Аштярэн тумэ кодэва «форо, саво авэла састо»?

1. Пэр со жан бут христианоря и васо?

АНДЭ амарэ деса милионоря лэ Дэвлэстирэ служытеля бут состар отԥэндёнпэ, кай май бут тэ служын. Бут ко андар лэндэ витидэ важ пэстэ тэ на жан миростэ чи тэ на жэнинпэ. Кастэ исин хулай чи хулаи витидэ важ пэстэ, кай пока лэндэ на авэна бэяцэ. Ай кастэ исин бэяцэ, вонэ витидэ важ пэстэ, кай лэнди хутилэл о хабэ и ловэ, савэ лэндэ исин акана. Васо вонэ када витидэ? Важ кода кай андэ пэстири жызня вонэ камэн май бут тэ терэн важ о Иегова. Вонэ патян, кай о Иегова дэла лэнди вся, со трэбуй. Можэт во тэ бистрэл пала лэндэ? Най, канешно! Васо амэ андэ када патяс? Важ кода кай андэ дэлмутни время, о Иегова кадяжэ дэлас пэстирэ служытелёнэнди вся, со лэнди трэбуй. Во блаӷословисардя лэ Авраамос, саво сас «дад всаворэнго,... ко патял лэ Дэвлэсти» (Римлянам 4:11).

2. а) Васо, сар пистромэ андэ Евреям 11:8—10, 16, о Авраамо сас ӷотово тэ ашавэл о форо Уро? б) Пала со амэ подаса дума андэ кадэя статья?

² О Авраамо вушэро отԥэнделя лэ лашимастар, саво лэстэ сас андо форо Уро. Васо? Важ кода кай во аштярэлас «о форо, саво авэла састо». (Адиносар Евреям 11:8—10b, 16c.) Саво када «форо»? Саво ԥаримос сас кай о Авраамо, пока во лэс аштярэлас? Сар амэ можэм тэ сытювас кай о Авраамо и кодэлэндэ, ко терэлас кадя жэ, сар во, андэ амарэ деса?

СО КАДА «О ФОРО, САВО АВЭЛА САСТО»?

3. Саво «форо» аштярэлас о Авраамо?

³ «О форо», саво аштярэлас о Авраамо, када лэ Дэвлэско Царство, андэ саво о Иисусо и 144 000 помазани христианоря. О Павло ԥэндя по лэ Дэвлэско Царство, кай када «форо лэ жундэ Дэвлэско, небесно Иерусалимо» (Евреям 12:22; Откровение 5:8—10; 14:1). О Иисусо сытярэлас пэстирэ учениконэн тэ мангэнпэ пала кадэва Царство, кай во тэ авэл и тэ стерэл кода, со камэл о Дэл, най кати по нэбо, но и пэ ԥув (Матфея 6:10).

4. Со, сар пистромэ андэ Бытие 17:1, 2, 6, о Авраамо ӷанэнас пала «форо», саво сыкавэлас о Царство, пала саво о Иегова дя алав?

⁴ О Авраамо на ӷанэнас, сар вся авэла андэ лэ Дэвлэско Царство. Бут викоря када сас «свынто тайна» (Эфесянам 1:8—10; Колоссянам 1:26, 27). Но всаек о Авраамо ӷанэнас, кай дэсавэ анда лэстирэ потомкоря авэна царёря. Пала када лэсти дя алав екжэно о Иегова. (Адиносар Бытие 17:1, 2d, 6e.) О Авраамо фартэ патялас андэ кода, пала со лэсти дя алав о Иегова, ԥэнэса, во диқэлас лэ Памазаникос, чи лэ Христос, саво трэбуй сас тэ ашэл Царёса андэ лэ Дэвлэско Царство. Акэ васо о Иисусо ԥэндя лэ иудеёнэнди: «О Авраамо, тумаро дад, фартэ радосавэлас, кала аштярэлас тэ диқэл мэрно дес, и во додиқля лэс и обрадосайля» (Иоанна 8:56). Драго дицол, кай о Авраамо ӷанэнас, кай лэстирэ потомкоря лэна тэ правин андо Царство, саво стодя о Иегова. И во сас ӷотово тэ аштярэл, кала о Дэл зритярэла пэско алав.

5. Катар амэ ӷанас, кай о Авраамо аштярэлас «о форо», пала саво о Дэл дя алав?

⁵ Сар о Авраамо сыкавэлас, кай аштярэл «о форо», када лэ Дэвлэско Царство? Андо любо царство, саво сас пэ ԥув, во жувэлас, сар чужо. Во жувэлас андэ катуны и пэрэладэлас еқэ ҭанэстар пэ авэр ҭан. Никала на присытёлас тэ жувэл пэ ек ҭан и никала на подритярэлас лэ царёнэн, савэ правинас пэ кадэя ԥув. Ай инке о Авраамо на камэлас тэ стерэл кадя, кай лэстэ тэ авэл пэско царство. Во кандэлас лэ Иеговас и аштярэлас, кала во зритярэла пэско алав. Кадя о Авраамо сыкавэлас, кай фартэ патял лэ Иеговасти. Подам дума, саво ԥаримос лэсти прижаласпэ тэ пэрэандярэл и сости амэ можэм лэстар тэ сытювас?

САВО ԤАРИМОС САС КАЙ О АВРААМО?

6. Саво форо сас о Уро?

⁶ Андо форо Уро, анда саво ужыля о Авраамо, и мануша сас ӷрамотни, барвалэ и ӷанэнас вся тэ подадинон и котэ сас найопасно тэ жувэс. Лэстэ сас ҭулэ, састэ стины, и круӷом лэстэ сас виӷанади бари яма, андэ сави сас бут паи. И учони мануша, савэ розӷанавэн кода, со ужэ дэлмут пашлёл андэ ԥув, виарақлэ бут лила, па савэ дицол, кай андо форо ӷанэнас драго тэ тинэн и тэ битинэн. И цэра строинас анда кирпичоря, и стины макэнас, кай вонэ тэ авэн ровни и лэн белинас. Андэ дэсавэ цэра сас 13—14 комнаты, ай и грады сас вистодэ анда бара.

7. Васо лэ Авраамости трэбуй сас фартэ тэ патял, кай о Иегова фэрия лэс и лэстирэ ерес?

⁷ О Авраамо трэбуй сас фартэ тэ патял, кай о Иегова фэрия лэс и лэстирэ ерес. Васо? Важ кода кай о Авраамо и Сарра отԥэнделэ тэ жувэн спокойно и драго андо Уро, ай линэ тэ жувэн андэ катуны и тэ пэрэладэн еқэ ҭанэстар пэ авэр ҭан па Ханаанско ԥув. Ни ҭулэ стины, ни яма паеса, сави сас круӷом о форо, будэр на фэринас лэ Авраамос и лэстирэ ерес. И вороӷоря моӷли андэ любо маменто тэ дэн пэр лэндэ.

8. Саво ԥаримос прижыляпэ тэ пэрэандярэл лэ Авраамости?

⁸ О Авраамо терэлас вся кадя, сар ԥэнэнас лэсти о Иегова. Но андо ек маменто лэсти ашэля ԥарэс тэ праварэл лэ ерес. Пэ ԥув, андэ сави лэс бишалдя о Иегова, дя баро боқалимос. Лэ Авраамости сас кадя ԥарэс, кай во витидя пэ дэсави время всаворэ ереса тэ пэрэладэл андо Египто. Кала во авеля андо Египто, о фараоно заля лэ Авраамостар ла Сарра, андя пэстэ цэрэ и камэлас тэ жэнийпэ пэр латэ. Кати погиндон, сар сас ԥарэс лэ Авраамости, кала во аштярэлас, пока о Иегова зашолапэ пала лэстэ и заставия лэ фараонос тэ отдэл лэсти палпалэ ла Сарра! (Бытие 12:10—19).

9. Саво ԥаримос сас кай о Авраамо андо ери?

⁹ Андо ери кай о Авраамо кадяжэ сас ԥаримос. Лэстиря хулаятэ, савя во любияс, на сас бэяцэ. Бут бэрша лэнди сас ԥарэс кадэлэстар. Потом и Сарра отдя лэ Авраамости пэстиря служанка, ла Агаря, кай вой тэ анэн лэнди бэятонэн. И кала латэ сас трэбуй тэ арақадёлпэ о Измаило, вой ля тэ гиндой, кай вой май лащи, чем латири ӷоспожа и Сарра. Ла Саррати кадэлэстар сас фартэ ԥарэс, и вой стердя кадя, кай и Агарь тэ унашэлтар латар (Бытие 16:1—6).

10. Со прижыляпэ тэ пэрэандярэл лэ Авраамости, кай тэ сыкавэл, кай во фартэ патял лэ Иеговасти?

¹⁰ Прожыля время, и Сарра доаштярделя и бах и вой андя лэ Авраамости шавэс, савэсти во дя алав Исаако. О Авраамо любияс лэ́дуен пэстирэ шавэн, лэ Измаилос и лэ Исаакос. Но о барэдэр шаво найдраго обжаласпэ лэ цыкнэдэрэса. И важ када лэ Авраамости прижыляпэ тэ видаравэл лэ Измаилос и ла Агаря (Бытие 21:9—14). Прожылэ бут бэрша и о Иегова мангля лэ Авраамос тэ анэн андэ жэртва лэ Исаакос (Бытие 22:1, 2; Евреям 11:17—19). Андэ кадэла лэдуй маменторя лэ Авраамости трэбуй сас фартэ тэ патял лэ Иеговасти, кай во зритярэла пэско алав, саво во лэсти дя.

11. Васо лэ Авраамости трэбуй сас тэ аштярэл лэ Иеговас и тэ на холявэл?

¹¹ Бут бэрша лэ Авраамости трэбуй сас тэ аштярэл и тэ на холявэл, пока о Иегова зритярэла пэско алав, саво во лэсти дя. Кала о Авраамо пэстирэ чаченца ужылятар анда Уро, лэсти сас варикай пала 70 бэрш (Бытие 11:31—12:4). Май бут чем шэл бэрш во жувэлас андэ катуны, и пэрэладэлас еқэ ҭанэстар пэ авэр ҭан па Ханаанско ԥув. Во муля, кала лэсти сас 175 бэрш (Бытие 25:7). О Авраамо кадя и на доаштярделя, кала о Иегова дэла лэстирэ потомконэнди и ԥув, пала сави во дя алав. И кадяжэ во на дожудя каринг кодэя время, кала авэла «о форо», саво во фартэ аштярэлас, када лэ Дэвлэско Царство. И всаек, сар пистромэ андэ Библия, во муля «довольно пэстиря жызняса» (Бытие 25:8). Хоть лэсти прижыляпэ тэ пэрэандярэл бут ԥаримос, во всаек на парашэля фартэ тэ патял лэ Иеговасти и тэ аштярэл лэс. Со лэсти поможысардя андэ када? Вся лэ Авраамости жызня о Иегова сас важ лэстэ друӷо и фэрияс лэс (Бытие 15:1; Исаия 41:8; Иакова 2:22, 23).

12. а) Со амэ всаворэ аштярас? б) Пала со акана подаса дума?

¹² Амэ, сар и о Авраамо, аштярас «о форо, саво авэла састо», када лэ Дэвлэско Царство. Канешно, амэнди на трэбуй тэ аштярас, «о форо», кала лэс строина, важ кода кай во ужэ исин, и лэ 1914 бэршэстар лэ Дэвлэско Царство правий по нэбо (Откровение 12:7—10). Но амэ аштярас, кала во залэла тэ правий лэ мироса пэ ԥув. Ай пока амэндэ кадяжэ бут ԥаримос, саво шолпэ пэ кодэва, саво сас кай о Авраамо и кай и Сарра. И амэ можэм тэ сытювас лэндар. Адес бут лэ Дэвлэстирэ служытеля терэн кадя жэ, сар и вонэ. Пала дэсавэ андэр лэндэ пистромэ андэ «Сторожэво башня». Кадэла ԥрала и ԥэя сыкавэн пэстиря жызняса, кай вонэ кадяжэ, сар варикала о Авраамо и Сарра, на холявэн, кала варисо долӷо аштярэн и фартэ патян лэ Дэвлэсти. Подаса дума, со сас дэсавэ ԥралэнца и ԥэянца и сости амэ можэм лэндар тэ сытювас.

ВОНЭ СЫТЁНАС ЛЭ АВРААМОСТАР

13. Сости амэ можэм тэ сытювас кай о Билло Уолдено?

¹³ Авэн ӷотови тэ отԥэндёнпэ варисостар важ о Дэл. Если амэ камас, кай лэ Дэвлэско Царство тэ авэл май важно всаворэстар андэ амари жызня, тоди амэ трэбуй, сар и о Авраамо, тэ авас ӷотови тэ отԥэндювас варисостар, кай о Иегова тэ авэл лошало (Матфея 6:33; Марка 10:28—30). Уӷанам, со сас еқэ ԥралэса, савэс ақарэн Билло Уолденоf. Андэ 1942 бэрш во трэбуй сас тэ парашэл тэ сытёл андо университето андэ Америка, кай тэ авэл инжэнеро-архитекторо. Андэ кодэя время во уӷангля лэ Иеговастирэ свидетелёнэн и закамля тэ сытёл па Библия. О прафесаро анда университето доԥэнделяпэ, кай о Билло, кала досытёла, тэ терэл бути андэ ек фирма. Но о Билло отԥэнделя. Во росԥэндя, кай камэл тэ отдэл пэско зор най важ и бути, ай важ и служэния лэ Дэвлэсти. Посли када лэ Биллос виақардэ андэ халавдэ. Во пативалэс росԥэндя, васо во на жал. Важ када лэсти випистросардэ штрафо 10 000 долларов и динэ панч бэрш тэ бэшэл андо баруно. Через трин бэрш лэ Биллос одмэклэ. Через дэсави время лэс ақардэ тэ сытёл андэ Школа Галаад и, сар отсытеля, во ля тэ служый мисианероса андэ Африка. Потом во жэнисайля пэ манушни, савя ақарэнас Ева. Вонэ дуйжэнэ служынас мисианеронэнца. Кай кадя тэ служын, лэнди прижаласпэ бут пэр со тэ жан. Через дэсави время вонэ рисайлэ цэрэ андэ Америка, кай тэ диқэн пала лэ Биллостири дэй. Акэ, со о Билло росԥэнэн пала жызня, сави во прожудя: «Мэ фартэ лошало, кала гиндосарав, сави бах манди випэля, кай тэ служысарав лэ Иеговасти май бут чем 70 бэрш. Кала мэ пала када гиндосарав, мандэ радостятар котинпэ и ясва. Мэ часто блаӷодарисарав лэ Иеговас пала кода, кай во поможысардя манди, кай и служэния тэ авэл ӷлавно андэ мэрни жызня». Ай тумэндэ вижылоп тэ служын вся и жызня лэ Иеговасти полновременно?

14, 15. Сости тумэ можэте тэ сытён кай о Аристотелисо и Элени Апостолидисо?

¹⁴ На гиндон, кай тумэндэ на авэла ԥаримос. Сар дицол анда кода, со сас лэ Авраамоса, дажэ кодэлэндэ, ко вся и жызня служый лэ Иеговасти, всаек исин ԥаримос (Иакова 1:2; 1 Петра 5:9). Када дицол андэ кода, со сас лэ ԥралэса, савэс ақарэн Аристотелисо Апостолидисоg. Во болделя андо 1946 бэрш андэ Греция. Прожыля время и во уӷангля ла ԥья, савя ақарэн Элени. Вой кадя жэ, сар и во, камэлас тэ отдэл пэско зор, кай тэ служый лэ Иеговасти. И андэ 1952 бэрш вонэ доԥэнделэпэ, кала лэндэ авэла ябьяв. Но вой фартэ занасвайля. И врачоря ԥэндэ, кай латэ опухоль андо шэро. Лати стердэ операцыя и улинэ и опухоль. Но через дэсавэ бэрша посли кода, сар вонэ жэнисайлэ, о насвалимос рисайля. Лати упалэ стердэ операцыя, посли сави ла парализовало, но най полностью. Вой на ля драго тэ дэл дума. Но и Элени на диқэлас ни пэ кода, кай латэ найдраго лэ зорэса, ни пэ кода, кай андэ кодэя время андэ Греция и власти ӷонинас лэ Иеговастирэ служытелёнэн. Вой всаек анда вся оди служыяс лэ Иеговасти.

¹⁵ О Аристотелисо 30 бэрш диқэлас пала пэстири насвали хулаи. И андэ кадэла бэрша во сас старейшына, терэлас бут дила андэ разни камитеторя пэ канӷрэсоря и строияс и Залоря важ и канӷрэсоря. Андэ 1987 бэрш, кала и Элени сас андэ служэния, ласа тердяпэ бида и вой трин бэрш пашлеля андэ кома и потом муля. Кала о ԥрал Аристотелисо гиндой пала пэстири жызня, во ԥэнэн: «Важ кадэла бэрша мандэ сас бут ԥаримос, и дэсаво андэр лэндэ дэлас пэр мандэ, кала мэ када на аштяравас. Важ када манди трэбуй сас тэ виритярав о ԥаримос и тэ ӷанав тэ аштярав лэ Дэвлэс и тэ на холявав. О Иегова вся и время дэлас манди зор, кай вся тэ виритярав» (Псалом 94:18, 19). Сар жэ фартэ о Иегова любий пэстирэ служытелёнэн, савэ анда вся оди служын лэсти и на диқэн по ԥаримос!

16. Саво совето дя о Нейтано Норро пэстиря хулаяти?

¹⁶ На бистрэн пала лашимос, саво тумэндэ авэла англэ. О Авраамо на бистрэлас пала лашимос, саво авэла англэ, и пала саво о Иегова дя лэсти алав. Када поможыяс лэсти тэ пэрэандярэл о ԥаримос. Кадяжэ терэлас и амари ԥэй Одри Хайд. Лако хулай о Нейтано Норро муля лэ ракостар. Потом вой вижыля пала аврэстэ, савэс ақарэнас Гленно Хайдо. Лэстэ сас насвалимос, пэ саво ԥэнэн болезнь Альцгеймераh. Но вой всаек на парашэлас тэ гиндой пала лашимос, саво авэла англэ. И Одри росԥэнэн, кай лати поможысардэ и алава, савэ ԥэндясас лако хулай о Норро англа пэсти смэрть: «Во ԥэндя манди: „Смэрть, када инке най вся. Амэ аштярас о лашимос, саво авэла англэ, и амэнди будэр на прижалапэ тэ мучисавас“. Кадяжэ во ԥэндя лашэ алава, савэ подритярдэ ман: „Дик англэ, интя кай тут аштярэл о лашимос“ [...] И инке ԥэндя: „Тер май бут дила, старысав тэ терэс варисо лашо важ авэр мануша. Када поможыя тути тэ радуиспэ ла жызняти“». Саво дэ лашо совето, тэ терас важ авэр варисо лашо и тэ лошавас, кай англэ авэла о лашимос, саво амэ аштярас! (Римлянам 12:12).

17. а) Васо амэ трэбуй тэ шас сама май бут по лашимос, саво авэла англэ? б) Сар кода, со запистромэ андэ Михей 7:7, поможыя, кай амэндэ тэ авэл о лашимос лэ Иеговастар?

¹⁷ Адес амэнди, сар никала, трэбуй тэ на бистрас пала лашимос, саво авэла англэ. Кода, со терэлпэ андэ люма сыкавэл, кай амэ жувас андэ кодэя время, кала кончинпэ и послидни деса. Йто амэ ужэ на ласа тэ аштярас, кала лэ Дэвлэско Царство, саво о Авраамо сыстосардя лэ састэ фороса, лэла тэ правий пэ ԥув. Англэ амэн аштярэл бут лашимос. Амэ упалэ диқаса амарэн чачен, савэ мулинэ. Андэ кодэя жэ время о Иегова дэла о лашимос лэ Авраамости, важ кода кай во ӷанэнас долӷо тэ аштярэл лэс и на холявэлас. О Иегова дэла лэсти и лэстирэ родости тэ жувэн вечно пэ ԥув. Сар дэ драго авелоп лэн тэ диқас, чаче? Тумэ диқэна вся када, если лэна тэ терэн акэ со. Пэрво, если тумэ, сар и о Авраамо, авэна ӷотови тэ отԥэндёнпэ варисостар важ лэ Дэвлэско Царство. Дуйто, если на парашэна тэ патян лэ Дэвлэсти андэ кадэя ԥари время и, трито, если сытёна тэ аштярэн лэ Иеговас и тэ на холявэн. (Адиносар Михея 7:7i.)