Состар па чачимастэ зависит тири жызня англэ?
Бут мануша гиндон, кай лэндиря жызняса управляет варисаво невидимо зор. Через кода, кай патян андэ када, вонэ терэн разно дила, сави, сар вонэ гиндон, поможыя, кай лэндири жызня тэ ашэл май лащи.
АНДЭР СО ПАТЯН И МАНУША
ДРАБАТЯРИМОС ПА ЗВЁЗДЫ. Дэсавэ мануша гиндон, кай лэндири жызня зависит кодэлэстар, сар тердёнас и звёзды андэ кодэва маменто, кала вонэ арақаделэпэ. Важ када вонэ шон сама пэ ӷороскопоря. Кадя вонэ камэн тэ полэн, состар тэ фэринпэ, ай со анэна лэнди лашимос.
ФЭНШУЁ. Авэр мануша гиндон, кай лэндэ авэла лащи жызня, если вонэ ростона вся круӷом пэстэ кадя, кай када и о невидимо зор, саво исин андэ природа, тэ сжалпэ. О Ливеёa, саво жувэл андо Гонконго, ԥэнэн: «О мастеро па фэншуё посоветовал манди, кай мэ андо мэрно маӷазино тэ став особо кристало по определённо ҭан. Во ԥэндя, кай када поможыя манди тэ затерав май бут ловэ».
ТРЭБУЙ ТЭ ТЭЛЁН ЛЭ МУЛЭНДИ. Исин и кацавэ мануша, савэ патян, кай трэбуй тэ уӷодин лэ мулэнди и разнонэ дэвлэнди. И мануша, савэ патян андэ када, гиндон, кай када поможына и фэрина лэн. О Ва́но, саво жувэл андо Вьетнамо, росԥэнэн: «Дэлмут мэ патявас, кай если лава тэ тэлював лэ мулэнди, мэрни жызня ашэла май лащи и вонэ фэрина ман и мэрнэ ерес».
РЕИНКАРНАЦЫЯ. Бут мануша патян, кай кала о мануш мэрэл, лэстири жызня пэрэжал андо жывотно или авэр мануш, и када терэлпэ постоянно. Вонэ гиндон, кай адес о найлашимос и о лашимос лэндэ исин через кода, со вонэ терэнас андэ прошло жызня.
Хоть дэсавэ мануша и гиндон, кай када суеверия, вонэ всаек драбатярдён, ашунэн и диқэн и ӷороскопоря, драбатярэн па карты или терэн авэр кацави жэ дила. Вонэ терэн када, кай если со тэ ӷанэн, со лэндэ авэла англэ.
ЧАЧЕ ВСЯ КАДА ПОМОЖЫЙ ЛЭ МАНУШЭНДИ?
Дэл вся када ӷарантия, кай авэла лащи и стабильно жызня акана и англэ?
О Ха́о, саво жувэл андо Вьетнамо, росԥэнэн, кай сас время, кала во драбатярэлас па звёзды, жувэлас па фэншуё и старыияспэ тэ уӷодий лэ мулэнди. Андя лэсти вся када лашимос андэ жызня? О Ха́о росԥэнэн: «Мандэ на ашэляпэ бизнэсо, мэ заӷульдэм андо вужылимос и появисайлэ проблемы андо ери. Через вся када манди сас ԥарэс по ди и мандэ умэклэпэ и вас».
О Ян анда Тайвань тожэ патялас андо драбатяримос па звёзды, андэ реинкарнацыя и судьба. Во кадяжэ жувэлас па фэншуё и тэлёлас лэ мулэнди. Кала во вся када драго иследовал, во ԥэндя: «Мэ полэм, кай всаворэ кадэла учении на сжанпэ ек еқэса и змарэн па правильно дром. Мэ шутэм сама, кай и ӷороскопоря часто хохавэн, ай андэ реинкарнацыя нинай нисаво смысло. Если тумэ на сэрэн, со сас андэ предыдущё жызня, сар тумэ можэте варисо тэ парувэн и тэ домардён лашимос андэ авэр жызня?»
«Мэ полэм, кай всаворэ кадэла учении на сжанпэ ек еқэса и змарэн па правильно дром» (ЯН, ТАЙВАНЬ)
О Ха́о, о Ян и авэр бут мануша полинэ, кай пэ кода, сави авэла англэ жызня нэ влияет и реинкарнацыя, и звёзды, и судьба или кода, кай тэлён лэ мулэнди. Тоди сыкавэл вся када, кай амэ нэ можэм тэ повлияем пэ амари жызня, сави авэла англэ?
Бут мануша гиндон, кай важ и стабильно жызня трэбуй образования и барвалимос. Сави жызня кодэлэндэ, ко стердя кацаво выборо?
a Андэ кадэя и авэр статьи дэсавэ манушэн ақарэн най кадя, сар пистромэ.
b Кадэла алава запистромэ андэ Библия андэ Галатам 6:7. Кацаво жэ гиндо исин и андэ авэр бут мудри алава, например: «Со затерэла о мануш, кода и хала».