Амэ фартэ любисарас амарэ Дадэс, лэ Иеговас

1, 2. Васо и сар о Иегова стердя, кай амэ тэ авас андэ лэско ери?

О ИЕГОВА ақардя амэн тэ авас андэ лэско ери кай лэстирэ служытеля. Андэ кадэва ери кати кодэла, ко дя алав тэ жувэл важ о Дэл и ко патял андэ кода, кай лэско Шаво отдя пэстири жызня пала амэндэ. Амаро ери бахтало. Амэ лошалэ, кай амэ полас, васо жувас и аштярас время, кала ласа тэ жувас вечно по нэбо чи пэ ԥув.

² О Иегова дя амэнди тэ авас андэ лэско ери, важ кода кай фартэ любий амэн. И важ када во фартэ куч потиндя важ амэндэ (Иоанна 3:16). Во «потиндя и цэмин» (1 Коринфянам 6:20). Через кода, кай о Иисусо амэн витиндя, амэ можэм тэ дружысарас лэ Иеговаса. Амэнди випэля бари бах тэ ԥэнас пэ кодэва, ко Хулай пэ вся и люма, Дад. И сар сас ԥэндо андэ кодэя статья, о Иегова со май лашо Дад.

3. Со амэ можэм тэ пушас пэстар? (Диқэн и рамка «Шол сама пэр мандэ о Иегова чи най?».)

³ Можэт амэ, сар и о псалмопевцо, пушас пэстар: «Со тэ дав лэ Иеговасти пала вся лашо, со во важ мандэ стердя?» (Псалом 116:12). Амэ нисо нэ можэм тэ дас амарэ небеснонэ Дадэсти. Но амэ лэс фартэ любисарас, важ кода кай во амэн любий. О апостоло Иоанно пистросардя: «Амэ любисарас, важ кода кай во пэрво ля тэ любий амэн» (1 Иоанна 4:19). Сар тэ сыкавас амарэ небеснонэ Дадэсти, кай амэ лэс любисарас?

НА ПАРАШЭН ТЭ АВЭН ЛЭ ИЕГОВАСА ЛАШЭ ДРУӶОРЯ

4. а) Васо, сар пистромэ андэ Иакова 4:8, амэнди трэбуй тэ пристас зор, кай тэ пашувас каринг о Дэл? б) Сар амэ можэм тэ пашувас каринг о Иегова?

⁴ О Иегова камэл, кай амэ тэ дас дума лэса и тэ авас лашэ друӷоря. (Адиносар Иакова 4:8b.) Во камэл, кай амэ тэ на парашас тэ мангаспэ и вся и время амэн ашунэл (Римлянам 12:12). Во никала нэ бывает цыёно, кай тэ виашунэл амэн. Амаря ригатар амэ можэм тэ ашунас лэс, кала адиносарас и Библия, ай кадяжэ и литература, сави дэл ла тэ полас. Инке амэ ашунас лэс, кала драго ашунас пэ собрании. Кала и бэяцэ росԥэнэн вся лэ дадэсти и ла дати, тоди вонэ драго полэн ек еқэс. Кадя жэ и амэ, кала вся и время мангаспэ лэ Иеговасти, када поможый амэнди тэ на парашас тэ дружысарас лэса.

5. Сар тэ стерас, кай амарэ молитвы тэ авэн май лашэ?

⁵ Погиндон, сар тумэ дэн дума лэ Дэвлэса. О Иегова камэл, кай амэ тэ ԥэрнавас лэсти пэско ди андэ молитва (Псалом 62:8). Драго авелоп тэ пушас пэстар: «Кала мэ мангавпэ, мэ ԥэнав ек и ек алава вся и время чи росԥэнав лэ Иеговасти, со мандэ по ди?» Тумэ, канешно, фартэ любин лэ Иеговас и камэн тэ авэн лэса лашэ друӷоря. Ай важ када трэбуй тэ на парашэн лэса тэ дэн дума. Патян лэсти. Росԥэнэн лэсти, состар тумэ лошалэ и васо пэрэжываете. Патян, кай тумэ андэ любо время можэте тэ мангэн лэстар помощь.

6. Со амэнди тэ терас, кай тэ на хасарас и дружба амарэ небеснонэ Дадэса?

⁶ Кай тэ на хасарас и дружба амарэ небеснонэ Дадэса, трэбуй вся и время тэ авас лэсти блаӷодарни. Амэ гиндосарас кадя жэ, сар и о псалмопевцо, саво пистросардя: «Иегова, мэрно Дэл, ту бут со стердян, бут удивительни дилы, и ту бут гиндосарэс пала амэндэ. Нико на сыстояпэ туса. Лава тэ ԥэнав и тэ росԥэнав пала лэндэ, нащи пэрэадиносарав кода, сар дэ бут лэн» (Псалом 40:5). Амэ найпросто блаӷодарни андо ди, но и сыкавас, када алавэнца и пэ дила. Кадэлэса амэ на шаспэ пэ мануша, савэ жувэн адес. Амэ жувас машкар о миро, саво на цэний вся кода, со терэл важ лэндэ о Дэл. Ек анда кода, со авэла андэ послидни деса, када, кай авэна найблаӷодарни (2 Тимофею 3:1, 2). Тэ на авас амэ кацавэ никала!

7. Со аштярэл амэндар о Иегова и васо?

⁷ О дад и дэй камэн, кай лэндирэ бэяцэ тэ на споринпэ, ай тэ ладин машкар пэстэ. Кадя жэ и о Иегова камэл, кай всаворэ лэстирэ бэяцэ тэ ладин ек еқэса. Любовь, сави исин машкар амэндэ, сыкавэл, кай амэ чачунэ христианоря (Иоанна 13:35). Амэндэ по ди кацаво жэ, со сас кай о псалмопевцо, саво пистросардя: «Саво лашимос и сар дэ драго по ди кодэлэстар, кала и ԥрала жувэн еқэҭанэ и драго полэн ек еқэс!» (Псалом 133:1). Амэ сыкавас лэ Иеговасти, кай любисарас лэс, если амэ любисарас лэ ԥралэн и лэ ԥэян (1 Иоанна 4:20). Сар жэ амэ лошалэ тэ авас андэ кацаво ери, андэ саво всаворэ ԥрала и ԥэя «терэн ек аврэсти лашимос, полэн и жалуин»! (Эфесянам 4:32).

КАЛА КАНДАС, ТОДИ СЫКАВАС, КАЙ ЛЮБИСАРАС

8. Со ӷлавно, васо амэ кандас лэ Иеговас, сар пистромэ андэ 1 Иоанна 5:3?

⁸ О Иегова аштярэл амэндар, кай амэ ласа тэ кандас лэс кадя жэ, сар и бэяцэ лэ дадэс и ла да (Эфесянам 6:1). Во ашэл кода, кай амэ лэс тэ кандас, важ кода кай во амаро Создателё, Кодэва, кастар жал и жызня и само мудро Дад. Но со май ӷлавно, васо амэ кандас лэ Иеговас, када, кай любисарас лэс. (Адиносар 1 Иоанна 5:3c.) О Иегова на заставий амэн тэ кандас лэс, хоть бут со исин, васо амэнди трэбуй када тэ терас. О Иегова дя амэнди, кай екжэнэ тэ витидас, и во лошало, кала амэ кандас лэс, важ кода кай любисарас лэс.

9, 10. Васо важно тэ ӷанас лэ Дэвлэстирэ законоря и тэ жувас пар лэндэ?

⁹ Дада и дэя камэн, кай лэндирэ бэяцэ тэ на даран ни состар. Важ кода кай тэ фэрин пэстирэ бэятонэн, вонэ стон законоря, сар и бэяцэ пэс тэ андярэн. Сар и бэяцэ ритярэн кадэла законоря, вонэ сыкавэн, кай патян пэстирэ родителёнэнди и стон патив пэр лэндэ. Но пэ бутэстэ май важно тэ ӷанас и законоря, савэ стодя о Иегова, и тэ жувас пар лэндэ. Кадя амэ сыкавас лэ Иеговасти, кай стас патив пэр лэстэ и любисарас лэс. Када анэн лашимос и амэнди (Исаия 48:17, 18). Ай кодэла, ко на кандэн лэ Иеговас и на прилэн лэстирэ законоря, терэн пэстири жызня фартэ ԥари (Галатам 6:7, 8).

¹⁰ Если амэ жувас кадя, сар чалёл лэ Иеговасти, тоди амэндэ на авэна проблемы лэ зорэса, на авэла ԥарэс по ди и амари дружба лэ Иеговаса на прожала. О Иегова ӷанэн, со важ амэндэ май фэдэр. Акэ, со ԥэнэн и ԥэй Орора, сави жувэл андэ США: «Мэ патяв, если кандэса лэ Иеговас, тутэ авэла со май лащи жызня пэ люма». И када кадя. Погиндон, скати лашимос тумэнди дэл кода, кай тумэ кандэн лэ Иеговас.

11. Сар амэнди поможын и молитвы?

¹¹ И молитва дэл зор амэнди тэ кандас лэ Дэвлэс, дажэ тоди, кала када ԥарэс. Дэкала амэнди ԥарэс тэ кандас лэ Иеговас. Но амэнди трэбуй тэ борисавас кодэлэса, со камэл и ӷрешно тила, но на любий о Иегова. О псалмопевцо ясвэнца мангэлас лэ Дэвлэс: «Дэ манди тэ полав, кай мэ тэ ритярав тиро законо и тэ фэрисарав лэс всаворэ одеса» (Псалом 119:34). Акэ со ԥэнэн и Дениза, сави служый, сар общё пианеро: «Кала манди ԥарэс андэ дэсо тэ кандав лэ Иеговас, мэ мангавпэ, кай мандэ тэ авэл зор тэ терав, сар трэбуй». Амэ можэм тэ патяс, кай о Иегова ашунэла, кала лэс пала када мангас (Луки 11:9—13).

ПОМОЖЫН АВРЭНДИ ТЭ ЛЮБИН АМАРЭ НЕБЕСНОНЭ ДАДЭС

12. Со амэнди трэбуй тэ терас, сар запистромэ андэ Эфесянам 5:1?

¹² Адиносар Эфесянам 5:1d. Сар лэ Иеговастирэ «любими бэяцэ», амэ всаворэ зорэса камас тэ терас кадя, сар во. Кала амэ терас кадя, тоди, вижал, амэ любисарас аврэн, терас лэнди лашимос и простисарас лэндирэ ошыбки. Через кода, кай амэ пэс драго андярас, кодэла, ко на служын лэ Дэвлэсти, моӷут тэ закамэн тэ уӷанэн май бут пала лэстэ (1 Петра 2:12). Лэ христианонэнди, савэндэ исин бэяцэ, трэбуй тэ андярэн пэс лэнца кадя, сар о Иегова амэнца. Тоди и бэяцэ, можэт, кадяжэ закамэна тэ дружын амарэ любящёнэ Дадэса.

13. Со дэла амэнди зор тэ авас май смили?

¹³ Канешно, о бэято абурой андэ пэско дад и лэсти чалёл тэ росԥэнэн пала лэстэ аврэнди. Кадя жэ и амэ абуросарас андэ пэско Дад, андо Иегова, и камас, кай авэр пала лэстэ тэ уӷанэн. Амэндэ андо ди кода жэ, со сас кай о царё о Давидо, саво пистросардя: «Мэ абуримаса лава тэ хвалисарав лэ Иеговас» (Псалом 34:2). Но со, если амэ лажавнэ? Кай тэ лас смилость? Амэ ашаса май смили, сар ласа тэ гиндосарас пала кода, пэ скати дэ лошало авэла о Иегова, если амэ ласа тэ дас дума пала лэстэ и сар можэт тэ парудёл и жызня кодэлэнди, касти росԥэнаса важ лэстэ. О Иегова дэла амэнди смилость. Во поможысардя амарэ ԥралэнди, савэ жувэнас андэ пэрво вико, тэ авэн смили, во поможыя и амэнди (1 Фессалоникийцам 2:2).

14. Васо трэбуй тэ росԥэнас лащи весть и тэ сытярас лэ манушэн?

¹⁴ О Иегова на гиндой ни пала кастэ вэрыто. Во лошавэл, кала амэ кадяжэ любисарас аврэн, и на шас сама катар вонэ (Деяния 10:34, 35). Со май драго тэ сыкавас амари любовь каринг кодэла, ко паша амэндэ, када тэ росԥэнас лэнди лащи весть (Матфея 28:19, 20). Со када лэнди анэна? Кодэла, ко ашунэн амари весть, смоӷут тэ парувэн пэстири жызня, кай тэ авэл май лащи и тэ тердён по дром, саво андярэл каринг и вечно жызня (1 Тимофею 4:16).

ЛЮБИН АМАРЭ ДЭВЛЭС И АВЭН БАХТАЛЭ

15, 16. Васо амэ трэбуй тэ авас бахталэ?

¹⁵ О Иегова любящё Дад и во камэл, кай всаворэ андэ лэско ери тэ авэн бахталэ (Исаия 65:14). Хоть дэкала амэнди ԥарэс, но амэндэ исин бут васо тэ авас бахталэ. Амэ патяс, кай амаро небесно Дад фартэ амэн любий. Амэ драго ӷанас о чачимос анда лэ Дэвлэско Алав, анда Библия (Иеремия 15:16). Ай инке амэ лошалэ тэ авас андо особо ери, андэ саво всаворэ любин лэ Иеговас и лэстирэ законоря и ек еқэс (Псалом 106:4, 5).

¹⁶ Амэ можэм тэ авас бахталэ, важ кода кай патяс, кай англэ авэла инке май лащи жызня. Амэ ӷанас, кай йто о Иегова умарэла всаворэн найлашэн. Инке амэ ӷанас, сар о Царство лэла тэ правий, пэ ԥув авэла раё. Кадяжэ амэ аштярас о лашимос, кай кодэла, ко муля, ринапэ каринг и жызня и диқэнапэ пэстирэ чаченца (Иоанна 5:28, 29). Сави дэ бахтали авэла кадэя время! Ай само ӷлавно, амэ патяс, кай всаворэ по нэбо и пэ ԥув никала на парашэна тэ патян андэ амаро любящё Дад. Вонэ лэна всегда тэ стон патив и тэ хвалин лэ Иеговас, сар во када и ашэл.