«Кодэла, ко родэн лэ Иеговас, на хасарэна о лашимос»

1. Саво ԥаримос сас кай о Давидо?

О ДАВИДО гарадёл, кай тэ спасый пэстири жызня. Васо? О Сауло, о зорало израильско царё, родэл лэс, кай тэ умарэл. Лэ Давидости трэбуй хамос. Важ када во зажал андо форо Ново и мангэл кай о рашай панч лепёшки (1 Сам. 21:1, 3). Через дэсави время во и лэстирэ мануша гарадён андэ пещера (1 Сам. 22:1). Сар о Давидо попэля андэ кацави ситуацыя?

2. Васо можно тэ ԥэнас, кай о Сауло цырдэлас бида пэ пэско шэро? (1 Самуила 23:16, 17).

² Лэ Давидос любияс о народо, и во вицэлдя бут войны, ай лэ Саулос када захалас. О Сауло кадяжэ ӷанэнас, кай о Иегова отԥэнделя лэстар и вместо лэстэ витидя царёса андо Израилё лэ Давидос. (Проадинон 1 Самуила 23:16, 17.) Но о Сауло инке сас царё андо Израилё, и лэстэ сас бари армия. Бут мануша анда народо всаек лэс подритярэнас. Чаче во гиндояс, кай можэт тэ помешает лэ Иеговасти тэ стол лэ Давидос царёса? (Ис. 55:11). Андэ Библия на ԥэнэнпэ пала када. Но амэ точно ӷанас: о Сауло цырдэлас бида пэ пэско шэро. Кодэва, ко жал против о Дэл, никала на вицэлэла!

3. Сар о Давидо андярэлас пэс андэ ԥари время?

³ О Давидо на родэлас пэсти слава. Во на витидя, кай тэ авэл царё андо Израилё, — када стердя о Иегова (1 Сам. 16:1, 12, 13). Важ о Сауло о Давидо сас ӷлавно вороӷо. Но всаек о Давидо на дошалярэлас лэ Иеговас андэ пэстири бида и на ровэласпэ, кай лэсти прижалпэ тэ гарадёл андэ пещера и дэкала тэ на дохал и тэ на допэл. Можэт имено андэ кодэя время во пистросардя шукарни дили, кай тэ восхваляет лэ Иеговас, андэ сави исин алава: «Кодэла, ко родэн лэ Иеговас, на хасарэна о лашимос» (Пс. 34:10).

4. Пала савэ вопросоря амэ подаса дума и васо када важно?

⁴ Андэ амари время кай бут лэ Иеговастирэ служытеля сас кацаво, кай лэнди на дохутилэлас тэ ханb. И када инке май фартэ дицэля через и пандэмия COVID-19. Кадяжэ ӥто пашол и «само бари бида», и амэ полас, кай када авэла инке май ԥари время (Матф. 24:21). Важ када амэ роздиқаса штар вопросоря: 1) Со камля тэ ԥэнэн о Давидо, кала пистросардя, кай «кодэла, ко родэн лэ Иеговас, на хасарэна о лашимос»? 2) Со поможыя амэнди тэ авас довольни кодэлэса, со амэндэ исин? 3) Васо амэ можэм тэ патяс, кай о Иегова заботияпэ пала амэндэ? 4) Сар амэ можэм тэ авас ӷотови каринг кода, со авэла англэ?

«МАНДИ ВСЯ ЛЭЛА ТЭ ХУТИЛЭЛ»

5, 6. Сар о 23 Псалом поможый амэнди тэ полас лэ Давидостирэ алава: «Кодэла, ко родэн лэ Иеговас, на хасарэна о лашимос»?

⁵ Со камля тэ ԥэнэн о Давидо, кала пистросардя, кай «кодэла, ко родэн лэ Иеговас, на хасарэна о лашимос»? Тэ полас када амэнди поможыя о 23 Псалом. (Проадинон Псалом 23:1—6.) Спэрва андэ кадэва Псалом пистромэ: «О Иегова, када мэрно Пастухо. Манди вся лэла тэ хутилэл». Пэ еврейско шыб и алава «Манди вся лэла тэ хутилэл» шонпэ пэ кода, со пистромэ андо Псалом 34:10. Андо 23 Псалом о Давидо росԥэнэн, со па чачимастэ куч, — бут блаӷословении кай о мануш, саво витидя лэ Иеговас пэстирэ Пастухоса. Во андярэл лэ Давидос па праведни дрома и предано подритярэл, со бы тэ на авэл. Но о Давидо полэл, кай и служэния лэ Иеговасти на фэрий лэс лэ ԥаримастар. Дэкала андэ лэстири жызня моӷут тэ авэн трудности и дажэ вороӷоря. Но важ кода, кай о Иегова — лэско пастухо, во ԥэнэн: «На дарава никастар».

⁶ И акэ атвето по пэрво вопросо: со камля тэ ԥэнэн о Давидо, кала пистросардя, кай «кодэла, ко родэн лэ Иеговас, на хасарэна о лашимос»? Кай о Давидо сас вся, со трэбуй, кай тэ авэл лэ Иеговаско друӷо. Важ када, кай тэ авэл бахтало, лэсти на трэбуй сас бут мищимос. Во сас довольно кодэлэса, со дэлас лэсти о Иегова. Само ӷлавно важ лэстэ сас, кай о Иегова блаӷословий и фэрий лэс.

7. Сар пистромэ андэ Луки 21:20—24, саво ԥаримос прижыляпэ тэ пэрэандярэн лэ христианонэнди андо пэрво вико?

⁷ Лэ Давидостирэ алава анда Псалом 23:1 сыкавэн, пэскати дэ важно амэнди правильно тэ диқас по мищимос. Канешно, амэ можэм тэ лошавас кодэлэсти, со амэндэ исин, но о мищимос на трэбуй тэ авэл само ӷлавно андэ амари жызня. И сас фартэ важно, кай када тэ полэн и христианоря, савэ жувэнас андэ Иудея андо пэрво вико. (Проадинон Луки 21:20—24.) О Иисусо ԥэндя, кай авэла время, кала о форо Иерусалимо окружына и войскоря. Тоди лэнди трэбуй авэла тэ нашэн андэ плая. Кадя вонэ спасысардоп пэстири жызня, но важ када лэнди прижылопэ тэ ашавэн вся, со лэндэ исин. Найдэлмут андэ «Сторожэво башня» пала када сас пистромэ: «Вонэ мэклэ вся, со лэндэ сас, и дажэ нисо на линэ пэса цэрал. Вонэ патянас, кай о Иегова фэрия и подритярэла лэн. Важ када и служэния лэсти сас со май важно андэ лэндири жызня»c.

8. Саво важно гиндо важ амэндэ амэ уӷанас анда кода, со сас кай и христианоря анда Иудея, савэ жувэнас андо пэрво вико?

⁸ Саво важно гиндо амэ уӷанас анда кода, со сас кай и христианоря анда Иудея, савэ жувэнас андо пэрво вико? Андэ кодэя жэ «Сторожэво башня» ԥэнэнаспэ: «Можэт, андэ амари жызня авэна ситуацыи, кала дицола, со важ амэндэ май важно: о мищимос или и спасения лэ Иеговастар. Если амэ залас лэ Иеговастири риг, тоди амэнди, можэт, прижалапэ бут состар тэ отԥэндювас. Амэ трэбуй тэ авас ӷотови тэ стерас када, кадя жэ сар и христианоря анда Иудея андо пэрво вико».

9. Сар лэ Павлоско совето анда Евреям 13:5, 6 поможысардя лэ евреёнэнди?

⁹ Прецтавьте, сар дэ ԥарэс сас кодэлэ христианонэнди вся тэ ашавэн и тэ жувэн по нэво ҭан. Вонэ трэбуй сас тэ надеинпэ по Иегова, кай во дэла лэнди вся, со трэбуй важ и жызня. Важ и панч бэрш жы каринг кода, сар и римляноря тэ дэн по Иерусалимо, о апостоло Павло дя лэ евреёнэнди лашо совето: «Мэк андэ тумари жызня на авэла любовь каринг и ловэ. Авэн лошалэ кодэлэсти, со исин, важ кода кай во ԥэндя: „Никала на ашавава тут и никала на мэкава тут“. Важ када амэ би дарако можэм тэ ԥэнас: „О Иегова мэрно помошнико, на авава тэ дарав. Со стерэла манди о мануш?“» (Евр. 13:5, 6). Кодэлэнди, ко приля лэ Павлоско совето, авелоп май вушэро тэ андярэн просто жызня по нэво ҭан. Вонэ моӷли тэ патян, кай о Иегова заботияпэ пала кода, со лэнди трэбуй важ и жызня. Кадэва совето можэт тэ поможый и амэнди.

«АМЭ АВАСА ЛОШАЛЭ»

10. Пала саво секрето амэнди росԥэндя о апостоло Павло?

¹⁰ Кацаво жэ совето о Павло дя лэ Тимофеёсти, и во кадяжэ поджал всаворэнди амэнди. Во пистросардя: «Важ када, амэ аваса лошалэ, кай исин со тэ хас, со тэ лас пэр пэстэ и кай тэ жувас» (1 Тим. 6:8). Но камля о Павло тэ ԥэнэн, кай нащи тэ хас вкусно хамос, тэ жувас андо лашо цэр и тэ тинас пэсти нэви ӥда? Най, о апостоло ԥэнэнас най пала када. Во шутя сама, кай амэ трэбуй тэ авас лошалэ кодэлэсти, со амэндэ исин (Флп. 4:12). Акэ када сас лэско секрето. Важ о мануш со май куч трэбуй тэ авэл и дружба лэ Иеговаса, ай най о мищимос, саво лэстэ исин (Авв. 3:17, 18).

11. Сости амэ сытювас анда кода, со о Моисеё ԥэндя лэ израильтянонэнди?

¹¹ Амэндэ лэ Иеговаса можэт тэ авэл разно взглядо пэ кода, со трэбуй амэнди важ и жызня. Шон сама, со о Моисеё ԥэндя лэ израильтянонэнди, кала вонэ ԥирэнас па пустыня 40 бэрш: «Тумаро Дэл Иегова блаӷословисардя тумэн андэ всавори тумари дила. Во ӷанэн, сар тумэ ԥирэнас па кадэя бари пустыня. Всаворэ кадэла 40 бэрш тумаро Дэл Иегова сас тумэнца и тумэндэ вся хутилэлас» (Втор. 2:7). Всаворэ кодэла 40 бэрш о Иегова дэлас лэнди тэ хан манна, и лэндири ӥда, андэ сави вонэ вижылэ анда Египто, на сԥирадёлас (Втор. 8:3, 4). Хоть дэсавэ израильтянонэнди най фартэ чалёлас о хамос и ӥда, о Моисеё шутя сама, кай лэндэ сас вся, со трэбуй важ и жызня. О Иегова лэла тэ лошавэл, если и амэ сытюваса тэ авас довольни и ласа тэ блаӷодарисарас лэс пала кода, со амэндэ исин.

ПАТЯН, КАЙ О ИЕГОВА ПОЗАБОТИЯПЭ ПАЛА ТУМЭНДЭ

12. Сар дицэля, кай о Давидо надеияспэ най пэр пэстэ, ай по Иегова?

¹² О Давидо ӷанэнас, кай о Иегова предано и кай во заботийпэ пала пэстирэ служытеля. О Давидо пистросардя о 34 Псалом тоди, кала лэс камэнас тэ умарэн. Но во кадя патялас андо Иегова, кай кабута диқэлас лэстирэ анӷелос, саво стол круӷом лэстэ о лаӷерё (Пс. 34:7). Можэт, о Давидо сыстосардя лэ Иеговастирэ анӷелос лэ воиноса, саво тердёл пэ стража и диқэл, кай тэ на дэн и вороӷоря. О Давидо сас састо воино и о Иегова обещял тэ дэл лэсти царско власть. Но во на надеияспэ пэр пэстэ, кай драго ӷанэн тэ шувидэл и бара анда праща и тэ марэлпэ лэ мечоса (1 Сам. 16:13; 24:12). Во надеиспэ по Иегова и патялас, кай лэско анӷело фэрия лэс. Канешно, амэ на аштярас, кай адес о Иегова стерэла чуда и спасыя амэн. Но амэ ӷанас: кодэлэстэ, ко надеийпэ по Иегова, на авэла кацаво ԥаримос, саво во на виритярэла.

13. Васо можэт тэ здэлпэ, кай амэн най ко тэ защитий, кала дэла о Гого анда Магого, но васо амэ на трэбуй тэ дарас? (Диқэн и картинка пэ обложка.)

¹³ Фартэ ӥто авэла время, кала дицола, пэскати дэ састи амари вера, кай о Иегова можэт тэ защитий амэн. Кала о Гого анда ԥув Магого дэла по народо лэ Дэвлэско, можэт, амэнди здэлапэ, кай амэн нисо на спасыя. Амэнди трэбуй авэла састи вера, кай о Иегова можэт тэ спасый амэн и точно стерэла када. Амарэ вороӷонэнди здэлапэ, кай пала амэндэ най ко тэ зашолпэ. И чаче, амэндэ жэ нинай оружыя, дажэ тэ мараспэ амэ на ӷанас (Иез. 38:10—12). Но и народоря нэ смоӷут тэ полэн, кай по нэбо тердён фартэ бут анӷелоря, савэ ӷотови тэ марэнпэ пала лэ Дэвлэстирэ служытеля. Да и сар амарэ вороӷоря када полэна? Нисар, важ кода кай лэндэ нинай вера! Сар жэ вонэ удивинапэ, кала милионоря анӷелоря дэна пэр лэндэ, кай тэ зашонпэ пала амэндэ (Отк. 19:11, 14, 15).

УЖЭ АКАНА АВЭН ӶОТОВИ КАРИНГ И ВРЕМЯ, САВИ АВЭЛА АНГЛЭ

14. Со амэ можэм тэ стерас, кай тэ авас ӷотови каринг и время, сави авэла англэ?

¹⁴ Со ужэ акана амэ можэм тэ терас, кай тэ авас ӷотови каринг и время, сави авэла англэ? Само ӷлавно — амэнди трэбуй правильно тэ диқас по мищимос и тэ авас ӷотови тэ ашавас вся, со амэндэ исин. Кадяжэ трэбуй тэ авас довольни и тэ цэнисарас и дружба лэ Иеговаса. Со май драго амэ уӷанас амарэ Дэвлэс, со май фартэ лас тэ патяс, кай во можэт тэ спасый амэн, кала дэла о Гого анда Магого.

15. Со поможыяс лэ Давидости тэ патял, кай о Иегова никала лэс на ашавэла?

¹⁵ Подам дума, со инке поможыяс лэ Давидости тэ надеийпэ по Иегова. Во ԥэндя: «Уӷанэн лэ Иеговас и полэн, саво во дэ добро. Бахтало о мануш, саво надеийпэ пэр лэстэ» (Пс. 34:8). Кадэла алава поможын тэ полас, васо о Давидо ӷанэнас, кай о Иегова всегда моӷ лэс тэ подритярэл. О Давидо надеияспэ по Иегова, ай лэско Дэл никала лэс на подвэдияс. Кала о Давидо сас тэрно, во вижыля против о Голиафо и ԥэндя: «Адес о Иегова отдэла тут андэ мэрнэ вас» (1 Сам. 17:46). Потом о Давидо служыяс лэ Саулости, саво най еқвар камэлас лэс тэ умарэл. Но «о Иегова сас лэ Давидоса» (1 Сам. 18:12). О Давидо диқэлас, сар о Дэл лэсти поможыяс, и важ када во ӷанэнас, кай лэско небесно Дад никала лэс на ашавэла.

16. Кала амэ можэм тэ полас, саво дэ добро о Иегова?

¹⁶ Если амэ ужэ акана диқас лэ Иеговаско вас андэ амари жызня, када поможыя амэнди инке май фартэ тэ надеисавас пэр лэстэ май англэ. Например, амэ трэбуй тэ патяс и андэ вся тэ надеисавас по Иегова, кай тэ одмангаспэ па бути и тэ авас по канӷрэсо, или кай о начальнико тэ парувэл амэнди о ӷрафико пэ бути, кай амэ тэ на промэкас ни ек собрания и май бут тэ служысарас. Но со, если о начальнико отԥэнэна, и амэнди прижалапэ тэ ужас па бути. Ласа амэ тоди тэ патяс, кай о Иегова на ашавэла амэн и позаботияпэ пала вся, со трэбуй амэнди важ и жызня? (Евр. 13:5). Пушэн кай и ԥрала и ԥэя, савэ служын полновремено, и вонэ росԥэнэна бут случаёря, сар о Иегова най еқвар поможыяс лэнди тоди, кала када трэбуй сас. О Иегова амэн никала на ашавэла!

17. Саво ӷодово тексто авэла по 2022 бэрш и васо во драго поджал?

¹⁷ О Иегова амэнца, и амэнди най состар тэ дарас кодэлэстар, со авэла англэ. Амаро Дэл никала амэн на ашавэла, если во андэ амари жызня по пэрво ҭан. Кай амэ ужэ акана тэ авас ӷотови каринг и ԥари время, сави авэла англэ, и тэ надеисавас, кай о Иегова амэн никала на помэкэла, о Руководящё совето витидя о Псалом 34:10 сар ӷодово тексто по 2022 бэрш: «Кодэла, ко родэн лэ Иеговас, на хасарэна о лашимос».