СТАТЬЯ, КАЙ ТЭ СЫТЮВАС 17
Ту куч важ о Иегова!
«О Иегова сыкадя, кай тумэ куч лэсти» (ВТОР. 7:7).
ДИЛИ 107 Сытювас любить лэ Дэвлэстар
ПАЛА СО УӶАНАСА АНДА СТАТЬЯ?a
О Иегова цэний кажнонэс андар мэндэ (Диқэн о абзацо 1.)
1. Со о Иегова диқэл андэ пэстирэ служытеля?
«О ИЕГОВА сыкадя, кай тумэ куч лэсти» (Втор. 7:7). Амэ фартэ лошалэ тэ адиносарас кадэла алава андэ Библия! О Иегова диқэл, саво лашимос исин андар мэндэ, саво лашимос амэ можэм тэ стерас, и поможый амэнди тэ ашас лэстирэ друӷонэнца. Если амэ на парашаса лэсти тэ служысарас, тоди во авэла амэнца вся и вечность (Иоан. 6:44).
2. Васо дэсавэнди ԥралэнди и ԥэянди ԥарэс тэ патян, кай о Иегова лэн любий?
2 Дэко андар мэндэ можэт тэ ԥэнэн: «Мэ патяв, кай о Иегова любий вся пэско народо, но кай лэсти куч именно мэ, андэ када мэ най фартэ патяв». Васо дэсавэ ԥралэндэ и ԥэяндэ кацаво гиндо? И ԥэй Оксанаb росԥэнэн, кай латэ сас ԥаро децтво. Кала вой болделя и ля тэ служый пианероса, вой ашэля фартэ бахтали. Но прожылэ годов 15 и вой ля тэ сгиндой пала пэско ԥаро децтво и пала ԥаримос, саво латэ сас. Вой поля важ пэстэ, кай вой най куч лэ Иеговасти, и вой нэ достойно, кай во ла тэ любий. Ай и пианерка Роза росԥэнэн, кай латэ тожэ, кала вой сас бэятаса, сас бут ԥаримос. Но вой ля тэ служый лэ Иеговасти, болделя и терэлас вся када, кай камэлас, кай о Иегова тэ авэл лошало. Но андэ кодэва жэ маменто вой гиндояс, кай Иегова ла никала на полюбия.
3. Пала со амэ подаса дума андэ кадэя статья?
3 Можэт ту сар и кадэла ԥрала и ԥэя всаворэ одеса любис лэ Иеговас. Но най фартэ патяс, кай во любий тут. Подаса дума пала кацавэ вопросоря. Васо трэбуй тэ патяс, кай о Иегова па чачимастэ любий тут? И со тэ терэс, если исин кацавэ гиндоря, кай о Иегова тут на любий?
ТЭ НА ПАТЯС, КАЙ О ИЕГОВА ТУТ ЛЮБИЙ, КАДА ОПАСНО
4. Васо опасно тэ на патяс, кай о Иегова тут любий?
4 Кала о мануш ӷанэн, кай лэс любин, во бут со можэт тэ стерэл. Кала ту патяс, кай о Иегова тут любий, тоди ту лэса тэ служыс лэсти анда вся оди и на диқэса ни пэ саво ԥаримос, саво можэт тэ авэл тутэ андэ жызня. Авря ригатар, если ту на патяс, кай ту куч важ о Иегова, тоди тутэ на авэла зор тэ уӷодис лэсти. Если тутэ на авэла зор, тоди лэ Сатанасти авэла май вушэро тэ змарэл тут па правильно дром (Прит. 24:10; Эф. 6:16).
5. Со по ди кай и ԥрала и ԥэя, савэ линэ тэ гиндон, кай о Иегова лэн на любий?
5 Дэсавэ лэ Иеговастирэ служытелёнэндэ ашэля най кацави дружба лэса сар сас. И вся важ кода, кай вонэ парашэлэ тэ патян, кай вонэ куч важ лэстэ. Ек старейшына, савэс ақарэн Джеймсо, росԥэпэн, кай хоть во и служыяс андо Вефилё и лэсти чалёлас тэ служый андэ собрания, кай дэн дума пэ авэр шыб, во всаек на патялас, кай лэ Иеговасти чалёл кода, со во терэлас андэ служэния лэсти. И андэ ек маменто во дажэ парашэля тэ патял, кай о Иегова ашунэл лэстирэ молитвы. Ай и Ева, сави кадяжэ служый андо Вефилё, росԥэнэн, кай поля, пэ скати дэ опасно тэ гиндой, кай о Иегова ла на любий. Кадя можно тэ хасарэс и дружба лэ Иеговаса и ужэ най кадя фартэ камэлпэ тэ терэс варисави дила андэ служэния, и када на анэн радость. Ай о ԥрал Марко, саво пианеро и старейшына, ԥэнэн, кай если ту на патяс, кай ту куч важ о Иегова, тоди ту лэса лэстар тэ дурёс.
6. Со тути трэбуй тэ терэс, если ту лэс тэ гиндос, кай о Иегова тут на любий?
6 Андэ кадэла алава дицол, пэ скати дэ важно май ӥто тэ терэс вся, кай тэ на гиндос, кай о Иегова тут на любий. Трэбуй тэ мангэс помощь кай о Иегова, тоди во «дэла спокойство андо ди, саво май баро чем всаворэ гиндоря, и фэрия тумаро ди и годи» (Пс. 139:23; Флп. 4:6, 7). Трэбуй тэ сэрэс, кай ту най екжэно. Бут авэр лэ Иеговастирэ служытеля, савэ лэс кандэн, тожэ вся и время терэн вся, кай лэндэ тэ на авэл кацаво по ди. Кацаво дажэ сас кай лэ Иеговастирэ служытеля, савэ андэ дэлмутни время служынас лэсти. Када например, о Павло. Сости ту можэм лэстар тэ сытёс? Уӷанам.
СОСТИ ТУ СЫТЁС КАЙ О АПОСТОЛО ПАВЛО?
7. Саво ԥаримос сас кай о апостоло Павло?
7 Дэкала тутэ можэт нинай зор тэ терэс дила андэ собрания. Кай о Павло тожэ сас кацаво. Во пэрэжывал най пала ек, ай пала бут собрании, и када залэлас лэстар бут зор (2 Кор. 11:23—28). Ай можэт варикастэ насвалимос, саво бут бэрша на виличийпэ. Кай о Павло тожэ сас насвалимос, по саво во ԥэнэнас «колючка андэ мэрни тила» и саво лэсти на дэлас покоё. Во фартэ камэлас, кай во лэстэ тэ на авэл (2 Кор. 12:7—10). Или можэт ту пэрэжываеш пала кода, кай ту най кадя варисо терэс. И кацаво тожэ сас по ди кай о Павло. Во ԥэнэнас пэр пэстэ, кай во сас бибахтало мануш, важ кода кай вся и время борияспэ пэса, кай тэ терэл правильно (Рим. 7:21—24).
8. Со поможысардя лэ Павлости тэ на парашэл тэ служый лэ Иеговасти, хоть лэстэ и сас бут ԥаримос?
8 Кай о Павло сас бут ԥаримос андэ жызня, но во всаек на парашэлас тэ служый лэ Иеговасти. Во полэлас, кай терэлас бут со нэправильно, но во патялас, кай о Иисусо витиндя лэс анда бэзэх. Во сэрэлас пала лэ Иисусостирэ алава, кай «о Дэл кадя фартэ любий лэ мирос, кай отдя пэстирэ Шавэс, саво лэстэ ек кацаво, кай кажно, ко сыкавэл, кай патял андэр лэстэ... тэ жувэл вечно» (Иоан. 3:16; Рим. 6:23). Чаче, о Павло фартэ патялас лэ Дэвлэсти. Во ӷанэнас, кай о Иегова камэл тэ простий дажэ кодэлэн, ко стердя баро бэзэх, но потом каийпэ (Пс. 86:5).
9. Сости ту сытёс анда кода, со ԥэндя о апостоло Павло андэ Галатам 2:20?
9 О Павло патялас, кай о Иегова фартэ любий лэ мирос, важ кода и отдя пэстирэ Шавэс андэ жэртва. О Павло пистросардя кацавэ алава: «Лэ Дэвлэско Шаво, саво сыкадя пэстири любовь каринг мандэ и отдя пэс важ мандэ». (Адиносар Галатам 2:20.) О Павло ԥэндя, кай нико и нисо на заставия лэ Иеговас, кай во тэ парашэл амэн тэ любий. Во на гиндояс: «Мэ полав васо о Иегова любий аврэ пэстирэ служытелёнэн, ай ман най васо тэ любий». Во ԥэндя лэ христианонэнди, савэ жувэн андо Римо: «О Христос муля важ амэндэ, кала амэ самас инке ӷрешникоря» (Рим. 5:8). Да, о Иегова любий всаворэ пэстирэ служытелёнэн!
10. Сости ту сытёс анда лэ Павлостирэ алава андэ Римлянам 8:38, 39?
10 Адиносар Римлянам 8:38, 39. О Павло ӷанэнас, кай о Дэл лэс любий. Во фартэ патялас и дажэ ԥэнэнас, кай нико нэ сможэт амэн тэ одлэл кодэлэстар, кай о Дэл тэ на любий амэн. О Павло ӷанэнас, сар о Иегова андярдя пэс лэ израильтянонэнца, кай во на грабияс тэ холявэл пэр лэндэ, во полэлас и жалуияс лэн. Кадяжэ о Иегова андярдя пэс и лэ Павлоса. Можно тэ ԥэнэс, кай о Павло ԥэндя кадя: «Если о Иегова на жалуисардя пэстирэ Шавэс, но отдя лэс важ мандэ, тоди хэба мэ моӷу тэ патяв андэ кода, кай о Иегова ман на любий?» (Рим. 8:32).
Важ о Иегова нэ важни и ошыбки, савэ ту терэсас варикала, лэсти важно со ту акана терэс и со лэса тэ терэс май англэ (Диқэн о абзацо 11.)c
11. Васо о Павло патялас, кай о Иегова лэс любий, сар пистромэ андэ 1 Тимофею 1:12—15?
11 Адиносар 1 Тимофею 1:12—15. Времятар лэ Павлости сас ԥарэс кодэлэстар, сар во пэс андярэлас варикала. Во ԥэнэнас пэр пэстэ, кай во пэрво ӷрешнико. Понятно васо во кадя ԥэнэнас. Кала во инке на сас христианино, во жэстоко обжаласпэ лэ Дэвлэстирэ служытелёнэнца. Дэсавэн во столас андо бар, ай дэкала во приԥэнэнас, кай лэн тэ умарэн (Деян. 26:10, 11). Можно тэ погиндосарас, со авелоп по ди кай о Павло, если во тэ додиқлоп тэрнорэ христианинос, савэстирэ родителёнэн во умардя. Во пэрэржывал пала кода, со во терэлас варикала. Но во ӷанэнас, кай кода, со сас, ужэ на парувэса. Во патялас, кай о Иисусо муля важ лэстэ, важ када и пистросардя: «Но о Дэл дя манди лашимос, саво мэ на затердэм, и важ када мэ кодэва, ко мэ сым» (1 Кор. 15:3, 10). Сости ту можэш анда када тэ сытёс? Важно точно тэ ӷанэс, кай о Иисусо муля именно важ тутэ и дя возможность, кай тутэ тэ авэл лащи дружба лэ Иеговаса (Деян. 3:19). Важ о Иегова нэ важни и ошыбки, савэ ту терэсас варикала, лэсти важно, со ту акана терэс, и со лэса тэ терэс май англэ (Ис. 1:18).
12. Сар и алава анда 1 Иоанна 3:19, 20 поможына тути, если гиндос, кай никасти на трэбуй и тут най васо тэ любин?
12 Можэт ту гиндос: «Мэ ӷанав, кай о Иисусо муля важ мандэ, но мэ када на ашав». Васо тутэ моӷут тэ авэн кацавэ гиндоря? Важ кода кай тиро ди можэт тэ хохавэл и тэ заставий тэ гиндос, кай ту никасти на трэбуй и на ашэс, кай тут тэ любин. (Адиносар 1 Иоанна 3:19, 20.) Кала тутэ авэна кацавэ гиндоря, трэбуй тэ сэрэс, кай о Иегова май бут ӷанэн амарэ одестар и ӷанэн вся. Тути трэбуй вся и время тэ доԥэнэс пэсти, кай о небесно Дад фартэ тут любий и камэл тут тэ простий. Кай май драго тэ полэс, сар о Иегова пэр тутэ диқэл, трэбуй май часто тэ изучаеш и Библия, тэ мангэспэ лэсти, ай кадяжэ тэ дружыс лэ Дэвлэстирэ народоса. Васо када важно?
САР ТУТИ ПОМОЖЫЯ И ЛИЧНО ИЗУЧЕНИЯ, И МОЛИТВА И ЛАШЭ ДРУӶОРЯ?
13. Сар тути поможыя лично изучения Библии? (Диқэн и рамка «Сар поможый и Библия?».)
13 Кажно дес проандяр лично изучения па Библия. Кадя ту май драго полэса, саво о Иегова. Ту полэса, сар во дэ фартэ тут любий. Если ту лэса кажно дес тэ адинос и Библия и тэ гиндос пала када, тоди тутэ вижала тэ парувэс пэстирэ гиндоря и кода, со тутэ по ди (2 Тим. 3:16). О ԥрал старейшына, савэс ақарэн Коля, гиндояс, кай во май хужэ всаворэндар. Во ля тэ адиной 103 Псалом и тэ гиндой, пала со адиной. Када поможысардя лэсти па аврятэ тэ диқэл пэр пэстэ и тэ полэл, сар о Иегова па чачимастэ лэс цэний. Ай и ԥэй Ева, пала сави амэ ужэ дямас дума, ԥэнэн, кай кажно дес вой гиндой пала кода, сар о Иегова пэр латэ диқэл, и кадэлэстар лати по ди ашэлас спокойно. Кадя вой лэл тэ патял лэ Иеговасти инке май фартэ.
14. Сар тути поможый и молитва?
14 Часто мангпэ (1 Фес. 5:17). Например, если ту камэс тэ подружыспэ варисавэ манушэса, ту лэса лэсти тэ росԥэнэс, со тутэ по ди, лэса май часто лэса тэ дэс дума. Кадяжэ и лэ Иеговаса. Кала ту лэсти росԥэнэс вся, со тутэ по ди, тирэ гиндоря, пала со пэрэжываеш, кадя ту сыкавэс, кай патяс, кай во тут любий и камэл тэ поможый (Пс. 94:17—19; 1 Иоан. 5:14, 15). И ԥэй Роза, пала сави ужэ дям дума, ԥэнэн, кай, кала мангэлпэ, вой старыийпэ тэ росԥэнэн лэ Иеговасти вся, со сас латэ важ о дес. Вой росԥэнэн вся, со латэ по ди, и нисо на угаравэл. Кадя важ латэ о Иегова ашэля най сар директоро андэ бари фирма, ай сар Дад, саво фартэ любий пэстирэ бэятонэн. (Диқэн и рамка «Ай ту адиносардян кадэя книжка?».)
15. Васо ту патяс, кай ту куч важ о Иегова?
15 Дружысар лэ ԥралэнца и лэ ԥэянца, савэ на ашавэн тут. Вонэ сар подарко лэ Иеговастар (Иак. 1:17). Патя, кай ту куч важ о Иегова, важ кода кай во подарисардя тути кацаво ери, андэ саво и ԥрала и ԥэя анда собрания фартэ тут любин (Прит. 17:17). Андэ пэско письмо андэ Колоссянам о Павло пала дэсавэ христианоря пистросардя, кай вонэ поможынас и подритярэнас лэс (Кол. 4:10, 11). Дажэ лэ Иисусости трэбуй сас, кай лэс тэ подритярэн и друӷоря. Када сас и мануша и анӷелоря. И во фартэ лэн цэнияс (Луки 22:28, 43).
16. Сар тирэ лашэ друӷоря поможына, кай тутэ тэ авэл май лащи дружба лэ Иеговаса?
16 Дэкала амэ всаворэ мангас помощь кай амарэ друӷоря андэ собрания. Если ту кадя терэс и росԥэнэс пэстирэ друӷости, кай тути найдраго по ди, када на сыкавэл, кай ту лян тэ на допатяс лэ Иеговасти. Наоборот, када можэт тэ фэрий тут. О ԥрал Джеймсо, пала саво амэ ужэ дямас дума, росԥэнэн, кай кала лэсти фартэ ԥарэс, лэсти фартэ поможын и друӷоря, савэндэ лащи дружба лэ Иеговаса. Кала лэсти найдраго по ди, лэстирэ друӷоря драго виашунэн лэс и ԥэнэн лэсти анда вся оди, кай любин лэс. Кадя во полэл, кай о Иегова любий и заботийпэ пала лэстэ. Амэнди фартэ важно, кай амэндэ тэ авэл лащи дружба лэ ԥралэнца и лэ ԥэянца андэ собрания!
НА ПАРАШ ТЭ ПАТЯС, КАЙ О ИЕГОВА ТУТ ЛЮБИЙ
17, 18. Кас ту трэбуй тэ кандэс и васо?
17 О Сатана камэл, кай ту тэ здэспэ и тэ терэс нэправильно. Во камэл, кай ту тэ патяс, кай о Иегова на любий тут и кай на ашэс, кай во тэ спасый тут. Но када вся хохаимос.
18 О Иегова любий тут, ту куч андэ лэстирэ яқа. Если ту лэс кандэс, сар о Иисусо, тоди и во на парашэла тэ любий тут, сар и лэ Иисусос. Важ када на ашун, со ԥэнэн о Сатана и со подԥэнэн тути тиро ди, саво вся и время тут дошалярэл. Ай кандэ лэ Иеговас, саво диқэл андэр тутэ варисо лашо. Патя, кай ту куч важ о Иегова, и кай во тут цэний!
ДИЛИ 141 Жызнь, када подарко
a Дэсавэ ԥралэнди и ԥэянди ԥарэс тэ патян, кай о Иегова лэн любий. Андэ кадэя статья амэ подаса дума, васо амэ можэм тэ патяс, кай о Иегова любий кажнонэс андар мэндэ. Ай кадяжэ уӷанаса, со можно тэ стерас, если амэ на допатяс андэ када.
b Дэсавэ манушэн на ақарэн кадя, сар катэ пистромэ.
c ПЭ КАРТИНКА. Спэрва о Павло бэшарэлас лэ христианонэн андо бар, но потом, кала во поля, со важ лэстэ стердя о Иисусо, во паруделя и ля тэ подритярэл лэ ԥралэн и лэ ԥэян. Дэсавэ андэр лэндэ можэт сас кодэла, кастирэ родоса во жэстоко обжаласпэ.