«Внимательно ашун, кала дэн дума и мудри»

1. Кала амэнди моӷут тэ дэн совето и васо важно тэ приашундювас каринг лэстэ?

АМЭ ӷанас, кай амэнди всаворэнди дэкала трэбуй совето. Например, амэ екжэнэ можэм тэ мангас, кай кодэва, пэр кастэ амэ стас патив, тэ подԥэнэн амэнди, андэр со амэ трэбуй тэ парудювас. Ай можэт, о ԥрал или и ԥэй пэрэжывают пала амэндэ и на ашэн мулком, если диқэн, кай амэ можэм тэ стерас варисо най кадя (Гал. 6:1). Кадяжэ, если варико андар мэндэ ужэ стердя бари ошыбка, лэсти трэбуй тэ дэн строӷо совето. Сави бы тэ на авэл ситуацыя, амэнди трэбуй тэ приашундювас каринг кода, со амэнди подԥэнэн. Можэт тэ авэл кадя, кай о совето дажэ спасыя амэнди и жызня! (Прит. 6:23).

2. Васо амэ трэбуй тэ приашундювас каринг и советоря, сар ԥэнэнпэ андэ Притчи 12:15?

² Андо ӷлавно стихо важ кадэя статья ԥэнэнпэ: «Внимательно ашун, кала дэн дума и мудри» (Прит. 22:17). Нинай ни ек мануш, саво ӷанэн вся. Всегда исин варико, ко ӷанэн май бут амэндар. (Проадинон Притчи 12:15.) Вижал, если амэ ӷотови тэ приашундювас каринг о совето, када сыкавэл, кай амэ найӷорди. Аврэ алавэнца, амэ прижанас, кай най вся па амаро зор и кай амэнди трэбуй помощь. О мудро царё Соломоно пистросардя: «Если пушэс совето бутэ манушэндар, тоди вся вижала» (Прит. 15:22).

3. Сар о Иегова дэл амэнди советоря?

³ Савэ советоря дэл о Иегова? Исин советоря, савэ во дэл всаворэ́ пэстирэ народости, ай исин кацавэ, савэ во дэл лично амэнди. Сар во дэл советоря всаворэ́ христианонэнди? Через и Библия и амарэ публикацыи. Кала амэ адиносарас и Библия или амарэ публикацыи, амэ можэм тэ полас, кай амэнди трэбуй варисо тэ парувас андэр пэстэ (Евр. 4:12). Но можэт тэ авэл и па аврятэ. Например, старейшына или авэр христианино моӷут тэ ԥэнэн амэнди, андэр со амэ трэбуй тэ парудювас. Можно тэ ԥэнас, кай кадя о Иегова дэл совето лично амэнди. Если о мануш погиндосардя пала амэндэ, виарақля лашо библейско принцыпо и дя амэнди совето, значит, во амэн любий, и амэ важ лэстэ куч. Авелоп драго, кай амэ пэстиря ригатар тэ авас блаӷодарни и тэ прилас о совето.

4. Сар на трэбуй пэс тэ андярас, кала амэнди дэн совето? (Экклезиаст 7:9).

⁴ Чачимос тэ ԥэнас, фартэ найвушэро тэ прилас совето, саво дэлпэ ворта. Амэ дажэ можэм тэ холявас. Погиндон: всаворэ амэ полас, кай нэсовершэни, но кала варико шол сама пэ амари ошыбка, амэнди сразу ашэл нэприятно. (Проадинон Экклезиаст 7:9.) Тоди камэлпэ сразу тэ виболдаспэ анда кадэя ситуацыя. И амэ дажэ можэм тэ дошалярас лэ манушэс, саво дя о совето, и тэ авас нэдовольни кодэлэса, сар во лэс ԥэндя. Андо шэро моӷут тэ авэн кацавэ гиндоря: «Да ко во кацаво, кай тэ дэл манди советоря?! Мэк пэр пэстэ диқэл». Если амэ и дальшэ ласа кадя тэ гиндосарас, тоди амэ можэм тэ промэкас лашо совето или ласа тэ обратисавас кати кодэлэндэ, ко всегда пэ амари риг.

5. Пала со амэ подаса дума андэ кадэя статья?

⁵ Андэ кадэя статья амэ роздиқаса дэсавэ библейски примероря: варико на закамля тэ прилэл о совето, ай авэр прилинэ. Кадяжэ амэ подаса дума, со поможыя амэнди правильно тэ диқас пэ советоря.

ВОНЭ НА ЗАКАМЛЭ ТЭ ПРИЛЭН О СОВЕТО

6. Сар андярдя пэс о Ровоамо, кала лэсти динэ совето, и сости амэ сытювас?

⁶ Подам дума пала царё Ровоамо. Кала во ашэля царёса андо Израилё, о народо мангля лэс тэ на дэл лэнди кадя бут бути, сар када терэлас лэско дад о Соломоно. Спэрва о Ровоамо тердя годявэрнэс и пушля совето кай и ԥурэ старейшыноря. Вонэ ԥэндэ лэ царёсти, кай, если во стерэла кадя, сар мангэл о народо, тоди всаворэ мануша лэна тэ служын лэсти (1 Цар. 12:3—7). Но лэ царёсти када най фартэ чалеля. Важ када о Ровоамо пушля совето кай пэстирэ друӷоря, савэнца вибареля и савэнди сас варикай 40 лет. Кай кадэла мурша ужэ сас варисаво опыто андэ жызня (2 Лет. 12:13). Но андэ кадэя ситуацыя вонэ динэ лэ царёсти найлашо совето. Вонэ ԥэндэ, кай о Ровоамо тэ дэл лэ манушэнди инке май бут бути (1 Цар. 12:8—11). Лэ царёсти динэ дуй разни советоря. Со во моӷ тэ стерэл? Во моӷ спэрва тэ пушэл кай о Иегова, сави ришэния во трэбуй тэ прилэл. Но во када на стердя и приашунделя каринг пэстирэ ровэсникоря, савэ ԥэндэ имено кода, со во камэлас тэ ашунэл. Кадэя ришэния андя бари бида и лэ царёсти, и всаворэ́ народости. Сости амэ сытювас? Най кажно совето чалёла амэнди, но если во дэлпэ па Библия, амэ трэбуй лэс тэ прилас.

7. Сости амэ сытювас анда лэ Уззияско примеро?

⁷ О царё Уззия тожэ на приля ек совето. Во зажыля андэ лэ Иеговаско храмо андэ кодэва ҭан, каринг зажанас кати и рашая, и закамля тэ сԥабарэл о фимиамо. И рашая ворта ԥэндэ лэсти: «Уззия, тутэ нинай право тэ сԥабарэс о фимиамо важ о Иегова! Кати и рашая трэбуй тэ сԥабарэн о фимиамо». Если бы во смирено прилиноп о совето и вижылоп анда храмо, о Иегова, наверно, простисардоп лэс. Но о Уззия андярдя пэс совсем па аврятэ. Во на кангля лэ Иеговас и фартэ росхоляйля пэ рашая. Васо о Уззия на приля о совето? Во фартэ бут гиндояс пала пэстэ: хабис, сар царё, во можэт тэ терэл вся, со камэл. Но о Иегова диқэлас пэ када па аврятэ. О царё на кангля лэс и стердя кода, пэр со лэстэ на сас право. Важ када о Дэл бишалдя по Уззия проказа и во «сас прокажонно жы каринг и смэрть» (2 Лет. 26:16—21). Сости амэ сытювас? Если амэнди па Библия сыкавэн, сави ошыбка амэ стердям, трэбуй тэ парудювас. Если амэ када на стераса, то, сави бы важно дила андэ арӷанизацыя амэндэ тэ на авэл, амэ нэ сможэм тэ авас лэ Иеговастирэ друӷоря.

ВОНЭ ПРИЛИНЭ О СОВЕТО

8. Сар андярдя пэс о Иово, кала лэсти динэ совето?

⁸ Но андэ Библия росԥэнэнпэ инке и пала мануша, савэ правильно андярдэ пэс, кала лэнди динэ совето. О Дэл цэнияс лэн пала када. Подам дума пала Иово. Хоть во фартэ любияс лэ Иеговас и старыияспэ тэ андярэл пэс правильно, во сас нэсовершэно и терэлас ошыбки. Кала лэстэ андэ жызня тердяпэ бари бида, лэсти кадя ашэля ԥарэс по ди, кай во ля нэсправедливо тэ дошалярэл лэ Дэвлэс. Лэстэ сас нэправильно гиндо, и важ када о Елиуё и о Иегова ворта динэ лэсти совето. Сар андярдя пэс о Иово? Во смирено приля о совето и прижангля, кай сас нэправо. Во ԥэндя: «Мэ давас дума пала кода, со на полавас. [...] Важ када мэ отԥэндював пэстирэ алавэндар и каисавав андо прахо и пепло». Лэ Иеговасти чалеля, кай о Иово смирено андярдя пэс, и важ када во лэс блаӷословисардя (Иов 42:3—6, 12—17).

9. Сости амэ можэм тэ сытювас анда лэ Моисеёско примеро?

⁹ Амэ кадяжэ можэм тэ шас сама по Моисеё. Еқвар во стердя бари ошыбка, пала сави лэсти ворта ԥэндя о Иегова. О Моисеё фартэ росхоляйля пэ израильтяноря и нэ прославил лэ Иеговас. Важ када о Дэл на мэкля лэс тэ зажал пэ Обетованно ԥув (Чис. 20:1—13). О Моисеё фартэ пэрэжывал пала када и мангля лэ Иеговас тэ парувэл пэстири ришэния, но о Дэл ԥэндя лэсти: «Будэр на ԥэн манди пала када» (Втор. 3:23—27). И всаек о Моисеё на захоляйля и на ля тэ тердёл пэ пэско. Во приля лэ Иеговастири ришэния, и важ када о Дэл домэкля, кай во и май дур тэ андярэл лэ народос (Втор. 4:1). О Иово и о Моисеё ашадэ амэнди розлашо примеро, сар правильно тэ прилас о совето. Кала лэ Иовости динэ совето, во на ля оправдываца и парудя пэско гиндо. Ай о Моисеё ашэласпэ верно лэ Иеговасти, хоть лэсти ворта динэ совето и во хасардя райкани возможность тэ зажал пэ Обетованно ԥув, сар во фартэ камэлас.

10. а) Васо, сар ԥэнэнпэ андэ Притчи 4:10—13, важно тэ приашундювас каринг о совето? б) Саво лашимос андя дэсавэ ԥралэнди и ԥэянди, кай вонэ прилинэ и советоря?

¹⁰ Кала амэ сытювас кацавэ манушэндар, сар о Иово и о Моисеё, када анэн амэнди ек о лашимос. (Проадинон Притчи 4:10—13.) Бут амарэ ԥрала и ԥэя полинэ када андэ пэстири жызня. О Эммануэлёb анда Конго росԥэнэн: «И ԥрала анда мэрни собрания додиқлэ, кай мэ моӷу тэ хасарав мэрни дружба лэ Иеговаса, и закамлэ тэ поможын манди. Мэ прилэм лэнго совето, и када фэрисардя ман ла бидатар». Ай акэ со ԥэнэн ек пианерка анда Канада, савя ақарэн Меган: «Най всегда камэлпэ тэ ашунэс советоря, но мэ полав, кай би лэнго на обжасапэ». Лашо гиндо ԥэндя и о ԥрал Марко анда Хорватия: «Мэ хасардэм почотно дила андэ собрания, но акана мэ полав: тэ на диноп и ԥрала манди совето, мэ точно оджылоп лэ Иеговастар».

11. Со пала советоря ԥэндя о Клейно?

¹¹ Инке ек лашо примеро ашадя амэнди о ԥрал Карло Клейно, саво служыяс андо Руководящё совето. Еқвар, кала во сас инке тэрно, лэско друӷо о Джозефо Рутерфордо ворта дя лэсти совето. О ԥрал Клейно ԥэнэн, кай спэрва лэсти сас найвушэро кадэлэстар. Акэ со во росԥэнэн: «Пэ авэр разо, кала о Рутерфордо додиқля ман, во радостяса ԥэндя: „Доров, ԥрал!“ Но андо ди мандэ инке сас обида пэр лэстэ и мэ еле-еле атветил лэсти. Во вся поля и дя манди совето: „Ав осторожно! О Сатана камэл тэ астарэл тут!“ Манди ашэля лажаво и мэ ԥэндэм: „Да вся драго, ԥрал Рутерфорд“. Но во полэлас, кай исин проблема, и важ када инке еқвар ԥэндя: „Ладно, кати ав осторожно. О Сатана камэл тэ астарэл тут“. И во сас право. Кала амэ ритярас и холи по ԥрал, особено если во ԥэндя кода, со исин па чачимастэ... лэ Сатанасти май вушэро тэ змарэл амэн па правильно дром»c (Эф. 4:25—27). О ԥрал Клейно приашунделя каринг о совето, саво лэсти дя о ԥрал Рутерфордо, и вонэ на парашэлэ тэ авэн лашэ друӷоря.

СО ПОМОЖЫЯ АМЭНДИ ТЭ ПРИЛАС СОВЕТОРЯ?

12. Сар и смирения поможый амэнди тэ прилас советоря? (Псалом 141:5).

¹² Со поможыя тэ прилас советоря? Амэ трэбуй тэ авас смирени. Важно тэ на бистрас, кай амэ нэсовершэни и дэкала можэм тэ андярас пэс найгодявэрнэс. Сар амэ ужэ дям дума андэ кадэя статья, о Иово дэсо нэправильно полэлас, но потом во парудя пэско гиндо, и о Иегова лэс блаӷословисардя. Со лэсти поможысардя тэ парудёл? О Иово сас смирено. Када дицэля, кала во приашунделя каринг о Елиуё, саво сас цэкнэдэр лэстар (Иов 32:6, 7). Кадяжэ и амэ трэбуй смирено тэ прилас о совето, дажэ кала лэс дэл кодэва, ко май цыкнэдэр амэндар, или кала здэлпэ, кай о совето на поджал. Ек старейшына анда Канада ԥэнэн: «Если амэнди нико на дэл совето, авэла найвушэро тэ ашас май фэдэр». И чаче, амэнди всаворэнди трэбуй тэ старысавас тэ ашас май лашэ учителёря, и тэ терас вся, кай тэ авас инке май пашэ каринг о Иегова. (Проадинон Псалом 141:5.)

13. Сар амэ трэбуй тэ диқас пэ советоря?

¹³ Через и советоря о Иегова сыкавэл пэстири любовь каринг тумэндэ. Амаро Дэл камэл важ амэндэ кати о лашимос (Прит. 4:20—22). О Иегова дэл амэнди советоря через и Библия, через варисави публикацыя или через о ԥрал или и ԥэй. Кадя во сыкавэл, кай любий амэн. Андэ Евреям 12:9, 10 ԥэнэнпэ: «О Дэл сытярэл амэн, кай тэ авэл амэнди драго».

14. Пэр со трэбуй тэ шас сама, кала амэнди дэн совето?

¹⁴ Шон сама по совето, ай най пэ кода, сар лэс динэ. Дэкала можэт тэ здэлпэ, кай амэнди найковлэс динэ совето. Канешно, христианино трэбуй тэ дэл дума драго и тэ подтидэл лашэ алава (Гал. 6:1)d. Но дажэ если амэнди на чалеля, сар сас дино о совето, давайте тэ на бистрас, кай май бут трэбуй тэ шас сама по гиндо, саво амэнди ԥэндэ. Амэ можэм тэ пушас пэстар: «Хоть манди на чалеля, сар сас дино о совето, моӷу мэ всаек лэс тэ прилав? Моӷу мэ тэ на шав сама пэ нэдостаткоря, савэ исин кодэлэстэ, ко дя о совето, и тэ старысавав варисости тэ сытював анда лэстирэ алава?» Чалёл амэнди о совето или най, амаря ригатар авэла годявэрнэс, если амэ лэс приласа (Прит. 15:31).

ЕКЖЭНЭ МАНГЭН СОВЕТО

15. Васо амэ трэбуй екжэнэ тэ пушас совето кай авэр?

¹⁵ Андэ Библия ԥэнэнпэ, кай амэ екжэнэ тэ мангас совето аврэндар. Андэ Притчи 13:10 пистромэ: «Кодэлэндэ, ко родэл совето, — мудрость». Саво дэ лашо гиндо! На аштярэн, пока варико дэла тумэнди совето — фэдэр екжэнэ пашон аврэндэ и пушэн, андэр со тумэ трэбуй тэ парудён. Када поможыя тумэнди тэ авэн май мудри и тэ ашэн май пашэ каринг о Иегова. Важ када терэн вся пэстиря ригатар, кай тэ арақэн совето.

16. Андэ савэ ситуацыи авелоп драго тэ пушас совето кай и ԥрала и ԥэя?

¹⁶ Кала авелоп драго тэ пушас совето кай амарэ ԥрала и ԥэя? Роздиқаса дэсавэ ситуацыи: 1) Ек вазвещятелё ақарэл пэ изучения Библии лэ христианинос, савэстэ исин лашо опыто, ай посли пушэл лэстар, сар тэ ашэл инке май лашо учителё. 2) И ԥэй, сави най миростэ, камэл тэ тинэл пэсти нэви ӥда, и важ када мангэл авря ԥья ворта тэ ԥэнэн лати, со вой гиндой. 3) Лэ ԥралэсти пэрво разо динэ тэ ԥэнэн библейско речь. Во мангэл, кай ек опытно старейшына внимательно тэ виашунэл лэстири речь и тэ дэл совето, пэр со лэсти тэ шол сама. Дэкала дажэ лэ ԥралэнди, савэ ужэ бут бэрша росԥэнэн речи, авелоп драго тэ мангэн совето кай авэр докладчикоря.

17. Васо амэ трэбуй тэ ашунас и тэ прилас о совето?

¹⁷ Амэ диқлям, кай о Иегова сытярэл всаворэ́ пэстирэ народос, ай кадя жэ дэл советоря кажнонэсти лично. Важ када, скати бы тэ на прожал время, амэнди точно варикала дэна совето. Кала када авэла, давайте приласа и важни гиндоря, пала савэ амэ адес подям дума: аваса смирени, шаса сама по совето, ай най пэ кода, сар лэс ԥэндэ, и старысаваса сразу лэс тэ прилас каринг пэстэ. И мудрость на лэлпэ корко пэстар, важ када, сар ԥэнэнпэ андэ Библия, амэ трэбуй тэ ашунас о совето и тэ авас внимательни каринг лэстэ, кай англэ тэ ашас мудри (Прит. 19:20).