Сави авэла тутэ жызня, зависит тутар

Варикай 3 500 бэрш палпалэ о Дэл Иегова ԥэндя пэстирэ народости, со вонэ трэбуй тэ терэн, кай лэндири жызня тэ авэл бахтали. Во ԥэндя: «Мэ дав, кай тумэ екжэнэ тэ витидэн и жызня чи смэрть, блаӷословения чи амрая. Витидэ и жызня, кай тэ жувэс, ту екжэно и кодэла, ко тутар жана» (Второзаконие 30:19).

Кай кодэлэ манушэндэ тэ авэл лащи жызня, лэнди трэбуй сас тэ стерэн правильно выборо. Адес амэнди кадяжэ трэбуй тэ стерас выборо. Андэ Библия ԥэнэнпэ, кай важ и лащи жызня трэбуй «тэ любис тирэ Дэвлэс лэ Иеговас [и] тэ ашунэс лэско ӷолосо» (Второзаконие 30:20).

СО ЗНАЧИТ ТЭ ЛЮБИС ТИРЭ ДЭВЛЭС ЛЭ ИЕГОВАС И ТЭ АШУНЭС ЛЭСКО ӶОЛОСО?

УӶАН. Кай тэ полюбис лэ Иеговас, спэрва трэбуй тэ уӷанэс, со пала лэстэ пистромэ андэ Библия. Ту полэса, кай во любящё Дэл, саво камэл важ тутэ со май лашо. Во ԥэнэн амэнди тэ мангаспэ лэсти, «важ кода кай во фэрий и диқэл пала [а]мэндэ» (1 Петра 5:7). Андэ Библия о Дэл дя алав, кай если амэ тераса вся пэстиря ригатар, кай тэ пашувас каринг лэстэ, тоди «и во пашола каринг [а]мэндэ» (Иакова 4:8).

ТЕР КАДЯ, САР УӶАНГЛЯН. Тэ ашунэс лэ Дэвлэс, када тэ терэс кадя, сар сытярэл и Библия. Акэ со пистромэ пала кодэла, ко жувэл па латирэ мудри советоря: «Ту авэса бахтало по тиро дром и лэса тэ терэс годявэрнэс» (Иисус Навин 1:8).