Камэс ту тэ парудёс и май англэ?

1. Па саво дром всаворэ амэ жас, сар запистромэ андэ Матфея 7:13, 14?

ВСАВОРЭ амэ жас па дром, саво андярэл каринг и вечно жызня андо раё пэ ԥув, андэ саво лэла тэ правий амаро заботливо Дэл о Иегова. Па кадэва дром амэ жас кажно дес. Но о Иисусо ԥэндя, кай дэкала пар лэстэ найвушэро тэ жас, важ кода кай во вусько. (Адиносар Матфея 7:13, 14b.) Амэ най совершэни, и важ када амэн можэт бут со тэ змарэл па кадэва правильно дром (Галатам 6:1).

2. Пала со уӷанаса андэ кадэя статья? (Диқэн и рамка «Если амэ най ӷорди, када поможыя тэ на сжас па дром, саво андярэл каринг и вечно жызня».)

² Кай тэ на парашас тэ жас па вусько дром, саво андярэл каринг и вечно жызня, амэнди трэбуй тэ камас тэ парувас пэско гиндо и сар пэс андярас. Ай кадяжэ тэ парудювас, если амэнди чалёл кода, со на чалёл лэ Дэвлэсти. О апостоло Павло ԥэндясас лэ христианонэнди, савэ жувэнас андо Коринфо: «Вся и время... парудён» (2 Коринфянам 13:11). Кадэла алава поджан и каринг амэндэ. Андэ кадэя статья амэ подаса дума, сар и советоря анда Библия поможын амэнди тэ парудювас. Сар и друӷоря, савэндэ лащи дружба лэ Иеговаса, поможына амэнди тэ на ашавас кадэва правильно дром. И сар дэкала найвушэро тэ терас кода, со ԥэнэн и ԥрала анда амари арӷанизацыя. Ай кадяжэ уӷанаса, сар кода, кай амэ най ӷорди, поможыя тэ парудювас и тэ на хасарас через када и радость.

ПРИАШУНДЮВ КАРИНГ КОДА, СО ԤЭНЭНПЭ АНДЭ БИБЛИЯ

3. Сар амэнди поможын и советоря анда Библия?

³ Амаро ди можэт тэ хохавэл амэн. Важ када амэнди ԥарэс тэ полас, каринг во можэт тэ одындярэл (Иеремия 17:9). И дэкала найвушэро тэ полас, со амэндэ андо ди. Важ када амэ можэм тэ хохавас корко пэс (Иакова 1:22). Кай кадя тэ на авэл, трэбуй тэ адиносарас и Библия. И алава андар латэ поможына тэ полас савэ амэ, ай кадяжэ тэ полас пэстирэ гиндоря и со амэндэ андо ди (Евреям 4:12, 13). И Библия, сар ренгенто, саво додиқэл кода, со на додиқэса лэ яқэнца. Но кай о совето анда Библия или о совето лэ ԥралэндар тэ анэн амэнди лашимос, амэнди трэбуй тэ авас най ӷорди.

4. Васо можно тэ ԥэнэс, кай о Сауло ашэля ӷордо?

⁴ Сар андярэлас пэс о Сауло, дицол, со можэт тэ авэл лэ манушэса, саво ӷордо. О Сауло ля кадя бут пала пэстэ тэ гиндой, кай дажэ нэ моӷ екжэно пэсти тэ прижандёл андэ кода, кай лэсти трэбуй тэ парудёл (Псалом 36:1, 2; Аввакум 2:4). Лэ Саулостири ӷордость дицэля, кала о Иегова ԥэндя лэсти, со во трэбуй тэ терэл посли кода, кала во вицэлэла пэ война лэ амаликитянонэн. Лэсти нащи сас тэ лэл лэндар нисаво хабэ. Но о царё всаек стердя па пэстирятэ. И кала о пророко Самуило ԥэндя лэсти пала када, во на прижанделя, кай дошало, и дажэ ля тэ отԥэндёлпэ и тэ пэрэшол пэстири дош пэ авэр (1 Самуила 15:13—24). О Сауло най еқвар кадя терэлас (1 Самуила 13:10—14). Во на закамля тэ парувэл пэско гиндо, важ када о Иегова и отбанделя лэстар.

5. Со амэ трэбуй тэ терас, кай тэ на шаспэ по Сауло?

⁵ Амэ на камас тэ терас кадя, сар о Сауло. Важ када трэбуй тэ пушас пэстар акэ со: «Со мэ терав, кала адиносарав и Библия и полав, кай трэбуй тэ парудював? Прижанав мэ пэстири дош чи гиндосарав, кай мэ ни андэр со най дошало или най дошали? Гиндосарав мэ, кай если на кандава лэ Дэвлэс, манди вся обжалапэ? Ай если тердэм варисо най кадя, дошалярав мэ андэ када аврэн?» Если амэндэ исин хоть ек кацаво гиндо, тоди трэбуй тэ парудювас. Ай если на тераса кадя, тоди амэ можэм тэ ашас ӷорди, и хасараса и дружба лэ Иеговаса (Иакова 4:6).

6. Соса о Давидо на шоласпэ по Сауло?

⁶ Посли Сауло царё ашэля о Давидо. Во любияс лэ Дэвлэско законо, ай о Сауло най (Псалом 1:1—3). Еқвар во взвисайля каринг о Иегова кацавэ алавэнца: «Най ӷордонэн ту спасыс, ай кодэлэн, ко заваздэл о шэро, ту сындос и тэлярэс» (2 Самуила 22:28). Кала о Давидо полэлас, кай терэл най кадя, сар пистромэ андэ лэ Дэвлэско законо, во парудёлас. Во пистросардя: «Мэ лава тэ хвалисарав лэ Иеговас, саво дэл манди совето. Дажэ и рятэ мэрнэ гиндоря, савэ андэ мэрно ди, парувэн ман» (Псалом 16:7).

7. Саво лашимос авэла, если амэ най ӷорди?

⁷ Если амэ най ӷорди, амэ ласа тэ приашундювас каринг кода, со пистромэ андэ Библия. И ласа тэ парувас пэско гиндо, важ кода кай нэправильни гиндоря анэн каринг и нэправильно дила. Андэ Библия запистромэ лэ Дэвлэстирэ алава: «Акэ дром, жан пар лэстэ». Кадя во подԥэнэн амэнди, кай тэ на ашавас лэско дром (Исаия 30:21). Если амэ ласа тэ кандас лэ Иеговас, када анэна амэнди ек о лашимос (Исаия 48:17). Тоди амэнди на прижалапэ тэ лажас, кала варико подԥэнэн, кай стердям варисо най кадя. И амэндэ авэла инке май лащи дружба лэ Иеговаса, важ кода кай поласа, кай амэ важ лэстэ, сар бэяцэ (Евреям 12:7).

8. Васо, сар запистромэ андэ Иакова 1:22—25, можно тэ ԥэнэс, кай и Библия, сар юнглинда?

⁸ Часто и мануша англа кода, сар тэ вижан анда цэр, диқэнпэ андэ юнглинда, кай варисо тэ лашарэн. Кадяжэ и Библия, сар юнглинда, поможый тэ додиқас, со трэбуй тэ лашарас. (Адиносар Иакова 1:22—25c.) Латирэ советоря моӷут тэ поможын тэ полас, андэр со трэбуй тэ парудювас. Если кажно дес тэ адиносарас и Библия, тоди можно тэ полас, со трэбуй тэ парувас андэ пэско гиндо. Бутэ ԥралэнди и ԥэянди чалёл тэ адинон тэсараса о стихо по дес. Кадя лэнди май вушэро тэ прилэн андэ пэстири жызня и советоря анда Библия и тэ гиндон кадя, сар чалёл лэ Дэвлэсти. Инке амэнди трэбуй тэ сытювас па Библия кажно дес и тэ гиндосарас пала, со адиносардям. Тэ терэс када найԥарэс, но фартэ важно, и би кадэлэско амэ нэ сможэм тэ жас па дром, саво андярэл каринг и вечно жызня.

ПРИАШУНДЮВ КАРИНГ И ДРУӶОРЯ, САВЭНДЭ ЛАЩИ ДРУЖБА ЛЭ ИЕГОВАСА

9. Кала о друӷо можэт тэ подԥэнэн тути?

⁹ О друӷо, савэстэ лащи дружба лэ Иеговаса, можэт тэ поджал каринг тутэ и тэ подԥэнэн тути, если поля, кай ту лян тэ отжас лэ Дэвлэстар (Псалом 73:2, 3). Если приашундёса каринг лэстэ, тоди ту стерэса правильно. Кадяжэ ту авэса блаӷодарно, кай во подя дума туса, кала када сас трэбуй, хоть лэсти можэт сас и найвушэро када тэ стерэл (Притчи 1:5).

10. Со трэбуй тэ терэс, если о друӷо подԥэнэн тути, кай терэс варисо най кадя?

¹⁰ Андэ Библия исин кацавэ алава: «И дук лэ друӷостар важ кода кай во любий, ай о вороӷо кати бут чуминдэл» (Притчи 27:6). Пала со катэ жал и дума? Представь, кай ту лэ друӷоса пэрэжас о дром. Ту диқэс андо телефоно и на обдиқэспэ па рига. О друӷо резко хутилэл тут и поцырдэл каринг пэстэ. Кадя во фэрий тут ла бидатар. Канешно, можэт тэ ашэлпэ синяко, и о вас можэт тэ дуқал инке най ек дес. Лэса ту пэр лэстэ тэ холявэс? Канешно, най. Наоборот, ту авэса лэсти блаӷодарно, кай на попэлян тала машына. Кадя и о друӷо, кала дэл совето, саво фэрия тут кодэлэстар, кай ту тэ на терэс нэправильно англа Дэл. Спэрва, када можэт тути на чалёла, и можэш тэ холявэс пэр лэстэ. Но када авелоп найгодявэрнэс (Экклезиаст 7:9). Фэдэр тэ поблаӷодарис лэ друӷос, кай во смоӷ тэ пашол каринг тутэ и тэ подԥэнэн, сар правильно тэ терэс.

11. Через со амэ можэм тэ на приашундювас каринг лэ друӷоско совето?

¹¹ Но васо со амэ можэм тэ на приашундювас каринг о совето, саво дэл амэнди о друӷо? Через и ӷордость. Ӷордо мануш на любий тэ прилэл и советоря, ай любий тэ ашунэл кати кода, со лэсти камэлпэ тэ ашунэл (2 Тимофею 4:3, 4). Кацавэ мануша фартэ бут гиндон пала пэстэ и гиндон, кай лэнди на трэбуй тэ подԥэнэн. Но о апостоло Павло пистросардясас кацавэ алава: «Сар варико гиндой, кай во варисо ашэл, тоди сар во нисо на ашэл, во хохавэл корко пэс» (Галатам 6:3). Ай о царё Соломоно ԥэндясас: «Фэдэр чороро, но годявэрно тэрно мануш, чем ԥуро, но най годявэрно царё, саво на камэл тэ приашундёл каринг о совето» (Экклезиаст 4:13).

12. Сости амэ можэм тэ сытювас лэ Петростар, сар запистромэ андэ Галатам 2:11—14?

¹² Сгиндосарам, сар о апостоло Пётро андярдя пэс, кала о апостоло Павло ворта ԥэндя лэсти, со во терэл най кадя. О Пётро моӷ тэ холявэл по Павло, важ кода кай во ворта и англа всаворэ када ԥэндя. (Адиносар Галатам 2:11—14d.) Но о Пётро сас годявэрно мануш. Во приашунделя каринг о Павло и на ля тэ холявэл пэр лэстэ. Потом во дажэ ԥэндясас по Павло, кай во ԥрал, саво лэсти куч (2 Петра 3:15).

13. Пала со трэбуй спэрва тэ погиндос, если трэбуй тэ дэс совето лэ друӷости, саво андярэл пэс нэправильно?

¹³ Пала со тути трэбуй тэ погиндос, если камэс тэ ԥэнэс лэ друӷости, кай во терэл варисо нэправильно? Спэрва трэбуй тэ пушэс пэстар акэ со. На вистос ту пэс фартэ годявэрнэса? (Экклезиаст 7:16). О мануш, саво гиндой, кай во фартэ годявэрно, ԥэнэн кати пэстирэ советоря, ай най па Библия. Во на полэл аврэн. Но если ту диқэс, кай трэбуй тэ подэс дума, тоди ԥэн лэ друӷости, со во терэл най кадя, и пуш лэстар, со во гиндой пала када. Када можэт тэ поможый лэсти тэ полэл, со во терэл най кадя. Дик, кай тирэ советоря тэ авэн па Библия, и на бистэр, кай тиро друӷо дэла отчото англа Дэл, ай най англа тутэ (Римлянам 14:10). На гиндосар, кай ту вся полэс правильно, ай фэдэр дик, со ԥэнэнпэ андэ Библия, и сытюв лэ Иисусостар, саво полэлас лэ манушэн (Притчи 3:5; Матфея 12:20). Када фартэ важно, важ кода кай о Иегова тут полэла кадяжэ, сар ту полэс лэ манушэн (Иакова 2:13).

ТЕР КОДА, СО ԤЭНЭН АНДЭ ЛЭ ИЕГОВАСТИРИ АРӶАНИЗАЦЫЯ

14. Сар о Иегова заботийпэ пала амэндэ через пэстири арӷанизацыя?

¹⁴ О Иегова поможый амэнди через пэстири арӷанизацыя. Через латэ амэндэ исин литература, амаро сайто, видео и собрании. Вся када поможый амэнди тэ прилас и советоря анда Библия. И вся, со амэ уӷанас через и арӷанизацыя, када чачимос, важ кода кай вся када стердо па Библия. Кала о Руководящё совето камэл тэ прилэл ришэния, сар май драго тэ жал лэ Дэвлэстири дила, лэнди андэ када поможый о свынто духо. Но прожал время и о Руководящё совето всаек диқэл, со можно тэ парувэл. Васо? Важ кода кай андэ люма вся йто парудёл, и лэ Дэвлэстири арӷанизацыя трэбуй тэ присытёл каринг варисо нэво (1 Коринфянам 7:31).

15. Со паруделя андэ жызня кай дэсавэ ԥрала и ԥэя?

¹⁵ Да, амэ па чачимастэ камас и терас кадя, сар ԥэнэнпэ андэ лэ Иеговастири арӷанизацыя. Амэ када терас, кала уӷанас, кай варисаво гиндо анда Библия трэбуй тэ полас па аврятэ, чи кала сыкавэн, сар инке о мануш трэбуй тэ жувэл па Библия. Но сар амэ андярас пэс, кала парудёлпэ варисо андэ арӷанизацыя, и када парувэл варисо и андэ амари жызня? Андэ послидни бэрша пэ бутэстэ ашэля май куч тэ строин и залоря, тэ терэн котэ ремонто и тэ потинэн андэр лэндэ и коммуналка. Важ када о Руководящё совето закамля, дэсавэ собрании тэ стидэл андэ ек. Ай дэсавэ Залоря битиндэ. И всаворэ кадэла ловэ жылэ, кай тэ строин Залоря котэ, кай када май трэбуй. Ай можэт и тири собрания стидэ авря собранияса вмести и о Зало, андо саво ту ԥирэсас, битиндэ? И можэт тути найвушэро тэ присытёс каринг и нэви собрания и каринг о нэво Зало. Акана тути прижалпэ тэ тратис май бут время и ловэ по дром, кай тэ доладэс андо Зало Царства. Ай дэсавэ нащи полэн, васо битиндэ лэнго Зало Царства, саво вонэ строинас анда вся оди и пэ саво стодэ бут зор. Вонэ моӷут тэ гиндон, кай евья строинас лэс. Но сар лэнди ԥарэс тэ на авэл, вонэ всаек кандэн, со ԥэнэнпэ андэ лэ Иеговасти арӷанизацыя, и важ када лэн можно анда вся оди тэ похвалисарас.

16. Со поможый амэнди тэ на хасарас и радость, кала варисо парудёл, сар пистромэ андэ Колоссянам 3:23, 24?

¹⁶ Со поможыя амэнди тэ на хасарас и радость, кала варисо парудёл андэ арӷанизацыя? Важно тэ сэрас, кай амэ терас дила важ о Иегова и во диқэл пала латэ. (Адиносар Колоссянам 3:23, 24e.) Амэ можэм тэ сытювас кай о царё Давидо, саво бут со отдя, кай тэ строин о храмо. Во ԥэндя лэ Иеговасти кацавэ алава: «Ко мэ кацаво и ко мэрно народо, кай тэ терас кацавэ пожэртвования екжэнэ пэстар? Вся тутар, и амэ кати отдас тути кода, со тиро вас дя амэнди» (1 Летопись 29:14). Амэ тожэ отдас лэ Иеговасти кода, со во амэнди дя и терас када анда вся оди. И о Иегова фартэ лошавэл, кала диқэл, кай амэ отдас лэсти о зор, и время и ловэ, кай тэ жал лэстири дила (2 Коринфянам 9:7).

НА СЖА ПА ВУСЬКО ДРОМ

17. Васо на трэбуй тэ умэкэс и вас, кала полэс, кай трэбуй андэ варисо тэ парудёс?

¹⁷ Кай тэ на парашэс тэ жас па вусько дром, саво андярэл каринг и вечно жызня, ту трэбуй тэ сытёс лэ Иисусостар (1 Петра 2:21). Драго кала полэс, кай тути трэбуй инке андэ варисо тэ парудёс, кай тэ андярэс пэс сар во. Но на умэк и вас. Када сыкавэл, кай ту кандэс лэ Иеговас. На бистэр, во ӷанэн, кай ту ӷрешно и нэ сможэш тэ авэс точно кацаво, сар лэско Шаво о Иисусо.

18. Со трэбуй тэ терэс, кай тэ жувэс андо раё пэ ԥув?

¹⁸ Никала на сжа па дром, саво андярэл каринг и вечно жызня. И кала полэс, кай трэбуй тэ парувэс пэско гиндо и кода, сар пэс андярэс, тоди парудюв. Ай кадяжэ парудюв, если тути чалёл кода, со на чалёл лэ Дэвлэсти (Притчи 4:25; Луки 9:62). На ав ӷордо. Вся и время радосав, ав ӷотово тэ парудёс, и туса «авэла о Дэл, савэстар жал и любовь и саво терэл, кай тэ авэл мирно» (2 Коринфянам 13:11). Во поможыя тути тэ жас па лэско дром, тэ на хасарэс и радость и тэ жувэс андо раё пэ ԥув.