Сар и книӷа Левит поможый правильно тэ обжаспэ аврэнца

1, 2. Со амэ уӷанглям анда кодэя статья и пала со подаса дума андэ кадэя?

АНДЭ кодэя статья амэ роздиқлям дэсавэ законоря анда 19 ӷлава Левит. Например, андо 3 стихо о Дэл ԥэндя лэ израильтянонэнди тэ стон патив пэ родителя. Амэ подям дума, сар амэ трэбуй тэ заботисавас пала родителя, кай лэнди тэ авэл драго по ди, тэ дас помощь лэ ловэнца и тэ поможысарас лэнди тэ на хасарэн и радость андэ служэния. Андэ кодэва жэ стихо о Иегова инке еқвар ԥэндя пала законо важ и суббота. И хоть амэ на ритярас и суббота, о принцыпо, пэ саво ритярдёл кадэва законо, поможыя амэнди постояно тэ витидас время важ и служэния лэ Иеговасти. Кадя амэ сыкаваса, кай камас тэ авас свынти, сар и пистромэ андэ Левит 19:2 и 1 Петра 1:15.

² Андэ кадэя статья амэ упалэ ласа тэ дас дума пала 19 ӷлава Левит. Амэ уӷанаса, сар тэ сыкавас пэстири доброта каринг и инвалидоря, сар тэ на хохавас андэ дилови вопросоря и сар тэ дицол амари любовь каринг авэр мануша. Амэ камас тэ авас свынти, сар амаро свынто Дэл, важ када давайте розласа кадэла вопросоря.

СЫКАВЭН ПЭСТИРИ ДОБРОТА КАРИНГ И ИНВАЛИДОРЯ

3, 4. Сар трэбуй сас тэ обжанпэ лэ корэнца и лэ кашукэ манушэнца, сар ԥэнэнпэ андэ Левит 19:14?

³ Адиносар Левит 19:14. О Иегова аштярэл, кай лэстирэ служытеля лэна драго тэ обжанпэ лэ манушэнца, савэ инвалидоря. Например, и израильтяноря нащи сас тэ дэн амрая лэ кашукэ манушэс, аврэ алавэнца, тэ уӷражают лэсти или тэ ԥэнэн пэр лэстэ найлашэ алава. Тэ андярэн пэс кадя, тай инке лэ кашукэ манушэса, када фартэ найдраго! Во жэ на ашунэн, со пала лэстэ дэн дума, и важ када нэ можэт тэ зашолпэ пала пэстэ.

⁴ Инке лэ Дэвлэстирэ служытеля нащи сас тэ стон варисо англа коро мануш, кай во тэ пэрэл. И учони, кала пистронас пала книӷа Левит, ԥэндэ пала инвалидоря: «Андэ дэлмутни время по Ближнё Востоко кацавэ манушэнца часто обжанаспэ нэсправедливо и жэстоко»b. Да, сас кацавэ жэстоки мануша, савэ, кай тэ подасанпэ лэ корэндар, стонас варисо тала пэрнэ лэнди, кай вонэ тэ пэрэн. Но нисо андэ када смешно на сас! Через кадэя заповедь о Иегова поможыяс пэстирэ народости тэ полэл, сар дэ важно тэ жалуин лэ корэн и лэ кашукэ манушэн.

5. Сар амэ можэм тэ полас и тэ жалуисарас лэ инвалидонэн?

⁵ О Иисусо полэлас и жалуияс лэ манушэн, савэндэ сас варисаво внешнё нэдостатко. Сэрэн, савэ алава во ԥэндя важ о Иоанно Крестителё? «И корэ диқэн, и ланганэ ԥирэн, и прокажони исцэлинпэ, и кашукэ ашунэн, и мулэ ринпэ каринг и жызня» (Луки 7:20—22). Всаворэ, ко диқэлас лэ Иисусостирэ чудеса, прославляли лэ Дэвлэс (Луки 18:43). И христианоря тожэ камэн тэ полэн и тэ жалуин лэ инвалидонэн, тэ сыкавэн лэнди пэстири доброта, тэ шон сама лэн и тэ авэн терпеливи лэнца. Адес амэндэ нинай зор лэ Иеговастар тэ терас чудеса. Но во дя амэнди задания тэ росԥэнас пала лэско Царство и пала раё пэ ԥув кодэлэнди, ко па чачимастэ коро и ко, можно тэ ԥэнас, коро, кай на ӷанэн лэ Дэвлэс (Луки 4:18). Бут мануша ужэ акана камэн прославлять лэ Дэвлэс, кала ашунэн амэндар и лащи новость, кай всаворэ ашэна зоралэ.

НА ХОХАВЭН АНДЭ ДИЛОВИ ВОПРОСОРЯ

6. Сар и 19 ӷлава Левит поможый амэнди май драго тэ полас и Дэш заповеди?

⁶ Дэсавэ стихоря анда 19 ӷлава Левит поможын амэнди май драго тэ полас и Дэш заповеди. Например, андэ восьмо ԥэнэнпэ: «На чор» (Исх. 20:15). Варико можэт тэ гиндой: «Мэ и кадя ритярав кадэя заповедь и никала на лэм нисо чужо». Но можно тэ чорэс и па аврятэ.

7. Сар о торӷовцо моӷ тэ нарушит и восьмо заповедь?

⁷ Погиндон пала торӷовцо, саво никала на лэлас, со най лэско. Можэт, лэсти дажэ андо шэро на авэлас кацаво гиндо, кай во моӷ варисо тэ чорэл. Но андэ Левит 19:35, 36 ԥэнэнпэ пала ек интересно маменто: «На дилярэн, кала мириин и длина и кала опридилин о весо или о объёмо. Мэк тумэндэ авэна точни висоря, точни ӷири, точно е́фа и точно ги́но». Васо о Иегова дя кацаво законо? Важ кода кай кодэва, ко дилярэлас пэ висоря, можно тэ ԥэнэс, чорэлас. Пала кадэва гиндо ԥэнэнпэ и андэ авэр стихоря анда 19 ӷлава Левит.

8. Сар и алава анда Левит 19:11—13 поможынас лэ евреёнэнди тэ жувэн па восьмо заповедь и саво лашимос амэнди када анэн?

⁸ Адиносар Левит 19:11—13. О 11 стихо начинаеца кацавэ алавэнца: «На чорэн». Ай андо 13 стихо ԥэнэнпэ: «На хохавэн пашутнэс». Дицол, кай если о мануш хохавэл, када почти ек, кала чорэл. Важ када тэ дилярэн андэ дила, када всаек со тэ чорэн. Если андэ восьмо заповедь просто ԥэнэнаспэ, кай нащи тэ чорэн, то андэ книӷа Левит пала кадэва законо росԥэнэнаспэ май драго, кай и евреёря ни андэр со тэ на хохавэн. Амэнди тожэ авелоп драго тэ погиндосарас, сар о Иегова диқэл пэ кода, кала чорэн и дилярэн. Амэ можэм тэ пушас пэстар: «Кала мэ адиносарав Левит 19:11—13, диқав мэ, кай манди трэбуй дэсо тэ парував андэ пэстири жызня? Трэбуй мэ, например, па аврятэ тэ андярав мэрни дила и бути?»

9. Сар о законо анда Левит 19:13 фэрияс лэ израильтянонэн?

⁹ Ай акэ со трэбуй тэ сэрэл о христианино, савэстэ исин бизнэсо. Андэ дуйто часть Левит 19:13 ԥэнэнпэ: «Лэ работникости, савэс наймисардэ, на заритярэн тэ отдэн и ловэ до утра». Бут израильтяноря сас земледельцоря. Лэ работникости, савэс наймисардэ, трэбуй сас тэ отдэн и ловэ важ и бути андэ кодэва жэ дес, а то лэсти авелоп найсоса тэ праварэл пэстирэ ерес. Лэ Иеговасти сас жалко кацавэ манушэс и важ када во ԥэндясас: «Отдэн и ловэ лэсти андэ кодэва жэ дес, пока на бэшэла о қам, важ кода кай во чороро и лэстири жызня зависит кадэлэ ловэндар» (Втор. 24:14, 15; Матф. 20:8).

10. Саво уроко важ амэндэ исин андэ Левит 19:13?

¹⁰ Адес бутэ манушэнди видэн и зарплата най кажно дес, ай еқвар или дувар андо шон. И всаек о принцыпо, пэ саво ритярдёлпэ о законо анда Левит 19:13, поджал и андэ амарэ деса. Дэсавэ барэдэра пэ бути розбарвадёнпэ кодэлэстар, кай потинэн лэ работниконэнди пэ бутэстэ май набут, чем трэбуй. Вонэ ӷанэн, кай бут мануша соӷласинапэ тэ терэн дажэ важ и копийки, важ кода кай найкаринг тэ терэнпэ. Но о христианино трэбуй справедливо тэ потинэл лэ работникости, савэс наймисардя. Ай акана давайте шаса сама пэ авэр урокоря анда 19 ӷлава Левит.

«ЛЮБИН ЛЭ МАНУШЭН, САР КОРКО ПЭС»

11, 12. Васо о Иисусо ԥэндя и алава анда Левит 19:17, 18?

¹¹ Лэ Дэвлэсти най всаек, сар амэ обжаспэ кодэлэнца, ко паша амэндэ. И дума на жал кати пала кода, кай тэ на стерас лэнди вредо. Када дицол анда Левит 19:17, 18 (адиносар). О Иегова ворта ԥэнэн: «Любин лэ манушэн, сар корко пэс». Кай о христианино тэ радуий лэ Дэвлэс, во трэбуй имено кадя и тэ терэл.

¹² Пала кода, пэскати дэ важно кадэя заповедь, ԥэндя и о Иисусо. Еқвар о фарисеё мангля лэс тэ ԥэнэн, сави заповедь андо законо само важно. О Иисусо атветил: «Любин тумарэ Дэвлэс лэ Иеговас всаворэ одеса, всаворя жызняса и всаворя годяса». Ай потом во, кала дэлас дума пала дуйто само важно заповедь, ԥэндя и алава анда Левит 19:18: «Любин лэ манушэн, сар корко пэс» (Матф. 22:35—40). Амэндэ исин бут возможности тэ сыкавас пэстири любовь каринг и мануша, савэ паша амэндэ. Давайте уӷанаса, со пала када ԥэнэнпэ андэ 19 ӷлава Левит.

13. Сар лэ Иосифоско примеро поможый амэнди май драго тэ полас и алава анда Левит 19:18?

¹³ Важ кодэва, ко любий лэ манушэн, савэ паша лэстэ, фартэ важно и заповедь анда Левит 19:18: «На рисарэн, на ритярэн холи пэ мануша анда тумаро народо». Наверно, тумэ ӷанэн варикас, ко, можэт дажэ бэршэнца, ритярэлас холи пэ кодэва, каса терэл бути, по однокласнико или пэ варикас анда родо. Андэ Библия тожэ запистромэ пала кацавэ мануша. Например, погиндосарам пала лэ Иосифостирэ ԥрала. Вонэ бэршэнца вэрыцынас пэстирэ ԥралэс и важ када фартэ жэстоко лэса обжылэпэ (Быт. 37:2—8, 25—28). Но о Иосифо андярдя пэс совсем па аврятэ. Лэстэ сас власть, и во моӷ бы вушэро тэ рий пала пэстэ пэстирэ ԥралэнди, но во лэн жалуисардя и простисардя. Во на ритярэлас пэр лэндэ холи и стердя кадя, сар потом сас запистромэ андэ Левит 19:18 (Быт. 50:19—21).

14. Васо можно тэ ԥэнас, кай и принцыпоря, пэ савэ основано о законо анда Левит 19:18, поджан и каринг амарэ деса?

¹⁴ О Иосифо на гиндояс, сар тэ рий пала пэстэ, и на ритярэлас холи пэ пэстирэ ԥрала, ай простисардя лэн анда вся ди. Кадя во сыкадя розлашо примеро лэ христианонэнди андэ амари время. О Иисусо тожэ сытярэлас кадэлэсти и андэ образцово молитва ԥэндя, кай амэ трэбуй тэ простисарас кодэлэн, ко амэн обидел (Матф. 6:9, 12). Кадяжэ и о апостоло Павло пистросардясас: «На рисарэн пала пэстэ» (Рим. 12:19). Ай андэ Колоссянам 3:13 во ԥэндясас: «На холявэн ек пэ ек и анда вся оди простин ек еқэс, если варикастэ исин васо тэ холявэл пэ авэр». Сар амэ диқас, лэ Иеговаско законо на парудёлпэ. Кадяжэ и принцыпоря, пэ савэ основано о законо анда Левит 19:18, поджан и каринг амарэ деса.

15. Саво примеро сыкавэл, васо важно тэ на ритярас холи?

¹⁵ Роздиқаса примеро. Дэкала, кала гитон тэ хан, тумэ можэте тэ шынэн пэсти о вас. Када нэприятно, но кадэлэстар нико на мэрэла. Ай дэкала можэт тэ авэл фартэ ӷлыбоко рана, и ужэ ла трэбуй тэ пэрэбинтуин и дажэ тэ засувэн. Если вся и время тэ ӷулен кай и рана, ай тем более тэ ӷанадён андэр латэ, кадэлэстар авэла кати май хужэ. Кадэва примеро драго сыкавэл, со можэт тэ авэл, кала амэн варико обидел. Например, о друӷо можэт тэ на гиндой и варисо тэ ԥэнэн или тэ стерэл, и амэ можэм лэс вушэро тэ простисарас. Ай дэкала амэн моӷут кадя тэ обидят, кай кадэлэстар можэт фартэ тэ дуқал оди. Бут мануша постояно ритярэн андо шэро пэстири холи, но кадэлэстар терэн хужэ кати пэсти. Фэдэр авэла андэ кадэва маменто тэ стерэн кадя, сар запистромэ андэ Левит 19:18.

16. Сар и израильтяноря трэбуй сас тэ андярэн пэс лэ манушэнца анда авэр народоря и сости амэн када сытярэл? (Левит 19:33, 34).

¹⁶ И израильтяноря трэбуй сас тэ обжанпэ драго най кати лэ манушэнца анда лэнго народо. О Иегова аштярэлас, кай вонэ лэна тэ любин и лэ манушэн анда авэр народоря, савэ жувэнас машкар лэндэ. О Иегова ворта ԥэндясас пала када андэ Левит 19:33, 34 (адиносар). И израильтяноря трэбуй сас драго тэ обжанпэ лэ манушэнца анда авэр народоря и тэ любин лэн, сар корко пэс. Например, андо законо ԥэнэнаспэ, кай най кати и израильтяноря моӷли тэ стидэн о уражаё, саво ашэляпэ пэ мал (Лев. 19:9, 10). И христианоря жувэн па принцыпо, пэ саво основано кадэва законо, и любин най кати кодэлэн, ко анда лэндири нацыя (Луки 10:30—37). Адес фартэ бутэ манушэнди прижалпэ тэ пэрэладэн тэ жувэн андэ авэр страна, и, можэт, кацаво миро исин и котэ, кай тумэ жувэн. Амэ трэбуй тэ стас патив пэ всаворэ мануша: и пэ взросли, и пэ бэяцэ.

САМО ВАЖНО ДИЛА ВАЖ О СВЫНТО НАРОДО

17, 18. а) Со амэ камас тэ терас, сар ԥэнэнпэ андэ Левит 19:2 и 1 Петра 1:15? б) Сави важно дила, сар ԥэндя о апостоло Пётро, амэ трэбуй тэ терас?

¹⁷ Анда Левит 19:2 и анда 1 Петра 1:15 дицол, кай лэ Дэвлэстирэ служытеля трэбуй тэ авэн свынти. Сар амэ полям, бут авэр стихоря анда 19 ӷлава Левит тожэ росԥэнэн амэнди, со трэбуй тэ терас, кай тэ радосарас лэ Иеговас. Анда кадэла дуй статьи амэ уӷанглям най всаворэ мудри советоря, савэ исин андэ кадэя ӷлаваc. Сар дицол анда Христиански Ӷречески Писании, о Иегова идоси камэл, кай и христианоря тэ жувэн па принцыпоря, пэ савэ основани кадэла законоря. Но о апостоло Пётро шол сама инке пэ ек гиндо.

¹⁸ Лэ Дэвлэстирэ служытеля терэн бут лащи дила, но о Пётро шутя сама пэ ек. Англа кода, сар тэ ԥэнэн, кай и христианоря трэбуй тэ авэн свынти, во пистросардя: «Мэк тумари годи авэла ӷотово важ и дила» (1 Пет. 1:13, 15). Со во камля кадэлэса тэ ԥэнэн? И помазани лэ Христостирэ ԥрала трэбуй сас «везде тэ росԥэнэн пала райканэ [лэ Иеговастирэ] качестворя» (1 Пет. 2:9). Адес када терэн всаворэ христианоря. Май важно кадэлэстар нисо нинай. Важ амэндэ, сар важ лэ Дэвлэско свынто народо, бари бах тэ проповедуем и тэ поможысарас лэ манушэнди тэ ашэн ученикоря! (Мар. 13:10). Важ када амэ пристас вся пэско зор, кай тэ терас кадэя дила. Если амэ жувас па принцыпоря анда 19 ӷлава Левит, кадя амэ сыкавас, кай любисарас лэ Иеговас и лэ манушэн, савэ паша амэндэ, и камас тэ авас свынти андэ вся.