Рисав каринг «о пастухо, саво диқэл пала тумэндэ и фэрий тумари жызня»

ПАТЯ: если ту закамэса тэ риспэ кай о Иегова, тоди ту можэш тэ аштярэс, кай во тут подритярэла. Во поможыя тути тэ улэс и пэрэжывании и дук анда ди. Кадяжэ о Иегова дэла тути спокойство, саво можэт тэ авэл кати тоди, кала вужи совесть. И, можэт, тутэ упалэ появияпэ жэлания тэ служыс лэ Иеговасти вмести лэ ԥралэнца и лэ ԥэянца. Тоди и алава лэ Петростирэ, савэ во пистросардя лэ христианонэнди андо пэрво вико, ту сможэш тэ прилэс каринг пэстэ: «Тумэ сас сар бакрорэ, савэ хасарделэ, ай акана тумэ рисайлэ каринг о пастухо, саво диқэл пала тумэндэ и фэрий тумари жызня» (1 Пётро 2:25).

Чаче, тэ риспэ каринг о Иегова — када со май лашо, со ту можэш тэ стерэс. Васо? Важ кода кай када радуий лэ Иеговаско ди (Притчи 27:11). Канешно, во амэн нэ заставляет, кай амэ тэ любисарас лэс и тэ витидас тэ служысарас лэсти. Но лэсти най всаек, со амэ витидас (Второзаконие 30:19, 20). Амэ можэм тэ стерас, кай лэско ди тэ радуийпэ или тэ авэл лэсти ԥарэс. Ек учоно, саво полэл и Библия, ԥэндя: «Нико нэ можэт тэ ԥэрнавэл тиро ди, ту када трэбуй тэ стерэс екжэно». И амэ кадя терас, кала витидас тэ служысарас лэ Иеговасти. Кала амэ андярас пэс вужэс и предано служысарас лэ Иеговасти, када радуий лэско ди. Чаче, нисо нэ можэт тэ сыстойпэ кодэла бахтаса, сави амэндэ андо ди, кала амэ служысарас лэ Иеговасти. Важ о Иегова вся када сар кучутно подарко, саво во ашэл (Дила 20:35; Свынто тайна 4:11).

О Иегова создал лэ манушэн кадя, кай вонэ тэ камэн тэ уӷанэн, саво смысло андэ жызня и васо вонэ жувэн. Во загиндосардя важ и мануша, кай и служэния тэ анэн лэнди радость. Акэ васо, кала амэ служысарас лэсти анда вся оди, када анэн амэнди бари лош, савяса нисо на сыстояпэ (Псалом 63:1—5). Важ када, кала ту лэса упалэ тэ служыс лэ Иеговасти, ту почуствуеш лош андо ди и андэ тири жызня авэла май бут смысло (Матфеё 5:3).

О Иегова аштярэл тут, кай ту тэ риспэ лэстэ. Васо ту можэш тэ патяс андэ када? Погиндосар, сар терэнас кадэя брашура, и ԥрала долӷо мангэнаспэ и подтидэнас лашэ гиндоря. Можэт, кадэя брашура тути дя барэдэр ԥрал или варико авэр анда собрания. Кала ту адиносас ла, вой ля тут лэ одестар. Када вся сыкавэл, кай о Иегова на бистэрдя пала тутэ, и во анда ди мангэл тут тэ риспэ лэстэ (Иоано 6:44).

Амэнди ашэл драго по ди кодэлэстар, кай о Иегова никала на бистрэл пэстирэ манушэн, савэ оджылэ лэстар. Ԥэй, савя ақарэн Донна, поля када пар пэстэ. Вой росԥэнэн: «Мэ полокорэс оджавас лэ Дэвлэстар, но часто гиндосаравас пала алава, савэ запистромэ андо Псалом 139:23, 24: „Уӷан ман, мэрно Дэл, и продик мэрно ди. Уӷан май драго ман и полэ, пала со мэ фартэ загиндосавав. Роздик, нинай андэр мандэ варисо кацаво, со даравэл ман по найлашо дром, и андяр ман па дром каринг и вечность“. Мэ чуствовала, кай мэ андэ кадэя люма сар чужо. Мэ полавас, кай мэрно ҭан андэ лэ Иеговастири орӷанизацыя. Мэ полэм, кай о Иегова никала ман на ашавэлас, и када манди трэбуй сас тэ виарақав о дром каринг лэстэ. И мэ кадя радо, кай виарақлэм кадэва дром!»

Амэ анда вся ди мангаспэ, кай ту упалэ тэ почуствуеш «радость, сави дэл о Иегова» (Неемия 8:10). Ту всегда авэса лошало кодэлэстар, кай рисайлян каринг о Иегова.