Сар и ԥрала и ԥэя прилэн тумарэ советоря?

1, 2. Сости сытеля ек ԥрал?

БУТ бэрша палпалэ дуй старейшыноря авелэ каринг ек ԥэй, сави парашэля тэ ԥирэл пэ собрании. Ек ԥрал заадиносардя лати дэсавэ стихоря, пэскати дэ важно тэ на промэкас и собрании. Но кала вонэ ужэ линэ тэ ужан, и ԥэй ԥэндя лэ ԥралэсти: «Нисо тумэ на полэн». Кадэла старейшыноря сразу динэ лати бут советоря, но дажэ на уӷанглэ, сар вой жувэл и савэ латэ трудности. Важ када ла ԥьяти нисар на поможысардэ лэндирэ советоря.

² Кала о ԥрал вспоминает кодэва случаё, во ԥэнэн: «Андэ кодэва маменто мэ погиндосардэм, кай и ԥэй на стол пэр мэндэ патив. Но потом мэ полэм, кай трэбуй сас най тэ адиносарав бут стихоря, ай тэ задав правильни вопросоря: „Сар тутэ и дила? Сар тути тэ поможысарас?“ Кодэя ситуацыя бутэсти ман сытярдя». Адес кадэва ԥрал — лашо старейшына, саво полэл и жалуий аврэн.

3. Ко андэ собрания можэт тэ дэл совето?

³ О Иегова стодя лэ старейшынонэн тэ заботинпэ пала собрания. Важ када тэ дэн советоря, кала када трэбуй, — лэндири обязаность. Но дэкала када моӷут тэ терэн кадяжэ ԥрала и ԥэя. Например, любо андар мэндэ можэт па Библия тэ дэл совето пэстирэ друӷости (Пс. 141:5; Прит. 25:12). Сар ԥэнэнпэ андэ Титу 2:3—5, и ԥурэ ԥэя моӷут тэ сытярэн лэ тэрнэ ԥэян. И канешно, и родителя трэбуй тэ воспитывают пэстирэ бэятонэн. Хоть кадэя статья пистромэ май бут важ и старейшыноря, авелоп драго кай амэ всаворэ ла тэ роздиқас. Амэ сытюваса тэ дас кацавэ советоря, кай аврэнди тэ авэл приятно лэн тэ виашунэн и тэ прилэн (Прит. 27:9).

4. Пала со амэ подаса дума андэ кадэя статья?

⁴ Андэ кадэя статья амэ роздиқаса штар вопросоря: 1) Васо амэ камас тэ дас совето? 2) Чаче о совето трэбуй? 3) Ко трэбуй тэ дэл совето? 4) Со поможыя амэнди тэ дас лашо совето?

ВАСО АМЭ КАМАС ТЭ ДАС СОВЕТО?

5. Со трэбуй тэ стерэл о старейшына англа кода, сар тэ дэл совето, и васо? (1 Коринфянам 13:4, 7).

⁵ И старейшыноря любин всаворэ́ ԥралэн и ԥэян андэ собрания. Важ када вонэ дэн совето кодэлэнди, ко дуреля лэ Дэвлэстар (Гал. 6:1). Но англа кода, сар тэ подэл дума кацавэ манушэса, авелоп драго, кай о старейшына тэ погиндой, со пала любовь пистросардя о апостоло Павло: «Любовь терпеливо и добро. Любовь... вся виритярэл, всаворэсти патял, пэ вся надеийпэ, вся састэс пэрэандярэл». (Проадинон 1 Коринфянам 13:4, 7.) Кала о ԥрал погиндоя пала кадэла библейски стихоря, када поможыя лэсти тэ полэл, васо во камэл тэ дэл совето. Блаӷодаря кадэлэсти во дэла дума кадя, кай андо совето тэ дицол лэстири любовь каринг о мануш. Если и ԥрала и ԥэя диқэн, кай о старейшына па чачимастэ лэн любий, тоди лэнди авэла май вушэро тэ прилэн лэстирэ советоря (Рим. 12:10).

6. Саво райкано примеро сыкадя о апостоло Павло?

⁶ О апостоло Павло ашадя райкано примеро лэ старейшынонэнди. Например, англа кода, сар тэ дэл совето лэ ԥралэнди и лэ ԥэянди андэ Фессалоники, во спэрва лэн похвалисардя. О Павло шутя сама, кай вонэ предано служын лэ Дэвлэсти и драго терэн лэстири дила. Анда лэстирэ письморя дицол: во ӷанэнас, саво ԥаримос лэнди прижалпэ тэ пэрэандярэн и сар дэ найвушэро лэнди сас (1 Фес. 1:3; 2 Фес. 1:4). О апостоло дажэ пистросардя лэ ԥралэнди, кай вонэ сыкавэн лашо примеро важ авэр христианоря (1 Фес. 1:8, 9). Сар дэ фартэ вонэ сас ради, кай о Павло кадя анда ди лэн похвалисардя! Анда лэдуй лэ Павлостирэ письморя важ кодэя собрания дицол, кай во лэн фартэ любияс. Акэ васо лэ христианонэнди сас вушэро тэ прилэн лэ Павлостирэ советоря, савэ во дэлас ворта (1 Фес. 4:1, 3—5, 11; 2 Фес. 3:11, 12).

7. Васо дэкала на камэлпэ тэ прилас советоря?

⁷ Со можэт тэ авэл, если амэ на погиндосардям, сар тэ дас совето? Ек старейшына ԥэндя: «Дэкала, и советоря на камэлпэ тэ прилэс най важ кода, кай вонэ найлашэ, ай важ кода, кай андэр лэндэ на дицол и любовь». Сости амэ сытювас? Амэ можэм тэ пушас пэстар: «Васо мэ камав тэ дав совето? Важ кода, кай о мануш ман роздражает или кай мэ любисарав лэс и камав лэсти тэ поможысарав?» Если андо совето на дицол и любовь, — вся авэла евья.

ЧАЧЕ О СОВЕТО ТРЭБУЙ?

8. Пала савэ вопросоря трэбуй тэ погиндой о старейшына англа кода, сар тэ дэл совето?

⁸ И старейшыноря на трэбуй тэ грабин тэ дэн совето. Англа кода, сар варикасти тэ дэл совето, о старейшына трэбуй тэ пушэл пэстар: «Трэбуй мэ варисо тэ ԥэнав? Чаче о мануш терэл варисо най кадя па Библия? Или када мэ пэ лэско ҭан просто стердоп па аврятэ?» О мудро старейшына на камэл, кай во тэ авэл сар мануш, «саво на гиндой, со дэл дума» (Прит. 29:20). Но если во на ӷанэн, трэбуй о совето чи най, тоди во можэт тэ подэл дума аврэ старейшынаса (2 Тим. 3:16, 17).

9. Сар лэ Павлостирэ алава поможын тэ полас, кала трэбуй тэ дас совето пала ӥда и внешнё видо? (1 Тимофею 2:9, 10).

⁹ Роздиқаса ек ситуацыя. Лэ старейшынасти на чалёл, сар утидэлпэ варисаво вазвещятелё андэ собрания. И во гиндой: «Чаче кадэва мануш нарушает варисаво библейско принцыпо?» Андэ кацавэ вопросоря нащи тэ надеинпэ пэ пэстири мнения. Важ када во пушэл совето кай авэр старейшына или о вазвещятелё, савэстэ баро опыто. Вонэ моӷут инке еқвар тэ шон сама, со пала ӥда и внешнё видо ԥэндя о апостоло Павло. (Проадинон 1 Тимофею 2:9, 10.) О Павло на ԥэнэнас со можно, ай со нащи. Во просто ԥэндя, кай и христианоря трэбуй «тэ утидэнпэ сэжо... скромно и годяса». О Павло полэлас, кай и ԥрала и ԥэя екжэнэ моӷут тэ витидэн, со тэ лэн пэр пэстэ, если када на жал против лэ Дэвлэско законо. Важ када, о старейшына трэбуй тэ дэл совето тоди, кала диқэл, кай о вазвещятелё утидо найсэжо, и через када и мануша моӷут тэ дэн дума найдраго пала лэ Дэвлэско народо.

10. Пала со амэ трэбуй тэ сэрас, кала авэр христианино прилэл ришэния?

¹⁰ Трэбуй тэ сэрас: дуй христианоря моӷут тэ прилэн разни ришэнии, но всаек вонэ лэдуй авэна правильни. Важ када амэнди нащи тэ ԥэнас лэ ԥралэнди и лэ ԥэянди, со па амарятэ правильно, ай со най (Рим. 14:10).

КО ТРЭБУЙ ТЭ ДЭЛ СОВЕТО?

11, 12. Пала со трэбуй тэ погиндой о старейшына англа кода, сар тэ дэл совето и васо?

¹¹ Если совето всаек трэбуй, тоди ко лэс трэбуй тэ дэл? Например, кала о старейшына камэл тэ дэл совето ла ԥьяти, сави миростэ, или лэ бэятости, лэсти спэрва трэбуй тэ пашол кай о хулай лэ ереско и тэ подэл дума лэса.b Можэт, о хулай ришыя екжэно тэ розлэлпэ андэ кадэя ситуацыя или закамэла тожэ тэ авэл, кала о старейшына дэла дума варикаса анда лэско ери. Кадяжэ, сар ужэ сас ԥэндо андо трито абзацо, дэкала авелоп драго, кай ла тэрня ԥьяса тэ подэл дума и ԥури ԥэй.

¹² Но исин инке ек маменто. О старейшына трэбуй тэ погиндой: «Фэдэр мэ тэ дав кадэва совето или авелоп май драго, кай варико авэр када тэ стерэл?» Например, если о мануш гиндой, кай во нисо на ашэл, авелоп драго, кай лэса тэ подэл дума кодэва старейшына, савэстэ сас кадя жэ по ди. Кацаво старейшына ӷанэна май драго, сар тэ подритярэл кадэлэ манушэс и тэ подтидэл кацавэ алава, савэ дэна зор. Но на трэбуй тэ бистрэс, кай пэ всаворэ старейшыноря исин обязаность тэ придэн зор и тэ дэн библейски советоря лэ ԥралэнди и лэ ԥэянди. Важ када, кала о совето нэобходимо, о старейшына трэбуй лэс тэ ԥэнэн, дажэ если лэстэ на сас кацаво жэ андэ жызня.

СО ПОМОЖЫЯ АМЭНДИ ТЭ ДАС ЛАШО СОВЕТО?

13, 14. Васо важно, кай о старейшына тэ виашунэл лэ ԥралэн и лэ ԥэян?

¹³ Виашунэн. Кала о старейшына гиндой, сар тэ дэл совето варикасти андэ собрания, во трэбуй тэ пушэл пэстар: «Со мэ ӷанав пала кадэва мануш? Со лэстэ терэлпэ андэ жызня? Исин лэстэ трудности, пала савэ мэ на ӷанав? Андэр со во нуждаеца со май фартэ?»

¹⁴ Шон сама по принцыпо, саво запистромэ андэ Иакова 1:19: «Кажно мануш трэбуй май ӥто тэ ашунэл, чем тэ дэл дума или тэ холявэл». О старейшына можэт тэ гиндой, кай во вся ӷанэн пала лэ манушэстири ситуацыя. Но чаче када кадя? Андэ Притчи 18:13 ԥэнэнпэ: «Тэ дэс атвето, кала на виашундян — най годявэрнэс и най пативалэс». И о старейшына трэбуй лично тэ уӷанэн лэ манушэстар пала лэстири жызня, ай най тэ пушэл пала када аврэндар. Кати тоди во можэт варисо тэ ԥэнэн. Сэрэн, сости сытеля о старейшына, пала саво росԥэнэнаспэ андэ пэрви абзацоря? Во поля, кай англа кода, сар тэ заадиной бут стихоря, савэ во подӷотовил, лэсти трэбуй сас тэ пушэл кай и ԥэй: «Сар тутэ и дила? Сар тути тэ поможысарас?» Если и старейшыноря старыинпэ тэ уӷанэн, со терэлпэ кай о мануш андэ жызня, тоди лэндэ вижала тэ подритярэн лэ ԥралэс или ла ԥья.

15. Сар и старейшыноря моӷут тэ прилэн каринг пэстэ о принцыпо анда Притчи 27:23?

¹⁵ Авэн друӷоря лэ ԥралэнди и лэ ԥэянди. Сар амэ ужэ полям, кай тэ дас па чачимастэ лашо совето, на хутилэла кати тэ проадиносарас ек или дуй стихоря анда Библия и тэ росԥэнас, сар лэн тэ прилэн. Важно, кай и ԥрала и ԥэя тэ диқэн, кай амэ заботисавас пала лэндэ, полас лэн и камас лэнди тэ поможысарас. (Проадинон Притчи 27:23.) И старейшыноря трэбуй тэ стерэн вся пэстиря ригатар, кай тэ авэн друӷоря важ и ԥрала и ԥэя андэ собрания.

16. Со поможыя лэ старейшынасти тэ дэл па чачимастэ лашо совето?

¹⁶ И старейшыноря трэбуй тэ на домэкэн, кай пала лэндэ тэ гиндон, кай вонэ вся и время заняти и моӷут тэ подэн дума варикаса, если кати тердяпэ варисо серьёзно. Авелоп драго, кай вонэ всегда тэ витидэн время важ и ԥрала и ԥэя и сразу тэ поможын, если када трэбуй. Ек ԥрал, саво бут бэрша служый старейшынаса, ԥэнэн: «Блаӷодаря кадэлэсти тумэ ашэна лашэ друӷоря лэнди. И тоди авэла май вушэро тэ дэн совето». И инке трэбуй тэ на бистрас: кала амэнди дэл совето амаро друӷо, амэнди май вушэро и май приятно лэс тэ прилас.

17. Кала особено о старейшына трэбуй тэ авэл терпеливо и добро?

¹⁷ Авэн терпеливи и добри. Када особено важно, кала о вазвещятелё спэрва на камэл тэ прилэл библейско совето. О старейшына на трэбуй тэ холявэл андэ кацави ситуацыя, хоть када можэт тэ авэл найвушэро. Акэ со сас ԥэндо пала Иисусо: «Во на ԥагэла комышо, саво подԥагло, и на мударэла фитилё, саво клыийпэ» (Матф. 12:20). Кадя жэ, сар о Христос, кажно старейшына старыийпэ анда ди тэ жалуий лэ манушэн. И важ када во мангэл лэ Иеговас тэ поможый лэ ԥралэсти или ла ԥьяти тэ полэн, васо лэнди динэ совето и сар лэс тэ прилэн. На бистрэн, кай лэнди пэ када трэбуй время. Если кай о старейшына исин терпения, и во дэл дума по доброму, тоди о вазвещятелё лэла тэ гиндой пала совето, ай най пала кода, сар лэс ԥэндэ. И канешно, о совето трэбуй тэ дас кати па Библия.

18. а) Пала со трэбуй тэ сэрэн кодэла, ко дэл совето? б) Пала со дэн дума и родителя пэ картинка каринг и рамка?

¹⁸ Сытён пэ пэстирэ ошыбки. Амэ всаворэ пока нэсовершэни, и важ када амэнди авэла найвушэро тэ прилас всаворэ советоря анда кадэя статья (Иак. 3:2). Амэ всаек терас ошыбки, но давайте тэ сытювас пар лэндэ. Инке най еқвар амэ можэм дэзначай тэ обидим лэ ԥралэс или ла ԥья. Но если вонэ лэна тэ диқэн, кай амэ лэн любисарас, вонэ май вушэро амэн простина. (Кадяжэ диқэн и рамка «Важ и родителя».)

СО АМЭ УӶАНГЛЯМ

19. Со амэ трэбуй тэ стерас, кай лэ манушэсти тэ авэл приятно тэ прилэл совето?

¹⁹ Сар амэ ужэ полям, тэ дас па чачимастэ лашо совето — када баро дело. Сар нэсовершэни мануша, амэ дас советоря кодэлэнди, ко тожэ нэсовершэно. Важ када сэрэн пала принцыпоря анда кадэя статья. Спэрва полэн, васо тумэ камэн тэ дэн совето, пэскати во трэбуй и ко фэдэр лэс тэ ԥэнэн. Англа кода, сар тэ дэн совето, роспушэн и драго виашунэн лэ манушэс. Кадя тумэ полэна, со лэстэ по ди и саво ԥаримос лэстэ исин андэ жызня. Стон пэс пэ лэско ҭан. Старыинпэ тэ подружынпэ лэ ԥралэнца и лэ ԥэянца и тэ андярэн пэс лэнца ковлэс. И на бистрэн: трэбуй най просто тэ дэн лашо совето, но и кай лэ манушэсти тэ авэл приятно лэс тэ прилэл (Прит. 27:9).