трэбуй тэ авэл важ лэстэ лашэ друӷоса и кодэлэса, касти можно тэ патяс». Ай со если и старейшыноря мангэна тут тэ сытярэс кацавэ манушэс па Библия? Тумэ трэбуй тэ авэн ради кадэлэсти.
ЛОШАВЭН ПО НЭБО И ПЭ ԤУВ
16. Катар амэ ӷанас, кай и анӷелоря моӷут амэнди тэ поможын?
16 Бут случаёря сыкавэн, кай и анӷелоря поможын тэ виарақэн лэ ԥралэн и лэ ԥэян, савэ ашэлэ неактивни, но савэ камэн тэ ринпэ каринг о Иегова (Откровение 14:6). Акэ ек случаё. О Сильвио анда Эквадоро фартэ камэлас тэ рийпэ андэ собрания и анда вся оди мангэласпэ, кай лэсти тэ поможын. Во инке на домангляпэ, сар позвонисардэ андо звонко. По пороӷо тердёнас дуй старейшыноря, савэ камэнас тэ поможын лэсти.
17. Со амэндэ авэла по ди, кала поможысарас лэ неактивнонэ ԥралэнди и ԥэянди?
17 Амэ аваса фартэ лошалэ, кала поможысараса лэ ԥралэнди и лэ ԥэянди, савэндэ нинай лащи дружба лэ Иеговаса. Акэ, со росԥэнэн ек пианеро, саво стол бут зор, кай тэ поможый лэ неактивнонэ вазвещятелёнэнди: «Мэ кадя радо, кай поможысардэм вмести лэ Иеговаса, хоть еқэсти лэстирэ служытелёсти, саво лэсти куч тэ вижал анда лэ Сатанастири люма и тэ рийпэ андэ собрания» (Деяния 20:35).
18. Андэр со моӷут тэ патян неактивни ԥрала и ԥэя?
18 Ай со если ту парашэлян тэ росԥэнэс важ о Дэл и тэ ԥирэс пэ собрании? Патя, о Иегова идоси тут любий. Во камэл, кай ту тэ риспэ каринг лэстэ. Канешно, важ када ту екжэно трэбуй тэ стос зор. Но о Иегова, сар о дад анда лэ Иисусостири притча, фартэ аштярэл, кала ту рисапэ. И во авэла фартэ тэ лошавэл, кала ту авэса цэрэ!
ДИЛИ 101 Служысарас, сар ек ери
a О Иегова ԥэнэн пэстирэ служытелёнэнди, савэ парашэлэ тэ ԥирэн пэ собрания и тэ росԥэнэн пала Дэл: «Ринпэ каринг мандэ». Амэ можэм бут со тэ стерас, кай тэ подритярас кацавэ ԥралэн и ԥэян. Андэ кадэя статья амэ подаса дума, сар амэ можэм тэ поможысарас лэнди.
b Луки 15:8—10: «Чи сави жувли, савятэ исин дэш драхмы, но сави хасардя ек андар лэндэ, на дэла яг и лампа и на лэла тэ шулавэл па цэр и драго тэ родэл, пока на виарақэла ла? Ай кала виарақэла, ақарэла пэстирэ подружкэн и сосидкэн и ԥэнэна: „Лошавэн манца, важ кода кай мэ виарақлэм и драхма, сави хасардэм“. Ԥэнав тумэнди, кай кадя жэ и лэ Дэвлэстирэ анӷелоря лошавэн, кала каийпэ ек ӷрешнико».
c Дэсавэн манушэн на ақарэн кадя, сар катэ пистромэ.
d Луки 15:17—24: «Лэсти дожыля и во ԥэндя: „Скати кодэлэн, ко терэл бути кай мэрно дад, и хан скати камэн, ай мэ катэ мэрав боқатар! Ущява, жава, кай мэрно дад, и ԥэнава лэсти: ,Дадэ, мэ стердэм бэзэх против нэбо и против тутэ. Акана мэ на ашав, кай пэр мандэ тэ ԥэнэн, кай мэ тиро шаво. Лэ ман, сар кодэлэс, ко лэла тэ терэл бути пэр тутэ‘“. И во ущеля и жыля кай пэско дад. Кала во сас инке дур, о дад додиқля лэс и лэсти ашэля лэс жалко. Во прастая каринг лэстэ, обля лэс и нежно чуминдя. Ай о шаво ԥэндя лэсти: „Дадэ, мэ стердэм бэзэх против нэбо и против тутэ. Мэ ужэ на ашав, кай пэр мандэ тэ ԥэнэн тиро шаво“. Но о дад ԥэндя пэстирэ рабонэнди: „Май йто! Анэн со май лащи йда и стон пэр лэстэ. Стон пэ лэско вас янгрусни и пэ пэрнэ сандали. Анэн виправардэ гурувурэс и зашынэн лэс. Ласа тэ хас и тэ лошавас, важ кода кай мэрно шаво сас муло и жунделя, сас хасардо и виарақляпэ“. И вонэ линэ тэ лошавэн».
e Луки 15:4, 5: «Ко андар тумэндэ, кастэ исин сто бакрэ и хасардя ек андар лэндэ, на ашавэла девяносто девять андэ пустыня и на жала тэ родэл лэс, пока на виарақэла? Ай кала виарақэла, стола лэс пэ пиқэ и лэла тэ лошавэл».
f Варикасти анда неактивни ԥрала и ԥэя, можэт тэ поможый, кай лэнца тэ прожан дэсавэ ӷлавы анда книжка «Оставайся в любви Бога», ай дэкасти дэсавэ ӷлавы анда книжка «Приближайся к Иегове». Ко анда вазвещятеля лэла лэн тэ сытярэл па Библия, витидэл о служэбно камитето андэ собрания.
g ПЭ КАРТИНКИ. Трин ԥрала подритярэн лэ неактивнонэ ԥралэс, саво камэл тэ рийпэ андэ собрания. Вонэ общяюца лэса и ԥэнэн лэсти, кай о Иегова и ԥрала и ԥэя анда собрания, любин лэс. Ай кадяжэ вонэ виашунэн и сыкавэн, кай полэн лэс.