Патян, кай тумэ ӷанэн о чачимос пала Дэл!

1. Васо бут мануша нащи полэн кай о чачимос?

ТЫСЯЧИ мануша ԥэнэн, кай вонэ христианоря и доԥэнэн, кай служын лэ Дэвлэсти кадя, сар лэсти уӷодно. Важ када бут мануша загиндонпэ: «Хэба важ о Дэл кати ек вера чачуни или важ лэстэ нинай нисави разница, сави вера кай о мануш?» Важ када можно тэ полас, васо и мануша нащи полэн, кай о чачимос! Ай амэ патяс, кай кода, сости сытярэн лэ Иеговастирэ свидетеля, када чачимос, и кай лэ Дэвлэсти уӷодно, сар амэ лэсти тэлювас? Исин варисо, со доԥэнэн када? Давайте розласапэ.

2. Васо о Павло фартэ патялас, кай виарақля о чачимос пала Дэл? (1 Фессалоникийцам 1:5).

² О апостоло Павло фартэ патялас, кай виарақля о чачимос пала Дэл. (Адиносар 1 Фессалоникийцам 1:5.) Во най просто патялас, ай во драго вся розуӷанэнас, кай «всаворэ алава андэ Писания лэ Дэвлэстар» (2 Тим. 3:16). Каринг со андя кода, кай во драго розуӷанэнас? Андэ Свынто Писания о Павло виарақля, со доԥэнэн, кай о Иисусо када о Христос, савэс о Дэл бишалдя пэ ԥув. Но и барэдэра андэ веры на камэнас андэ када тэ патян. Кадэла мануша, савэ притерэнаспэ, кай патян андо Дэл, ԥэнэнас, кай патян, но пэ дила када на дицолас (Титу 1:16). О Павло цэнияс и Свынто Писания, важ када на витидэлас, андэр со тэ патял, ай андэр со тэ на патял. И во ԥэндя кацавэ алава: «Мэ на парашавас тэ росԥэнав вся лэ Дэвлэстири воля» (Деян. 20:27).

3. Можэм амэ тэ патяс, кай виарақлям о чачимос пала Дэл, дажэ если на уӷанглям атветоря пэ всаворэ пэстирэ вопросоря? (Диқэн и рамка «И мануша „никала полностью на полэна вся лэ чачунэ Дэвлэстири дила“».)

³ Дэкасти здэлпэ, кай андэ Библия трэбуй тэ авэн атветоря пэ всаворэ вопросоря. Но чаче андэ када трэбуй тэ патяс? Уӷанам, со ԥэндя о апостоло Павло пала када. Лэ ԥралэнди и лэ ԥэянди во ԥэнэнас: «Вся драго розуӷанэн» (1 Фес. 5:21). Во полэлас, кай бут со можэт тэ на ӷанэн (1 Кор. 13:9, 12). Да, кадя жэ, сар и о Павло, амэ адес бут со на полас. Но во драго ӷанэнас ӷлавно чачимос пала Иегова, и важ када во фартэ патялас, кай вся, со во уӷангля, када чачимос.

4. Сар амэ можэм тэ полас, кай виарақлям о чачимос пала Дэл, и со амэ уӷанаса пала чачунэ христианоря анда кадэя статья?

⁴ Кай тэ полас, чаче амэ виарақлям о чачимос пала Дэл чи най, сыстосараса, сости сытярэн и сар жувэн лэ Иеговастирэ свидетеля кодэлэса, сар жувэлас о Иисус Христос. Кадэя статья поможыя амэнди тэ уӷанас, кай и чачунэ христианоря на тэлён лэ хохавнэ дэвлэнди, стон патив по лэ Иеговаско алав, любин о чачимос анда Библия и анда вся ди любин ек еқэс.

АМЭ ТЭЛЮВАС КАТИ ЛЭ ЧАЧУНЭ ДЭВЛЭСТИ

5. Со амэ уӷанас анда кода, сар тэлёлас о Иисусо лэ Дэвлэсти, и со амэ трэбуй тэ терас, кай кадяжэ тэ тэлювас лэсти?

⁵ О Иисусо фартэ любий лэ Иеговас и важ када во тэлёл кати лэсти (Луки 4:8). Кадя сас и кала во сас пэ ԥув, и кала по нэбо. И пэстирэ учениконэн во сытярэлас, кай вонэ тожэ тэ тэлён кати лэ Иеговасти. О Иисусо и лэстирэ ученикоря, савэ на парашэн тэ кандэн лэ Дэвлэс, никала на тэлёнас кодэлэсти, со нарисовали и мануша. Лэ Дэвлэс нико на диқля и нэ можэт тэ диқэл. Важ када нико анда мануша нэ сможэт тэ стерэл дажэ хоть набут, кай тэ шолпэ варисо пэр лэстэ! (Ис. 46:5). Ай можно и мануша тэ тэлён кодэлэсти, пэр со ԥэнэн свынто и тэ мангэнпэ лэнди? Андэ 10 заповедей, савэ о Иегова ԥэндя лэ Моисеёсти, исин кацавэ алава: «На тер пэсти нисавэн хохавнэ дэвлэн, и на рисусар кода, со по нэбо упрэ чи пэ ԥув тэлэ... На тэлюв и на служысар лэнди» (Исх. 20:4, 5). Чаче, ко камэл тэ уӷодий лэ Дэвлэсти, кадэлэ манушэнди на трэбуй тэ росԥэнэс, сар када тэ терэн.

6. Кастар сытён лэ Иеговастирэ свидетеля тэ тэлён лэ Дэвлэсти?

⁶ И учони прижанэн, кай и христианоря андо пэрво вико тэлёнас кати лэ чачунэ Дэвлэсти. И если бы андэ қандири вонэ тэ додиқлоп варисаво рисунко, саво сыкавэл лэ дэвлэс, тоди лэнди авелоп гряца кадэлэстар. Андэ амарэ деса кай лэ Иеговастирэ свидетеля кацаво жэ гиндо. Амэ на тэлювас ни лэ «свынтонэнди», ни лэ анӷелонэнди, ни дажэ лэ Иисусости. Кадяжэ амэ на тэлювас нисости, со исин андэ амари страна и на отдас и честь лэ символонэнди, савэ исин андэр латэ. Со бы тэ на авэл андэ амари жызня, амэ камас тэ кандас лэ Иисусос и тэ терас кадя, сар во ԥэндя: «Тэлюв тирэ Дэвлэсти лэ Иеговасти и служысар кати лэсти» (Матф. 4:10).

7. Соса лэ Иеговастирэ свидетеля совсем на шонпэ пэ авэр религии?

⁷ Адес исин рашая, савэ фартэ ашунглэ, и лэн ӷанэн бут миро. И кода, сар и мануша ашунэн лэндирэ проповеди, дэкала, можно тэ ԥэнэс, кай кабута вонэ полэн лэн, сар дэвлэн. Фартэ бут мануша авэн андэ қандиря, тинэн лэндирэ книӷи, пэрэандярэн лэнди фартэ барэ ловэ и патян кажнонэ лэндирэ алавэсти. Кала вонэ лэн диқэн, вонэ кадя фартэ шон сама лэн, кай дажэ, можэт, лэ Иисусос кадя на шутоп сама, сар лэн! Ай со можно тэ ԥэнэс пала чачунэ лэ Иеговастирэ служытеля? Амэндэ кацаво нинай. Да, амэ стас патив пэ старейшыноря, но о Иисусо драго ԥэндя, кай «тумэ всаворэ ԥрала» (Матф. 23:8—10). Важ када амэ на терас ни анда рашая, ни анда барэдэра анда политика, кай вонэ важ амэндэ тэ авэн, сар дэл. Амэ на ӷуляс андэ политика и на подритярас лэндирэ арӷанизацыи. И кадэлэса амэ совсем на шаспэ ни пэ савэ христиански веры (Иоан. 18:36).

АМЭ СТАС ПАТИВ ПО ЛЭ ИЕГОВАСКО АЛАВ

8. Катар амэ ӷанас, кай о Иегова камэл, кай лэско алав тэ авэл ашунгло и лэс тэ ӷанэн всаворэ мануша?

⁸ Андэ ек пэстири молитва о Иисусо ԥэндя: «Дадэ, прославь тиро алав». И тоди о Иегова пэ кадэла алава ԥэндя: «Мэ прославил и инке прославлю» (Иоан. 12:28). Вся и время, кала о Иисусо служыяс пэ ԥув, во прославлял пэстирэ Дадэско алав (Иоан. 17:26). Со амэ анда када можэм тэ полас? И чачунэ христианоря кадяжэ трэбуй тэ терэн. Вонэ трэбуй тэ росԥэнэн пала лэ Дэвлэско алав аврэнди и тэ полэн, кай када бари бах.

9. Андэр со дицэля, кай и христианоря андо пэрво вико стон патив по лэ Дэвлэско алав?

⁹ Андо пэрво вико лэ Иисусостар, посли кода, сар появисайля христианско собрания, о Иегова «шутя сама пэ авэр народоря, кай тэ стидэл андар лэндэ народо важ пэско алав» (Деян. 15:14). И христианоря, савэ жувэнас андэ кодэя время, абуронас, кай моӷут тэ росԥэнэн пала лэ Дэвлэско алав всаворэ манушэнди. Кадяжэ вонэ пистронас лэ Дэвлэско алав андэ книӷи, савэ потом сас андэ Библияb. Кадэла христианоря сыкадэ, кай вонэ чаче лэ Дэвлэско народо, саво ԥиравэл лэско алав (Деян. 2:14, 21).

10. Со доԥэнэн, кай лэ Иеговастирэ свидетеля, када народо, саво ԥиравэл лэ Дэвлэско алав?

¹⁰ Чаче лэ Иеговастирэ свидетеля, када народо, саво ԥиравэл лэ Дэвлэско алав? Уӷанам, со када доԥэнэн. Адес бут рашая и барэдэра андэ веры терэн вся, кай тэ угаравэн лэ манушэндар лэ Иеговаско алав. Вонэ дажэ улэн анда пэстирэ Библии лэско алав, ай дэкала дажэ запритин тэ ԥэнэн лэ Дэвлэско алав, кала жал лэндири службаc. Сможэт хоть ек мануш тэ ԥэнэн, кай лэ Иеговастирэ свидетеля на стон патив пэ лэско алав? Исин инке варисави вера, сави бут со стердя, кай о миро тэ уӷанэн лэ Дэвлэско алав? Най евья пар мэндэ ԥэнэн, кай амэ лэ Иеговастирэ свидетеля! (Ис. 43:10—12). Амари арӷанизацыя вимэкля май бут чем 240 милионоря Библии «Переводо „Нэво миро“», андэ саво лэ Дэвлэско алав рисардэ кордэ, кай во трэбуй тэ авэл. Инке амэ вимэкас май бут чем пэ тысяча шыба и литература, сави па Библия, и андэ сави запистромэ лэ Иеговаско алав!

АМЭ ЛЮБИСАРАС О ЧАЧИМОС АНДА БИБЛИЯ

11. Андар со дицолас, кай и христианоря андо пэрво вико любинас о чачимос пала Дэл?

¹¹ О Иисусо любияс о чачимос пала Дэл и пала кода, со во загиндосардя. И во жувэлас кадя, сар уӷодно лэ Дэвлэсти, и росԥэнэнас пала када аврэнди (Иоан. 18:37). Лэ Иисусостирэ ученикоря тожэ любинас о чачимос пала Дэл (Иоан. 4:23, 24). О апостоло Пётро ԥэндясас, кай и христианоря жувэн па чачимос анда Библия (2 Пет. 2:2). И христианоря андо пэрво вико любинас о чачимос пала Дэл, через када вонэ отԥэндёнас всаворэстар, со на чалёлас лэ Дэвлэсти. Вонэ парашэлэ тэ ритярэн и традицыи, савэ сас андэ лэндири вера, и тэ терэн кода, со чалёл лэ манушэнди или лэнди екжэнэнди (Кол. 2:8). Кадяжэ и адес терэн и христианоря. Вонэ камэн тэ жан па чачуно дром. Вонэ патян андэ кода, со пистромэ андэ Библия и жувэн па лэ Иеговаско законо (3 Иоан. 3, 4).

12. Со терэн и ԥрала анда Руководящё совето, кала диқэн, кай трэбуй дэсо тэ парувэн андэ понимания, и васо?

¹² Лэ Дэвлэстирэ служытеля на ԥэнэн, кай вонэ драго вся полэн, со пистромэ андэ Библия. Дэкала вонэ нэправильно полэн, сости сытярэл и Библия, или прилэн нэправильни ришэния андэ арӷанизацыя. Амэ трэбуй тэ на удивисавас кадэлэсти, важ кода кай пала када запистромэ андэ Библия, кай лэ Дэвлэско народо лэла тэ уӷанэн о чачимос анда Библия май драго и май драго (Кол. 1:9, 10). Сар запистромэ, кай о свето «ашэл май ярко и май ярко, пока на ваздэлапэ о қам» (Прит. 4:18). Дэкала и ԥрала анда Руководящё совето полэн, кай нэправильно росԥэндэ варисаво гиндо анда Библия, и тоди вонэ быстро прилэн и ришэния, кай тэ парувэн када, и тэ объяснин кадя, сар май правильно. Андэ авэр христиански религии терэн па аврятэ. Вонэ парувэн варисо тоди, кала трэбуй тэ уӷодин лэ манушэнди, или тэ терэн кадя, сар модно или присытелэ тэ терэн и мануша андэ кадэя люма. Ай если лэ Дэвлэско народо парувэл варисо андэ понимания, тоди вонэ када терэн, кай тэ уӷодин лэ Дэвлэсти, и кай май точно тэ пэрэдэн и гиндоря анда Библия. Вонэ старыинпэ тэ терэн кадя, сар терэлас о Иисусо (Иак. 4:4). Да, амэ па чачимастэ любисарас о чачимос анда Библия! (1 Фес. 2:3, 4).

АМЭ ФАРТЭ ЛЮБИСАРАС ЕК ЕҚЭС

13. Пар со дицол, кай лэ Иеговастирэ свидетеля када чачунэ христианоря?

¹³ И христианоря андо пэрво вико на шонаспэ пэ авэр, важ кода кай вонэ любинас ек еқэс. О Иисусо ԥэндя: «Кала машкар тумэндэ авэла любовь, всаворэ ӷатярэна, кай тумэ мэрнэ ученикоря» (Иоан. 13:34, 35). Да, и любовь стидэл лэ Иеговастирэ свидетелёнэн па вся и люма, кай вонэ тэ авэн, сар ек ери. Андэ амаро дружно ери нико на диқэл, сави кай о мануш нацыя, барвало во чи чороро. И кадэлэса амэ на шаспэ пэ авэр религии. Особенно кадэя любовь дицол пэ амарэ собрании и канӷрэсоря. Када амэнди поможый инке май фартэ тэ полас, кай лэ Иеговасти уӷодно, сар амэ лэсти служысарас.

14. Сар дицол, кай амэ анда вся оди любисарас ек еқэс? (Колоссянам 3:12—14).

¹⁴ Андэ Библия запистромэ: «Фартэ любин ек еқэс» (1 Пет. 4:8). Через и любовь каринг амарэ ԥрала и ԥэя, амэ простисарас лэн и на шас сама пэ кода, со вонэ терэн най кадя. Кадяжэ амэ анда вся оди камас тэ терас лашимос и тэ авас ӷостиприимни каринг всаворэ андэ собрания, дажэ каринг кодэла, ко амэн холярдя. (Адиносар Колоссянам 3:12—14.) И любовь, сави исин машкар амэндэ, со май драго сыкавэл, кай амэ чачунэ христианоря.

«АМЭНДЭ ЕК ВЕРА»

15. Со инке доԥэнэн, кай амэ служысарас лэ Иеговасти кадя жэ, сар служынас и христианоря андо пэрво вико?

¹⁵ Со инке доԥэнэн, кай амэ служысарас лэ Дэвлэсти кадя жэ, сар и христианоря андо пэрво вико? Например, андэ амарэ собрании кацаво жэ порядко, саво сас кай и апостолоря. Амэндэ исин раёни надзирателя, старейшыноря и помошникоря андэ собрания (Флп. 1:1; Титу 1:5). Кадя жэ, сар и вонэ, амэ стас патив по брако и пэ отношэнии, савэ моӷут тэ авэн кати машкар хулай и хулаи. Инке амэ полас, кай о рат свынто, ай кадяжэ ӷанас, кай кала о мануш тердя бэзэх, лэс трэбуй тэ исключин анда собрания (Деян. 15:28, 29; 1 Кор. 5:11—13; 6:9, 10; Евр. 13:4).

16. Саво важно гиндо запистромэ андэ Эфесянам 4:4—6?

¹⁶ Сар ԥэндя о Иисусо, бут мануша лэна тэ ԥэнэн, кай вонэ лэ Иисусостирэ ученикоря, но па чачимастэ па лэндири дила када на дицола (Матф. 7:21—23). Кадяжэ андэ Библия пистромэ, кай андэ послидни деса бут миро «притерэнапэ, кай кандэн лэ Дэвлэс» (2 Тим. 3:1, 5). И андэр латэ драго ԥэнэнпэ, кай исин кати «ек вера», сави уӷодно лэ Дэвлэсти. (Адиносар Эфесянам 4:4—6.)

17. Ко адес терэл кадя, сар о Иисус Христос, и кастэ адес чачуни вера андо Дэл?

¹⁷ Кастэ адес чачуни вера андо Дэл? Ко адес полэл лэ Дэвлэс кадя, сар сыкадя о Иисус Христос и сар терэнас и христианоря андо пэрво вико? Анда кадэя статья амэ уӷанглям, кай исин бут, со доԥэнэн, кай када лэ Иеговастирэ свидетеля. Тэ авас андэ лэ Дэвлэско народо и тэ ӷанас о чачимос пала Дэл и пала кода, со во загиндосардя, када бари бах! Важ када на парашам тэ патяс андо чачимос анда Библия и тэ жувас кадя, сар сытярэл о Дэл!